- إنضم
- 15 مارس 2009
- المشاركات
- 8,149
- نقاط التفاعل
- 3,609
- النقاط
- 356
الحمد لله لي راحتلي شوي قلقة من تاع قبيل ... و الحمد لله لي لعبت ماتش مركيت فيه بيت خلاني نريح مورالمون
يقولو الشوط لول لللاعبين و الثاني للمدربين .. و هذي مقولة صحيحة , يعني بعدما يعاين المدرب حالة كل لاعب و قدرة عطاؤو فوق الميدان , يقوم بتغيير الخطة او ادخالل لاعبين على حساب الخطة المتبعة
المقابلة تاع اليوم تنقسم لشوطين ..قبل دخول غزال و بعد دخولو
الشوط الاول : قبل دخول الغزال و لا الداب حاشاكم
ليكيب كانت تلعب مليح و كان اللعب متوازي و كل الفريقين قادر يمركي و ضيعنا اهداف محققة , الالعبين بذلو لي عليهم و اداو الدور لي كان يستنا فيهم سعدان يديروه ..بصح ديما نفس النقائص تتعاود :
مكانش كراة حقيقية للتهديف تنطلق من خط الوسط بالتجاه المهاجمين .. هفوات دفاعية من الحين لاخر .. و اخيرا بعض اللاعبين اكتفو بتمرير الكراة في عوض ما يدخلو في كامل الماتش و يادو مقابلة قوية ...
لكن ماعليه ..هكذا ولا كثر .. و يعطيهم الصحة
الشوط الثاني بعدما دخل اللي ما يتسمى الغزال في عين امو ( سعدان )
وش نقلكم ..شعب الجزائر كامل كان يستنى في دخول بدبوز اللي دار في ربع ساعة وش ما داروش لخرين في ساعة ونص ... و لكن تجي غلطة العمر , و اللي سعدان يدخللنا محبوب الجماهير ..عفوا مكروه الجماهير ..
كي دخل بدل الماتش ب 360 درجة ..في ضرف دقيقة مسك تريكو تاع لاعب .. لقطة سخيفة كان قادر يستغنى عنها .. وهو يعرف انها تكلفو انذار ..
من وراها دار غلطة اخرى في 18 متر
و من بعد تجي اليد الالاهية كما يسموها ... اللي قام بيها مارادونا و ميسي .. بصح هوما مركاوها .. و الحكم ماشافهمش .. و حنا الـ 9 تاعنا ..نسا بلي راه اطاكون وحط روحو حارس مرمى وراح ليها بيديه
وش كان يحس في ذيك اللقطة روحو ؟؟ تيري هنري .. مارادونا ولا ميسي ؟؟!!
خرج بالحمرة في جاست سخيفة كان قادر يتجنبها و يعاون صحابو في عوض ما يهلكهم .. والله كون ضرب لاعب كيما دار زيدان وخرج ما تغيضش ..بصح يلعب لعب بنات و يحكم البالو بيدو هاذي و الله غير سقاطة
العفسة لخرة هي دخول صايفي ..و هكذا اكتمل العرس ..
دخل الشيكور تاعنا .. الشيخ اللي نورمالمون راه يتفرج في الماتش من دارهم ماشي يلعب فيه ..
اللقطة لي صح تخرج الروح تاع مولاها .. هي كي قبل ما يخلاص الوقت الاصلي و طاح في لارض .. نورمالمون يوقف و يقول لصحابو كملو اللعب ..ان شاء الله رجلو طايرة .. بصح السي خونا هو لي ضيعلنا الوقت .. و بقى نص ساعة وهو متكي و يريكلامي
الهدف لي دخل على شاوشي مهوش غلطة تاعو ...شاوشي دار ماتش في القمة و جبد شحاللا من بيت .. بصح البالو في هذيك اللقطة لحق ليه و هو يبومبي ..على ذيك لي هرب من يديه
المهم راني حكيت .. و علابالي بحاجة ..كون رحت و لعبت كيما موالف نلعب اطاكون في ليكيب ناسيونال ..كون على الاقل مركيت بيت ..ماشي نحكم البالو بيدي
هيا صحيتو
ومنحكيلكمش على الماريكان اللي ولات تخوف كثر من لانغليز
آخر تعديل:
