التشوار اللي يديباسي ليليميت.......

[aidouch]

:sheer:السلام عليكم خاوتي و خياتي:sheer:

كيما قريتو في العنوان موضوعي اليوم رايح يتكلم على
التشوااار
هادي بلهجة منطقتنا
و باش تفهموها كامل
الجهاز تع العروسة
يا خاوتي انا راني نشوف فيها
تبذير في تبذير:du_nno:
على خاترش كاين تشوار من تشوار
بكري انا تحكيلي جدتي و يما
ما كانوش يدو والو
يدو غير الصوالح اللي تنفاعهم
و ثاني بكري ماكانوش حوانت بزاف باش يشرو
و مايقدروش يروحو وحدهم:no_no:
يلزم يرافقهم الاب ولا الاخ
مي لبروبلام دوك التشوار راهو ديباسا ليليميت
مافهمت دراهم كاينين بزااف_o:
ولا الزووووووووووخ:tongue_1:
و لا الفشووش
و لا منعرف واش ليخليهم يدرو هكا
انا شفت
عروسة فاميلتنا راهي توجد في جهاز تاعها
و هي من عائلة متوسطة
يا خويا الله يبارك عليها
دات مارشي كامل
واش من الصبابط
واش من الحوايج تع الدار تع الخروج تع العراس
واش من الروايح
واش من الماكياج
واش من السرابت
واش .....واش
ياوووو ما خلات والو
ياو الشبحات تع البيبيوتاك وشراتهم
و ماننساوش صوالح الكوزينة
و هاد الشيئ تسكن مع عجوزتها
معليش تبدللهم ديكور
هههههههههههههههههههههه
الله يبارك عليها
انا نقول بلاك يكفوها و احد 5 سنين مور الزواج
ربي يحيينا
و فاش دهشت انا
حتا عئلة رجلها و مانساتهومش
كامل داتلهم ليكادو من
الجد
.
.
.
حتى
.
الحفيدة

يارحم بابكم قولولي و فهموني
بالاك نقدر نقتنع باش ندير في عرسي هكا
مي انا في راييي
هاد الراجل سوقراها ياو راهو لقاها واجدة
هههههههههههه
حتى فاليستو و داتهالو واجدة
يعني
ماهوش رايح يخدم عليها
سيرتو في العام الاول
و انتم
واش رايكم في
التشوار الي يديباسي ليليميت
انا راني حابة نسمع جواب يقنعني
بالاك نبدل راييي
راني نسنى في ردودكم
ايااااااااا
هي
.....
:tongue_3:
aidouch


​

 

[** غزال الصحراء **]

تم الإعتماد

ياخي حالة , سما دراهم المهر راحت في الجهاز هاذا و لا كيفاش !

أنا نقول بلي ماشي قاع هاكا , لازم تكون بين و بين ما تروحش صفر اليدين , و ما تديش إقتصاد دولة

يعني تحكم الوسط و صاي ,, مي هي تقولك أنا نتزوج مرة وحدة في حياتي لازم نتهلى في روحي

هاذا هو تخمام النساوين تاوعنا .

 

[BeSt GlAdiAtOr]

صح أختي معك حق
عد أهل العروسة يتكيلفوا وكل واحد يبين ميزانو وقدرتو على الصريف في الجهاز
و مع غلاء كل شي ربي يجيب الخير
ومن لمستحسن الجهاز يكون مقتصر إلا على المستلزمات الضرورية فقط ولا للتفشفيش​

 

[Midia]

yak la3roussa tezawaj mara machi zoje
donc tchawar roha mlih
mé je ss contre almasarif eli bla fayda​

 

[sarah29]

انا اسع مانيش راح نزوج
نخطي عليا هاد الفوربيات
اوكي

 

[sara_k]

والله ظــآهرة سلـــبية فمجتمعـــنآ
بــعد زفــآف أخـــتــي عـــآم
وحـــنــآ نريـكــpـيــريــوْ اللــي صرفنـــآه علـــيــهآ
تبذيــــر والله !!
تــ؛ـحـــيــّــآتـــي
​

 

[shahrazad]

و عليكم السلام بنت عمتي :yahoo:
مازالك صغيــرة على التشوار ولا راكي معولة هاد الصيــف :scared:
ايا ربي يجيب الي فيه الخيــر ...
و الله طرح بزاف شباب و جا سواسوا مع الوقت نتاعو
رانا نشوفو لعرايس يشورو
واش نقوللك والله ماكاش كيما لgور تلقايهم سامبل وميكلفوش رواحهم قاع
تعجبني عقليتهم فهاد الشي بزاااف:thumb_up1:
مي حنا يا لطيــف ...تلقايها تدي معاها كلشي من Aل Z
و من كل حاجا تلقاي 5طبق الاصلhmy:
وبيان سير غير الحاجة الماركة ولمخيرة مام ادا ماقدرتش عليها تسلف وجيبها
سينو تقولك لافامي تاع راجلي يضحكو عليا :crying_1:
ايــه هادي هي العقلية :closedeyes:
ادا كانت تخدم راهي نص مشكلة يعني تنقص على باباها شوية
مي ادا لالا غير قولي خلات عليه :tears:
وهدا غير التشوار بلا مانحكو على العرس حاجا وحدوخرا قاع
والله Vريمو كاين حاجات تكاليف زيادة وخسارة دراهم
نورمالمو كل واحد يدير على قيسو
و هاد الشي قاع غير مظاهر الصح قاع راهو فلهنا وكي تروح لدار راجلها ويتهلا فيها:wink:
راني طولــــت علابالي
ايا سلااام :angel:​

 

[azoula]

والله عندك الحق ختي كيما انا ختي رايحة تتزوج والله فلستنا اشري هاذي اشري هاذي والله عيينا

 

[aidouch]

ياخي حالة , سما دراهم المهر راحت في الجهاز هاذا و لا كيفاش !

أنا نقول بلي ماشي قاع هاكا , لازم تكون بين و بين ما تروحش صفر اليدين , و ما تديش إقتصاد دولة

يعني تحكم الوسط و صاي ,, مي هي تقولك أنا نتزوج مرة وحدة في حياتي لازم نتهلى في روحي

هاذا هو تخمام النساوين تاوعنا .
يعطيك الصحة خويا في هادي راني معاك
يعني تدي و تخلي
مشكور نورت الموضوع
​

 

[aidouch]

صح أختي معك حق
عد أهل العروسة يتكيلفوا وكل واحد يبين ميزانو وقدرتو على الصريف في الجهاز
و مع غلاء كل شي ربي يجيب الخير
ومن لمستحسن الجهاز يكون مقتصر إلا على المستلزمات الضرورية فقط ولا للتفشفيش
ربي يخليك اخي
فرحني ردك المساند
نورت الموضوع
​

 

[لحظة غضب]

الجهاز انتاع لعروسة صح لازم يكونوا مكمل من كل الحوايج مي ماشي لهدى الدرجة

أكيــد العروسة كي تروح لدارها راح تشري حوايج جدد و ألي جابتهم من دارهم ميطولوش

أما لخصوص لكادو لي تديهم لدار راجلها هديك كهدية و تبين على الاحترام مي ماشي لكامل لفامي ألي باينين و راح تسكن معاهم في الدار
و كل واحد و على حساب المقدرة نتاعوا
نعرف ناس حتى المطارح و تديهم اتروح جاهزا من كل حاجة مي المهر نتاعها ثان ماشي قليل عشرين مليوم و ادا قبلت ههههه

مرسي على الموضوع و ربي يجيب لكل واحد نصيب على حسابو​

 

[aidouch]

yak la3roussa tezawaj mara machi zoje
donc tchawar roha mlih
mé je ss contre almasarif eli bla fayda
ااااااااااايه
صح الزواج مرة في العمر
بصح انا في بالي هادوك المصاريف اليتخسرهم
في تفاتف الي ماينفعوش
تخبيهم
تروح تحوس بيهم و لا تشري دار
ولا دير بيهم حاجة تنفعها في المستقبل
باسكو جوسوي سور
على عام ولا عامين تخرج مودا جديدة
تحوس تزيد تشري و او+
باينة يصغارو عليها
اسعدني مرورك اختي ميديا
​

 

[aidouch]

والله ظــآهرة سلـــبية فمجتمعـــنآ
بــعد زفــآف أخـــتــي عـــآم
وحـــنــآ نريـكــpـيــريــوْ اللــي صرفنـــآه علـــيــهآ
تبذيــــر والله !!
تــ؛ـحـــيــّــآتـــي
ايه هادا هو الفساد تع الصح
هي تروح مهنية و مواليها يعشيو يردو في الدين تع الناس
نورتي الموضوع يا الغالية
​

 

[Jagwar]

يهاو كيما يقولك لمثل هذاك :
الزوخ و الفوخ و العشا قرنينة
الناس تاع درك تحب المظاهر تحب تفشفش تحب تخلى الناس تحكى عليهم مورا العرس
و الله تبذير فى تبذير
حتى و لو كاينة الدراهم بصح هذا يسمى تبذير
بيناتنا أنا مرتى رايحة تتصدر بقشابية هههه
مرسى عليك اختى ، تقبلى مرورى المتواضع






​

 

[aidouch]

و عليكم السلام بنت عمتي :yahoo:
مازالك صغيــرة على التشوار ولا راكي معولة هاد الصيــف :scared:
ايا ربي يجيب الي فيه الخيــر ...
و الله طرح بزاف شباب و جا سواسوا مع الوقت نتاعو
رانا نشوفو لعرايس يشورو
واش نقوللك والله ماكاش كيما لgور تلقايهم سامبل وميكلفوش رواحهم قاع
تعجبني عقليتهم فهاد الشي بزاااف:thumb_up1:
مي حنا يا لطيــف ...تلقايها تدي معاها كلشي من Aل Z
و من كل حاجا تلقاي 5طبق الاصلhmy:
وبيان سير غير الحاجة الماركة ولمخيرة مام ادا ماقدرتش عليها تسلف وجيبها
سينو تقولك لافامي تاع راجلي يضحكو عليا :crying_1:
ايــه هادي هي العقلية :closedeyes:
ادا كانت تخدم راهي نص مشكلة يعني تنقص على باباها شوية
مي ادا لالا غير قولي خلات عليه :tears:
وهدا غير التشوار بلا مانحكو على العرس حاجا وحدوخرا قاع
والله Vريمو كاين حاجات تكاليف زيادة وخسارة دراهم
نورمالمو كل واحد يدير على قيسو
و هاد الشي قاع غير مظاهر الصح قاع راهو فلهنا وكي تروح لدار راجلها ويتهلا فيها:wink:
راني طولــــت علابالي
ايا سلااام :angel:
هههههههههههههههههههه
علابالي مزلني صغيرة على الزواج
بصح
ولا لازم نديرو كامل هاد الصوالح في التشوار
يلزمني نبدا من دوك نجهز باش مانخلي روحي و منخلي مواليا جيني ساهلة
ايا يعطيك الصحة حنونتي نورتيلنا الموضوووووع
​

 

[aidouch]

لقاو الراجل مسكين عاقل غير هات هات علاه ميديروش واش يحبو هههههه
حنا شعبنا يبغي يقلك منقبلش حتي واحد يحتقرني علا ديك يقوم بروحو ولا تقوم بروحا من اجل اخراص الافواه
كامل يحبو يتباهو ويبينو رواحهم سواء الرجل والمراه

يا خويا ذوك تبدلت العقلية الراجل فطن و ماولاش يفورني على المراة بلاك الصداق تاعها و مايعطيهلهاش
يتسما طفرت على مواليها مساكن سيرتو ويدا كانت متخدمش
نورت الموضوع اخي الكريم
​

 

[aidouch]

الله عندك الحق ختي كيما انا ختي رايحة تتزوج والله فلستنا اشري هاذي اشري هاذي والله عيينا

ايييييييييه يا اختي واش حبيتيني نقولك ربي معاكم و ان شاء الله ربي يهديها باش تخفف شوية القضيان
نورتي الموضوع مشكورة
​

 

[aidouch]

يهاو كيما يقولك لمثل هذاك :
الزوخ و الفوخ و العشا قرنينة
الناس تاع درك تحب المظاهر تحب تفشفش تحب تخلى الناس تحكى عليهم مورا العرس
و الله تبذير فى تبذير
ههههههههههههه
و الله هي خير
ايييه صح و الله غير الزوخ اليقتلهم
اما هادا كامل تبذيييييييير
تشرفت بيييييك اخي الكريم
مشكووووووووور
حتى و لو كاينة الدراهم بصح هذا يسمى تبذير
بيناتنا أنا مرتى رايحة تتصدر بقشابية هههه
مرسى عليك اختى ، تقبلى مرورى المتواضع
​

 

[DARINE05]

ايه تزوج خطرة في حياتها لازم تدي معاها شوي وشوياات

علابالك قبل العرس معا تقولو ندي هاذي يقولها اديها وزيدي خمس حوايج فوقها

مي بعد الزواج يقولها وش ديري بيهم كل يوم تشري نتي وينهم ديجا حوايج اللي جبتيهام معاك وهي تكون جابت غير شوي

مالا خليها تبروفيتي وتدي باه مبعد كي تشري كي ماتشريش تكون ما نقصتها حتى حاجة هههه

شكرا على الطرح

 

[aidouch]

ايه تزوج خطرة في حياتها لازم تدي معاها شوي وشوياات

علابالك قبل العرس معا تقولو ندي هاذي يقولها اديها وزيدي خمس حوايج فوقها

مي بعد الزواج يقولها وش ديري بيهم كل يوم تشري نتي وينهم ديجا حوايج اللي جبتيهام معاك وهي تكون جابت غير شوي

مالا خليها تبروفيتي وتدي باه مبعد كي تشري كي ماتشريش تكون ما نقصتها حتى حاجة هههه

شكرا على الطرح
ايييييييييييييييييييييه صح هادي راحتلي من بالي
بصح ماشكيتش الرجال يتبدلو 180 درجة مور زواج
مام ولا مايشريلهاش مرة في الشهر
يشريلها من العام للعام
نورتي ختيتو
مشكورة
​