وجه النحس ,,, واش رايكــــــم !!!

[لحظة غضب]

السلام عليكم

واش راكم خاوتي صافا ؟؟

حبيت تعطوني رايكم في واحد الموضوع

قبل منكتب الموضوع ترددت بزاااف وفي الاخير قررت باش نكتبوا حبيت تعطيوني رايكم و هدا مكان

يعني انا ماعلباليش واش دخل الناس سيرتو في الهدرة لي ماشي مليحا وتجيب الضر للناس

و انا نشوف لعباد هدوا يقعدوا غير يعسو
و كيما يقلم المثل

الجمل يشوف حدبت صاحبو ميشوفش حدبتوا

واحد نعرفوا كان مع وحدة و العلاقة نتاعهم لباس بيها و مكان حتى مشاكل و كي قرر هدا الجون باش يروح يخطبها قال ليماه و قالتلوا اهدر مع الطفلة و انا نروح نهدر مع يماها

وممبعد هدا كان مريح مع واحد وقاعدين يهدروا و راكم عارفين ليجون و قصرتهم

هدرا تجيب في هردة حتى قالوا راني رايح نخطب هديك الطفلة و نهدر عليها و ممبعد هدا الشر و النحش واش يروح يقولوا والله ممليحا ليك و دايرا و عاملة و كانت مع هداك و مع هداك و يحلف و يتكتف يعني واش رايكم في ناس كيما هدوا ؟؟؟
و لوكان كانت الهدرة كاينا منها معليش حب يخسر بيناتهم علاه خاطر حوس عليها من قبل و عكساتو
وواش يقلوا كلما تكون فايتا عليا تكحلي و تشرلي و مشات مع جاري و خرجت معاه و عملت
مي الحمد لله مزال شويا ناس فيهم الخير
وزاد هدا السيد راح سقسا هدا لي قالو كانت معاه و خرجت و عملت قالوا مكاش منها و كونك مهني الطفلة مليحا و عاقلة و مديرش على هدرة الناس
ونورمالمو راك عارف واش خيرت

حبيت تعطوني واش راكم في واحد حثالة و رخيس كيما هدا
مزالوا عباد دايرين هكدا
نورمالمو رانا في 2010 و لالا ؟؟ و العقلية تبدلت شويا ​

 

[dana1993]

السلام عليكم اختي لحظة غظب
برك لفت انتباهي عقلية 2010 يعني قصدك انو زعما تحضرنا مي هذا ماشي داخل فالحضارة نقولك الصح الناس هاذوك ينفعو بيسك اي حاجة تتبنى على الصدق هو الساس اذا ماكانش هذا طاح كلش لازم هاذيك الطفلة قبل ميفوتو للصح تصارحو بكلش قبل ميحكولو الناس وهو كي يسمع من الناس يكون علابالو ويزيد ثيقتو بيها كثر وكثر و الناس هاذوك يخزاو بعموراتهم
هذا رايي وربي يستر على الوليات كامل

 

[اسماء18]

يا ختي لكتيبة صغيرة بزاف ما قدرتش نقراها بصح بالاك لحكاية على التمنشير

 

[لحظة غضب]

السلام عليكم اختي لحظة غظب
برك لفت انتباهي عقلية 2010 يعني قصدك انو زعما تحضرنا مي هذا ماشي داخل فالحضارة نقولك الصح الناس هاذوك ينفعو بيسك اي حاجة تتبنى على الصدق هو الساس اذا ماكانش هذا طاح كلش لازم هاذيك الطفلة قبل ميفوتو للصح تصارحو بكلش قبل ميحكولو الناس وهو كي يسمع من الناس يكون علابالو ويزيد ثيقتو بيها كثر وكثر و الناس هاذوك يخزاو بعموراتهم
هذا رايي وربي يستر على الوليات كامل

صح عندك الحق لازم عليها تصارحو من قبل
مي المشكل لهنا أنو مكاش منها و مكانتش معاه من قبل
كيما قلت الفوق خاطر حوس عليها و عكساتو حب يديرلها هدوا ليبروبلام
و لهنا ثان تصارحو و تقولوا حوس عليا فلان ؟؟؟
انظن لهنا هدى حاجة متنهدرش و لالا ؟؟

 

[لحظة غضب]

يا ختي لكتيبة صغيرة بزاف ما قدرتش نقراها بصح بالاك لحكاية على التمنشير

ههههههههههههههه
ماشي على التمنشير كونك هانية
ديري كوبي كولي و كبري الكتبة و اقراي و مديلي رايك
وراني كبرت الكتبة لهنا

 

[Sârsoùra L'mkàlChà]

عندي حساسية تع العينين و نواضري نسيتهم
ضروني عينيا
بالصح ماعليش فهمت شوي
الناس هاذي ولات تحشر روحها في كلش سيرتو الدزيريين
عقلـــــــــdzـــيـــــــة
​

 

[لحظة غضب]

عندي حساسية تع العينين و نواضري نسيتهم

ضروني عينيا
بالصح ماعليش فهمت شوي
الناس هاذي ولات تحشر روحها في كلش سيرتو الدزيريين
عقلـــــــــdzـــيـــــــة​

معليش ربي يجيبلك الشفا
و بلاكي تنساي نواضرك خطروخرا

 

[mimi.dz]

ziassia ..:::... ســـابقــــــــا
وقت طويــل مشفناكش منورة اللمه
توحشناك

موضوعك يحكي على حاجة شفناها بزاف في حياتنا
ورجعت طبيعة عند الشباب ولبنات سواء
كل واحد يحكي واش يفيدو
وكاين اللي ينتقم من غيرو بهاذ الطريقة
مي كل ما رايح تزيد وتنتشر وسط مجتمعاتنا
والمشكل انو تخرب بيوت عامرة
ربي يهدي ما خلق
​

 

[dana1993]

صح عندك الحق لازم عليها تصارحو من قبل
مي المشكل لهنا أنو مكاش منها و مكانتش معاه من قبل
كيما قلت الفوق خاطر حوس عليها و عكساتو حب يديرلها هدوا ليبروبلام
و لهنا ثان تصارحو و تقولوا حوس عليا فلان ؟؟؟
انظن لهنا هدى حاجة متنهدرش و لالا ؟؟

نو تهدر علاه لالا بيسك اذا راه صح ناوي يخطب قولي صاي ولا مسؤول عليها
و انا قصدي تصارح لي راح يخطبها ماشي لي عاكسها
و كيما قتلك تقولو كل كبيرة صغيرة باه يقبلها كيما راهي ماشي حتى تطفر وتولي في مشاكل كبار لالا؟ جابلي ربي هاذا الصح

 

[لحظة غضب]

ziassia ..:::... ســـابقــــــــا​

وقت طويــل مشفناكش منورة الله
توحشناك​

موضوعك يحكي على حاجة شفناها بزاف في حياتنا
ورجعت طبيعة عند الشباب ولبنات سواء
كل واحد يحكي واش يفيدو
وكاين اللي ينتقم من غيرو بهاذ الطريقة
مي كل ما رايح تزيد وتنتشر وسط مجتمعاتنا
والمشكل انو تخرب بيوت عامرة
ربي يهدي ما خلق​

الله يسلمكــ حنونة و ربي يخليكـــ

عندك الحق ماشي غير عند ليجون برك حتى لبنات كاينا
و آمـــين ربي يهدينا و يهدي جميع المسلمين

مشكووورة على المرور ​

 

[لحظة غضب]

نو تهدر علاه لالا بيسك اذا راه صح ناوي يخطب قولي صاي ولا مسؤول عليها
و انا قصدي تصارح لي راح يخطبها ماشي لي عاكسها
و كيما قتلك تقولو كل كبيرة صغيرة باه يقبلها كيما راهي ماشي حتى تطفر وتولي في مشاكل كبار لالا؟ جابلي ربي هاذا الصح

وي علبالي مي انا ثانيك قولتلك كي تصارحو واش تقولوا ؟؟ تقوللوا كان يحوس عليا فلان و فلان انا بالنسبة ليا لوكان مشات معاه و دارت علاقة بيه ثما تقولوا ولا راني غالطة؟ ؟ ​

 

[dana1993]

وي علبالي مي انا ثانيك قولتلك كي تصارحو واش تقولوا ؟؟ تقوللوا كان يحوس عليا فلان و فلان انا بالنسبة ليا لوكان مشات معاه و دارت علاقة بيه ثما تقولوا ولا راني غالطة؟ ؟ ​

كومام ختي ماعليش لا علينا هههه
نسقسيك ههههه على لقراتوي كاش سيت يبعث اساماس قراتوي؟؟؟؟ والله محتاجاتو

 

[معاك يا الخضراء]

اسناي سع نقلك شكون وجه النحس بالنسبة ليا
او كريم ايت عثمان هو الي نحس ليكيب تاعنا :busted_red::busted_red:

اما الهدرة تاعك صح كاينة منها
و فيها مشاكل بزاف
توصل لقذف المحصنات و نميمة و فتنة و مشاكل كبار بزااف :no_1::no_1:
الله يهدي جميع من عنجو الصنعة الخامجة هادي
انا مانهدرش على عبد بالوكان يعود كارينه كل عندي
يعطيك الصحة ​

 

[Sârsoùra L'mkàlChà]

معليش ربي يجيبلك الشفا
و بلاكي تنساي نواضرك خطروخرا

زعفتي مني حنوونة ؟؟
راني غير نقصر معاك برك
​

 

[ماكانش]

ليجان تاع الوقت هادا ماشي رجالة، ذكور برك
الرجولة شيء والذكورة شيء اخر
والفاهم يفهم ...​

 

[said prince of p]

ختي نقولك حاجة كاينين عباد فيهم العيوب المليار يبطلو الخطبة حتى تاع خوتهم وش راح دير ربي يهديهم ونتمنى مايكونوش ناس اللمة منهم

 

[ميسومة الدلوعة]

ما زلتي حنونة ماشفتي والوا كاينة هدرة كترمن هك
صح هادو الناس ما يستاهلوش يعيشو و بالعكس رانا في 2010 زادت الحالة هادي ماشي نقصت وكيما يقول لمتل الي فيه نgة ما تتنgة
شكرا اختي على الموضوع

 

[INATA LOTUS]

افففففففف الناس كاتلتهم الهدرة اللي يسمع هاك يحسبهم مهنيين و هوما راهم مدمرين ومايلهاوش بصوالححم

 

[لحظة غضب]

اسناي سع نقلك شكون وجه النحس بالنسبة ليا

او كريم ايت عثمان هو الي نحس ليكيب تاعنا :busted_red::busted_red:​

اما الهدرة تاعك صح كاينة منها
و فيها مشاكل بزاف
توصل لقذف المحصنات و نميمة و فتنة و مشاكل كبار بزااف :no_1::no_1:
الله يهدي جميع من عنجو الصنعة الخامجة هادي
انا مانهدرش على عبد بالوكان يعود كارينه كل عندي

يعطيك الصحة ​

صح عندك الحق كاينا منها

الله يهدي ما خلق

مرسي على المرور ​

 

[لحظة غضب]

ليجان تاع الوقت هادا ماشي رجالة، ذكور برك

الرجولة شيء والذكورة شيء اخر

والفاهم يفهم ...​

مزالت الدنيا بخير
و مزال كاين رجال و كيما يقلك المثل صبعتين يديك ماشي كامل كيف كيف
شكرا على المرور ​