ياخي ماراكمش منهم ...

[ماكانش]

السلام عليكم ورحمة الله وبركاته
واش راكم خاوتي لاباس بخير
ياخاوتي راكم تعرفو ليامات هادو المونديال وراكم تعرفو الحالة كيفاه
وراكم تعرفو حالة الزوالي :lol: لا جزيرة لاكارتة لاوالو هههه
واليوم راكم تعرفو ماتش مليح البرتغال والكوت ديفوار قلت نروح للقهوة نتفرج
ياخي رحت تفرجت لقيت الناس الي مانحملهمش
ياخاوتي كامل محللين، وكامل يعرفو للبالون وكامل يعرفو للالبيتراج و...
والله ماكانش لقطة دارها لالبيتر الا وغلطوه فيها ... ماقاسوش، ماشي كوفرون راهي بيدو
راهو قاسو ووو افففففف
وهاذو كامل لاعلاقة بالبالو واحد باركينg وواحد زلابجي وواحد حابس و...
من بعد دخل عساس سب كريستيانو قال عليه ماشي جوا رووو
والله ضرني قلبي صح صح
وعلاه مانعرفوش قدرنا ... وعلاه نحكيو في كلش ...
والله نكره هاد لعباد قد قد ياخي ماراكمش منهم برك هههههه​

 

[** غزال الصحراء **]

تم الإعتماد + ما نكذبش عليك انا واحد منهم .

 

[INATA LOTUS]

الله يحسن العون

 

[ماكانش]

تم الإعتماد + ما نكذبش عليك انا واحد منهم .

رب يحفظك خويا لعزيز
ههههه
لالا ماراكش منهم ههههه

 

[abdelmalek88]

انا نتفرج سيلونس مي صحابي كيما راك تقول انت قاعهم طارق دياب كون جات الجزيرة ودارت الاستديو معانا خير ليها من المحللين تاعها ​

 

[dana1993]

السلام عليكم
ههه و الله كاين منها هاذي اييييييييييه يطلعولك الغاز
الله ليوصلنا ليهم
انا ماتش تاع الدزاير تفرجت منو شوي فالنت على المباشر من الجزيرة +10 هههه بلاش وبلا دراهم وين يكون لقراوي نكون
اليتيمة راحت و الجزيرة 1 و 2ميفوتوش ليماتش و ديمو سونكارت واش نديرو لازم نخربشو باه نلقاو
بارك الله فيك وربي يصلح لبلاد ولعباد

 

[ماكانش]

انا نتفرج سيلونس مي صحابي كيما راك تقول انت قاعهم طارق دياب كون جات الجزيرة ودارت الاستديو معانا خير ليها من المحللين تاعها ​

هههه
مام خوك جابد وحدي وحاكم قدري
الله غالب ماكانش الدراهم برك هههههههههه

 

[ماكانش]

الله يحسن العون

امين حبيبي لعزيز

 

[poli]

hhhhhhhh.......oskot bark hado jab rabi rojala
chof 7alt labnet kano la mkhal9 makhlo3in fi rwa7hom li tachri sayidati w li takrah el sport w li latya bi 3morha 7ata w tawil
.........mais mali rab7at dz fi el foot
walaw bokol khobara2
w se7 se7 ana nakrah el balo bse7 dz ntab3 mais
manodch na7al hhhhhhhhhhh

 

[sarah29]

لالا خويامكانش ماكانش كيفي
ربي يسترنا و يعافينا منهم
ههههههههههه
شكرررررااااااا عللى الموضوع

 

[ماكانش]

السلام عليكم
ههه و الله كاين منها هاذي اييييييييييه يطلعولك الغاز
الله ليوصلنا ليهم
انا ماتش تاع الدزاير تفرجت منو شوي فالنت على المباشر من الجزيرة +10 هههه بلاش وبلا دراهم وين يكون لقراوي نكون
اليتيمة راحت و الجزيرة 1 و 2ميفوتوش ليماتش و ديمو سونكارت واش نديرو لازم نخربشو باه نلقاو
بارك الله فيك وربي يصلح لبلاد ولعباد

والله الجزائر ماهي تفريجة تبان نشرة هههههه

 

[amouna.dz]

موضوعك هايل يعطيك الصحة خو
نقللك الصح انا الحاجة اللي نعرفلها ونفهملها نهدر فيها مي الحاجة كي نعود ما نفهملهاش ما نهدرش خلاص
ميرسي بارك الله فيك على الموضوعك
​

 

[maya31]

يا خو هادي هي
كل واحد يحب يفرض رايه
صحيح هي كامل نعلقو على ليماتش و نهدرو بصح كاين الي يفوتو الحدود تقول هو الي هايربح

​

 

[شتوان]

ههههههههههه
كنتقلق لازم نهدر نخاف نترطق سورتو
المنتخب الوطني منقدرش نصبر
الله غالب .............

 

[missa_1]

ههههههههههههههههه هاو لازم فيها تقرعيج باش يفوت الماتش زين

 

[معاك يا الخضراء]

هههه// لالا ما نحللش مي نعيط حتى يروح صوتي
و كي نخسرو نبدا نسب هاداك حابس و هاداك تكسرو رجليه..الخ :glare::glare:​

 

[ماكانش]

هههههه أنا في كل ماتش تلقاني نعلق حتى بابا يقولي ...نحبسو الvوليم وعلقي نت


لكن مانسبش لالا غير نهدر هههههههه​

هههههههههههه
والله مام انا قريب قلتها لواحد ههههههه
لالا مليح لواحد يهدر يفرغ قلبو مي ماشي مليح يكثر فيها

 

[menoubia]

نوووووووووووووو منعلقش بلعكس منحملش يلي يعلق
حتى تعليق نتاع صحافي في تلفزيون منحبش نسمعلو الله غالب نحب نتفرج على صمت
مرسي على موضوع

 

[شهد.]

كي يكون بادي الماتش اسكت وجمع ايديك وتفرج بسك لوكان نهدر يخرجوني برا
وراك عاف انا طفلة وما نقدرش نروح للقهوة هههههههههههههههه
انا نتفرج غير بوحدي تلقاني مدابزة دايما انا ولاربيت
​

 

[MR-REDOUANE]

انا ندير الصوالح الي راك تهدر عليهم بصح ماشي جهلا مني اني نقول لاربيتر غالط و لا هذا الجوار حمار باه ندير لومبيونس برك و كونتر لصحابي باش نقلقهم