بنت الجزائر و افتخر
:: عضو مثابر ::
- إنضم
- 13 جوان 2010
- المشاركات
- 881
- نقاط التفاعل
- 17
- نقاط الجوائز
- 157
كل اللي يعرفوني يشوفوني دايما متبسمه و فرحانه و زاهيه
بصح ما يعرفوش واش راه في قلبي انا حبيت نقوللكم كل واش
راني مخبيه في قلبي و كل همومي و سمحولي اذا غادي نطول عليكم شويه
:heh::crying:
بصراحه بلا ما نطول انا بروحي ما رانيش عارفه روحي:crying_1:
مرات نبكي بلا سبب نتقلق بزااف و بسرعه في الدار
انا و ختي ما نتفاهموش ما نحكيلها ما تحكيلي هي بروحها خاطيها كلش
عندي بزاف صحاباتي خانوني و باعوني في لحظه
كانت عندي صحبه كنت معاها تسع سنين خليتني و صاحبت وحده ............. لا تعليق
انا متفوقه في القرايه نقرا مليح بصح ما رانيش عارفه علاش البنات
يحوسو يقلقوني و يزعفوني مع انني نهدر معاهم نورمال و نحترمهم و خاطيني و خاطيهم
بصراحه انا عندي وحده حبيتها كي ختي بصح غي هاد العام يعني هي مليحه بصح ما نعرفهاش قد ما ندير الثقه فيها
المهم احلامي كبيره بزاااااااااااف و تاني انا رومانسيه بزاف اي حاجه صغيره تبكيني
كل خطره نقول غادي نتبدل و نقعد كيما انا ما رانيش عارفه اصلا علاش حابه نتبدل
و بالنسبه للبنات كل مره نقول راهم يغيرو مني و نقعد نبكي داخل قلبي و بصراحه كرهت
مارانيش عارفه شاندير خطراتش تلقوني نضحك و قلبي يبكي
هدا هو كلش حبيت نقوللكم على همي و اتمنى اني ما طولتش عليكم
سمحولي اذا زدتكم همي على همومكم بصح الله غالب ما عندي لمن نحكي ما عندي لمن نقول
و انا راني دايرتكم كيما خوتي و خواتاتي و بالاك كتر و لو كان ما نحبكمش ما نقوللكمش على همي
تحياتي
