وشنهي هادا الجيل جايبها عقلية ماريكان

[ولد الــdz]

السلام عليكم ورحمة الله تعالى و بركاته
هذا هوا موضوعي الاول في منتداكم فاتمنى ان ينال اعجابكم
المهم
اليوم حبيت نهدرلكم على الشباب تاعنا لي جايبها عقلية ماريكان و غرب
شوفو
ايا مالا وحد النهار رحت توال صحبي
و مالا كان توالو وحد الطفل هكذا
اللبسة حدث ولا حرج و الجال مداير حالة
المهم ايا هكذا شوية و عرفت بلي عندو انترنت
مالا قتلو وشمن منتدى راك مسجل فيه قالي ستار تايمز
ايا و قتلو تعرف تبيراتي
قالي هيه
قتلو و تعرف كيفاه تشفر السرفر
سكت
لقيتو 0 في الهكر
ايا قتلو تعرف الهكر
هههههه
قالي وش معناها
و طرطقت من الضحك في داخلي
المهم
و قتلو تلعب contre strike 1.6
قالي هيه
قتلو شفت كيما يحلى اللعب
واحد مينوضك قالي هيه
قالي حتى صلاة الجمعة منصليهاش
نقعد نلعب فيه
يخي جيل يخي
ايا و قتلو انت تصلي
قالي اها
قتلو pk
قالي
معنديش الوقت
هههههههههه
و مبعدا قالي او عندنا groupe تاع وحد الرياضة كيما تدير حركات في الحيوط
ايا و هكذا قالي اي ولات dimodi :glare::glare::glare::glare:
و مالا كنت بالبسكلات قالي روح بيع تاعك و اشري وحدة آنسيستي
رايحين نديرو groupe
:scared::scared::scared::scared:
ايا قتلو ماكالاه نجي معاكم
و قتلو وشمن غنى تسمع قالي electronic
:music_whistling::music_whistling::music_whistling:
و الله عقلية ماريكان
يا جماعة وشنهي هذا الجيل تاع ضكا؟
يتشبهو بالغرب بكل وش يديرو
ووش رايكم ماهو السبب الرئيسي في ذلك؟؟؟

 

[** غزال الصحراء **]

تم إعتماد الموضوع

واش نقولك يا خويا جيل اليوم جيل ما يساعفش قاع , جيل الستيل و الماي ماي جي الصح ماكانش بلاصة للراكاي !! علابالك ثقافتنا ما ربطتنا بوالو يعني ماكانش حوايج خرجو من عدنا اللي نلصقو فيهم و نتبعوهم ,, الشي الوحيد اللي يدور هو الثقافة الغربي , و محتمة عليك تبع و لا موت عقلية ( عولمة )

و حكاية الصلاة نقولك :

(( تسقسيه تقولو تصلي يقول اه وي سور خير منك ** الفم ديما مشرك و العمل ديما مبنك ))

اه ويلي ويلي على هاذ الجيل .

 

[°~Kenza_02~°]

التقليد الاعمى .......من النت والتلفزيون.والبعد على الدين والقيم الاخلاقية
مشكوووووووور
​

 

[بنت الجزائر و افتخر]

ههههههههه

و الله يا خويا غي هاد الجيل قاع وحده

يلعبوها بزااف بصح واش نقولو

الله يعين برك

صحيت خويا الله يوفقك في هاد المنتدى

موضوع فوووور​

 

[FoFo95]

هذه اكيد من التلفزيون و الانترنت الحمد الله انا ما ياثروش فيا ربي يهديهم انشاء الله

 

[**الريحآنة**]

سلاآم عليكــــم ورحمة الله وبركـــــآتهـ ..
عقلية مريكآن علآش ..؟؟
بآسكو لو كنــــآ عندنآ رآس يخمم مليح ويخمم كنــــآ مدرنآش هكآ ..
وعقلية المريكآن رآهي غير تنتشر ..
التقليد الاعمى كيمآ قآلت الاخت كنزة ..
المشكل رآهو في التربية لأنو الي تربى مليح يصرآ وآش يصرآ يعرف كيفآش يشمشي روحو ..
الله يهدي خيو ..
~
​

 

[mimi.dz]

التقليــد للغرب اصبح ظاهرة عادية في بلادنا
وكل ما رايحة تنتشر اكثر واكثر
اللي يغيض انو نقلدو غير اللي ماش مليح ومخليين المفيد
ربي يهديــــنا اجمعيـــن
ميرسي خويا
​

 

[المتفائلة_91]

موضوع قمة.. راك فوور
انا ثاني هاذي اول مشاركة ليا ونتمنى تعجبكم


للأسف خويا موضوعك يمس واقعنا المرير
تشوف صغار مراهقين وحتى الشباب الناضجين يقلدو الغرب في اللبسة والتسريحة نتاع الشعر وطريقة الهدرة وحتى التصرف وكأنهم نساو أصلهم وعقيدتهم وعاداتهم
انا السسب في رأيي هو // العقلية ناقصة// جمدوا عقولهم وبدوا غير يقلدوا بلا مايفكروا واشي هو هاذا وعلاش رانا نقلدوا ؟؟؟؟
مانيش نهدر على الكل ويلا تزعفوا مني
بصح والله غير 60% من شبابنا راه غير يقلد....
كاين اللي يقولو بلي راه التلفاز والنت هوما السبب.. بصح لالا هوما الوسيلة.. والسبب كيما قلت هو عدم التخمام



سلام​

 

[Sârsoùra L'mkàlChà]

هههههههههههههههههه
هايلة هاذي تع الكترونيك

ما تقووليش برك ما يعرفش الهكر ؟؟؟ اخاااه نندب عليه و زيد يشرك في فمو
يخي حالة يخي​

 

[nassim007]

Hhhhhhhhhhhhhhhhh

pas de ta7lab

 

[dana1993]

السلام عليكم
كي وصلت للصلات وقلت ميصليش قلبي حبس و يديا فشلو اييييييييه ربي يهدي الخلق
باركك الله

 

[ملاك الليل]

نعيب زماننا والعيب فينا******ومالزماننا عيب سوانا​

 

[missa_1]

كاين زعما الي يحب يبين روحو بحالو شوفوني انا يا ناس
مي هو بففففففففففففف عليه

 

[شتوان]

التقليد الاعمي للغرب في الاشياء السلبية فقط
الله يهدينا ويهديهم .......أمين

 

[امينة لبرايجية]

جيل اخر زمن ههههههههه

 

[الخيزران]

حبيت نسأل برك علاش سقسيتو اذا يعرف يpيراتي ؟

 

[احساس طفلة]

معليش مايعرفش الهكر ماشي حاجة grave وديجا مايقربش ليه خير
وحاجة وحدوخرا يخلي صلاة الجنعة على جال جو !!!! ماصراتش
وميرسي خو ع الموضوع

 

[AnGeL*dZ]

هاذو النوعيــــــة يهتتمو بالكاركاس
وماعندهم والو في الرآس
يقلدوا الغرب تقليد اعمــــــى
نساو الدين تاعهم
لاديــــــن لاعرافة
ربي يهديهم

​

 

[ولد الــdz]

حبيت نسأل برك علاش سقسيتو اذا يعرف يpيراتي ؟

عمبالك شفتو يفوخ بزاف و منعرف كيفاه جايبها ايا قلت نسكتو شوية برك:glare::glare::glare:

 

[ولد الــdz]

شكرا لكم يا اعضاء اللمة و شكرا لكل من رد على موضوعي