تأقلم كالي البطران وتوكل على الله وصفي النية
عيش لذاتك وية الناس ونسه همومك شوية
مهيه الدنية صارت هيج, كلمن من زوية وخاتل بفية
ولا تذكر فراتك يوم
ولا دجلة وشواطية
بدلهن بنهر الراين المعروف وفروعه ومجارية
وخلنه من الوطن هلساع وقصووووووره ومحارية
بدله بوطن نيذرلاند وسوصاله ومصارية
وخلنه من الطفولة وعمرك التعبان وسنينه ومحاجية
هيه الناس نفس الناس بس تخلف باللهجات والنية
إذا رايد صديقن هنا , بدل روب بعطية
وذا رايد تشم نمه طيبه من بغداد , هوانه بأمت هوفن ينعش الريه
وذا رايد كهكه وعشرة دفو نسوان, بدل مركريت بجهرة بهية
وذا حنيت لأغاني داخل حسن ونا المنكوب ورياض احمد يغني المحمداوي بطور الأبوذية
ها
أنا الويل ياويلات , والهوسات ومحاضن الجوبية
دسمع مايكل شيكول, من أوتار صوته تطك تراجية
وذا يردح على المسرح أضن يمرد جلاوية
.............
عليمن تنقهر علفات مهيه الدنية مكضية؟
وطنه اللي بنيناه بدمع وضلوع , صفه أبطن الحرامية
وعليمن للصبح سهران , كاعد تعد نجوم زحل وثرية؟
وعليمن عينك ربية؟
كطعنه اليام من عدهم بعد فد نوب , لاروحه ولاجية
أتأقلم ونا الممنون , يخايب غصبن عليه
أتأقلم وجيك من الصبح بالشورت حافي بطرك رجلية
ها
وذبن عكالي هذه الزين , وحطن مكانه طاكية
وروحن للديسكو كل يوم وركصلك ركص مذبوح
وكلك شوفني شبيه
أتأقلم وصيحن حيل
تحيا الدمقراطية
http://www.youtube.com/watch?v=eTia-fC-Q80عيش لذاتك وية الناس ونسه همومك شوية
مهيه الدنية صارت هيج, كلمن من زوية وخاتل بفية
ولا تذكر فراتك يوم
ولا دجلة وشواطية
بدلهن بنهر الراين المعروف وفروعه ومجارية
وخلنه من الوطن هلساع وقصووووووره ومحارية
بدله بوطن نيذرلاند وسوصاله ومصارية
وخلنه من الطفولة وعمرك التعبان وسنينه ومحاجية
هيه الناس نفس الناس بس تخلف باللهجات والنية
إذا رايد صديقن هنا , بدل روب بعطية
وذا رايد تشم نمه طيبه من بغداد , هوانه بأمت هوفن ينعش الريه
وذا رايد كهكه وعشرة دفو نسوان, بدل مركريت بجهرة بهية
وذا حنيت لأغاني داخل حسن ونا المنكوب ورياض احمد يغني المحمداوي بطور الأبوذية
ها
أنا الويل ياويلات , والهوسات ومحاضن الجوبية
دسمع مايكل شيكول, من أوتار صوته تطك تراجية
وذا يردح على المسرح أضن يمرد جلاوية
.............
عليمن تنقهر علفات مهيه الدنية مكضية؟
وطنه اللي بنيناه بدمع وضلوع , صفه أبطن الحرامية
وعليمن للصبح سهران , كاعد تعد نجوم زحل وثرية؟
وعليمن عينك ربية؟
كطعنه اليام من عدهم بعد فد نوب , لاروحه ولاجية
أتأقلم ونا الممنون , يخايب غصبن عليه
أتأقلم وجيك من الصبح بالشورت حافي بطرك رجلية
ها
وذبن عكالي هذه الزين , وحطن مكانه طاكية
وروحن للديسكو كل يوم وركصلك ركص مذبوح
وكلك شوفني شبيه
أتأقلم وصيحن حيل
تحيا الدمقراطية
