◘ صرآحـــة و الله كرهتـــهآ [ مســاعدة ] ◘

[الـساحر]

الســــــــلـآمـ علـــــيكــمـ :ax_flw:

وش رآكــــــمـ يــــآ غآليــــين أن شـــــآء الله تكــون بخيــر ..:shay:

[ الــــصرآحة رآحة .. منحبـــهــآش ]

يـــآ خــــآوتــــي نحكيـــلكـم بكــل صرآحة ..
كنــــت نحـــب بنــــت الــى درجـــة الهلـــوســة ..
و كنـــت متمنــي انـــهــآ تكون نصيبـــي ..
و دور ليـــآم و هــي لــــي تطلـــب يدي ههه ..
يعنــي هــي لتقدمتـــلــي و هذيـــكـ أكبر صدمة كـــآنت :scared:
انـــآ و هــــي طحـــنآ فيـــهآ مور :heh:
و بــــدآت حيــــآتــي معــهآ و بمـــرور الــأيـــآم وجهــنآ
بزآف مشآكــل .. حتـــى قلـــبـي زعف منهـــآ
عقلـــية بيريمـــي .. كرهتنــي في الحــب و لبنــآت
و نـــآدم علـــي نهــآر لحبـــيتهــآ فيه ..
و جهتهـــآ و قتلهـــآ صرآحة .. :closedeyes: قتــلـهآ :
أسمحيـــلي حبنـــآ كـــآن غلــطة و من الــأحسن كل
وآحد فـــي طريــــق ..
هـــيآ تقلقت بزآآآف و قـــــآتلــي راح نـ سودلكـ حيـــآتكـ
و علـــآبـــــآلي نقــــدر نـــبـآصيــهآ مـي .. ‼

كيف يقــولو : من البر الله الله و من الداخـــــل يــعلم الله :sneaky2:

|♥|
ممكـــن تســـآعدونــي بـ حــل يكون عـــآدل ليــآ و ليهــآ ><"
|♥|

فــــي آمــــآن الله ^^
​

 

[جزائرية مكاش كيفي]

ادى مبقاتش عشرة بيناتكم يعني متحبها ما تحبك الاحسن كل واحد يروح في طريقو ما تباصيها ما تباصيك بلا مشاكل أتفترقو بالملاحة

و ربي يوفقك خويا
​

 

[Sârsoùra L'mkàlChà]

يــــا خويا سقسي لمجربين
انا خااطيني ... و ما نعرفش حلوول
--------
آآآيا ليجان
شكوون على الخط ؟؟؟
عيطو برك راه بااطل
​

 

[بنـ MaPa ـت]

شوف خويا صح ماكانش عليها تطلبب يدك (هههه) مي سور عملت هكدا خافت ايدا تخسرك ولوكانن ماحباتكش صح ماتخطبكش.....ونتا لوكان فهمتها ياوديي الراجل يخطب ماشي المرة اصبري يامات حتى يفرج الله....و كي قلتلها الكلام تاع حبنا غلطة سور قاسها بزاف على هاديكك للي قاتلك نسودلك......الخ...دوك نتا ايدا مازالت تحبك قوللها سمحيلي (ايدا نتا الغالط) وايدا هي الغالطة ننشالله خيرها فيي وحدة غيرها.....سلااااااااام..​

 

[nina bonoise]

الموضوع مش في بلاصتوا نورمالمو كتبتيه في فرغ وش كاين في قلبك

و الله خاطيني منعرفش الحلول سقسي لس جربوا يجاوبوا

سلاااام

 

[°~Kenza_02~°]

يا خويا الساحر ....علاه تباصيها......هاذي دنيا والدنيا دوارة **من ستر عبدا في الدنيا ستره الله في الاخرة** .....وزيد الدنيا مكاتيب والي مكتوبة فالجبين تعيا وتشوفوها العين.....وتفارقو بالسكات وكل واحد يشوف حياتو بلا تبهدايل عليكم
و بالتوفيق
​

 

[القطة الزهرية]

1 الموضوع مش في بلاصتو
2 انت الظالم منا تقولها نحبك ومنا بطلت وغلطة ومانعرف :busted_red::music_whistling:
3 سقسي لمجرب وماتلومهاش على رد الفعل كون جيت في بلاصتها درتلك كثر من الي معولة اديرلك .......سلام تقبل المرور

 

[جزائرية حتى الموت]

وعلاش انصدمت مين هي صارحتك بحبها

اظن ان هذا هو اللي خلاك تكرها

بالعكس

نرجع شوية للدين

حتى السيدة خديجة رضي الله عنها

هي من اعجبت باخلاق النبي سيدنا محمد عليه الصلاة والسلام

حتى وان كرهتها يا ساحر

يا ريت لو حاولت تقنعها بطريقة اخرى

وعلاش حتى تباصيها

ما علابالكش بللي الايام ادور

ويوم ليك ويوم عليك

ربي يهدينا

 

[الـساحر]

شكرآآ عـــــلى مروركـــم وآحد وآخــد

مــي كـــآين بزآآف لمفهمنيـــش .. ‼

طفلة كــآنت تبـــآنلــي شي و من بعد صــآرت شي آخر خلـآص

كيف يقــولو من البر الله الله و من الداخـــــل يــعلم الله
​

 

[DARINE05]

شوف خويا الساحر هي مسكينة تلمون تحبك قاتلك نسودلك حياتك هابة تنتقم مي تلقاها عقليتها صغيرة مي تحبك
ارجع خمم مع روحك قبل ما تتسرع عيطلها واتفهمو بشويا كل واحد يقول الحاجة لي تسعدو وبربي انشاء الله ميكون غير الخير

 

[الجندية]

يـآآه ياخويا انت راك قستها بكلمة بلا ماعرفت
وهي راها تحبك باين لوكان ماتحبكش ماتقولكش هكدا
لو حبنا غلطه تركناا غلطانين مازال عشقانين مع بعض مرتاحين مين اللي قلك مين عن حبنا غلطه
راك جبتلي غنية نتاع وائل كفوري من عندي نصيحه ارجع اهدرم عاها قوللها تسمحلك ع الكلام هداك
ومن بعد قوللها ربي ماكتبش بينا احباب خلينا اصحاب وراك تلقاها صديقه خير من اللي تخسرو بعض
​

 

[القطة الزهرية]

قوللها نوصلها لخواتاتك ولا باباك بلاك تخاف

 

[02asma02]

ما عنديش خبرة في هدا الشي

 

[DARINE05]

قوللها نوصلها لخواتاتك ولا باباك بلاك تخاف

علاه اختي
الطفلة تحبو علا بيها درت هكا

 

[rafiksat39]

يا الخويا الدنيا قسمة و نصيب ولازم ترضاو بالمكتوب
​

 

[sam11]

هدا هو حال الدنيا ماكاين شيء يبقى على حالو قبل الزواج شيءحب وغرام

وبعد الزواج عائلة ومسؤلية لازم تحاول شوية بلاك فيها خير واذا مقدرتش تحمل

خلاص تفارقو بالمعروف لا تظلمها ولا تظلمك

 

[Ŝĥåĥĭйëž Ïķřăмơǖ]

ma3andi mankolek khoya saher madamek goltelha saraha
khaliha choufha chadir
chabaghi dirlek aslane radi tesahrek wela chah
khaliha dir kima tebghi
nta chouf fi hyatek men jdid w kisse men morak kol chi
walah yahanik w ylakike m3a wahd okhra mais ngolek haja
khoya hadak lhob ali kane binek wbinha mojared i3jabe
psq al hob hakiki 3omrah mayzoul belkhof
w kach haja rani hnaya rani
nakra psiko nkade nzid n3awnek wtakabal morori
°°hayet°°​