ووضع جانب العنوان عبارة {خاص بالمنافسة} ليتم دمج الموضوع هنا والتصويت عليه .
التصويت يفتح في موضوع ثاني مثبت .
ملاحظةالموضوع يكون اما جديد او قديم لم يتجاوز تاريخ كتابته 3 ثلاثة اشهر
- مهلة تقديم الموضوع من المتنافسين 7 أيام
- مدة عرض الموضوع للتصويت عليه 7 أيام .
-بمجرد تقديم اول موضوع يتم نشره هنا للمشاهدة .و يفتح التصويت مباشرة
وعلى المتنافسين الباقين تدارك الوقت .
[ عنوان الموضوع : نورمــــــــــــــــــــــــال خلاه ... عادي ..... ]
امر عادي خلاص ..... نورمــــــــــــــــــــــال
ديما راكم تسمعوا فيها هاذ الكلمة مي حتى الكوراج راحلك باه تديماري وتدير حل للحاجة العادية لأنها ميمواؤريتها بأنها أمر عادي
باه نعطيكم مثال راها مشارجية وين تروح تشوف باريكزمبلات ماشي واحد برك ... وأمر عادي :music_whistling:
* تخرج برا تشوفها أبن عمي مزيرة روحهــا وراسها الفوق ماشي لتحت مي .... أمر عادي :music_whistling:
* تشوف أذراري أصغار ملائكة الله يبارك تحط يديك على راسو تسمعو يسب في طفل لي معاه
روح شوف كيفاه منك و .......... أمر عادي ... :music_whistling:
* يماك تقلك : يا بنتي التيلي والدار هذيك و و يحتاجو تنظاف ... لا لا عندي مشاغل راح نريفيزي عندي أمتحانات و و .. مي جاتك أبيل تاع غرام في لمان ..... أمر عادي :music_whistling:
* امر عادي انك تكتسب صديق بار منتدى مي تفهمو غالط في حاجة تقلو روح منك آلاف علاه باسكو الأمر عادي .... :music_whistling:
* رجعت حتى الخيانة بين الزوجين او بين المعشوقين او بين الأصحاب او .... أمر عادي .... :music_whistling:
من كثرة هاذ المواقف لي ذكرتهــا في لول تتشوكــا مي وحدك تتحلب ( تفهم الميدان ) تعود عندك عادي خلاص .... :music_whistling:
من كثرة الأمور العادية حتى كي تدخل لموضوع تشوف سع شحال من رد ... تاع شيخات ولا لا ؟ ... شكون هو مولاه .... باه ترد ... علاه لأنك تعلمت من لي قبلك هكا حتان ولات عندك عادي ... :music_whistling:
يا جماعة العادي راه فلا station
تم تلقاه ماشي منكر كيما هذا ....... :glare:
قعدانها في الكوزينة ديمه خرجوها اهلها من لقرايا وقالولها لازم تتعلمي الطياب والغسيل وتعرفي كل حاجه تاع الدار حتى وين تتزوجي تعرفي دارك كيفاش دايره خضات رايهم ومازالت تستنى في مكتوبها ، صحاباتها كلهم تزوجوا وهم مايعرفوش كيفاش الطياب والغسيل و....... لكن هيا ماتعرفش كيفاش لدرك مكتوبها ماجاش
راحت لصحبتها وقالتلها على عن الي في قلبها نصحتها وقالتلها كلمات تبقى راسخه في الذكرى وننصح بيها كل قارءة للموضوع باش ما تضيعش مستقبلها كيف هادي الطفله فرطت في قرايتها على جال تتعلم حوايج الدار وتكون مرااا وتحكم دار .
قالتلها صحبتها راه الوقت تاعنا درك لازم البنت تتعلم وتقرى باش وقت تتزوج تعاون راجلها في حوايج خدمتوا وتقري اولادها باش يولو من الأوائل ......
رانا درك ما بقيناش نحوسو على الطيابات و.....
تولي وتتعلم كلش في دارها .
والحياة راهي ماش طياب وغسيل و....؟ راهي حوار ونقاش ومصاعب ومشاكل لازم تكون المراء فاهمه باش تحل هادي المشاكل وقالتها روحي ادخلي لمحو الامية وماتخليش الوقت يفوتك
وراحت شرات كراسه ودخلت تقراء وقالت في نفسها لازم نكسر الجهل ونلحق صحاباتي الي قراو وتزوجو وخدمو والي في عيشتهم مرتاحات ...............
بعد مدة طويلة رجعت نكتب في هاذ المنتدى بعدما رجع كيما كان منظم و باهي المهم ندخلكم في صلب الميضوع اللي هو ظاهرة راهي شايعة في كل الجامعات الجزائرية و دون اسثناء و هي ظاهرة المعرفة اللي غزات المجتمع نتاعنا و في كل المجالات و القطاعات المهم وهاد الحكاية اللي راح نحكيها صرات عندنا في جامعة المسيلة في كلية الاداب و العلوم الاجتماعية مالا قالك هذا دكتتور كبير ومشهور:angel::angel: مكالاه نذكرو اسمو في طبيعتو يمد دايمن نقاط ملاح للبنات:heh::heh: يعني يموت على التاء المربوطة)كريمة دليلة قرمية مليكة الخ....) اما الذكور ما يجي يمده النقطة حتى نتخرج عينو بالرغم من انها حقك لكن هو يلعبها صامط:wink::wink:.............. يا سيدي واد يقرا معانا فاقلو بالقالب نتاعو بلي الدكتور هات برك يلقى الام يكمل بالتاء مربوطة خلى نهار الكونطرول نتاعو و كي كتب اسمو زادلو التاء مربوطة في الاخير )هو اسمو زهير:santa_1ولا زهيرة:heh: و كي كملنا الاختبارات ولحق نهار لافيشاج الدكتور جاب النقاط معاه للقسم و بدا يعيط ويمد فالنقاط كل واحد باسمو .......جمال06 .............فتحي10 ..........لامية 15 ...........ليلى14.5 ..........انا 10 وكي لحق لسي زهير قالو.........زهيرة قالو الطالب حاضر قالو الدكتور15 زهير طار من الفرحة بصح الاستاذ فاقلو بالقالب سقساه قالو علاه مداير زهيرة ماش زهير قالو زهير غلطت كي زدت التاء مربوطة مالا قالو الاستاذ انا ثاني غلطت مادرتش الفاصلة مابين 1و 5 يعني عطاه 1.5:scared::scared:وهنا بانت الحقيقة نتاع هاذ الدكتور قولولي كيفاه ماتهبلوش مع السيستام هذا:glare::glare:
هذا اول موضوع ليا راح نحكي فيه بالدارجة،، وللي هي لغتنا العامية للي من المفروض نفهموها وتؤدي معناها بسهولة،:wink:
علا هذيك حبيت نحي على واحد الظاهرة فالمجتمع تاعنا
وللي هيا °°علاقة الاولاد باهلهم°°
تلقا الطفل فالدار ما يحكيش مع ~باباه~ خلاص
يشوفو غير من وقت الغداء والعشاء، هذا اذا كان في الدار،
بصح كي يسحق ويحتاج صوارد يعود يعرف باباه
علابالك باباه اسمو بالعربية البنك
اما من غير هكا، مهوش عايشلهم خلاص،
كي يعود الطفل ما يسقسي على باباه ما يشوف وش يخصو ما علابالو بيه، عارف غير بللي هاز نقمتو هذا مكان
و هو الي تعب عليه و رباه
كيف كيف الطفلة ~أمها~ هيا اخر من يعلم بحياتها الشخصية و مشاكلها العاطفية
و تفضل انها تحكي مع وحدة ما تعرفهاش و ما تصارحش امها
تعرفها غير في الدار، هذا مكان،، وهي للي من المفروض تكون صديقتها وملجأ اسرارها
و كيف مع باباها تبعد عليه و تحوس على البديل برا، وتحاول تخلق الحنان من عند انسان أخر، وباباها كان في الدار وخير من الف مرة من الكل
بالرغم من انو الدين الاسلامي وصانا على الوالدين وقال
نلقاو اغلب المسلمين تاعنا علاقتهم مع والديهم سطحية جدا الا القليل، علا هذيك نتمنى انو كل واحد فيكم، يحاول يحسن لهاذو النعم للي عطاهملنا ربي معانا في الدار، ومناش عارفين قيمتهم، نحاولو نرجعولهم خيرهم ونبرو بيهم،، وربي راح يباركلنا في حياتنا،
نتمنى كل واحد منكم تكون علاقتو مع والديه مليحة ، وان شاء لله راح يربح في دنيتو وأخرتو،
بلا منوصيكم ديروهم في عينيكم، وربي يصلحكم:wink:
ولا زهيرة:heh: و كي كملنا الاختبارات ولحق نهار لافيشاج الدكتور جاب النقاط معاه للقسم و بدا يعيط ويمد فالنقاط كل واحد باسمو
