واش صرى على الغنى في عرس صاحبي barca232

[BARCA232]

السلام عليكم ورحمة الله تعالى وبركاته
ان شاء الله راكم لاباس
والركن راه ساخن قلت لازم نزيد شوي الحرارة تاعه
اليوم نحكو على وحد الحاجة ايجابية جدا في الجزائر
من النهار اللي تأهلنا لكأس العالم والله كل شيء تغير
حتى بعض الصوالح اللي كان فيها الكوارث في وضح النهار
راني نحكي على عراسنا والغنى اللي صاري فيها
بصح اليوم تبدلت الحالة في يومين حضرت لعرس صديقي
والله ماغير الغنى تاع ليكيب ناسيونال مارش
وكي يدخل الغنى تاع الخر والتفيش الجميع يجلس ويطالبو بالغنى تاع ليكيب
ياحصراه على غني تاع التفحشيش والشيوخ والقصبة والشكيل
كي ندير ونديرله.............
وين راكي رايحة.............
نموت عليك..................
واش دانيس لدوار الزني.....
قولو على بنت عمر قولو عليا لابسة الصباط حمر وكي يجي عليها....
وزيد تاع الدانس زعما كي صحاب فرانسا
والله عادة أصبحت جميلة في المجتمع
ان شاء الله تدوم على الرغم باللي غنى حرام سي حرام
ماعليش غير حبة حبة نعودو للطريق الصحيح
شكرا لك يالخضاراء بالتوفيق للجميع
​

 

[هــــيلدا]

غدوا نروح للعرس ونجي نحكيلك واش دارو فيه هههه،،
كون غير يردو لعراس غير غنا نتاع بالون،، روعة خلاص
​

 

[BARCA232]

غدوا نروح للعرس ونجي نحكيلك واش دارو فيه هههه،،
كون غير يردو لعراس غير غنا نتاع بالون،، روعة خلاص
​

والله جميل جدا وكان تولي عراسنا غنى تاع الجزائر خير من ذاك الغنى اللي يشيب الراس
شطرا لك
طاطل
وطثري الدوموند تاع الجزائر والشطيح
بارك الله فيك
​

 

[~ مستشـآرهـ طـرزآنـ ~]

ايه حنا تاني لعراس تاوعنا ولاو غير غنى تاع الخضرا
والله حاجة فووووور...او موان تنقص شوي الذنوب هههههه
ان شاء الله تبقى الخضرا مفرحتنا و مزهيتلنا ايامنا
بالتوفيق للخضر
وشكراااا ليك موح على الموضوع​

 

[السلطانة]

عليكم السلام
بيا الحالة كيما هكا
على الاقل نرتاحو من الالفاظ السوقية لي راها شايعة في الاغاني

 

[BARCA232]

كل وقت و وقتو يا موحا
ظرك البالون هبلنا
والنسا ولاو يحبوه
الور نديرولهم وش يحبو
ياك لعراس ليهم
ههههه
​

والله ياعادل هم أكثر طلب للغنى تاع الجزائر
والله نساو الغنى تاع الشكيل
عندي فيرمة وخاصني عساسها
صحيت
​

 

[جزائرية حتى الموت]

والله حاجة ايجابية في المجتمع

تسمع غير الغناء نتاع البالون

اوموا غناء نقي ومافيه والو

امالي يا محمد

راك فوت عرس هايل ههههههههههههه

 

[AnGeL*dZ]

عندي عرس نهار لخميس لازم يحطو لغنا تاع البالو
ولا ماتفراش هههههههههههه
فكرتني في غنيـــــة تاع زوالي وفحل نموت ومانحملش الذل سقسي وسال غرب وصحرا وزيد التل هكذا يعرفوني هههههههههههه
ايه من النهار الخضرا رجعت لسابق عهدها كلش تبدل العديان تصالحو الخاوة تلمو حاجة مليحة
معاك يالخضرا ديري حالة
​

 

[sami19280]

والله ياهذيك تاع وين رايحة هههههههههههههه

صحيت خويا محمد ونشا الله نربحو غدوة ياااااااااااارب.​

 

[BARCA232]

ايه حنا تاني لعراس تاوعنا ولاو غير غنى تاع الخضرا
والله حاجة فووووور...او موان تنقص شوي الذنوب هههههه
ان شاء الله تبقى الخضرا مفرحتنا و مزهيتلنا ايامنا
بالتوفيق للخضر
وشكراااا ليك موح على الموضوع​

والله أيمان اختي ان شاء الله دوم في المجتمع وتصبح عادة خير من هذاك الغنى
والله تحشم خويا
بزااااف
بارك الله فيك
​

 

[** غزال الصحراء **]

وي صح روماركيتها ,, مام البنات اللي موالفين يديرو نانسي كي يولو يقضو , ولا يديرو ميلانو و لا طورينو ,, صافي بليزير (= .

 

[BARCA232]

عليكم السلام
بيا الحالة كيما هكا
على الاقل نرتاحو من الالفاظ السوقية لي راها شايعة في الاغاني

والله صح عيشوش كلام فاضح
حدث ولاحرج
نظن انتم كاين بصح قليل
احنا في الغرب وحد الغنى ربي يجيب الخير
وكان نقوله لك
تموتي سير بلاص
شكرا لك
عائشة
​

 

[Jagwar]

يا ربى نربحو الماريكان زكارة فى العديان و نرجعو يامات زمان معاك يا سعدان مع الخضرا فكل مكان فكرونا بلالمان و مع بودبوز الفنان نقولو فى لامان يا الماريكان .

ايه خويا و الله كاينة صح
لعراس كل فيهم لغنا تاع لالجيرى

حنا تانى عندنا لغناية تاع شحاتة عملت حالة

شحاتة قلبو ضرو -- من لالجيرى و فن البالون
و فى القاهرة قلو -- عندنا سعدان هو الفرعون

فرعون شعرو طار -- غير من الغش و الدمار
و استر يا ستار -- على سعدان شربهم لمرار

فن البالون علينا -- نانسى عجرم خلينا
بركاي ما بلعطينا -- لالجيرى عزيزة علينا

ههههههه قريب غنيتلك لالبوم تاع سلطان كامل
صحيت خويا ربى يدومها افراح علينا









​

 

[BARCA232]

وعندي r1 و خاصني جلابها
​

:music_whistling::music_whistling::sheer::thumb_up1:
​

 

[~ مستشـآرهـ طـرزآنـ ~]

وي صح روماركيتها ,, مام البنات اللي موالفين يديرو نانسي كي يولو يقضو , ولا يديرو ميلانو و لا طورينو ,, صافي بليزير (= .

أنا وحدة منهم...نخلي بابا يروح يخدم ومنبعد ندير لغنى تاع السبور
الـTV من جهة و الميكرو من جهة..والحس داير حالة فالدار
:yahoo::yahoo::yahoo:​

 

[somiasahraoia]

العراس لي فيهم غني الجزائر خير من غنى الوقت

 

[BARCA232]

والله حاجة ايجابية في المجتمع

تسمع غير الغناء نتاع البالون

اوموا غناء نقي ومافيه والو

امالي يا محمد

راك فوت عرس هايل ههههههههههههه

صح ايمان وهذا مبتغاي من الموضع
أن تدوم هذه العادة أحسن من اللي راه صاري
وتعرفي انت الغنى تاعنا في الغرب كيفاش داير
والله العرس فات هايل
كي تجي الغنية تاع ليكيب
هجوم كاسح للمعروضين
شكرا أيمي
​

 

[BARCA232]

وي صح روماركيتها ,, مام البنات اللي موالفين يديرو نانسي كي يولو يقضو , ولا يديرو ميلانو و لا طورينو ,, صافي بليزير (= .

والله صح حتى ناسي وجماعتها الله يرحمهم
الله يبارك عليهم ليكيب ناسيونال
حتى مثل هؤلاء المغنيا حرمن على بناتنا
شكرا لكهشام
وبالتوفيق
لك وان شاء الله النجاح
​

 

[Jagwar]

أنا وحدة منهم...نخلي بابا يروح يخدم ومنبعد ندير لغنى تاع السبور

الـTV من جهة و الميكرو من جهة..والحس داير حالة فالدار

:yahoo::yahoo::yahoo:​

ههه مشاغبة درجة اولى :yaw:
قالك ايمان تفتح التيفى و تبدأ

دبدق دزدق دبدبدقددق
:sheer::sheer::sheer::sheer:






​

 

[BARCA232]

عندي عرس نهار لخميس لازم يحطو لغنا تاع البالو
ولا ماتفراش هههههههههههه
فكرتني في غنيـــــة تاع زوالي وفحل نموت ومانحملش الذل سقسي وسال غرب وصحرا وزيد التل هكذا يعرفوني هههههههههههه
ايه من النهار الخضرا رجعت لسابق عهدها كلش تبدل العديان تصالحو الخاوة تلمو حاجة مليحة
معاك يالخضرا ديري حالة
​

صح بنتي لازم تضربي الطابلة
انتم شوي لاباس كاين شوي حيا في الغنى ارواحي عندنا وتسمعي العجب
وان شاء الله تعود الجزائر للأيام الجميلة
​