رانى نحكى واش راه صارلي فنفس لوقت موضوعين ونتمنى ترودو عليا

[mayamaya]

السلام عليكم يا خاوتى منطولش ندخل فى الموضوع انا عندى 19 سنة وعندى مشكل وماهوش مشكل حنا بنات عم نتلاقاو كل يوم نباتو ديما مع بعض كل مرة فى دار وراكم عارفين للتبهليل والهدرة فى التليفون وغيرها وعندى اختى عندها 31 سنة كرهتلى حياتى على خاطر هيا بنت منتاع بكرى كى كانت صغيرة ماما كانت مزيرتها بزاف وكانت تخافها بزاف هي دك متزوجة وعندها بنت 4 سنين ودك هيا غير يجيو بنات عمي تقولى ليه جو عندك واش كنتو تحكو ولا كى نروح نبات معاهم تقولى ليه رحتى كنتو تهدرو فالتليفون كرهتلى حياتى عييت صابرة ومبعد وليت نفاتنها على خاطر انا مقلقة بزاااف ومرة رحنا للطبيب انا وهي وحكيت مع صديقى كان متوحشنى حوالى 2 اشهر ماشافنيش مالا قلتلو ارواح شوفنى انا نحسو يموت فيا وكون تسمعو كيفاش يحكى فى الهاتف انا منامنش الحقيقة رجل حقيقى لكن رومنسي رومنسي مكالاه نحكى عدبنى كى جا داك نهار انا من عادتى ندره القعدة مع النساء كل وحدة تخلط من جهة رحت قعدت مع الفرملية مالا هو ولا يترعد باش يحكى معايا ادخل عندى باش يحكى شافتو اختى انا قلتلو اخرج مالا اخرج واختى دخلتنى عندها قاتلى علاه هدرتى معاه شكون هو قلتلها قالى اعطينى الرقم الهاتف قلتلو معنديش قلتلها ببلى منعرفوش مالا هادا صديقى نسى الهاتف نتاعو عند صديقو وانا موالفة نعيطلو من عند بابا ورقم بابا عندو ومسمينى نونو ورقم بابا دايرلو اسم بابا نونو مالا هادا صاحبو يغير بزاف عيط لبابا وقالو بنتك راهى عند ربوح مع واحد تهدر روح يا سيدى ان مدريتش كى جيت ماما عيطتلى وقاتلى شكون اللى كنتى معاه قلتلها مكنت حتى مع واحد كدبت وانا نترعد خايفة قلتلها واحد قالى اعطينى الرقم الهاتف قلتلو مكاش وعيطلى بابا قتلو تانى نفس الهدرة مى انا بابا مامنوش سبو وقالى كون مكنتيش مع اختك نامنو وزيد بابا دايرنى عاقلة وصح انا عاقلة برك هادى نتاع صديق كل وحدة عندها واحد بصح انا خبيت على ماما مزل منحكيلها عليه روح ياسيدى بابا قال نديبوزي بيه بلانت على خاطر النيمرو كان عندو اللى عيطلو بيه والحمدالله انا دخلت للنت وحكيت معاه وقتلو اغلق تيليفونك بصح بابا قالنا مانيش حاب المشاكل خلينى منو وانا حكيت مع صديقى تفاتنت معاه قتلو انت اللى عيطت لبابا خفت قالى واله مانى انا قالى صاحبو خلا عندو الهاتف ومبعد تفاتنا شعال وهو يا خاوتى واله غير يحلل ويقولى حنح امنيني مانيش انا ومبعد شعال ورجعت وقاعدة شاكة فيه مالا يا خاوتى اعطيونى حل من فضلك هو ولا ماشي هو وانا عارفة بلى يحبنى ونحكى هاد المرة اختى فكرتنى قالتلى شكون هادا انا قلتلها نسيتها هاديك الضربة خلينا منها مالا قالت لماما بلى انا كنت نحكى فالهاتف كى نروح عند بنات عمى وماما قلتلها على بالى دك اختى تحرش فى ماما عليا ومبعد اختى خرجت انا قلت لمام يا ماما قع يحكو فى الهاتف نورمال ومبعد انا مامنتش بلى ماما قالتلى نورمال احكى فى التليفون مفيها والو على خاطر ماما واعرة نخافها ونخاف تقول لبابا وتبهدايل يولو راكم عارفين يا خاوتى اعطونى حل يلا نقعد نرد لاختى ولا كى تولى تحرش فى ماما نروح ونخليها على خاطر نتقلق بزاف نولى نسب فيها دك هيا كتن من بكرى مزيرتها ماما مالا تخاف عليا زعمة بصح انا نقلها رانى كبيرة ونعرف صوالحى مانيش نرضع فى صبعى من فضلكم وجاوبولى على الاخر يلا هو الى عيط لبابا ولا صاحبو بنات عمى قالولى مشكيتش اللى هو يعيط على خاطر يحبك ردولى يا خاوتى باي ودك راه يدير فى المستحيل باش نكون معاه مكانش يخدم ملى عرفنى ولا يخدم ودار دوصى نتاع سكنة يضل يحكى ليماه مانيش عارفة ردو عليا ايا بقاو على خير يا خاوتى تهلاو فى رواحكم .....باي

 

[اسماء16]

ختي انا قولك حاجة بلاك هو بلاك لالا وانا رني 50/100 هو بلاك حب يسقسي عليك بلاك خاف عليك
المهم ختي هدي ختك بلاك تخاف عليك ولا راكي عارفة هدا طفل يحبك وانت تحبيه حاولي كيفاه تكوني معاه ولكن ممسرعيش خليه يخطبك وادا مزالك صغيرة حاولي مديريش لمشاكل للاهل الان في هدا الوقت طفلة ولات صعيبة وعلى الهدرة فتيلفون راهم كامل لبنات معندك متحكمي
المهم الحل بيدك وانت الي تعرفيه تحياتي لكي وتمنياتي لكي بنجاح احتك اسماء
​

 

[ماكانش]

واش راح نقلك يا ختي
الحاجة ألي تخبيها على باباك ويماك وماتحبيش يعرفوها
اعرفي بلي ماهيش مليحة ...
ديري هاد القاعدة في بالك وامشي عليها
أنا نقلك هو الي عيطلك ألف بالمئة ماكانش منها نسا تيليفونو عند صاحبو
زيدي وصاحبو وين شافك تحكي معاه ؟؟؟
وهو يحبك ماكانش منها هادي الناس كامل يقولو للبنات راني نحبك وكي يفري حوايجو يروح ويخليها​

 

[إشراقة حب]

ماشكيتش راكي كبيرة وتعرفي صلاحك
لو كان صح ماتخدعيش باباك اللي داير فيك الثقة
واسمحيلي نقولك انت نية بزاااف تعيطي لصاحبك من تيليفون باباك الله يهديك
وزيد مازلتي صغيرة واختك عندها الحق عقليتها ماشي تاع بكري عقليتها اللي تحافز على شرفها
وسمعت باباها .االمهم الله يهديك
​

 

[همسة الجزائر]

انا نظن بلي هو اللي حكا مع باباك


كما قالولك صاحبو وين يعرف بلي راه يكلمك في تيليفون باباك وكفاش نسا تلفونو عند صاحبو

وكفاش مادار والو معاه كون جا يحبك يدفنو وهو حي

وزيد ختك ماراهيش عقلية تاع بكري وكفاش لازم تخليك تديري واش تحبي؟

راهي تخاف عليك من هاد الغابة اللي عايشين فيها


وادا يحبك يجي يخطبك ومايديرلكش مشاكل


ولا ماتخلوش الناس تحس بهاد الشي


ونتي راكي نية بزاف تحكي معاه في النمرو تاع باباك

لوكان كاش نهار يتغشش منك ولا حاجة ديراكت للحكومة'باباك'هههه

ونتما تشوفي سعدك في يدك


ماتديريش النية بزاف ماشي كل واحد يضحك في وجهك راهو يحبك

وامك واختك راهم يخمو في مصلاحتك

وماتحطيش نفسك فالشبهات الناس ماتصدق تلقا حاجة تهدر عليها

والله ماتعيا قصتك فالجزيرة هههههههه



ويقولو(حط عقلك براسك تعرف خلاصك)​

 

[القلب الابيض]

سور هو لي عيط لباباك وكيما قالولك يعرف بلي صاحبو عيط لباباك و مايدير والو علئ كل حال اي مكالمة بين طفلة و طفل بالتيليفون تكون نهايتها مشي مليحة و ادا يحبك تع الصح يجي من الباب مشي من النافذة و شكرا علئ الموضوع المميز

 

[@@simo@@]

معلاباليش واش رايحة نقولك بصح لازم تقولي لماماك ولا ختك على خاطر ماكانش لي يخاف عليك كيما هوما

سيي كيفاه تحكيلهم وتفهميمهم

ولا حتى تقوليلو هو يهدر معاهم
​

 

[ماكانش]

انا نظن بلي هو اللي حكا مع باباك​

كما قالولك صاحبو وين يعرف بلي راه يكلمك في تيليفون باباك وكفاش نسا تلفونو عند صاحبو ​

وكفاش مادار والو معاه كون جا يحبك يدفنو وهو حي​

وزيد ختك ماراهيش عقلية تاع بكري وكفاش لازم تخليك تديري واش تحبي؟​

راهي تخاف عليك من هاد الغابة اللي عايشين فيها​

وادا يحبك يجي يخطبك ومايديرلكش مشاكل​

ولا ماتخلوش الناس تحس بهاد الشي ​

ونتي راكي نية بزاف تحكي معاه في النمرو تاع باباك ​

لوكان كاش نهار يتغشش منك ولا حاجة ديراكت للحكومة'باباك'هههه​

ونتما تشوفي سعدك في يدك​

ماتديريش النية بزاف ماشي كل واحد يضحك في وجهك راهو يحبك​

وامك واختك راهم يخمو في مصلاحتك ​

وماتحطيش نفسك فالشبهات الناس ماتصدق تلقا حاجة تهدر عليها​

والله ماتعيا قصتك فالجزيرة هههههههه​

ويقولو(حط عقلك براسك تعرف خلاصك)​

هدرة مليحة بزاااااااااااااااااااف
ياربي تقراها واديرها في بالها​

 

[ماكانش]

سور هو لي عيط لباباك وكيما قالولك يعرف بلي صاحبو عيط لباباك و مايدير والو علئ كل حال اي مكالمة بين طفلة و طفل بالتيليفون تكون نهايتها مشي مليحة و ادا يحبك تع الصح يجي من الباب مشي من النافذة و شكرا علئ الموضوع المميز

هدرة مليحة بزاااااااااااااااااااف
ياربي تقراها واديرها في بالها
ألي يحبك يجي لداركم ...​

 

[sam11]

اختي اختك وعيلتك خايفين عليك على خاطر مكانش امان في الدنيا هادي

صح انا راجل بصح اللي تامن في راجل وخصوصا ليجان تع الوقت

يدوبك بكلامو الرومنسي الرومنسية في القوت هدا ولات احتراف عند الشباب

ردي بالك على روحك وكوني واثقة انو اهلك يحبو ليك الخير وادي برايهم

هم يعرفو احسن منك

 

[لميس.]

اسمحيلي اختك بانتلي تغير منك اما بالنسبة للموضوع الاخر مانضنش كان هو maisديري احتياطك وتبعي المقولةالرجال والزمان مافيهم آمان

 

[mayamaya]

يا خاوتى شفت بلى واحدة بعثتلى رسالة هنا فى منتدى اللمة نورمالمو سامو نقولك يا اختى مرديتش عليك على خاطر كى نجى نبعث يقولولى لازم تكونى دايرة 100 مشاركة باش نقدر نبعث الرسايل وانا مزال ملحقتش 100 مالا متتقلقيش يلا مرديتش عليسك اوك اختى ولا واحد اخر متتقلقش اوك باي تهلاو فى رواحتيكم m+n