- إنضم
- 19 جويلية 2007
- المشاركات
- 10,901
- نقاط التفاعل
- 164
- النقاط
- 319
- العمر
- 33
- محل الإقامة
- العدم
- الجنس
- ذكر
السلام عليكم و رحمة الله تعالى و بركاته .. واش راهم حبابي ؟ إن شاء الله قاع راكم لاباس
اليوم بغيت نكتب برك على الناس لكبار يعني في لافامي و لا جيران ...إلخ
تلقاهم منرفزين بزاف ما عرفتش علاش ! عندي صاحبي شويا و يفحت من الدار على جال باباه راصو قاسي ,,, يعني لاكان يقولك السماء راهي خضرة يعني راهي خضرة بدون نقاش ..
و صح روماركيتها في بزاف ناس عقلية ( الحاج لخضر ) يحبو غير كلمتهم اللي تمشي , و كلش يتعاملو معاه بعدم تقبل و بتشناف و بتعياط !! المشكل ماهوش هنا , المشكل كي يكونو غالطين و مازالو مصرين على الغلطة تاعهم
و هنا ما نحكيش على les vieux برك مي حتى لي جان , كاين اللي ما يتقبلش كلام صاحبو , و يديرلك مشاحنات قد السخط حتى و لاكان Hors jeu
الناس هاذو أنا واحد نعاني منهم , و علابالي باللي اللي راهو يقرى في الموضوع بانلو واحد من اللي راني نحكي عليهم في بالو
زيد كاين الناس اللي تبيع الدنيا على جال الدراهم كيما بختة و عطالله في فيلم مول العمارة ,, يعني عندهم الدراهم هي كلش , و قادر يسمح فيك على جال زوج دورو , ما يقولش باللي رايح تدي عليه نضرة مش مليحة ولا عفسة كيما هاكا لا والو , عندو الدينار هو الدنيا و ما فياه , يلهفو على الدنيا و نساو باللي الموت حق
هاذو الناس يدورو بينا غير كي يكون جيبنا ثقيل , و كي يولي مثقوب اوووب واحد مايزيد يبان ,, كي يحتاجوك في دراهم يجو يسلفو , و لا كان سلفتو تقدر تقول راك تلفتو يعني ما تزيدش تشوفو
و كاين ناس أخرين كيما ولاد الحاج مول العمارة ,, يعني عايشن راقدين , تلقى باباه يخدم عليه , الجان ينوض مع ال4 تاع العشية , يلقى فطورو واجد و باباه من الصباح و هو يتجارى من لاميري للسوق للابوست
و واش يقولك ؟ حاب نتزوج ,, كيما قال لخضر هاذو هوما الشوماج اون بارسون , واحد فيهم ( الشو ) و لوخر ( الماج )
هاذي حالة شبابنا و الله صح قلبي يتقطع كي نشوف في كارتية ناس حاكمة الحيط طول حياتها ماهم مخممين في والو a part الgارو تاع اليوم !
و زيد هاذاك اللي ساكن في عمارة الحاج لخضر ( شبه راجل ) اللي مرتو غابناتو و مشباعتو ضرب , هاذوك ثاني كاين منهم بزاف في يومياتنا , و قداه من خطرة نشوفوهم مهبطين رصانهم و المادام مدياتو من وذنو ... كيفاش ؟ النيف ما بقاش ليوم , ما نحبش اللي يحقر مرة و الله هاذاك نشوف فيه عرة الناس , مي ثاني الرحمة يا هو , قدام واحد مذلول و الRespect تاعو مدياتو لحمامة
و شوفو كل شخصية في السكاتش هاذاك تلقاه صح كاينة في حياتنا , و يا ترى خوتي رانا عايشين حياتنا فيلم دراما ؟ و قتاش تتسقم حوال لبلاد و نولو لاباس !!
بلادنا شابة لالجيري ماكانش كيفها , مي المشكل في اللي شادينها و في عقلية اللي ساكنينها ..
راني برك بغيت نفضفض على حال بلادي , و خيرت باللي لالجيري 2010 == ولات فيلم مول العمارة
Wiw .
