زاربة على الزواج خايفة بنتها تعنس

[joubrane]

مساء الخير ياهل الخير
واشكم مع السخانة والشهيلي
ايا نبداو الموضوع

وحدة الظاهرة بزاف تصرا في بلادنا
الطفلة تلحق لعمر 22 تبدا امها تخرجها
وين تروح كاش عرس ولا زيارة خفيفة
مع انها قبل هاذ العمر جامي خرجتها معها
طبعا حابة تتهنى منها المهم بنتها متعنسش بصح كولشي بالمكتوب واللي يصبر ينال


سؤال للبنات واش رايك في هاد الموضوع
تحبي تزوجي كيما هكذا

سؤال الذكور تحب تزوج مرا تجيبها يماك
لا انت تخيرها

طبعا كل واحد وراي
لكم حرية التعبير
وشكرا

​

 

[jiji 94]

هههههههههههه

قاله زوجوه يــbــرا .........

يالي تزوج هبل ....​

 

[Sârsoùra L'mkàlChà]

نتا ما شفتش القطة تع وحدة نعرفها

ولات تخرج لجنـــــــــايز بااه تتخطب
هههههههههه

و هي في عمرها 32 سنة برك

انا كي سمعتها طحت فرااش من الضحك
والله غير يغيظوو

​

 

[سلافة.]

ههه والله صح عندك حق الضاهرة هاذي عندنا بزاف

ونتستنى ردود الذراري تاع اللمة نشوفو رايهم

 

[ĜąМę ǒVĕŗ]

ههههههههههه هدوك الي دايرنيييين طراطيق و عارفين بلي تاحد مايقبل بيهم

يخلو ماتهم يدورو بيهم في خيام الناس​

 

[7ora for ever]

ايييييييييييه يا خويا مزال نية الناس تطورت ههههه قصدي هبلت و انت ماسمعتش شوف رحت زيارة لاختي عايشة في ليباتيمو تلاقيت وحدة حبيبتي تما تصدق بربي والله عمرها
15 سنة مخطوبة ايه مخطوبة قلتلها مازالك صغيرة على الزواج تعرف وا قالتلي ماراحش نزوج درك حتى على 5 سنين
بقيت بلا راس و علاه ربطتي روحك درك
واقيلا خايفة يروحلها الراجل
الناس هبلت و حتى الوالدين راحو فيها
ياوماشي زوج زوج برك
مي الله يهدي ما خلق


انا مازلني صغيرة نقرا نكمل قرايتي نخدم و ادا جاني الي يستهل مرحبا بيه مي باش نرمي روحي على اي واحد المهم لابس سروال
محال
في الاخير الزواج مكتوب و ادا عندك مكتوبك في الدنيا مايديهلك حد

هدا راي
سلام

 

[نسيم الربيع]

اواه لالالالالالالا انا منقبلش يزوجوني هوما ولوكان يكون السيد قلبو فجهه اخرى ندي اللي نبغيه باه مبعد يلا كاشما قدر ربي نقول انا اللي درتها بيدي مشي نبقى نقول لوكان ولوكان ولوكان مارسي خويا ... سلالام

 

[SOFIANE BATNA]

مساء النور
كاينة منها...ناس بزااف ولاو يديروها باش يتخطبوا بناتهم
أما من جهتي نظن بللي الشاب من الأحسن يختارها بنفسو حتى يتحمل كامل المسؤولية في حالة
عدم حسن الإختيار
من ناحية المغزى انتاع الموضوع أظن أنها ظاهرة دخيلة على مجتمعنا لأن ربي يكتب لكل واحد منا كيفاه
راح يعيش وكيما يقولوا اللي مكتوب في الجبين مايمحوه اليدين
شكراا لموضوعك أختي
سلام..​

 

[sisou023]

صح الناس هبلو كي تطفر يقولك علاه الجزائر متلعطتش أنا راني نشوف مازلنا كيما بكري فاتو عليا 2 أعراس هذا الشهر 2 بنات عندهم 16 سنة تزوجو والله غير عجب انا في هذا السن كنت مازلت نلعب 16 سنة طفلة ما زالت صغيرة و ماهيش قد المسؤولية يا أمهات أتقوا الله و لي متزوجتش ماهوش عيب و لا حرام كل شي بمكتوب ربي و شكرا على الموضوع

 

[وهج الصحراء]

انا محال نقبل لروحي نتخطب كما هكك نفضل نقعد عنسة وهوكل شيئ بالمكتوب لس يكتبوا ليا ربي هذاك هو

 

[Elif DZ]

و الله هالظاهرة كاين
الحمد لله عائلتي في ولايتي هنا مشهورة بأنها لا تعطي البنت إلا إذا كملت دراستها و الحمد لله
و أما على الناس فهم عقليات و أظن أنه لكل مقام مقال
فإذا كان زواج البنت سترة لها لي سبب يستدعي ذلك فلا أرى مانعا

شكرا لكـ
​

 

[abdodido]

لوكان تبقى تخرج فيها بزاف يقولو الطفلة راهي مهيش ناس ملاح وراهي قبيحة في دارهم يحوسو ينهناو منها هههههه راه كل شي بالمكتوب يا جماعة

 

[sahiko hamza]

امر عادي وبالعكس كي تكون مع امها حاجة مليحة
لأنو راح تكون محتارمة روحها من لالبسة ولسان و و و
مشي كيما بنات الوقت وش نحكي وش نخلي
صيحت خويا كي دخلت لموضوعك ضربني شهيلي تاع مطابق الكلب ههههه


ياك تعرفها هاد لبلاصة ؟
​

 

[بنـ MaPa ـت]

اولا نشكرك عالموضوع وجبتو في محلو
نقولك البنت ماشي مشروط عليها تخير راجلها بنفسها و لازم تقبل بلي يتقدملها خصوصا ايدا وافقو عليه الاهل ولاق بيهم (علابالي هادي بكري مي مزال كاين ناس شادين هاد العادة)..
لكن الراجل لالا..عيب كبير لو يحتمولو وحدة يتزوجها بالسيف ونكون معاه 100/100 لو يروح ينتحر ههه (نقصر برك)....البنت ديما تنحقر والراجل يدير واش يحب
مرسي عالموضوع..
​

 

[*رشا*]

هههههههههههه

الله يهــــــــــــــــديهم هادا ما نقولو ...​

 

[etoo14]

هههههههههه مشكور اخي على الموضوع مي راك طفل واش فهمك بهادو الامور ههههههههه ومارسي من قلبي خويا العزيز​

 

[la_safa]

كل واحد يخمم على مصلحتو هاد هو الوقت لي رانا فيه
مي انا مانحبش هاط

 

[samora20]

خويا احسن العون الرجال قفرو حتى واحد مراه يحب يتزوج راك عارف الزواج راهو صعيب ضرك

 

[virus2015]

هي صح كلش بالمكتوب
بصح وين راهو المشكل إذا واحدة شافت بنت وعجبتها في عرس ولا مناسبة وتعرفت على أهلها وبانولها ناس ملاح وتكلمت عليها لوليدها وبداو الإجراءات عادي؟؟؟
ممكن تكون هاد البنت هايلة مي طريقها ماشي طريقو يعني عمرو ما رايح يتلاقى بيها وكان هذا السبب باش تعارفو؟؟؟
أنا شخصيا نفضل زواج بهاد الطريقة ولا طريقة اسكايبيلي ونسكايبيلك ويبقاو يشوفو بعضهم عام ولا أكثر بحجة يتعرفو على بعضهم وهوما بلا ما نهدرو على موقف الشرع كل واحد حاسب روحو قافز ومارق ويتيستي وفي الحقيقة كل طرف يعرف عن الطرف الآخر الشيء لي هو حاب يوريهولو
مجرد رأي
تقبلي مروري​

 

[elbaida]

كل واحد يدي مكتوبو غالطة الي دير بنتها سلعة الزواج نصيب ومكتوب