كيما دير نتا رايح يصرالك مبعد نفس الشي؟؟؟

[إحســاس بــراءة]

السلاااااااااام عليكم
واش راكم يا الناس الغاليين ان شاء الله بالف خير:yahoo:
كيراكم دايرين مع السخانة:scared: والصيف:closedeyes: ربي يستر برك:surrender:

المهم اليوم يا خاوتي كيما العادة والعوايد بغيت نهدرو شوية على وحد الزوج مصطلحات دايمن متعاكسين:fish: الخير:yahoo: والشر:scared:
بزاف ناس تعمل خير في ناس و بدون اي سبب يلقاو عكس المعاملة من هاذ الاشخاص:tears:
بزاف ناس يديرو الخير في ناس ونهار يحتاجوهم مايلقاوهمش وهادي راهي في كل مكان:closedeyes:

الهدف من موضوعنا اليوم ماشي نهدرو على الفئة هاذي.
لوكان نقعدو نشوفو مثلا الانسان وتعاملو مع الاشخاص لخرين مثلا واحد يدير في خوه شر و لاحاجة مش مليحة خلاص و مبعد يجي نهار وين الانسان هاذا اللي دار الشر يلقى غير هاذ الشخص في كتافو و يحتاج المساعدة تاعو كيفاه رايحة تكون ردة فعلو:heh:

الانسان هاذا مسكين حتى واذا دار فيه شر هاذ الشخص ويقلك ماعليش و يفوتهالو و يرجعلو شرو خير:mellow: بالرغم من انو مالقى حتى ذرة خير من عند الشخص هاذا بصح دار فيه الخير:heh:

يجو ناس وحداخرين يقلك كيفاه هاذا الانسان هبل :busted_red:و دار الخير في هاذا اللي جامي لقاه في كتافو و طول عمرو و هو يعامل فيه ماشي مليح ودرك يدير فيه الخير:closedeyes: يقلك ره خاف منو و راه ذيك وذيك.........

ياناس الانسان هاذا لكان نهار ودار خير في ناس كيما هاذو ياو مش بالضرورة دار في وجهو هو ولا خاف منو هو لالا
هاذا راه دار لوجه الله لان الدنيا فانية وماينفع غير وقت الصح
صح ولا لالا:closedeyes:
وادا دار فيه الخي راه يبينلو بلي هو راه فور عليه و مايردش عليه بنفس الطريقة اللي عاملو بيها هو......

المهم يا خاوتي بغيت نعرف منكم نتوما رايكم في موقف كيما هاذا
اذا نتا احتجت انسان نهار و مالقيتوش في كتافك و جا النهار هو وين احتاجك نتا هل تقدر تساعدو و تعاونو و تنسا واش دار فيك هو و لا تقولو اسمحلي مانقدرش نساعدك و تذكرو بواش دار فيك هو:closedeyes:
نتمنى نشوفو كل واحد وردة فعلو وكل واحد و وجهة نظرو في الموقف هاذا

شكرا ليكم ويعطيك الصحة
سلامي للجميع:heh:

 

[** غزال الصحراء **]

بشرى راني إعتمدت الموضوع بلا ما نقراه علابالي كونفيونس

لي عودة .

 

[إحســاس بــراءة]

بشرى راني إعتمدت الموضوع بلا ما نقراه علابالي كونفيونس

لي عودة .

شكرا ليك هشام:yahoo:
كونك مهني خويا:closedeyes:
اوكي ان شاء الله:heh:

 

[°~Kenza_02~°]

سلام عليكم
صحا اختي بشرى
يقلك دير الخير وانساه ودير الشر واتفكروااااااااا
والانسان لمليح ماعليه الا يقابل السيئة بالحسنة ويستنا ربي يرجعلو خيرو ........اما الناس ربي وكيلهم غير الانانية ماليتهم
مشكوووووورة حبيبتي
​

 

[إحســاس بــراءة]

سلام عليكم

صحا اختي بشرى
يقلك دير الخير وانساه ودير الشر واتفكروااااااااا
والانسان لمليح ماعليه الا يقابل السيئة بالحسنة ويستنا ربي يرجعلو خيرو ........اما الناس ربي وكيلهم غير الانانية ماليتهم
مشكوووووورة حبيبتي​

وعليكم السلام
ربي يحفظك كنزة خيتي
هاذيك هي الانسان لازم عليه يقابل الحسنة بالسيئة
الانسان اذا دار الشئ هاذا اكيد لوجه الله
والناس اللي ماليتهم الانانية نتمناو ربي يهديهم ان شاء الله
هاذا مانقولو
يعطيك الصحة
شكرا ليك

 

[sami19280]

راني جيت يابشرى ولقيت بلاصتي كيما هي

المهم حبيت نقول راك حطيتي يدك على الجرح

تدير الخير يرجعلك شر مي وعلاش هكذا هل ياترى في العقلية تاع الناس مالقري ديننا يقول ماش مليح هاذ الشي

الموقف ماصراليش ليا مي مع اعز الناس عندي الوالد ربي يحفظو .

المهم في خلاصة الموقف انو حب يعاون ناس ماديااااا ودار فيهم بليزيييييير كبير وخير كبير

وفي الاخير خرجة تاع كبااااااااااااار . مي وش تحبي الله وكيلنا ووكيلهم .

الله يهدينا

مرسي عليك بشرى

+ تقييم من عند خوك الصغير سامي كي العادة

تحياااااااااااااااااااتي .​

 

[** غزال الصحراء **]

و الله صح يا بشرى , الناس اللي نديرو فيهم الخير ما يوقفوش معانا في أغلب الأحيان //
اللي ديرو صاحبك , تكون بينك و بينو عشرة , اليوم و لا غدوة طيح بيك و تبان الطينة تاعو .. ربي يلطفنا من عباد كيما هاذو

انا مانيش متفكر باللي درت الشر في كاش واحد , مي صح قداه من واحد ما نكونش داير فيه بليزير من قبل و يوقف معايا , يعني ما يكونش صاحبي بزاف و كي تطيح بيا يبان غير هو الراجل و الواقف معايا , عكس اللي زعمة مقربين كي تحتاجو يولي سراب و ما تلقاهش في وقت الشدة

من جيهة وحد أخرى أنا كي نقصد واحد و يردني و الله ما نشدهالو , صح ثم تغضيني و نقول باللي كان جاني في صلاح نحرقو , مي كي يجيني نفريلو واش حاب الله غالب ما نقدرش نرجع الناس

شكرا كثيرا موضوع هام و مهم , تحياتي الخالصة .

 

[فؤاد الورقلي]

السلام عليكم
اهلا بشرى
عندك الحق
يقولك دير الخير تلقى الخير
ودير الشر تلقى الشر
وكيما قلت كما تدين تدان
انا مش راح نحقد على اي شخص دار فيا الشر
وبالعكس راح ننقتلو بالقدر
لاني حتى لو ندير فيه شر ممكن راح تخلف فيا
ومكانش مثل المعاملة الحسنة

شكرا اختي بشرى
موضوع مميز
ربي يوفقك ويجازيك
​

 

[فؤاد الورقلي]

و الله صح يا بشرى , الناس اللي نديرو فيهم الخير ما يوقفوش معانا في أغلب الأحيان //
اللي ديرو صاحبك , تكون بينك و بينو عشرة , اليوم و لا غدوة طيح بيك و تبان الطينة تاعو .. ربي يلطفنا من عباد كيما هاذو

انا مانيش متفكر باللي درت الشر في كاش واحد , مي صح قداه من واحد ما نكونش داير فيه بليزير من قبل و يوقف معايا , يعني ما يكونش صاحبي بزاف و كي تطيح بيا يبان غير هو الراجل و الواقف معايا , عكس اللي زعمة مقربين كي تحتاجو يولي سراب و ما تلقاهش في وقت الشدة

من جيهة وحد أخرى أنا كي نقصد واحد و يردني و الله ما نشدهالو , صح ثم تغضيني و نقول باللي كان جاني في صلاح نحرقو , مي كي يجيني نفريلو واش حاب الله غالب ما نقدرش نرجع الناس

شكرا كثيرا موضوع هام و مهم , تحياتي الخالصة .

سلام
صح صح
هشوم ناس ملاح بزاف
وكلام معقول
وربي يهدي العباد
وعجبني الرد هذا مكان هههه
سلام
​

 

[7ora for ever]

خويا كل شيئ يرجع في الدنيا تدير الخير يرجعلك تدير الشر يرجعلك

بكل بساطة

 

[معاك يا الخضراء]

تعرفي هاديك لغناية تاع صابر الرباعي
ضاقت بيك... تبقا عايزيني اكون حاوليك
ضحكتك ليه .. اخلاصي يكون حمل عليك ..
هادو هوما لعباد يا حبيبتي
و كما تديرن تدان :closedeyes::closedeyes:ربي كاين
صحيتي بشرى زيييييييينة كيما مالفة ​

 

[إحســاس بــراءة]

محجووووووووووز ليا بشرى

اوكي سامي راني نستنا:closedeyes::yahoo:

 

[إحســاس بــراءة]

و الله صح يا بشرى , الناس اللي نديرو فيهم الخير ما يوقفوش معانا في أغلب الأحيان //
اللي ديرو صاحبك , تكون بينك و بينو عشرة , اليوم و لا غدوة طيح بيك و تبان الطينة تاعو .. ربي يلطفنا من عباد كيما هاذو

انا مانيش متفكر باللي درت الشر في كاش واحد , مي صح قداه من واحد ما نكونش داير فيه بليزير من قبل و يوقف معايا , يعني ما يكونش صاحبي بزاف و كي تطيح بيا يبان غير هو الراجل و الواقف معايا , عكس اللي زعمة مقربين كي تحتاجو يولي سراب و ما تلقاهش في وقت الشدة

من جيهة وحد أخرى أنا كي نقصد واحد و يردني و الله ما نشدهالو , صح ثم تغضيني و نقول باللي كان جاني في صلاح نحرقو , مي كي يجيني نفريلو واش حاب الله غالب ما نقدرش نرجع الناس

شكرا كثيرا موضوع هام و مهم , تحياتي الخالصة .

بارك الله فيك هشام خويا
الانسان الطيب و الخلوق عمرو ويلا يشد ولا يحقد على اي واحد حتى وادا دار فيه الشر بصح يعاملو بطريقة حسنة لوجه الله

كيما قلت نتا تقدر تلقا ناس في كتافك حتى وادا ماكنتش تعرفو بصح يدير فيك الخير و لوكان يكون واحد يعرفك مايديهاش فيك
درك في هاذ الوقت رجعنا نلقاو البراني كثر من فاميلتك ولا واحد تعرفو
المهم
هاذي هي
الانسان يشوف لوجه الله في اي تعامل لانو هاذي الدنيا فانية وسعدك يافاعل الخير
يعطيك الصحة هشام على الرد الطيب
شكرا جزيلا

 

[إحســاس بــراءة]

السلام عليكم

اهلا بشرى
عندك الحق
يقولك دير الخير تلقى الخير
ودير الشر تلقى الشر
وكيما قلت كما تدين تدان
انا مش راح نحقد على اي شخص دار فيا الشر
وبالعكس راح ننقتلو بالقدر
لاني حتى لو ندير فيه شر ممكن راح تخلف فيا
ومكانش مثل المعاملة الحسنة​

شكرا اختي بشرى
موضوع مميز
ربي يوفقك ويجازيك ​

وعليكم السلام
صح خويا فؤاد كلامك صواب
اذا واحد دار فيك شر لازم تقتلو بالقدر وتبين بلي نتا ماكش كيفو وراك فور عليه
الاخلاق الحسنة هي كل شئ
ربي يخليك
مرورك اسعدني
بارك الله فيك
موفق ان شاء الله

 

[إحســاس بــراءة]

سلام

صح صح
هشوم ناس ملاح بزاف
وكلام معقول
وربي يهدي العباد
وعجبني الرد هذا مكان هههه
سلام​

هههههه
امين ان شاء الله ربي يهدي كل واحد
شكرا جزيلا ليكم كامل

 

[إحســاس بــراءة]

خويا كل شيئ يرجع في الدنيا تدير الخير يرجعلك تدير الشر يرجعلك

بكل بساطة

شكرا جزيلا ليك اختي
الدنيا هاذي كل واحد وكيفاه يمر بظروف صعيبة مع ناس
وسعدك يافاعل الخير
يعطيك الصحة

 

[اللماوي الخارق]

ميضوع مليح الاخت بشرى

" قلبي راه معمر واش نحكي واش نخلي "

" بلا دموع قلبي يبكي و منهم راني مكوي " :busted_red:

انا في رأيي السبب الرئيسي للهادي التصرفات هو المادة لانه الناس ولاو ماديين

فيك فايدة راه معاك ما فيكش في لامان و الله أعلم

تقبلوا مروري :closedeyes:

​

 

[إحســاس بــراءة]

تعرفي هاديك لغناية تاع صابر الرباعي

ضاقت بيك... تبقا عايزيني اكون حاوليك
ضحكتك ليه .. اخلاصي يكون حمل عليك ..
هادو هوما لعباد يا حبيبتي
و كما تديرن تدان :closedeyes::closedeyes:ربي كاين

صحيتي بشرى زيييييييينة كيما مالفة ​

مانيش شافية عليها الاغنية هاذي:fish::fish:
العباد يا رمرومة كاين انواع واشكال وكل واحد وكيفاه
الحمد لله كاين ربي كيما قلتي وهو اللي يتوكل الامور
يعطيك الصحة رمرومتي:yahoo:
ربي يحفظك

 

[إحســاس بــراءة]

ميضوع مليح الاخت بشرى ​

" قلبي راه معمر واش نحكي واش نخلي "​

" بلا دموع قلبي يبكي و منهم راني مكوي " :busted_red:​

انا في رأيي السبب الرئيسي للهادي التصرفات هو المادة لانه الناس ولاو ماديين ​

فيك فايدة راه معاك ما فيكش في لامان و الله أعلم ​

تقبلوا مروري :closedeyes:​

يعطيك الصحة خويا
صح الدنيا هاذي ولات غير تاع فاني و مادة
كيما قلت نتا عندك فايدة راني معاك ماعندكش مانعرفكش
المهم
الحمد لله كاين ربي وهو اللي يتوكل الامر
ربي يحاسب كل واحد على حساب نيتو
يعطيك الصحة
بارك الله فيك

 

[MR-REDOUANE]

كما تدين تدان ...اذا درت الشر في واحد يخرج فيك المسكين طول و عرض و كيما قالو خاوتي قبلي دير الخير و انساه كل ما تدير حاجة مليحة رجع الكونتور للصفر باش مانتغروش بأعمالنا ودير الشر و تفكروا معناتها + 1 في الكونتور تاع الشر باه نعودو نخافو ربي
و المهم ميرسي على الموضوع الجميل
​