قررت نزوج باه نهرب من مشاكل الدار ... واش رايكم

[نسيم الربيع]

السلام عليكم ورحمة الله وبركاته
وشراكم ناس اللمه ان شاء الله تكونو كامل لاباس متنخلعوش من العنوان
راني نهدر على لسان بزاف بنات وهاذ الظاهره كثرت
تبدا الطفله تكبر وتلقى بزاف مشاكل فدارهم :heh: :heh: مثال والديها مشي متفاهمين
ولا خاوتها مشي ملاح :thumb_down: و يحقروها :tears: ومن كثرة المشاكل اللي عندها
تروح اول حاجه ديرها تحوس على الحنان :no_no: اللي مالقاتوش فالدار البرا وراكم فاهمين
وبعد هاذ الحكايات كامل اللي يجيها يخطبها اللول تقبلو تقولك باه نتهنى
من دارنا ومشاكلها بصح السؤال المطروح
اسكو راهي عندها الحق في قرارها ولا راهي غالطه وربما تلقى مشاكل كثر :cursing: :cursing:
والنفسيه اللي بدات بيها زواجها راح تساعدها باه تبني بيت سعيد ولا راح تبقى معقده
من ليبروبلام اللي شافتهم قولولنا واش رايكم وصحيتو ... سلالام​

 

[** غزال الصحراء **]

تمت مراقبة الموضوع و إعتماده ,, لي عودة .

 

[** غزال الصحراء **]

ايه , صعيب حال البيت اللي يكون مش مستقر و فيه المشاكل , على الطفل و على الطفلة

على الطفل , يولي يخمم باه ينسى الجحيم اللي عندو في الدار , ايا يلقى رفقاء السوء الله الله واجدين في كل وقت , يتهلاو فيه ( زطلة - شراب - كاشيات ) و يبدى يزلق من الطريق اووب حتى يلقى روحو صاي كبر تربية شارع

الطفلة و هي موضوعك , صعيبة صعيبة كي تولي محقورة من دارهم و الله قلبي يتقطع كي نشوف وحدة مغبونة ,,, و خاصة كي تخرك برة و يديها لاديبوش , ااه و الله Grave ,, تبدى تخرج من الطريق بلعقل , وكالعادة رفيق السوء يلعب دور وطيح مع بنات يقولولها أيا معانا , تبعي طريقنا ضرك ما تضيعيش , و تبدى تطايش في الحرام من راجل لراجل حتى تفيق روطار و تلقى الحال فات عليها

الزواج ايه حل في بالي , مي ماشي بالعقلية تاع ( الأول نقبل بيه ) لازم تصبر حتى يجي راجل ينسيها في مشاكل دارهم , ماشي تتسرع و بالاك تلقى جحيم أكثر من اللي في دارهم

يا ربي ألطف

~Wiw~

 

[MR-REDOUANE]

راني مع الاخ غزال الصحرا في كلامو و سيرتو كي يعود الامر يتعلق بالطفلة لازملها تصبر حتى تشوف واحد يليق بيها مادام فوتت سنين مع هذوك لي بروبلام تقدر تزيد شوية حتى ربي يفرج عليها و تخمم في ناس مشاكلهم اكثر من واش راها عايشة...
​

 

[salma2010]

برائي انها بهذه العقلية تعالج مشكل باشكال ..لازم تتانى فى القبول ماشي اللى جا وخلاص!لانه مشروع العمر واما يكون مصيرو النجاح او الفشل

 

[somiasahraoia]

والله عندك الحق انا العكس كرهت الرجالة وسيرتهم

 

[@@simo@@]

صح ولات كاثرة بزاف

بصح بانتلي جامي نحلو مشكل بالزواج الزواج هذا للاستقرار

للبناء اسرة ماشي باه نهرب من دارنا وشكون قالها كي تزوج ماهيش رايحة تلقى مشاكل

مالا لاكان كل ماكاين مشكل نهربو منو هكذا مافراتش انا نقول لازم العبد يخمم مليح لقضية الزواج هذي

ماشي نزوج باه نهرب برك​

 

[naGam]

لاتعليــــــــــــــــق
​

 

[sam11]

ماشي صح انو لما تتزوج تتهنى من المشاكل

بالعكس هي تهرب من مشكل الى مشاكل تهرب من نار

تلقى جحيم من بعد تندم وتقول ياريت وقت هاد الكلمة ما تنفعش

باه تتزوج كاين بزاف اللي يتزوجوها لكن السؤال هل اي واحد مناسب ليها

هل راح يريحها من المشاكل اللي هاربة منها ؟ الطفاة لازم تخمم قبل ما تاخد قرار

متل هدا لاانو هدا زواج عمر ماشي فترة وتعدي

 

[مفآهيمـ الخجل]

كامل يخممو هاك

الله غالب بالاك ما تلقاش طريقة اخرى باش تفلت من الحقرة

تخمم بلي الزواج هو لي يسلكها

كاين لي تتســgــملها في الزواج و تلقى لي يعوضها و كاين لي العكس و تتغبن اكثر ملي كانت في دارهم

و اللوم هنا كامل على الاهل

و ربي يفرج

ماارسي عليك
​

 

[جوانا]

عندك الحق أختي هدا مشكل فعلا راح مطروح في مجتمع نتاعنا
و في زوج سواء عند البنت أو عند الولد يلا ماكانوش مهنيين في دارهم غادي يتبعو طريق الهلاك في زوج
ربي يلطف بينا كامل
تحياتي

 

[ماكانش]

يعطيك الصحة ختي موضوع هايل
تبالي الكثير من الناس يستغلو وضعية الطفلة في البيتن من حقرة وماشاكل وفقر
ويستغلوها وكيما قلتي ...
يستغلوها غما في الحرام وهاذي بنسبة 99 بالمئة وغما بالحلال وهاذي نسبة 1 بالمئة يقلك نروح نخطب لاخاطر يمدولي نورمال خاصة اذا كانت فقيرة ...
والتسرع تاعها في قبول الخاطب الول قادر يكون سلبي ليها وتلقاه أعر وأفسد من دارهم وتعشي تتمنى تولي لدارهم وهكذا
موضوع هايل يعطيك الصحة​

 

[etoo14]

هههه عقلية 2010 ختي يزوجو في الصيف يتطلقو في الخريف هادي هي المشكل اللي راكي تهدري عليه​

 

[etoo14]

كامل يخممو هاك ​

الله غالب بالاك ما تلقاش طريقة اخرى باش تفلت من الحقرة ​

تخمم بلي الزواج هو لي يسلكها ​

كاين لي تتســgــملها في الزواج و تلقى لي يعوضها و كاين لي العكس و تتغبن اكثر ملي كانت في دارهم ​

و اللوم هنا كامل على الاهل ​

و ربي يفرج ​

ماارسي عليك ​

لالا ختي ماكان لا عقرة ولا شي الحقرة هي جابتها لروحها رانا عايشين ونشوفو راح الحيا وراح كلش الله غالب تهدر معاه يقولك رانا في 2010​

 

[etoo14]

وبارك الله فيكي اختي زنرجو التفاعل وابداء الاراء

 

[بنـ MaPa ـت]

بيان سور غالطة..
ولوكان اللول يجي كبير عليها تاني تقبل؟
ماراحش تتهنى بالعكس رح يزيدو مشاكلها كيما قلتي
مرسي عالموضوع​

 

[etoo14]

بيان سور غالطة..

ولوكان اللول يجي كبير عليها تاني تقبل؟
ماراحش تتهنى بالعكس رح يزيدو مشاكلها كيما قلتي

مرسي عالموضوع​

يزيدو المشاكل بالبزاف صافي لازم تديرلو سكانير باش تديه ههههه

 

[عاشقة أسير الحب]

بصح راكي هاربة من مشاكل la famille ومنبعد نتي ثاني ديري famille
وين تهربي؟؟
pas d'aide
لي رجعة للموضوع

 

[عاشقة أسير الحب]

يزيدو المشاكل بالبزاف صافي لازم تديرلو سكانير باش تديه ههههه

ههههههههههه
قكرة رائعة
تحياتي

 

[نسيم الربيع]

ايه , صعيب حال البيت اللي يكون مش مستقر و فيه المشاكل , على الطفل و على الطفلة

على الطفل , يولي يخمم باه ينسى الجحيم اللي عندو في الدار , ايا يلقى رفقاء السوء الله الله واجدين في كل وقت , يتهلاو فيه ( زطلة - شراب - كاشيات ) و يبدى يزلق من الطريق اووب حتى يلقى روحو صاي كبر تربية شارع

الطفلة و هي موضوعك , صعيبة صعيبة كي تولي محقورة من دارهم و الله قلبي يتقطع كي نشوف وحدة مغبونة ,,, و خاصة كي تخرك برة و يديها لاديبوش , ااه و الله grave ,, تبدى تخرج من الطريق بلعقل , وكالعادة رفيق السوء يلعب دور وطيح مع بنات يقولولها أيا معانا , تبعي طريقنا ضرك ما تضيعيش , و تبدى تطايش في الحرام من راجل لراجل حتى تفيق روطار و تلقى الحال فات عليها

الزواج ايه حل في بالي , مي ماشي بالعقلية تاع ( الأول نقبل بيه ) لازم تصبر حتى يجي راجل ينسيها في مشاكل دارهم , ماشي تتسرع و بالاك تلقى جحيم أكثر من اللي في دارهم

يا ربي ألطف

~wiw~

اولا شكرا على الموافقه ثانيا بارك الله فيك خويا على ردك الهايل والله راك كفيت ووفيت معندي منزيد نقول كثر من هكا مارسي خويا ... سلالام