و اخيرا النقمة الزرقة جات هه *dana1993-himina*

[dana1993]

سلامون عليكم
واش راكم ان شاء الله كامل لاباس
ههه اليوم جبتلكم جيت نحكيلكم على حوالي و حوال العضوة himina لي هي جارتي وحبيبتي
ايا زعما اليمات هاذو قررنا نديرو لا كارت ناسيونال هه تفحلنا نضنا الصباح بكري على 8 و رحنا للبلدية خرجنا نقامي نورمال آسيدي من الغباء كي كملنا باش سقسينا على الدوسي وقالك لازم النقمة الزرقة هه اي رقم 12 خ ههه رحنا زعما عند هاذاك لي يخدم لثم والحمد لله ناس ملاح مي قالنا لازم تصريح ابوي باه تجبدو النقمة هاذي عطالنا مثال كفاه نكتبوه و روحنا ايا النهر هذا جاز على خير
اليوم دينا التصريح الابوي لي لازم يكون فيه رقم بطاقة التعريف او رخصة السياقة علما انو حنا نسكنو لتحت و البلدية لفوووووووق هههه كي وصلنا قالك لازم تجيب الفوتوكوبي تاع لاكارت ناسيونال و لا لبارمي *يعني روحي جيبو وارجعو تقاليزيو*هذاك الوقت رجعنا قرودة هه ايا هيمي عيطت للباباس لقاتو لتم جابلها البارمي و جا و كي كمل داه وراح وانا لي حطيت لاكارت ناسيونال ماكانش لي يجيبهالي هههه عاودنا هبطنا للدار هزينا لاكارت ناسيونال حوالي 11 تاع الصباح ورحنا الشمس تقطع ايا حوسنا على لاكرام بسيف لالقينا هه شرينا وطلعنا كي لمهابل ههه فاتو علينا لابوليس غابتلهم وين يدورو يلقاونا
ايا وصلنا قاليزيتها وبعثتها مع تاع هيمي قالنا ماتوجدش ذرك لازم تفوت على و على باه تلحق واااااااااع عودنا هبطنا للدار كل وحدة راحت لدارها هه وانا زهري ماكان حتى واحد فالدار مالقيتش واش ناكل وباه نطيب الله الله نروح نرقد خير ايا جيت هنا طليت و عدنا للرحلة
جات هيمي و طلعنا مرة اخرى للبلدية ايا طلعنا فاتو لابوليس كيلونا غابتلهم نهار كامل واش نديروا لعبنا شوي درنا النش وحدنا فالطريق غير الشمس لي تقطع ههه وصلنا للبلدية استنينا جابلنا النقمة الزرقة اسيدي سنيينا و بصمنا ههه هذا ما نفلحو :yahoo: واي واش نقولكم قلاصي و باهية تبان شهادة شفناها متنا بالفرحة اديناها و رحنا جبدنا شهادة الاقامة وحنا ميتين بالعيا ريحنا وعطيناها لي كاني دفامي ههه ماكان حتى واحد فالبلدية غير حنا ههه قاتلنا وين تسكنو باه تعمر لوراقي هه شافت عندي هيمي و قاتلها آآي المعذر ههه ماتت علينا بالضحك قاتلنا علا بالي مي وين؟ ايا قلنالها حي ......... آسيدي و رحم الوالدين ههه اديناها وهبطنا رحنا لدار جدات هيمي شربنا عندها زادتلنا مهمة انو نديو الشاك لاخت هيمي حنا اولا رحنا للتيكنيكوم باه نجبدو شهادة مدرسية للاكارت لقيناه مغلوق ريحنا شوي و رحنا تهنا في زناقي منعرفوهمش و اخيرا لقينا دار خت هيمي دخلنا عندها ريحنا حكينا شوي شفنا وليدها الله يبارك و رحمتنا بماء وتفاح باردين هههههه ايا و جينا للديار
و في المجموع خرجنا
2 شهادة ميلاد عادية
تصريح ابوي مقاليزي
1 شهادة ميلاد 12 خ
شهادة اقامة
شهادة عائلية

ومازال غدوا لقروباج+شهادة مدرسية+صورة شمسة


نوصيكم لي قل من 19 سنة وحاب يدير لاكارت لازملك تصريح ابوي و تقاليزيه ولي حاب الدوسي يتاصل بالحصة ههه

مع تحية فريق الهمل dana1993+himina
دمتم برعاية الله وحفظه​

 

[هــــيلدا]

:like_1::like_1:غدوا يديرولك القروباج، ويشكوك في صبعك:like_1::like_1:


:laugh::laugh:بصحتكم
​

 

[seize&parazit]

ههههههههههههه هدي دزاير روحت باه ندير بارمي قالي مزالك صغير باباك يضمن فيك رحت قلت لبابا قالي انا ومانضمنش في روحي

 

[seize&parazit]

نسيت عجبتني هذي ديال فريق الهمل لوووووووووووووووول

 

[Sârsoùra L'mkàlChà]

ههههه
مهاااابل نتوما تع الصح
بالصح والله ما فهمت حاجو من لقروباج و النقمة الزرقا و ما علاباليش وشنو
قااعدة غير نقرا و نبوه هههههههه

المهم كااش ما صرالكم حاجة غدوة زيدي احكيلنا
يعطيك الصحة آآ دندش
​

 

[DARINE05]

ههههههههههههههههههههههه
يومك فات هايل يخاه من المعذر للبلادية وهوما يتعبو فيكم والله ميحشمو

 

[Mafia.dz]

امالا اللي يولي راح يتزوج كي يديرولوا ؟؟؟؟


​

 

[نبض الحياة]

آه يا ربي
كامل هاد الشي ومازال :busted_red:
ربي يكون في العون
​

 

[ماكانش]

ههههههههه
من المعذر والله بزاف عليكم
بلاك يهبلوكم وتكملوها في سبيتار المعذر هههههههه
المهم كاشما تحتاجو رانا هنا هههههه​

 

[نسيم الربيع]

وعلاه كي ديري لاكارت يديرولك القروباج؟؟

 

[ماكانش]

وعلاه كي ديري لاكارت يديرولك القروباج؟؟

هههههههه
بلاك البيوميترية هههههههههه​

 

[iméne09]

هدا قاع يصرا باش تخدمي لاكارت زيدي كون تشوفي بارمي ماتجي تخدميه حتى تباسي راني صح كرهت لنحط دوسيي عييت وانا نلقط في لورق وتصريح ومع تالي عجزت لنروح نديرو عياولي قلبي باش خرجت لورق ​

 

[iméne09]

وعلاه كي ديري لاكارت يديرولك القروباج؟؟

صباح الخير خيتو هدا وين فقتي راه اوبليجي
gروpاج ياك يخدمولها بيومترية :yahoo:​

 

[dana1993]

:like_1::like_1:غدوا يديرولك القروباج، ويشكوك في صبعك:like_1::like_1:

هههه انا درتو قبل هيمي لي مادارتش ختك آ + ههههههه
:laugh::laugh:بصحتكم
​

ههههههههههههه هدي دزاير روحت باه ندير بارمي قالي مزالك صغير باباك يضمن فيك رحت قلت لبابا قالي انا ومانضمنش في روحي

ههه عندو الحق هه

نسيت عجبتني هذي ديال فريق الهمل لوووووووووووووووول

ايه نهار ماطول و حنا هاملين مشكور

ههههه
مهاااابل نتوما تع الصح
بالصح والله ما فهمت حاجو من لقروباج و النقمة الزرقا و ما علاباليش وشنو
قااعدة غير نقرا و نبوه هههههههه

المهم كااش ما صرالكم حاجة غدوة زيدي احكيلنا
يعطيك الصحة آآ دندش
​

هههه ياك عربية؟ ههههههه

ههههههههههههههههههههههه
يومك فات هايل يخاه من المعذر للبلادية وهوما يتعبو فيكم والله ميحشمو

هه كفاه من المعذر حنا فيها والبلدية فيها مي المسافة بعيدة ههههه منورة

امالا اللي يولي راح يتزوج كي يديرولوا ؟؟؟؟


​

ههههه عام كامل باه يخطبولو خخخخخخخخخخخخخخخخخ هاذيك نهار تتفرى اشريلهم برك القاطو قبل هه مرسي لبلاد

آه يا ربي
كامل هاد الشي ومازال :busted_red:
ربي يكون في العون
​

آآآآآآآآآآآآآآآآآآآآآآآآآآآآآآآآمين ههه مشكورة

ههههههههه
من المعذر والله بزاف عليكم
بلاك يهبلوكم وتكملوها في سبيتار المعذر هههههههه
المهم كاشما تحتاجو رانا هنا هههههه​

ماهيش فالمريخ ههههههه ايه راه وجد الدوزيام ويرحب ابالجميع
مشكور

وعلاه كي ديري لاكارت يديرولك القروباج؟؟

بيومترية ختي ههههه

هههههههه
بلاك البيوميترية هههههههههه​

ايه هي بالذات هه

هدا قاع يصرا باش تخدمي لاكارت زيدي كون تشوفي بارمي ماتجي تخدميه حتى تباسي راني صح كرهت لنحط دوسيي عييت وانا نلقط في لورق وتصريح ومع تالي عجزت لنروح نديرو عياولي قلبي باش خرجت لورق ​

ربي يعينا كامل ياربي منورا اختي الغالية

 

[nour mary]

انا كنت معولا ندير لاكارت ناسيونال مالا كي عاد فيها هاد التعب كامل نستنا يولي في عمري 19 سنة خير ربي يكون في العون :scared:

 

[dana1993]

انا كنت معولا ندير لاكارت ناسيونال مالا كي عاد فيها هاد التعب كامل نستنا يولي في عمري 19 سنة خير ربي يكون في العون :scared:

هههه اييييييه ترشاي شوفي التصريح الابوي راه عندي مثال اذا حابة نبعثلك المثال جبتو من البلدية اكتبيه باليدبرك هههههه و مازال الجنسية و ........الخ ههه

شكرا اختي على الموضوع الجميل ارو التثبيت لتع الفائدة ​

العفو هه التثبيت؟ يعطيك الصحة بارك الله فيك اخي

 

[نسيم الربيع]

صباح الخير خيتو هدا وين فقتي راه اوبليجي


gروpاج ياك يخدمولها بيومترية :yahoo:​

انا كنت حابه نخدمها ومعلاباليش واش طالبين كي قريت موضوع الاخت بطلت مانخدمها مانفوت الباك هكا راني مليحه

 

[جيجي عاشقة الورد]

تعب كبير وش دير هدي هي الجزائر

 

[نسيم الربيع]

مارسي ختي عالموضوع ... سلالام

 

[جيجي عاشقة الورد]

شكرا ليك نسيم الربيع