slt تولموند .. صافا ؟ لاباس ؟ الحمدولله
المهم جبتلكم بوقالات بأرقام ولاياتكم
أيا أعقدوا و أنويو .. الفال راهو جـاي
بسم الله نبداو :
::::
01_
انا مهري غالي ولي يحب يديني يحسب النجوم ويسهر الليالي و لييبغيني يبنيلي قصر في لعلالي ماشي يطلعني الفوق و من بعد في رمشة عين يرمي و يقول واش غير احوالي
02_
لي يحبك ما بنالك قصر و لي يكرهك ما حفرلك قبر,و يزيد القيل والقال واش غادي تربح,خلي السبع فالغابة و خلي لكلاب تتنابح
03_
فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا
04_
اطلعت للسطح و فرشت زربية حرقت حرقوس الذهب و حرقست عينيا أفرحي يا يما سعدي ولا ليا نستشفى فالعدو كما ستشفى فيا
05_
>جزت على ديك الساقية لقيت الماء يولول و لي نوى على ديك الحاجة ربي يكمل
06_
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا
07_
عيني على لحبيب والقلب حاشم تمنيت ندير الحنة ونزيد الخاتم
08_
حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود
09_
>طلبت خالقي باب السما ينحل عليا و تتحقق احلامي واللي ريتو في امنامي قالولي خرجت عليك لقعدة و راكي غير تزيدي تزياني رديت لالا يا حبابي ويا جيراني نهار رحت كنت شابة واللي ما يعرفنيش يسال على مولات لعيون الزرقاني
10_
لا يعجبك نوار الدفلى في الواد داير ظلايل
ولا يعجبك زين الطفلة حتى تشوف الفعايل
11_
نطلب ربي الفتاح يعطيني المفتاح نحل بيه البيبان ونشوف لهنى ونرتاح
12_
جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني
13_
نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا
14_
الشمعة يا الشمعة يا الشمعة الضواية لو كان نعرف وشبيك نمسح هديك الدمعة من خديك و نرد وجهك مرايا يا ربي يا معبود اقبل دعايا رجع لي زهو الزمان ويعيا الحبيب قاعد معايا
15_
>الا انت بحار انا حوتة فيك ,ويلا انت جنان انا وردة فيك , و ادا انت تحبني انا نموت عليك و ادا انت اديتني انا ما نفرط فيك
16_
لو كان السعود ينغرسو نغرس ميات عود و عود في طية وحدي بصح السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي
17_
سمعت قر الحمام في قاع السجنة ، لا من سقاه الما ولا من طاه شعير ، يا قمر
؛الحمام يعي و يحن ، وتتعمر النافورة ، ونعودوا لزمانا كيما كنا
18_
يا صابر كون صابر .. و اصبر على ماجرالك و ارقد على الشو ك حتى يطلع نهارك
19_
غرست ياسمينة في وسط الدار عروقها سكنجبير و طرافها نوار يما يايما محلى عشق الجار العين تخزر فالعين و القلب شاعلة فيه النار
20_
علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة
21_
اصلك اصلك و ماينفع غير الصح مولاة النية الصافية عليها ربي يفتح اطول ولا تقصر يجيها السعد و الربح
22_
فالدار صندوق مخبي في وسطو ذهب و مرجان وروبا قضيفة قالولي ماليا ليمن مخبيه قلتلهم لهديك مولاة الشان مولاة المشية الظريفة
23_
علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري
24_
> يا لالا يا لالا يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي اماليا و قاع أحبابي وناسي
25_
يامولاة القلب الكبير ربي يعطيك و يوسع عليك ماعندك لاذهب لاحرير و انتي دايما زاهية وربي مسهللك مادريت من حيلة ندير باش نكون متلك
26_
ماناكلش القارص لو يشهيني وماناخدش الشيخ لو كان يغنيني .ناخد شاب صغير قدو يواتيني
27_
قعدت تحت النخلة قالولي دقلة نور جات ادور طلعت فوق النخلة و بالعسل رشيت الصور معاه لمعيشة تحلى حبيبي الساكن فالقصور
28_
ياالشمس الضوايا يالعالية في سماك لوكان صبتك مرايا ونشوف وجهي بضوا ك يعود ربحي و غنايا ويسقم سعدي داك
29_
>الطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هدا الزمان يعطي و يخالف
30_
اعلميني يالالا نهار تروحي لحمامك نرفدلك السلة ونمشي قدامك ندور على يمينك و نزيد على شمالك و نبقالك خديم و طايع على طول زمانك
31_
جاز عليا شباب في يدو منديل ازرق و شاشيتو معنقرة و لبستو تبرق عليه نسمح في الولد و عليه نطلق وعليه نخلي البلاد ونردها خندق
32_
عديان الجبال خطبت بنت الرجال و الي يقول كلمة فالبنية عند الصبح تبان
33_
خرجت و حدي فالليل و خرجات الليل صعيبة انسيت المحنة و الويل و اتفكرتك انتي يالحبيبة
34_
شجرة ياسمين نايضة في وسط الغرفة عروقها سكنجبير و غصانها قرفة و الله ماننساك يازينة الوقفة
35_
>قطّعتاللحم بيدى و عملت بذور و سمعت الكلام بوذنى و عرفت من قالو ،يا قايلين
الكلام القبيح واش تربحوا أنا طاوس في القصر و انتم خفاش النهار ما
يضوالو
36_
التمر و الحليب في طبق و سط الخيمة نهديهم للحبيب باش يوالف ديمة مايعزش لي فالجيب هداك زوجي يالميمة
37_
رشّيت عتبة الباب بالزهر و الطيب ، وسقيت كل الأحباب بالعسل و الزبيب و كي نسيت جاني جواب كنت نستناه من عند البعيد
38_
خرجت نهار الجمعة في يدى شمعة قالولي أمسحي ديك الدمعة و انساي الخلعة قريب يتلموا احبابك و صحابك و يفرحوا معاك الجماعة
39_
يما يما ديريلي تويقة في وسط الحديقة باش نشوف زهري كي تجيبو ديك الوريقة
40_
يالي جاية من العين وبيدك مليتي السلة سبحان من عطاك الزين و زاد في بهاك ديك الحلة
41_
الناس تنده بالرجال و الوالي ، وانا ننده بربي العالي
42_
عسل يا عسل في باقة خضرا يا شميمت العاشقين يا قمرا حلف سيد الملاح ما يرأس أمر غير إذا جات غزالته باش تكمل الحضرة
43_
حوم حوم يا حوام ، حوم فوق السطح العالي و قول لها يا لالة يا زينة لبنات و خدودها براقة و عيونها غراقة صارت كل القلوب ليها سباقة
44_
علاش يالالا التخمام رحمة الله و اسعة و كبيرة لوكان جات بالكلام نتحدثو و نعطوك تدبيرة بصح كلشي بالمكتوب ويعيى الخير يبان و تزول عليك الهموم و تروح الحيرة
45_
يا شمس واش بيك ذابلة إلا لابيك الزين راني نفكر فيك و اذا بيك الزهر ربي ما يتخلى عليك
46_
جزت على جنية ، قالت لي واش تحوسي يا ولية ، قلت لها مانى نحوس لا على مال ولا على جاه ، نحوس على من ضيعت يولي ليا
47_
نبعت لكم دموعي في مشوار زرق و نبعت كلامي في برية تحرق ما ننساكم يا ناسي بحق مكة و بلاطها لزرق
48_
دارنا في الجبل مقابلة مكة مفتاحها من ذهب يشعل ما يطفى
---------------------------------
أيا بيباي و تهلاو في رواحتيكم
و الله يدوم gــوصطوكم .. :blushing:
المهم جبتلكم بوقالات بأرقام ولاياتكم
أيا أعقدوا و أنويو .. الفال راهو جـاي
بسم الله نبداو :
::::
01_
انا مهري غالي ولي يحب يديني يحسب النجوم ويسهر الليالي و لييبغيني يبنيلي قصر في لعلالي ماشي يطلعني الفوق و من بعد في رمشة عين يرمي و يقول واش غير احوالي
02_
لي يحبك ما بنالك قصر و لي يكرهك ما حفرلك قبر,و يزيد القيل والقال واش غادي تربح,خلي السبع فالغابة و خلي لكلاب تتنابح
03_
فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا
04_
اطلعت للسطح و فرشت زربية حرقت حرقوس الذهب و حرقست عينيا أفرحي يا يما سعدي ولا ليا نستشفى فالعدو كما ستشفى فيا
05_
>جزت على ديك الساقية لقيت الماء يولول و لي نوى على ديك الحاجة ربي يكمل
06_
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا
07_
عيني على لحبيب والقلب حاشم تمنيت ندير الحنة ونزيد الخاتم
08_
حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود
09_
>طلبت خالقي باب السما ينحل عليا و تتحقق احلامي واللي ريتو في امنامي قالولي خرجت عليك لقعدة و راكي غير تزيدي تزياني رديت لالا يا حبابي ويا جيراني نهار رحت كنت شابة واللي ما يعرفنيش يسال على مولات لعيون الزرقاني
10_
لا يعجبك نوار الدفلى في الواد داير ظلايل
ولا يعجبك زين الطفلة حتى تشوف الفعايل
11_
نطلب ربي الفتاح يعطيني المفتاح نحل بيه البيبان ونشوف لهنى ونرتاح
12_
جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني
13_
نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا
14_
الشمعة يا الشمعة يا الشمعة الضواية لو كان نعرف وشبيك نمسح هديك الدمعة من خديك و نرد وجهك مرايا يا ربي يا معبود اقبل دعايا رجع لي زهو الزمان ويعيا الحبيب قاعد معايا
15_
>الا انت بحار انا حوتة فيك ,ويلا انت جنان انا وردة فيك , و ادا انت تحبني انا نموت عليك و ادا انت اديتني انا ما نفرط فيك
16_
لو كان السعود ينغرسو نغرس ميات عود و عود في طية وحدي بصح السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي
17_
سمعت قر الحمام في قاع السجنة ، لا من سقاه الما ولا من طاه شعير ، يا قمر
؛الحمام يعي و يحن ، وتتعمر النافورة ، ونعودوا لزمانا كيما كنا
18_
يا صابر كون صابر .. و اصبر على ماجرالك و ارقد على الشو ك حتى يطلع نهارك
19_
غرست ياسمينة في وسط الدار عروقها سكنجبير و طرافها نوار يما يايما محلى عشق الجار العين تخزر فالعين و القلب شاعلة فيه النار
20_
علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة
21_
اصلك اصلك و ماينفع غير الصح مولاة النية الصافية عليها ربي يفتح اطول ولا تقصر يجيها السعد و الربح
22_
فالدار صندوق مخبي في وسطو ذهب و مرجان وروبا قضيفة قالولي ماليا ليمن مخبيه قلتلهم لهديك مولاة الشان مولاة المشية الظريفة
23_
علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري
24_
> يا لالا يا لالا يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي اماليا و قاع أحبابي وناسي
25_
يامولاة القلب الكبير ربي يعطيك و يوسع عليك ماعندك لاذهب لاحرير و انتي دايما زاهية وربي مسهللك مادريت من حيلة ندير باش نكون متلك
26_
ماناكلش القارص لو يشهيني وماناخدش الشيخ لو كان يغنيني .ناخد شاب صغير قدو يواتيني
27_
قعدت تحت النخلة قالولي دقلة نور جات ادور طلعت فوق النخلة و بالعسل رشيت الصور معاه لمعيشة تحلى حبيبي الساكن فالقصور
28_
ياالشمس الضوايا يالعالية في سماك لوكان صبتك مرايا ونشوف وجهي بضوا ك يعود ربحي و غنايا ويسقم سعدي داك
29_
>الطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هدا الزمان يعطي و يخالف
30_
اعلميني يالالا نهار تروحي لحمامك نرفدلك السلة ونمشي قدامك ندور على يمينك و نزيد على شمالك و نبقالك خديم و طايع على طول زمانك
31_
جاز عليا شباب في يدو منديل ازرق و شاشيتو معنقرة و لبستو تبرق عليه نسمح في الولد و عليه نطلق وعليه نخلي البلاد ونردها خندق
32_
عديان الجبال خطبت بنت الرجال و الي يقول كلمة فالبنية عند الصبح تبان
33_
خرجت و حدي فالليل و خرجات الليل صعيبة انسيت المحنة و الويل و اتفكرتك انتي يالحبيبة
34_
شجرة ياسمين نايضة في وسط الغرفة عروقها سكنجبير و غصانها قرفة و الله ماننساك يازينة الوقفة
35_
>قطّعتاللحم بيدى و عملت بذور و سمعت الكلام بوذنى و عرفت من قالو ،يا قايلين
الكلام القبيح واش تربحوا أنا طاوس في القصر و انتم خفاش النهار ما
يضوالو
36_
التمر و الحليب في طبق و سط الخيمة نهديهم للحبيب باش يوالف ديمة مايعزش لي فالجيب هداك زوجي يالميمة
37_
رشّيت عتبة الباب بالزهر و الطيب ، وسقيت كل الأحباب بالعسل و الزبيب و كي نسيت جاني جواب كنت نستناه من عند البعيد
38_
خرجت نهار الجمعة في يدى شمعة قالولي أمسحي ديك الدمعة و انساي الخلعة قريب يتلموا احبابك و صحابك و يفرحوا معاك الجماعة
39_
يما يما ديريلي تويقة في وسط الحديقة باش نشوف زهري كي تجيبو ديك الوريقة
40_
يالي جاية من العين وبيدك مليتي السلة سبحان من عطاك الزين و زاد في بهاك ديك الحلة
41_
الناس تنده بالرجال و الوالي ، وانا ننده بربي العالي
42_
عسل يا عسل في باقة خضرا يا شميمت العاشقين يا قمرا حلف سيد الملاح ما يرأس أمر غير إذا جات غزالته باش تكمل الحضرة
43_
حوم حوم يا حوام ، حوم فوق السطح العالي و قول لها يا لالة يا زينة لبنات و خدودها براقة و عيونها غراقة صارت كل القلوب ليها سباقة
44_
علاش يالالا التخمام رحمة الله و اسعة و كبيرة لوكان جات بالكلام نتحدثو و نعطوك تدبيرة بصح كلشي بالمكتوب ويعيى الخير يبان و تزول عليك الهموم و تروح الحيرة
45_
يا شمس واش بيك ذابلة إلا لابيك الزين راني نفكر فيك و اذا بيك الزهر ربي ما يتخلى عليك
46_
جزت على جنية ، قالت لي واش تحوسي يا ولية ، قلت لها مانى نحوس لا على مال ولا على جاه ، نحوس على من ضيعت يولي ليا
47_
نبعت لكم دموعي في مشوار زرق و نبعت كلامي في برية تحرق ما ننساكم يا ناسي بحق مكة و بلاطها لزرق
48_
دارنا في الجبل مقابلة مكة مفتاحها من ذهب يشعل ما يطفى
---------------------------------
أيا بيباي و تهلاو في رواحتيكم
و الله يدوم gــوصطوكم .. :blushing:
آخر تعديل:
