إستفسار عن ماستر أدب ولغة عربية

[Iman89]

السلام عليكم ورحمة الله تعالى وبركاته
أردت أن أسأل أصحاب التخصص عن ماستر أدب ولغة عربية وما هي أهم الشروط للإلتحاق بالسنة أولى ماستر وهل بإمكاني أن أنتقل من جامعة إلى أخرى في حالة قبول ملفي
أرجو أن تفيدوني بأهم المستجدات وتقبلوا مني جزيل الشكر والعرفان

 

[نقاء الروح]

يختي بالنسبة للشروط كل جامعة تحدد شروط يعني كل جامعة كيفماه .انا نعرف وحايد يقراو علوم اقتصادية دخلوا راتراباج وهاد العام يقراو ماستر
بالنسبة للانتقال للاسف ما عنديش فكرة

 

[Iman89]

يختي بالنسبة للشروط كل جامعة تحدد شروط يعني كل جامعة كيفماه .انا نعرف وحايد يقراو علوم اقتصادية دخلوا راتراباج وهاد العام يقراو ماستر
بالنسبة للانتقال للاسف ما عنديش فكرة

بارك الله فيك حتي يعطيك الصحة...نشالله نلقى حل لمشكلتي

 

[Iman89]

أخي مهدي اي اجة تخص الماستار ردلي هنا تعيش

 

[كون معانا يا رب ..]

شوفي أختي لعزيزة أنا طالبة أدب عربي و الشئ الي علابالي بيه نحاول اني نفيدك بيه و على هادا تبعيني مليح
أول حاجة لازم تكوني علابالك بيها هي أنو كاين 2Master
و كل واحد تقرايه مدة عام واحد

Master1 أي واحد يقدر يسجل فيه و يقراه لاشتات فات و دخل راطراباج و لاشتات طلع معاه الكريدي من قبل
و الهدف الوحيد من هاد الماستير هو تعزيز الكم الثقافي للطالب خاصة و أنو قرا 3 سنوات برك في هاد النظام تع LMD و هكدا نقدروا تقولوا أنو الطالب الي عندو ليسانس في النظام العادي ماراهوش خير على الطالب الي في نظام LMD

درك نوليو للماستير2 أي العام الثاني ...و هنا يبداو الشروط psk مش أي واحد يقدر يسجل فيه
و من الشروط الي علابالي بيها أنو مايكونش دخل راطراباج من قبل و تاني يكون من Les majors promos2 في السنة الثالثة أي العام تع لاليسونس برك
و لاكان ماشي من لي Les majors لازموا المعدل تاعوا مليح أي أكثر من 11/20 باه على الاقل يقدر يكلاسي مع المتفوقين على الأقل في La section تاعو....
أنا فت و بديت أسناي نكملك
أي واحد قرا عامين تع الماستير رايحة تكون ليه الأولوية في الخدمة اكتر ملي قراو فالمدارس العليا تع الأساتذة أي ENS
بصح يقدروا برك يقريو الابتدائي و المتوسط أما الثانوي لازمهم يجوزوا un concourt و لاكان كان هاداك الطالب عندو ارادة كافية باه يكمل الدكتورا فخير و خير أي رايح يسمحلوا الشئ هادا باه يحصل على شهادة الدراسات العليا الشئ الي يخليه يقري فالجامعة في نفس الوقت الي يكون فيه قاعد يوجد في الدكتورا تاعو ....يا ربي وش تاني !!!!!!
هيه تفكرت كي يوصل الطالب للماستير 2 و للدكتورا تولي la bourse تاعوا عبارة على un payement ماشي بزاف بزاف Mais معليهش

و انشاء الله يا ربي نكون فدتك و لو بالشئ القليل
نطلب منك حاجة وحدة برك أدعيلي ربي يوفقني باش نكمل القراية تاعي حتى للأخير



​