خاص جدا ( مساعدة )

[lespoire]

السلام عليكم
شكرا لكم على النصائح اللي مديتوهالي مي لازم نقولكم حاجة ونزيد نضيفها بلي
بلي خوه لكبير حب يجي يهدر مع بابا مي خاف يتفاسدوا هو و باباه ، مام زوجة أختو هدرت معايا وحكاتلي وقالتلي بلي هك انا صراتلي المرة الأولى محبش يقبل لأبنو لكبير وهك دارلوا نهار قلوا يخطبلوا
وهو كل مرة كي يحكي مع باباه يديرلوا هك
آخر مرة قلتلوا شوف واحد قريب لباباك صاحبوا ولا عمك ولا خالك المهم واحد يكون قريب لباباك ويسمعلوا مي نفس النتيجة
و الله مفهمتش واش ندير هو ثاني معلبلوش واش يدير
مي باباه حرام عليه تاع الصح ومحقش عليه يجي يقلي قلي لباباك راني نجي عندوا ومن بعد يروح وميوليش خبيت بزاف على والدي مي والله عييت وكرهت لأني عايشة في ضغط كبير بزاف
قلتلكم بلي كاين لي حاب يخطبني وبالك حساب ما قلتلي المرأة راهم نهار السبت ولا الأحد يجيو ومعلبليش واش ندير
وجهوني ربي يعيشكم

 

[naGam]

أختي انا قريت الجزء هذا مي مافهمتوهش حتان روحت للقصة من المرة الأولى نحب نقولك بلي معظم قصص الحب تلقى الناس فيها مشاكل وسيرتوا من جيهة العائلة نعطيلك نصيحة اختي هو والدتوا ماحتمتش عليه باه يتزوج الطفلة هاذيك بالسيف يعني شافت بنت عجبتها تمناتها لولدها مي كون جات عارفة بلي وليدها حابك انتي حاجة باينة رايحة توافق انا واش نقولك اختي انتي شوفي الناس اللي جاينك وقوليلوا هذا الشخص انك تخطبتي هو هكذا تحطيه قدام الأمر الواقع واذا يحبك صح راح يدير المستحيل ونزيد نقولك حاجة ربي قالك والديك طيعهم في كل شيء غير زوج حوايج برك هوما(الزواج والدين) وقوليهالوا هو واذا كان يحبك راح هو يجيب خوه لكبير كيما قلتي ولا عموا ويفهم باباك ويقولوا هكا بلعكس ممكن باباك يتفهم الموضوع ويزيد يعاونكم ويعطيكم حلول واذا كان ماهوش قد المسؤولية يكون ربي دارلك خير وماتزعفيش والحمد لله اللي خطبوك راهم معاك وربي يجيبلك اللي فيه الخير وزيد تاني انتي قلتي بلي والدوا جاك للعمل وقالك قولي لوالدك رايح نجيك غدا هاذي ديريها في بالك مليح يمكن هو يحوس يخلق الأسباب نتمنى نكون ساعدتك
​

 

[اية هبة الرحمان]

ادرسي هذا الخطيب لي رايح يجي نهارالسبت بلاكش ربي بعثهولك في الوقت المناسب باه ينسيك فالاول انا و الله نشوف فيه يدير في سبايب هذا ما كان و الله اعلم
و اذا كان يحبك صح و الله يعمل المستحيل كي يسمع بالخطبة تاعك بصح اذا ما عمل حتى خطةو تاكدي بلي راه يتمسخر هذا ما كان و الله اختي خليك من الخيوط الراشية

 

[وهج الصحراء]

شوفي نقولك اختي باباه مراهش حب يسعد ولاده في هذا الوقت حتى اب ميحبش يشوف اولاده تعاساء كل اب يحي يشوف اولاد فرجنين مع شريكة حياتهم لي اختروها وهي اموا ربي يرحمها كي تحس والدها فرحان مع لي اختارها رايحة تكون فرحانة محال تغضب عليه لازم عليهم يشوفوا واحد مقرب لباباهم ويحكي معاه ويفهموا وربي يجيب الخير اختي عليك بصلاة الاستخارة متنسيهاش

 

[selma déco]

أنا نصحكم يا ختي أنك تدعي لربي و توكلي باباه لربي
و ربي معاك إن شاء الله ,,,,,,,
وإن شاء الله تكونو لبعضاكم والله يهدي باباه
​

 

[sam11]

شوفي اختي كيما قالو اللي قبلي لازم وليدو يشوف شيء ناس كبار

ويحكيو معاه يكونو مقربين ليه ويحالو يقنعو بانو هادي حياتو وسعدتو هو ومحال

امو تكون غضبانة عليه وشيء تاني العريس اللي متقدم ليك صلي استخارة وشوفي

وربي يوفقك ويعطيك ما تتمني وانش اء الله تتحل على خير

 

[lespoire]

شكرا ليك اخي hawli09الكريم على النصيحة وربي يسترك راني موكل أمري لربي سبحانو و إن شاء الله ربي يجيب لي فيه الخير

 

[lespoire]

شكرا للجميع على النصائح الكريمة تاعكم علبالي كل شيء بمكتوب ربي و كل واحد واش مكتبلوا ربي في هذا الدنيا و الخالق عمروا ما يضيع و كل واحد خلقوا ربي خلقلوا مكتوبوا ورزقو معاه
ربي يجيب لي فيه الخير يا رب أدعيولي برك ربي يسقم لحوال ويهدي باباه و يرضنا علينا هذا ما كان ما طلبت لا مال حاجة أخرى طلبت أن يرضى علينا و خلاص

 

[Elif DZ]

سامحيني لكن و الله ما فهمت
​

 

[lespoire]

راني مع علاقة مع وحد الانسان هو غنسان عزيز علي بزاف بزاف كنا نقروا مع بعضانا لما وصنا للباك كل واحد وين راح هو راح بعيد يخدم و أنا كملت قريتي وراني نخدم دك وما تلقيناش أنا وهو مدة 5 سنين
المهم مرت الأيام وتلقينا وحكينا وطورت العلاقة تاعنا ورانا دك مع بعضانان
مرت فترة قلتلوا بلي لازم يجي للدار يخطبني باش ما نطيحوا في حتى مشكل لأنوا تاع درانا كانو علابالهم المهم هدر لدارهم باش يجيو مرة من المرات كنت قاعدة في الخدمة جاء باباه عندي وأنا مكنتش نعرفوا المهم عرفني بنفسوا وحكى معايا شويا وراح ، لغدوا من داك جاء عندي وقلي قولي لباباك بلي راني غدوا إن شاء الله نجي عندكم للدار باش يحكي معاه في الموضوع تاعنا ، المهم راحت للدار وحكيت لأمي وهي حكات لبابا ، فات النهار الأول ومجاش وفات النهار الثاني وما جاش وهك حتى فاتت 15 يوم ،بقيت حايرة ومن بعد حبيت نستفسر علاه مجاش بابباه هو في الأول محبش يقلي مي أنا ظغطت عليه باش يقلي قلي بلي قبل ما تموت أم هدرتلوا على وحد الطفلة باش تخطبهالوا وقلي انا قلتلها مزال باش نخطب منيش نخمم دك في الزواج ، قلتلوا وعلاه ما قلتليش من قبل قلي راني مكنتش حطها في بالي ومكان حتى وحدة في بالي بخلافك ، المهم فاتتت ايام وأيام وراني مزالني على نفس الحالة بابا كل مرة يسقسي يما عليهم وأنا حرت واش ندير ، وراهم كاين بزاف لي يحوسو يخطبوني مي أنا منيش قدر نتصرف منخبيش عليكم منيش قادرة يبعد عليا ولفت بيه وهو والفني ، قداش من مرة يهدر مع باباه مي باباه مزالوا في نفس الراي وديما يقلوا بلي يماك تغظب عليك مفهمتش واش ندير وهو ثاني وراني حب تعطيزني أراء تاعكم لأنو غيظتني بزاف روحي وباباه حرام عليه يديرنا هك وعلى هذا ربي يستركم راني ملقيت واش ندير وجهوني وشكرا واسمحولي طولت عليكم بحكيتي .

 

[messikimo]

ما فهمتش القصة

 

[etoo14]

اختي من فضلك الاجزاء الاولى

 

[PublIsheR2]

اللي فيه الخير يكتبو الله تعالى ان شاء الله