ياو روح عاونهم كيفك كي الرجالة

[لاجيري مون امور]

السلام عليكم ورحمة الله تعالى وبركاته
وشراكم لاباس
بصح انا مانيش لاباس :sneaky2:
نقلكم علاه ؟ اسناو نحكيلكم من لول
يا سيدي البارح رحنا لعرس انا وماما واختي الصغيرة (عرس يهبل:yahoo
زيهينا وضحكنا وقصرنا , ومبعد ماما قاتلي خلاص يا بنيتي فيها باراكة هيا نروحوا
قلتلها خلاص عيطي لبابا يجي يدينا . عيطتلو وكي جانا دخل في وحد لبلاصا فيها ياسر
رمل وحصل في هاديك لبلاصا ما قدرش يتحرك:scared::scared:
احنا بقينا نسناو فيه البرا وش راح نديرو:du_nno:
جا طفل صغير شوية يعاون فيه, ومبعد جا وحد طفل جان انا فرحت :yahoo::yahoo: قلت
هاذا هاو كبير ضرك يعاونو ونروحو . مالا الراجل قاعد واقف ويتفرج فيا :busted_red::busted_red:: طbusted_red:انا الغاز طلعلي . قتلوا في قلبي يعطيك عماء فيهم هادوك العينين ماكش شايف الراجل مسكين واحل كيفاه راح يخرج طونوبيلو وانت قاعد تغرزن على لبنات.
بصح الحمد لله جاء واحد ولد حلال وعاونو و خرجلو الطونوبيل
ذرك السؤال هو : يرحم والديكم قولولي هاذي الفئة من الشعبة وش تولي تخمم في هاذا الموقف
*

 

[حفيد هواري بومدين]

وافقت على الموضوع بصح وين الهدف منو؟

 

[somiasahraoia]

والله يا اختى ما بقىاش الاامن في القلوب غير بي يستر

 

[** غزال الصحراء **]

موضوع مليح و عندو معنى كبير ,, راني شايف كليكة كبيرة من اللي راكي تحكي عليهم ,, و الله ما يحركو الحجرة من بلاصتها .. يشوفوك تموت نورمال يتفرجو فيك كون يصيبو يزيدو عليك

و الله حالة لا يرثى لها ,, واش رايح نقولك هاذي هي الدنيا ربي خلق و فرق , كي جاكم اللي عاونكم الحمد لله , و لوخر قولولو طريق السد تدي و ما ترد

ياخي عباد ياخي

ويو .

 

[DARINE05]

والله عباد كيما هذو يستهلو السبان في الوجه

 

[هشام رضا]

ههههههههههههههههههههه لوكان انا راني هزيت السيارة كامل من الارض باش نولي بطل ههههههه ماشي نهف بالنظرة برك هههههههههههههههههههههه

 

[لاجيري مون امور]

وقدر تكون هيا لبسة لبسة تع عرس واك تعرف خويا اللباس تع لعراس منحكيلكش والسيد نسا روحو وبقى يتفرج
ومعا هذا نقول انه مزل مرهاق مديريش عليه او يكبار وينسى
نرجو تثبيت الموضوع لتعم الفائدة ​

لا لا خويا كنت لابسة عباية كي البابور واسعة بزاف مع الخمار طبعا

 

[لاجيري مون امور]

كل واحد وكفاه كاين لي قلبو ياكلو وكاين لي قلبو ميت المهم يخزر فيك نتي
وزيد نتي علاه قاعده تما ههههههههه

ياخويا اسكت عليا انا قلت لماما نعاودو نرجعوا قاتلي لا لا نقعدو نسناوه بصح كي شافت هاداك يبرق في عينيه قاتلي هيا ندخلو

 

[لاجيري مون امور]

ممكن كان صح حاب يعاون مي كي شافك المسكين غير الحطة و الروايح راحلو راس الخيط

معذور المسكين .. احسني عونو ... جاوبيني و بعدها عاون بباك و لا ما عاونش ؟

انا تبانلي بدا يجبد من الكابل تحول ثور و طلع الطوموبيل على جال ترضاي عليه
هههههههههههههههه

سامحيني راني سايط شوية

مرسي على الموضوع
♥☺♥

ههههههههههههه لا لا اختي مادار والو قتلك قعد غير يتفرج فيا. بصح انا عودت دخلت للعرس ماقعدتش البرا*

 

[b.bouchra]

ايييييه من الي راحت البركة من الارض
تبدلت الدنيا رانا عايشين غير على وجه
الصاااالحين

 

[امينة لبرايجية]

هادي حكاية .........

 

[لاجيري مون امور]

ههههههههههههههههههههه لوكان انا راني هزيت السيارة كامل من الارض باش نولي بطل ههههههه ماشي نهف بالنظرة برك هههههههههههههههههههههه

ههههههههههههههه ظهرت مدنس اكثر منو

 

[لاجيري مون امور]

موضوع مليح و عندو معنى كبير ,, راني شايف كليكة كبيرة من اللي راكي تحكي عليهم ,, و الله ما يحركو الحجرة من بلاصتها .. يشوفوك تموت نورمال يتفرجو فيك كون يصيبو يزيدو عليك

و الله حالة لا يرثى لها ,, واش رايح نقولك هاذي هي الدنيا ربي خلق و فرق , كي جاكم اللي عاونكم الحمد لله , و لوخر قولولو طريق السد تدي و ما ترد

ياخي عباد ياخي

ويو .

عندك الحق خويا رانا عايشين في العجب

 

[the_end]

الله يهديهم عيباد
كيما هادو علاه راهم عايشين
تحياتي

 

[Rochdi.dz]

لامور من أول بابور

ههههههههههههه

ياك النظرة اللولة تهبل

je t'ai aimé de premier coup​

 

[لاجيري مون امور]

الله يهديهم عيباد
كيما هادو علاه راهم عايشين
تحياتي

شكرا لمرورك اختي نورتي الصفحة

 

[هشام رضا]

سمحيلي ختى في الرد السابق كنت امزح فقط
انا نقولك واش ندير والله صراحة
لما تكون هناك فتاة واحد يطلب المساعدة تاع تخراج السيارة
انا عندي نورمال القوة باش نخرج السيارة حتى من الطين
مي المشكل انا نحشم حتى من الرجالة كيفاش راح ندير
تولي قوتي هذيك 0 ههههههههههه
مي نعاونو على وجه الله

 

[لاجيري مون امور]

سمحيلي ختى في الرد السابق كنت امزح فقط
انا نقولك واش ندير والله صراحة
لما تكون هناك فتاة واحد يطلب المساعدة تاع تخراج السيارة
انا عندي نورمال القوة باش نخرج السيارة حتى من الطين
مي المشكل انا نحشم حتى من الرجالة كيفاش راح ندير
تولي قوتي هذيك 0 ههههههههههه
مي نعاونو على وجه الله

ههههههههه لا لا علابالي بيك تتمسخر برك
شكرا على مرورك

 

[مسيلية فوور]

نقلك وش رايح يخدم هذاك الجون

ياو رايح يخدم حيطيست هههههههههههههههههه

الحيط والقدام +التبرقيق لما مفهمتيش الكلمة هاذي قوليلي

 

[ρriηсєѕѕ]

هههههههههههههههههههههههههههههه

ولله غير ضحكتينى خيتى

ههههههههه

ماما راهى جزائريه و كى سقسيتها قاتلى

قوليلها هداك طفل عندوا لا مبالاه و سلبى

مشكوره خيتى على الموضوع

​