نصائح للبنات من عند جداتي الله يرحمها في خاطر بنات اللمه

[الجندية]

السلام ع ـليكم

آآو اليوم موضوعي للبنات برك

وماعليش لاجا كاش جان

المهم واش راكم ؟ بخيـر ؟ الحمد لله

انشالله تدووم لمتنا :closedeyes:

ماعليناآآش

رانا نشوفو المعاكاسات نتاع الشباب على البنات
ماكانش البنت تقريبا اللي ماصراتلهاش
بس بس بس باغي نحكي معاك
دقيقه ختي آآآووو كي شااابه الله يباارك
معلش نيميرو نتاعك ....... نجي نخطبك
الله يباارك .. وين تسكني ... هاقيمينا احكي معانا
هادي كلمات متداااااااااااوله بزاااااف ف المعاكسات طبعا
نوليو للمفيــد
جداتي الله يرحمها كانت تهدرني بزاف على صوالح الدنيا
ربي يرحمها وكل اموت المسلمييين انشاللله :tears:

كانت تقولي طرق باش تتفادى البنت المعاكسات
راكم عارفين نتاع بكري يعرفو كل شي
وينصحو بزاف والحمد لله انا من الناس اللي بزاف تحب تسمع وتعمر راااسهااا

هاشويا نصائح بعد ماكنت نضل نشكي انا وختي من المعاكسات

بسم الله نخبركم

قاتلك ياسيدي كي يجي واحد بحال يعاكسك ديري روحك
ما شفتي ماسمعتي ماتردي ماتتلفتي فيه ماتقييميهش
حتى بنظره هو يمل ويروح طبيعيا
وتاني ماتتبسمي ماتزعفي يعني نقولو لامبالاة
وتاني تجيبيهالو بضحكه بحال
يقولك اوووو شحال شاابه الله يبارك
قوليله يعااودها ههههه تحشميه
هادي والله غير فور راها نافعتني هع
والمهم المهم المهم المهم
كيما قاتلك جداتي اللللللللله يرحمها
اللبسه اللبسه ثم اللبسه
كي يشوفو طفله محتشمه في اللبس تكون المعاكسات اقل
من اللي تكون لابسه لبسه مش لايقه
وهااااذي من عند ماماتي هههههه
قاتلك ماتعطيش النيميرو نتاعك لقاع البنات اللي تعرفيهم
غير اللي عندك فيهم كونفيونس
والكونفيونس راها قليله ف هاد الوقت
انشالله عجبكم الموضوع
وصحيتوو قاع كيما راكم قاااع
آآه وقبل ماننسى هاد الموضوع مدعوم
من شركة شوشو للانتاج السينمائي
والسلام عليكم

​

 

[الجندية]

الف شكـر ع الاعتماآد
تحياتي
​

 

[ماكانش]

يعطيك الصحة
نصائح هايلة
ربي يرحمها​

 

[**بنت الأصول**]

مشكورة فاتي على النصائح وربي يرحم جدتك إن شاء الله
​

 

[dana1993]

السلام عليكم جدادتك هدرت و مغلطتش ربي يرحمها ان شاء الله هي وكل موتى المسلمين آآمين ياربي
و ربي يستر بنات الناس ويهدي لمعوجين

 

[STAR ALGERIE]

ربي يرحمه ويسكنها فسيح جنانه
مشكورة بارك الله فيك

 

[iméne09]

الله الله على نصائح لهايلة من عند جدتنا لعزيزة ربي يرحمها عندها الحق في كل كلمة وكلامها موزون وراهي مجربة صح الواحد كون تعطيلو الوجه هو لي سمط عليك مي كي ماتقيميهش يكره و يروح وحدو يعطيك الصحة حنونتي ع سيجي لفوور وسالي على ماماك ​

 

[~ مستشـآرهـ طـرزآنـ ~]

ربي يرحم جداتك ان شاء الله
والله غير عندها الصح...هاذاك واش لازم نديرو حنا
شكرااااااا ليك فـآتي​

 

[la_safa]

شكرا على الموضوع وربي يرحم ناناكي
الحمدلله على كل شئ لختي موضوع رائع و هدي اكيد نصائح سرية بين البنات ههههه نورمال حتى ليجان لازم يطلو
ان شاء الله تعجبهم باه يقولو لجدهم ينصحهم ههههه
والله شكرا حبيبتي
ويا ليجان راني نتمسخر لا تزعفو عليا

 

[la neige]

الله يرحمها ويعطيك الصحة خيتي ربي يهنيك ويفرحك

 

[AnGeL*dZ]

الله يرحمها جدآتك
عندها الحق في كلمة هدرتها سيرتو تاع اللبســــــة

​

 

[المتفائلة خيرا]

~.~نصـــآئح روعـــــــــــــــه شكرا جزيلا ~.~
وربي يرحم جداتك على الكلام الحكيم ​

 

[الجندية]

يعطيك الصحة
نصائح هايلة
ربي يرحمها​

مشكورة فاتي على النصائح وربي يرحم جدتك إن شاء الله
​

السلام عليكم جدادتك هدرت و مغلطتش ربي يرحمها ان شاء الله هي وكل موتى المسلمين آآمين ياربي
و ربي يستر بنات الناس ويهدي لمعوجين

ربي يرحمه ويسكنها فسيح جنانه
مشكورة بارك الله فيك

ربي يخليكم الف شكـر
المهم عجبوكم النصائح
​

 

[قَطٌر❀ الٌنَـدَى]

ربي يرحم جداتك وجميع موتي المسلمين

نصائح مفيدة وعندهم الحق كي جداتك كي ماماك

يعطيك الصحة عاملوضوع

 

[الجندية]

هاني فقت بيك درك ... تطيحي في يدي من نبدا و انا نشرشي و ما نسكتش خلاص حتى تنطقي هههههههههههههههههه

الله يرحمها جداتك عندها حق .. احسن حل ما تجاوبيش خلاص و تصمطي و ما تضحكيش مهما قالك

تهلاي في بعضاك اختي و مرسي على الميضوع و اسمحيلي كي دخلت نقرعج عليكم يا بيناويتات أوكي ؟

بون ما بقى من لانوي

♥☺♥

ههههه صحيت خويا
الف شكــر
​

 

[الجندية]

الله يرحمها ويعطيك الصحة خيتي ربي يهنيك ويفرحك

بصح الدنيا اي تعكست اختي ولو لبنات هما لي يكحلو على الطفل ماشي الطفل لي يحل على الطفلة مدبيك تعطينا نصائح باش نعرفو كيفاش نديرو كي تكحل علينا طفلة
هيا في لمان وربي يرحك جداتك
​

الله يرحمها جدآتك
عندها الحق في كلمة هدرتها سيرتو تاع اللبســــــة

​

~.~نصـــآئح روعـــــــــــــــه شكرا جزيلا ~.~
وربي يرحم جداتك على الكلام الحكيم ​

وربي يخليكم ليا يا الغاليين
الف شكـر
​

 

[الجندية]

ربي يرحم جداتك وجميع موتي المسلمين

نصائح مفيدة وعندهم الحق كي جداتك كي ماماك

يعطيك الصحة عاملوضوع

الله يخليــك
تحياتي
​

 

[الجندية]

الله الله على نصائح لهايلة من عند جدتنا لعزيزة ربي يرحمها عندها الحق في كل كلمة وكلامها موزون وراهي مجربة صح الواحد كون تعطيلو الوجه هو لي سمط عليك مي كي ماتقيميهش يكره و يروح وحدو يعطيك الصحة حنونتي ع سيجي لفوور وسالي على ماماك ​

الله يحفظك والف شكـر على مرورك
ويسال عليك الخير انشالله
باايووو
​

 

[معاك يا الخضراء]

هههههههههه انا الي يقلي نحوس على بنت حلال
نقولو مانيش :surrender::surrender:
يقعد بلا راس المخلوق :yahoo::yahoo:​

 

[رجاء*ريمة]

شكرا على النصائح اختي و ربي يرحم جداتك انشاء الله