الزين لشباب و البنات مهم ولا لالا // سؤال محير

[MAN1850]

أعضاء اللمة العزاز على قلبي

-------------

عندي استفسار يحير و يحبس العقل
و الموضوع هو ( الزين ) الجمال
- كاين منكم بزاف الي يقول لي الجمال جمال العقل و الأخلاق و بصح انا نقوللكم
كاين جمال الجسد و الوجه // هو صح كاين جمال العقل و الاخلاق و التربية الــخ ...
mais في وقتنا هذا ما شكيتش كاين الي مزالو يهمتو بهذ الحوايج
و المشكل ان الناس كل ولاو يشوفو لبعضاهم بالمضاهر
اما عن الاهتمام بجمال الخلق ( الجسد بكامله ) هو مهم بكثرة في حالات الحب بين الجنسين
حيث في نضر الأغلبية ان هذا الشرط المهم في الارتباط //

و ماذا عن الذي لم يرزقه الله بجمال الخلق // - هل لن يستطيع العيش
- او ستصعب عليه الحياة و المواصلة الاجتماعية مع الطرف الاخر ؟؟

مع اني من الناس التي تؤمن و بشدة بجمال الجسم ( اي ما خلق الله )
لأنني جربت من قبل في علاقات مع الجنس اللطيف ان اتقبل بنات لا يعجبني شكلهم
لكن العلاقات سرعان ما تنتهي عكس الفتيات الحسناوات

لو فقط نعرف السؤال المحير
هل حقاا الناس تنضر الى جمال الأخلاق و لا تهتم بجمال الخلق كما يدعون ؟؟!!
انا هنا للمناقشة معكم
و اتمنى من الذي سيرد ان يكون واعيا و عاقلا و مثقف لكي يفهم كلامي

-------------

و اخير نقوولكم
الحمد لله على نعمة الزين
بصح ما نقدرش نشهد على روحي بلي
عندي جمال الأخلاق // مش انا الي نقول !!!! (^ـ^)
​

 

[** غزال الصحراء **]

الموضوع موضوع نقاش , من المفروض ينقل لقسم الحوار و النقاشات الجادة
ولكن لا بأس , يترك هنا إستثناءا

يعتمد .

 

[dana1993]

هل حقاا الناس تنضر الى جمال الأخلاق و لا تهتم بجمال الخلق كما يدعون ؟؟!!
و الله كي نعرف ناس زينة و العقل 0 ماعندي مندير بزينها مي كي نعرف ناش خليعة و العقل مليار فالساعة ظرافة و عقلية هاذوك لي ينفعو و يتعاشرو
يعطيك الصحة

 

[ماكانش]

والله ماعلابالي سقسي لبنات
هههه​

 

[المتفائلة_91]

موضوع مليح/// للحجز
مباعد نولي

 

[قَطٌر❀ الٌنَـدَى]

شوف خويا يكذب عليك للي يقلك مانحبش الزين بصح ناكدلك علي حاجة بلي ماهوش هو كلش العقلية والاخلاق اهم منو بزاف وراني نحكي من تجربة انا عرفت ناس تشوفهم من برة تقول هذا ماندي وانت تخلط فيهم تنعل النهار للي عرفتهم فيه والعكس وللي تعلمتها ثاني ابدا ابدا منحمكش علي المظاهر ونتخدعش بيها
وشكرا​

 

[وسام الزرقاء]

انشاء الله نكون عند حسن الاجابة القليل في وقتنا الذي يهتم بجمال الاخلاق و هو الاساس في ظني .
لان جمال الجسد سوف يوجد وا لتوفر وسائل التجميل .
فجمال الوجسد ليس كل شيء.

 

[الجندية]

خويا نكذب عليك لوكان نقولك مانحبش الزين
راه كل شي بالزين والعقليه

​

 

[الجريئة]

خويا يكذب عليك الي يقولك مانحبش الزين
بصح ماوش كلشي
انا جربت تعرفت على بنات من برا ملاك بصح عقلية ماعندي ما نقولك وليت ننعل في النهار الي شفتهم فيه
موضوع رائع شكرا

 

[mimi-ba]

و الله يا خوي هذه هي حال الدنيا مي لي ماراهوش زين ما يعيشش و صدقني هذا سبب مهم من اسباب الإنتحار في هذا الوقت و هو عدم تقبل الإنسان لشكله أو بالأحرى عدم تقبل الناس له و هو ما يدفع الى الإنعزال و نكران الذات و يعني في الحقيقة الواجب علينا أننا نساعد هذه الفئة على الخروج الى العالم بتقبلها و عدم التشكيك في قدراتها فمثلا لقد كان الجاحظ أسوء الناس منظرا و لكنه أحسنهم علما و بالنسبة لي أرى أن نستثمر مواهبهم بدلا من التهميش والقتل الغير متعمد.سامحني لكان طولت وتقبل مروري هذا مجرد رأي.​

 

[جوانا]

هههههههههههه ههههههههههههههه شبعت ضحك مزالك تامن بلغولة
***********************************************************
الله جميل يحب الجمال *الله جميل يخلق الجمال
ودروك يا خويا أنا نفضل جمال القلب و الأخلاق بي 100000 مرة على جمال الخارجي

 

[قالمية ونصف]

الموضوع ادا شفتوا قداه من مرة

 

[ήaήa~:)]

سينورمال العقلية هيا الصح .. بصح مايكونش طنيجرة .. شوية زين و بزاف عقلية ^^ ​

 

[MAN1850]

الحمد لله على نعمة الزين و الاخلاق
​

 

[نسيم الربيع]

انا يبالي الطفل الزين يكون حاسب روحو منو وحدت والاغلبيه تاعهم مغرورين على هذا شريك حياتي ان شاء الله نخيرو مايكونش زين بزاف يكون مقبول وخلاص اما الجمال الداخلي اكيد راح يكون من اهم شروطي باه نقبل مارسي عالموضوع ... سلالام​

 

[DIAMANTA]

يا خويا الجمال امر ضروري بنظري(اقصد الجمال العادي لا الجمال الفتان..) لانه حتى وان كان الشخص ماشي مليح بزاف ولوكان تكون عقليتو مليحة اكيد راح تزيدو جمال
موضوع غاية في الروعة
سلام

 

[هشام رضا]

السلام عليكم ورحمة الله وبركاته

صباح الخير والله غير ضحكتوني
هذي تصويرتي راهي في التوقيع والله يبارك مانيش زين
نعطيكم حاجة خاوتي برك
انا توفى ابي منذ مدة 3 اشهر تقريبا ( الله يرحمو )
+
لما توفى درست في النت ان جسده يختفي ويبقى سوى قطعة منو ليخرج فيما بعد ياك هكذا
لماذا لم يطرأ كل هذا على الجسم لما كانت فيه الروح ؟؟؟
الله يقول لنا ان الروح هي كل شيئ و الجسم هو طين فقط و سيغيرنا الله فيما بعد إن شاءالله في الجنة
اونبليس اللي ينتحرو لهذا المشكل ( انا صح نعاني منو ) مي نقولكم انا منخسرش جنة تاعي على جال طفلة تمشي معايا إذا كان الله عطاني اسمر ربي يخلفها في الجنة والحمد لله وراني صابر حتى ولو مانمشي مع حتى طفلة
الله يهديكم هذا منقول و زيد الراجل اللي تحلمو بيه زين ( عندو مشاكل عظمى ) منحكيهاش خير مي سقسيو واش يصرالهم في لارمي برك هذا مكان
وشكرا

 

[هشام رضا]

سامحوني مي والله نعاني من المشكل هذايا بزاف الله غالب هههههههه

 

[MAN1850]

فالدنيا هادي ظرك الجمال يلعب دور كبير
تكون شباب يطيحولك لبنات و تقدر تكون علاقات بسهولة
سوا علاقات عاطفية ولا فالعمل ولا اي شيئ

اما الدي اعطاه الله قدر قليل من الجمال فيلقى صعوبات كبيرة
و يكدب عليك ولا تكدب عليك الي يقلك منحبش الزين

والزين للمرا مش للراجل
كاينة مقولة تقول
الرجل يجب ان يكون أجمل من القرد بقليل

بصح حنا لوكان ميكونش بوقوص ميعمرلهمش العين
​

الله الله على عين العقل و الواقعية يا شهبندر
على بالي بلي يكذب الي يقولك ما نحبش الزين
و الرجل ثاني لازمو يكون شباب و مضهرو مهم
و لو كان الزين مش مهم للرجال علاه ربي اعطى نص
الجمال في العالم الى سيدنا يوسف عليه السلام
​

 

[MAN1850]

السلام عليكم ورحمة الله وبركاته

صباح الخير والله غير ضحكتوني
هذي تصويرتي راهي في التوقيع والله يبارك مانيش زين
نعطيكم حاجة خاوتي برك
انا توفى ابي منذ مدة 3 اشهر تقريبا ( الله يرحمو )
+
لما توفى درست في النت ان جسده يختفي ويبقى سوى قطعة منو ليخرج فيما بعد ياك هكذا
لماذا لم يطرأ كل هذا على الجسم لما كانت فيه الروح ؟؟؟
الله يقول لنا ان الروح هي كل شيئ و الجسم هو طين فقط و سيغيرنا الله فيما بعد إن شاءالله في الجنة
اونبليس اللي ينتحرو لهذا المشكل ( انا صح نعاني منو ) مي نقولكم انا منخسرش جنة تاعي على جال طفلة تمشي معايا إذا كان الله عطاني اسمر ربي يخلفها في الجنة والحمد لله وراني صابر حتى ولو مانمشي مع حتى طفلة
الله يهديكم هذا منقول و زيد الراجل اللي تحلمو بيه زين ( عندو مشاكل عظمى ) منحكيهاش خير مي سقسيو واش يصرالهم في لارمي برك هذا مكان
وشكرا

يا اخي الله يرحم باباك و يسكنه فسيح جناته
و + انت راك لاباس بيك مش لازم تعقد روحك
و شكون الي قالك ما راكش شباب ؟؟!!!!!
ما لازمش نزيد نسمع منك هذ الكلام Ok​