ايا اسكتي عليا ولا نهبطلك تشوفي

[يسرى 2008]

السلام عليكم ورحمة الله تعالى وبركاته
وشراكم يا اعضاء اللمة عابالي السخانة عاملة حالة او قالك غدوة توصل حتى 47 ربي يستر
المهم
وانا قاعدة نقرا في منتدى واش راك تهدر وراكم عابالكم نحب القسم هدا ملقيت منكتب الحمد لله الاعضاء الكل يكتبو مواضيع مليحة حتى الزائر يشتي يفوت معانا للمة
منطولش عليكم انا اليوم حبيت نحكي حكاية الي صايرة في دزاير وفي نفس الوقت حبيت نفتح نقاش على المواضيع هادي يعني برايكم كيفا راح تتحل هادي المشاكل وشكون الي يساعد في حلها وكيفاش نعيشو بلا مشاكل في مجتمعنا الجزائري نعرف انو هدا يمكن مستحيل لانو مكانش حياة بلا عراك بصح يمكن نقللو منها على العموم نفتحو عليها نقاش معنا منخسرو
تعرفو الجيران تاع الباطيمات ادا وحدة غسلة قش ولخرة حاطة قشها يشيح تبللها قشها ولا وحدة تسيق البالكو تيعها وتصب عليها الماء ولا جارة تطيش البوبال قدام باب جارتها ولا حتى يتجمعو في دار جارة ويقعدو يحكيو حتى يتعاركو
مالا جات مراءة جديدة للباطيما مع ولادها وتحتها وحدة شلط وش نقولكم يا ناس راهي متفلت حتى عركا وتحضرلها راجلها ولا مكروه من عند الغاشي من كترة عمايل مرتو
يخي نهار جارة ناضت بكري فحلة وسيقت دارها وغسلت قشها وحطت قشها يشيح وساح الماء على الجارة لخرة وقامت القيامة في الباطيما وش نقولكم هي تعيط ولخرة تعيط
مالا الواعرة هادي تقوللها اهبطيلي ارواحي تفحالي في الهدرة تشوفي وش نعملها راني احلام متعرفينيش ادا متعرفينيش سقسي عليا راني نطلع في الخبر
قالتلها لخرة هداك الوجه الي يطلع في لخبر نادب بيك هو او عندو ليجوار الله يبارك زين وعين وبوتفليقة راح يندب بيك قالتلها والله راني جايتك وتشوفي صوا
هي راحتلها ويخرجولها سلافاتها وخواتاتها وولاو يتعاركو
طلع راجلها يشوف مرتو خرجلو راجل المرا ولاو يتعاركو يعني حتى النساء ربي يهدي ونعرفو بلي راهم عقلهم شويا بصح حتى الرجالة ولاو تاع العراكات هادي
وش رايكم في الموضوع للنقاش
​

 

[** غزال الصحراء **]

تمت مراقبة الموضوع و إعتماده .

 

[hards breaker]

هههههههههه ضاعلي فلم اكشن اون لاين
ما عندي ما نقلك
عيش تسمع عيش تشوف
هذي عقيلة 2010 ومع السخانة راكي عارفة
​

 

[الصقر الابيض]

مشكووووووووووووووووووووووووووووور

 

[يسرى 2008]

هههههههههه ضاعلي فلم اكشن اون لاين
ما عندي ما نقلك
عيش تسمع عيش تشوف
هذي عقيلة 2010 ومع السخانة راكي عارفة
​

اي والله كان جيتي وش نقلك فيلم بوبلاش هههه لكل الناس

 

[يسرى 2008]

مشكووووووووووووووووووووووووووووور

العفو ............

 

[حسان]

هههههههههههههههههههههههههههه عاش لالا عيني أشكرك بدون تعليق

 

[سيرتا12]

هههه مشكورة أختي.​

 

[nour mary]

هادي جارة جديدة ودارتلها هاكا ملا لوخرين كيفاش ههههههه مهبولة هادي ربي يستر:scared:

 

[ميوسة]

ههههههههههههههه هم يضحك و هم يبكي

ضرك هاد الرجاله باش يسلكو و كل واحد يدخل مرته و يقولها نعلي الشيطان

لا زادو هوما تاني تعاركو

مليح...........

 

[المتفائلة_91]

هادي جارة جديدة ودارتلها هاكا ملا لوخرين كيفاش ههههههه مهبولة هادي ربي يستر:scared:

 

[kazawa]

ههههههه السخانة عاملة حالة في النسا والرجالا

 

[azoula]

هههههههههههههههههههههه مرسي حنونة

 

[انتصار*]

والله شوقتينا خاص غير الصور .........واش رايك لوكان اديري معاها حوار حصريا للمة .....ديري الكاسك ومصاريف العلاج علينا. ​

 

[Midia]

هاذي حالة الباطيمات
مي الي عايش في دار وحدوا راهو متهني
مي جارتكم هاذي شارابارة
ههههههههههه​

 

[A-MIRA]

حبيت نسقسيك يسرى ونت وين كنت

 

[وسام الزرقاء]

شكرا
هذي حالة الباطيمات و ماصايبهم.
لازم الواحد قد مايقدر ميخالط ما يلصق كل حاجة و عنده حل.

 

[02asma02]

هههههههههههههه ربي يستر من القدام مانعرف واش راح يصير
​

 

[ήaήa~:)]

هههههه يعجبوني الجارات كي ينوضوا يداوسوا تقولشي عليهم ضراير :glare: انا تحلالي كي تنوض لاباقار :heh: سوختو كي يدخلوا فيها الرجال تحسبي ام يتورنيو في كاش فيلم ^^​

 

[رقيقة المشاعر]

هههههههههههه
شكرآآ