- إنضم
- 19 جويلية 2007
- المشاركات
- 10,901
- نقاط التفاعل
- 166
- النقاط
- 319
- العمر
- 33
- محل الإقامة
- العدم
- الجنس
- ذكر
السلام عليكم و رحمة الله تعالى و بركاته ,, كيف أحوالكم ؟ إن شاء الله بخير
بغيت اليوم نحكي على الناس اللي يضلو يمنشرو في الناس و عيبوهم , و يعسو في الطالع و الهابط ... H24 شادين الراديو في الطروطوار //
يحكو باللي هاذاك فيه و فيه و خصو و خصو , و لافامي تاعو مش متفاهمة معاه , و ضرب باباه و سمعنا لعياط في دارهم , ختو بهدلها و قطعلها حوايجها, و ما يشريش لمرتو لحوايج , و يماه مش كاسيها ذهب , مالgري يخلص مليح ....
هاذاك وش بيه مش متهلي في ولادو , المصروف جامي كان في جيوبهم , و علاه يدخل للدار مع ال9 و هو يخرج من الخدمة مع ال8 ... الطفل هاذاك ما يعرفش يمشط , و الطفلة هاذيك الصاك تاعها ماشي مليحة ,, و ما تعرفش تبيش , لخرين ما عندهمش طوموبيل , و جيرانهم لامارك تاعهم قديمة ..
الطفل هاذاك باشع في وجهو , و الطفلة هاذيك شعرها حرش قاتلاتو غير بالسيشوار ,, هاذيك تخرج مع 10 ديجان ما تحشمش تتمصخر بيهم كل , هاذيك ما تمشيش مع حتى واحد باينة كاvية ما تفهمش .. هاذاك مدابز على خوه على جال الورث , علابالك علاه ؟ حاب يورث الياريس تاع دارهم و يبيعها و تزوج , و لوخر عفسلو فيها ...
و كل يوم نشوفو تمنشيرات من هاذا النوع و هداير و نميمات و عفايس ما يقضوش ,, إلى درجة أنو كاين ناس ولات خدمتخم هي الهدرة في الناس , و لاو محفوضين بلاليس في كل حومة , قـــال الإنسان هاذاك يهدر في الناس , تريح معاه قلبك يطلع ,, كي الطفل الصغير مريض بالتمنشير و أنا نقول باللي اللي يهدر في الناس غير اللي شاك في روحو , يعني حاس بالنقص و يغطي فيه بالعسان تاع عيوب الناس ,, لاحضوها اللي يمنشر دايمن تلقاه موسوه
المشكل هاذا و الvيس المvيس لحقنا للمة الجزائرية لعزيزة , اللي نحكي معاه في السكايب و لا ام اس ان يبدى يمنشرلي في أعضاء واحد أخرين .. ولا يقولي راهو العضو هاذاك حكى عليك كذا و كذا , و العضوة هاذيك قالت عليك كذا و كذا ,, مول النعمة محسود !!
حبسو شويا نهدرو .... أنت اللي راك تحكي على عيب خوك ما فيكش عيب ؟ أنت اللي راك تقول باللي لوخر فيه و فيه أنت مافيكش و فيك ؟ علابالك باللي راك تاكل في لحم خوك ني , ما عندك ما تستفيد تنقصلو الذنوب و تزيدهم لروحك !!
أنا باش نهدر في الناس لازم نكون كامل , شباب لاكلاص , ريش و جيبي شبعان , مشاكل ماكانش , عيوب ماكانش , متفاهم مع قاع الناس , نلبس أنتيك ..إلخ
كي نولي كامل في كل هاذو النواحي ثم نحكي في الناس و واحد ما يسالني , علاش ؟ خطراش أنا كامل و أنتوم ماكمش كاملين يعني عندي الحق كي نحكي فيكم
مي مادام ماكانش إنسان كامل في هاذي الدنيا , يعني ماكانش إنسان عندو الحق يحكي على خوه , و لا يعيب فيه , علاش ؟ خطراش العيب اللي راك تقذف فيه بالاك راهو فيك نفسو , و لا أكثر منو
دمتم سالمين , Wiw .
آخر تعديل:
