جماعتنا اللي ما داوش نصبرو بعضانا

[محاربة صحراء]

اللي دا مبروك عليه واللي ماداش حظ اوفر العام الجاي
من فضل كل واحد ادا الباك يحترم شعور اللي ما داش الجماعة بدات تهدر علي التخصص والمعدلات غير 15 16 احترمو شوي وديرو لعراس في دياركم خلو الجماعة اللي ما داتش يصبرو بعضاهم راكم اكليتو المنتدي واللي ما داوش انقرضو
علي العموم انا اديت وكملت وراني في البطالة ما تستعظم ما يدخل فيك لعظم

 

[آلاء تسنيم]

و الله صح يعني اللي دا الباك واش راه يدير بيه درك
يروح للجامعة يجيب ديبلوم معاه و يقعد
المهم ربي يوفق اللي ماداوش العام الجاي

 

[lolitta]

3andak l7a9 , meskine li madech ywallilou le forum cauchemard ki ychouf les sujets kamal ( ani dait , wech ndir spécialité....) sa7 mabrok 3likoum bassah a7tarmou macha2ir ta3 nass lokhrin

 

[DARINE05]

اختي وعلاه خليهم يفرحو ويفرحونا معاهم واش فيها
مام لي مداش العام الجاي علابالي بلي حاجة تغيض مي هذي هي الدنيا

 

[imeneSPRI]

والله ياخيت عندك الحق وان شاء ميكون حتى واحد ماللمة مداهش

واللي مداهش ماشي نهاية العالم​

 

[sam84]

ألف مبروك للي داو و لعقوبة لنجاحات أخرى و خلي يفرحو و نشاركوهم لفرحة هدي

و ان شاء الله هدي الفرحة زيد من عزيمة لي ماداوش و ينجحو لعام لجاي ان شاء الله او في امور اخرى

مانيش معاك فلحكاية هدي مكانش احترام شعور في هدي لانهم ما اهانوش لي مداش و من حقهم يفرحو بنجاحم
و التوفيق من عند رب العالمين يرزق الكل بالفرحة ان شاء الله
و التشاؤم ماشي مليح و نهى عليه الدين الاسلامي ان شاء الله يخلصو و يخدمو

 

[بياديق الشطرنج]

الف الف مبروك للي اداوه وخليهم يفرحو ونفرحو معاهم مافيها والو واللي ماداوهش حظ اوفر

 

[**أم البراء**]

وعسى أن تكرهو شيئا وهو خير لكم-----بالاك فيها خير عرفه من عرفه وجهله من جهله...أكيد فيها حكمة .

وهذه أقولها لكم:أنا......ماكاش حاجة اندمت عليها كيما كي جبت الباك ورحت للجامعة:صح كنت حابة نروووح وكنت نحلم بالجامعة وأجواااء الجامعة بصح كي دخلتها لقيتها همّ ومرضّ...:scared:.الحمد لله كي سلكتوا منها:heh:

 

[ميسون]

اختي خليهم يفرحوا

 

[برنســ اللمة ـيسة]

الف مبروك للناجحين وحظ اوفر للراسبين
​

 

[wissal07]

الف مبروك للناجحين ونقول للراسبين العام الجاي
انا ماديتش العام الي فات والسنة اديتو والحمد لله
ماشي نهاية العالم

 

[noussy]

انا منجحتش مي ماغاضني الحال ما والو بكيت في البداية ومن بعد خلاص...... خليهم يكتبو ويفرحونا معاهم

مبروكـ على أعضاء اللمة لي ربحو ......... وهاردلاكـ لجماعتــي

هذا حال الدنيا خيتي .... وشكراَ على الطرح

 

[شتوان]

ألف مبروك لجبوه واتشاء الله للمجستار
ولمدوهش مشي نهاية العالم العقوبة للعام الجاي انشاء الله

 

[الميزان]

صح يفرحو مي مايبالغوش ماراحش يدخلو للجنة
والله غير حرام المهم مبروك عليهم
ونقول للراسبين ادا حبيتو تبكو بكو وفاجو على قلوبكم
وبعد اسبوع ول اكتر راح تفهمو وتكتاشفو وحدكم
وعقبال العام الجاي

 

[محاربة صحراء]

صح يفرحو مي مايبالغوش ماراحش يدخلو للجنة
والله غير حرام المهم مبروك عليهم
ونقول للراسبين ادا حبيتو تبكو بكو وفاجو على قلوبكم
وبعد اسبوع ول اكتر راح تفهمو وتكتاشفو وحدكم
وعقبال العام الجاي

++++++++++++111111111111111

 

[وئام الجزائر]

ربي ينجح قاع الناس معليش الي ما داهش ربي يوفقه العام جاي و بمعدل هايل​

 

[ايمان ع]

هذي هي الدنيا واحد يفرح و واحد يبكي