الفرق بين مذاكرة الولد و مذاكرة البنت

[jolie عاشقة كوريا]

شوفو الطفل كي يجي يقرى زعمة واش يدير خخخخخخخخخ

أولا ::يبقى يدور على الكتاب باش يضيع الوقت و يحوس الدار كل و في الاخير يتفكر بالي راهو حاطو في الفرجيدار و لا
في الخزانة و طبعا الخزانة مقلبة طبعا ميهموش و احيانا يلقى كتابو تحت السرير خخخخ

ثانيا ::يلقاه زعمة و رايح يبدا السيد في القراية و مبعد يلقى كلمة فيصل و عابد ..هذو صحابو ,,
و يقعد الراجل يتفكر و قتاش كتبوهوملو طبعا لازملو شي ساعة باش يتفكر ..مدايرلي فيها ذكريات هه

ثالثا ::يلقا موضوع مهوش كاتب فيها حتى حاجة و يتفكر بالي راهو كان غايب و مبعد ايا لازم ننقل لازم نروح لصحابي ننقل منهم
و هو ماصدقش روحو مخلوق و يروح يعقب الوقت حكايات و معاكسة بنات و مبعد يرجع للدارو هو ما كتب والو

..

رابعا ::يقول آه لازم اليوم نسهر و هو راهو ساهر يا على الميكرو في المسنجر:u_pc: و لا على التلفزيون و الكتاب محلول في المقدمة على الفهرس ههههه

خامسا:: قبل مايروح للمدرسة يبدا يمثل آي راسي يسطر و كرشي تسطر زعمة باش كي يجيب تحت المعدل ما يلوموهش ماليه مخلوق راهو كان مريض

ومن الاخير الطفل حيعاود السنة خخخخخخخخخخ

ذرك قراااااية البنات ::
اولا :: الوجبات الرئيسية في 3 لازم تقعد في الطابلة اول وحدة و تنوض آخر وحدة و ماذابيها تزيد تاكل ..باش تضيع الوقت ..

ثانيا :: تقعد دير روحها زعمة راهي مريضة و مهيش عارفة وشبيها و تقعد تتبلى على خوها و تقول راهو ضربني و هو ماهوش حتى قادر يدافع على روحو
خخخخخخخخ و تنوض امها تسمي عليها و تقرا في القرآن ..

ثالثا ::و تجيها حالة وسوسة و نضافة في ايام اامتحانات و تبدا زعمة دير روحها فحلة و تبدا دير في مناج في الدار و طبعا متنساش روحها تسشور شعرها 1000 مرة في النهار و طبعا لازم تعدل روحها كل دقيقة باش مياتفزدش اللوك نتاعها متجيش هذي كيفاش تروح للمدرسة و شعرها مكشرد .

رابعا :: تخلى الكتاب و تروح تقيس فستان السهرة نتاعها باسكو عندها عرس بعد الامتحانات مباشرة مالزمش تضيع الوقت و ساعات تروح للخياطة ليلة الامتاحنات

خامسا ::تنزل عليها صلة الرحم يا سبحان الله مغير الاحوال و تروح تحكم الكرني الي كان عندها من الي كانت صغيرة و تبدا تكلم في صحاباتها القدم
و تهدر معهام و تلقاها مهيش حتى متفكرة اساميهم

:yahoo::yahoo::yahoo:
يخي حالة يخي

نتمنى يكون عجبكم الموضوع

 

[** غزال الصحراء **]

تمت مراقبة الموضوع وإعتامده ..

الموضوع موجود في منتديات أخرى , سيسرنا قراءة جهد أقلامكم في المرات القادمة
شكرا .

 

[hicham500]

هههههههه هايلة هدي
كاينين عفايس صراو معايا صح:closedeyes: صحيتي ​

 

[ab hadjer]

هههههههههههههههههه
مي في الاخير يدواااااا الباك

 

[صقر البوني]

ههههههههههههههههههههههه هذا الشيئ كله عملتيه في صغرك وما زلتي متذكراتو

 

[nina bonoise]

و الله عفايس يصراو صح

 

[القلب الابيض]

ههههه كاين حوايج درتهم من هادو وزيدي الوقت كامل معا الميكرو بصح مانجيبش المعدل تحت 16 gاع يحيرو فيا شكرا على الموضوع اختي

 

[dana1993]

هه مانيش كامل هكاك
هاو ليك كفاه نريفيزي
ايا نقولو غدوا عندي مات ولا انا منتعبش روحي فالمواد الادبية
نروح على 4.30 او 5.30 ايا نريح ساعة ونروح للبيرو حط هذا قيد و هذا كراس تا العام لي فات هاذا لكتاب هذا كراس ليكور هذا كراس الاستاذ وهاذا كراس الخربشات ايا اكتب اكتب اقرا حل تمارين طل منهيه ابعث ميساج لصحاباتك وين وصلو ههه ايا 11 او 12 نرقد الصباح على 4.30 او 5 ننوض نزيد نريفيزي القوانين بيا ونروزح

نقرا غير نهار الامتحان منو لهيه ربي يجيب هه والحمد لله
مشكوووورة

 

[houda14]

خامسا ::تنزل عليها صلة الرحم يا سبحان الله مغير الاحوال و تروح تحكم الكرني الي كان عندها من الي كانت صغيرة و تبدا تكلم في صحاباتها القدم
ههههههههه و الله هادي فورررر

 

[ĜąМę ǒVĕŗ]

هههههههههههههههه هبال

بصح راهي 90/100 علية انا
لا 90 برك 99.99/100​

 

[صبرا يانفس]

ههههههههههههههه يعطيك الصحة على الموضوع الباهي

 

[فراشة الايمان]

ههههههههههه أنا عندي هاديك العفسة نتاع فام دو
ميناج
الله غالب هه
مشكورة على الطرح .

 

[Sanaa-Antar]

hhhhhhhh merci​

 

[Houda Chaouienne DZ]

هههههههههههههههه
موضوعك دي فوا يصرا
و في نفس الوقت يضحك
شكراااااااا

 

[sisou023]

أنا في الإمتحانات الصلاة تاع ربي قاع طيح عليا سيرتو العشاء نضلي نصلي و زيديلها النوافل ايا منكملش بكري ننعس روح نرقد و خلينا من غسيل الماعين واحد السجاوة طيح عليا هههههههههههههههه

 

[nour mary]

هههههههههههههههه صح كاين منها هادي كي يقولولي روحي تقراي نقولهم استناو نشوف هادي برك :u_pc: نسمع هادي ربك و فالليل نقرا و كي يوصل الليل نطيح كاااو:closedeyes: ههههههههه