يا ليجان راكم في انقراض...للذكور فقط

[llooll]

ما لقيت منين نبدا الهدرة نتاعي صح حاجة تدوخ نرجع بيكم للوراء شوية
ما تخافوش مارانيش شيخ راني من مواليد الثمانينات


في الثمانينات كانو الشباب الجزائري 75 بالمئة حسب احصائيات 1982
كان كلش عادي نورمال والفرحة ليل ونهار

في عام 1989....بدات الكارثة
احداث اكتوبر مات الشباب كي الذبان لاجل نغيير الوضع قلنا معاليش....مع اليامات يزيدو
في التسعينات وابتداء من سنة 1991 زمن الارهاب.....قولو لي كم من شاب مات اختطف هبل هرب من المجازر........قلنا معليش....مع اليامات نزيدو
انتهت العشرية السوداء ومن بداية 2001 بدا عصر جديد نهضة تحرر ....الناس بدات تترفه رجال الاعمال ولاو كي الكاوكاو سيارات zh دارو حالة من اليونان وتركيا ودول الاناضول عالمة
الالبسة من تركيا وسوريا الشيفون غزا الاسواق اي حاجة تتباع جيب حجرة واصبغها تتباع جيب تراب ديرو في بيدون تبيعو.....الكل صار بزناسي
قلنا ليجان راهم بانو
من سنة 2005 سمعنا بالحرقة....الي بقاو ولاو يحرقو
ماتو هربو هاجو المخدرات السجون ممتلئة الى اخر شبر من سنة 2005 الى اليوم 19 سجن جديد
كل الشباب مربوطين وهاربين وكارهين
كرهو البلاد خلاص ما بقات معيشة
في 2010 خرجت نشوف الحومة.....صدقوني لم اجد غير الفتيات والاطفال الصغار
اكبر الذكور 15 سنة
الساعة 12 الضهر النساء في الطرقات ياكلو لاكريم....وين راهم ليجان....مكاش
الساعة 15 تاع العشية كيف كيف
قلت بالاك اليوم برك الساعة 20 مساء......يا لطيف النساء النساء.....والنساء
ايا رحت نرقد بعد ما تعشيت وصليت وقلت بالاك غدوة يكون خير
الصباح رحت نخرج كواغط البلدية نساء وفتيات قريب اعوان الامن يولو بنات
طلعتلي السخانة من الشمس والجري رحت للسبيطار نقيس لاطونسيو
كل من في المشفى نسااااااااااااااء
وين راهم الرجال؟؟
ايا قلت معليش عاودت وليت للحومة نسقسي على الي قراو معايا بكري...لعبو معايا في صغري....الي جوزنا كيف كيف الخدمة العسكرية
واحد مات واحد هبل واحد هرب واحد اختفى واحد...واحد.....لقيت واحد متزوج ما عرفتوش
هو عرفني لقيتو كبير على الدنيا بسنوااااااات
واش بيك خويا....الله يبارك تزوجت وعندك 2 اطفال زوج كلمات قالي اسمحلي انا نروح للدار
مسكين وين راه زمان نهار كنت تقول كرهت الدار
وضرك وليت مدمن على الحيوط تاع الدار؟؟
معليش قلت نروح للبحر نشم هواء
يا لطيييييف نسااااااء
نساااااااااااااء
عائلات بدون رجال في البحر اشكال والوان كرهت اتغميت
وانا راجع نسوق في الطونوبيل قريب قتلتني امراة كانت تسوق
ايا هبطت ندير معاها الاجرائات اللازمة كما هو متعارف ....وبديت نشوف.....90 في المئة نساء بالسيارات والرجال الي يشوف الحادث يهرب والنساء متلايمين على المراة الي قاستني
لقيت روحي وحدي وبداو المشاكل
النساء يشوفو فيا كلي انا الغالط انا المتهم وهي البريئة وحدة انتو الرجال ما تحشموش
وحدة انتو الرجال زواخين ووووووو جات الشرطة
يا ربييييييييييييي
نساااااااااااااااااااء 4 نساء و1 راجل
واااااااااااش صاري في البلاد
مزية ربي الراجل وقف معايا شوية اخذ اقوالي وعاين الحادث وضهر بلي هي المخطئة
وراه للمراة .....ونساني
هههههههههههههههههههههههههههههه
المهم وليت للدار قلت نكتب هدرة في منتدى اللمة الي عندي وانا مسجل فيه من تاريخ
13 - 10 - 2007
وقليل وين ندخل للمنتدى لقيت بنات الله يبارك
قلن نحذر ليجان لانهم في انقراض او في طريق الانقراض
وقبل ما ندخل للمنتدى قلت نقرى شوية جرنان عبر النت لقيت
المشجعات الجزائريات....لقيت العنوسة في الجزائر...لقيت ارقام تخوف
وين اليجان؟؟؟
هنا فهمت علاش الزواج مكاش...الخدمة مكاش....السكن مكانش....
وللحديث بقية ......راح نكملو في يوم اخر
علابالي الموضوع طويل عليكم شوية مع هاذ السخانة......
ان شاء الله ليجان يردو عليا خاطر وليتى نشوف روحي الرجل الوحيد في الجزائر
على الاقل نشوف واحد معايا مشي غير بنات حواء​

 

[حفيد هواري بومدين]

وافقت على الموضوع
رانا في انقراض مي مارانا نشوفو في والو تقول لبنات لي تقطعو
باش العبد يتزوج مايقدرش مالقري دورك لكل شاب 5 بنات بالمعدل هادا في بلادنا

 

[الامل الضائع75]

السلام عليكم
انا بنت حبيت نقول بلي كثرة النساء من العلامات الكبرى لليوم الاخر
مالا ميشي عسوا رواحكم من الانقراض انا نقوللكم عسوا رواحكم من الجهنم ومن السيئات و هذا كلام الى جميع العباد ان كانوا رجال او نساء
وعلى بالك تاريخ 13.10.2007 راه يوم عيد ميلادي 13.10.1995 كي زدت انا جا النحس معايا لدنيا و باصيتكم

 

[dana1993]

ما تنقارضو ما والو خممو برك اذا نقارضتو انقارض كلشي*ماشي نشكر فيكم آه*
صح دركا البنات اكثر عدد من الذكووور لكن ؟؟؟؟
انا شفتها بعين يعني في مجال الدراسة والله لكون يحبو يقراو يقراو مي يسنطحو ويريحو يعني مايبانوش
لابوليس غزاوهم النسا ------البلدية غير النسا لي يخدمو لتم
وين تروح يا عجب ربي --السوق و ولى غير نسا جارتنا راجلها يريح فالدار هي تدي القفة وتروح تقضي......الخ

لازم برك شوي توعية و تفطنو بعضاكم هذا ماكان ما تنقارضو ماوالو

 

[DARINE05]

حيح فيكم قريب نحكم لبلادهههههههههههههه

 

[meryouma1992]

انا نقولك الفرق زمـــــــــــــــــان كانو النســــــــــــــــا يتحبسو في الديار و ماكنوش عايلاتهم يخلوهم يخدموعلى بيها ماتشوفش النسا بزاف و آخر الاحصائيات تقول بلي الرجال يفوق عدد النسا ب365ألف

 

[llooll]

اغلب الردود بنات يا ربي اعطني الصبر وقوة التحمل
قالها جدي زمان الله يرحمو
البيدون تاع الزيت كان مشي مكشوف سواء بيدون تاع حديد او بيدون تاع بلاستيك اصفر فاقع ما تشوفش ويلا زيت ولا بنزين
قالي الله يرحمو
ويلا شفت الزيت مكشوفة المراة تنحي الحايك وتولي عريانة
وهذا الوقت الي رانا فيه
صدقت يا جدي الله يرحمك​

 

[بنـ MaPa ـت]

ليجان و التفنيين سورتو فالصيف
"ماشي كامل"
مرسييييي
​

 

[عاشقة رجاص]

السلام عليكم ورحمة الله وبركاته:
هذا خطأ شائع جدااااااااا في الجزائر
والله آخر الإحصائيات أثبثت أن عدد الذكور في الجزائر أكثر من عدد الإناث
وهذا ينطبق على الأفراد الذين تقل أعمارهم عن 45 سنة
أما من تبلغ أعمارهم أكثر من 45 فعدد الإناث أكثر
والتفسير بسيط جدا وهو حرب التحرير الجزائرية
وهي احصائيات صحيحة 100/100​

 

[ήaήa~:)]

هههههه طلعتلي الموراال

يعطيك الصحة ^^​

 

[llooll]

السلام عليكم ورحمة الله وبركاته:

هذا خطأ شائع جدااااااااا في الجزائر
والله آخر الإحصائيات أثبثت أن عدد الذكور في الجزائر أكثر من عدد الإناث
وهذا ينطبق على الأفراد الذين تقل أعمارهم عن 45 سنة
أما من تبلغ أعمارهم أكثر من 45 فعدد الإناث أكثر
والتفسير بسيط جدا وهو حرب التحرير الجزائرية

وهي احصائيات صحيحة 100/100​

مستحيل.....اخرجي للزنقة تشوفي

 

[عاشقة أسير الحب]

السلام عليكم
والله غير عندك الحق خوويا
اممم انا قريب بلي الموضوع للشباب برك
بصح حنا هوما les algeriens البنات يحبو الاستطلاع على كلشي
الدنيا تمشي بالمقلوووب

 

[b.bouchra]

مادا بيا لوكان تنقاردوا كامل
هكا نلقاو حريتنا حنا
لبنات
ههههههه​

 

[عاشقة رجاص]

مستحيل.....اخرجي للزنقة تشوفي

والله العظيم غير إحصائيات صحيحة هاك حلفتني
+
درك نفسرلك
معظم شبابنا مرضوا بمرض اسمو التفنيين
وجتاحتهم نوبات الحرقة
ولا كل يوم مافي لسانو غير كلمة أنا نحرق مانقعدش هنا
تقولو أمو روح تقرا يقولها مانروحش وإدا راح يقعد يدير فالمشاكل
تقولو روح أقضي مايروحش
والحل نبقاو قاعدين هكداد ونتوما تتعللو علينا
لازم نخرجو نقراو ونخدمو باش نعيشو باسكو كون تجيكم فرصة حرقة ماتفكرو لافأمكم لافختكم لا فحتى واحد
طول تقولو نروحو نديرو التاويل نرجعو نعيشوكم بيان
هيه والوقت اللي تروحو فيه حنا نموتو؟
ألور حنا مانستناوكم حتى تروحو حنا من درك نقراو ونخدمو
+
كي ماتقضيوش نتوما شكون يقضي ؟...........النساء وللأسف
انت تظن باللي النسا اللي راك تشوف فيهم فالزنقة كامل حابين يخرجو؟
راك غالط صح فيهم اللي المهم تخرج
مي الأغلبية مضطرين على خاطر ليجان تاعنا راهم في عالم آخر
+
روح أضرب دورة لكانش قهوة ولا فالطروطوارات تلقاهم معمرين بلي جون
الله غالب جات منكم زيرو رواحكم يحل المشكل
وكلامي عن الأغلبية مش الكل​

 

[LAKHDARI90]

عيش تشوف خيووووو​

 

[dana1993]

السلام عليكم ورحمة الله وبركاته:
هذا خطأ شائع جدااااااااا في الجزائر
والله آخر الإحصائيات أثبثت أن عدد الذكور في الجزائر أكثر من عدد الإناث
وهذا ينطبق على الأفراد الذين تقل أعمارهم عن 45 سنة
أما من تبلغ أعمارهم أكثر من 45 فعدد الإناث أكثر
والتفسير بسيط جدا وهو حرب التحرير الجزائرية
وهي احصائيات صحيحة 100/100​

صح ختيتو بالعين تشوفيها غير فالحومة الشباب كتر من البنات دار تلقاي فيها 4 ذكورة وزوج بنات و اخرى 6 ذكورة ماكاش بنات حنا برك فالفاميلا 6بنات جابلي ربي و الباقي 24 ذكر ولا كتر هههههه
يعني احصائيات منطقية

 

[قالمية ونصف]

حيح فيكم قريب نحكم لبلادهههههههههههههه

ههههههههههههههههههههههههههههه
انشاء الله ياربي تنقارضو كل ............
يا روعة دزاير كل بنات
بسيف رح اطيرلي ونشارك فليكيب ناسيونال........
معايا انا نجيب لاكوب ديموند مش كي دراري مفشوكين يا لطيف مجرد فنجال اصفر مقدرلوش :busted_red::glare::busted_red:

 

[يسرى 2008]

عندك الحق النساء ولاو في كل مكان
الراجل تاع اليامات هادم تلقاه او راقد حتى 12 تاع لعشية والمراءة اي تقضي وتخرج على الصباح واو مقيل في الليل يعسعسو كي الشواطن ربي يستر

 

[ĜąМę ǒVĕŗ]

هههههههههههههههه غادي تدربنا بعين

تجي عاصفة و لا كارتة جنس النسا قاع ينقارض

و قعد نت معا الرجال كولو لاكريم ​

 

[هشام مادي]

الحقيقة اخي مش في نساء كثر على رجال ولا العكس الحقيقة هي انو النساء سبقونا في جميع المجالات احنا راهو غير العسكر يدي فينا مي هوما راهم انتشرو في جميع مجالات الحياة على ديك يبان الفرق واسع.
نتمنى من ربي برك ميدوناش بلايصنا فالجيش برك.