(مباشرة من الغربة)= أعضاء بعيدون باجسادهم قريبون بقلوبهم { من الامارات العربية المتحدة وردة }

[أبو عاتكة]

منتسبين ورواد لمنتدى اللمة الجزائرية من مختلف الاقطار
شاء الله ان يكونو بعاد عن بلدهم مغتربين ومهاجرين

أبو الا ان تبقى الرابطة موثوقة وقلوبهم متصلة بارض الشهداء وارض الكرام وارض الشهامة
غيرو التراب والسماء ولكن لم يغيرو القلب والفؤاد والعقلية الدزيرية

ومن خلال منتدى اللمة صادفناهم ووجدناهم بيننا من خلال مشاركاتهم
من فرنسا من كندا من السويد من الامارات من قطر من السعودية ومن ومن ومن . . . .


وبعد الموضوع السابق الذي تعرفنا من خلاله على العضو كمال المهاجر في الولايات المتحدة الامريكية
(مباشرة من الغربة)= أعضاء بعيدون باجسادهم قريبون بقلوبهم { من الولايات المتحدة الامريكية kamely}

هذه المرة الوجهة قد تكون شرقية

اخواني رحلة الى الشقيقة الامارات العربية المتحدة

بلاد العلم والنور

من خلال عضوة منتسبة الى منتدى اللمة

سنعيش معها يومياته ويوميات الشعب الاماراتي وطبيعته وعاداته

مثل ما نقولو نحن العقلية , التخمام , التصرفات

راح تحكيلنا من خلال استفساراتكم وحواراتكم

عنه وعن هذا البلد

بعيد عن السياسة بعيد عن الهموم التي نعرفها

نتعرف على الامارات البلد السياحي والتكنولوجي والعلمي والثقافي
المتطور .

أرحب بالعضو

وردة رمال الصحرا

تاريخ التسجيل​

18 - 02 - 2009​

​

اهلا بكِ معنا ونشكرك اولا على ارتيادك منتدى اللمة

وتواجدك فيه دائما

من هي
وردة رمال الصحرا


وماهي قصة عائلتها مع الاغتراب في الامارات وبالضبط الشارقة

هذا ما سنعرفه من خلال هذا الموضوع الخاص

يمكنك ان تحكي ما تريدين

انت بين ابناء بلدك قولي ما تشعرين به بحرية

​

 

[BARCA232]

السلام عليكم أخي فريد
هكذا علمتنا اللمة على جمع الشمل في جميع أرجاء العالم
مشكور على الجهد الجبار
ان شاء الله تلبي الأخت رمال الصحراء الدعوة
​

 

[روز]

ابعثولها رسالة خاصة ممكن ماتكونش شافت الموضوع

 

[فؤاد الورقلي]

سلام
اها وردة صح
تدرس في الشارقة
وننتظر حضورها

شكرا
السلام عليكم
​

 

[sahiko hamza]

العضوة هذي نعرفها مليح
هايلة رباية وقااااع
وبنتنا تاني ....
ربي يبارك فيهــا ويخليها لوالديهــا
​

 

[وردة رمال الصحرا]

السلام عليكم و رحمة الله و بركاته
نقص تواجدي في لمتنا الغالية بسبب الدراسة لا غير ، لأنني على أبواب إمتحانات الفصل الصيفي الذي سجلت فيه أول مرة و إن شاء الله ستكون آخر مرة
أشكر الأخ الفاضل أبو فيصل على هذا الموضوع، و إنه لشرف عظيم لي أن يكون الموضوع باسمي
تحية لكل المغتربين في كل أقطار هذه الأرض
ثم إني أتوجه بالتحية أيضا لأصحاب الردود القيمة و الإشادات التي أخجلت تواضعي
سأروي لكم كل ما أتذكره من غربتي هنا في الإمارات العربية المتحدة ..سأجيب عن كل الإستفسارات التي تودون معرفتها .. الرقم أسفل الرد
لا لشيء سوى لأأكد انتسابي لجزائرنا مهما بعدت أقدامنا عن ترابها
و أستسمح منك (الأخ أبو فيصل ) التكلم بالدارجة المحلية ، إذا لم يكن هناك مانع ؟؟
شكرا لكم كلكم مرة ثانية و ثالثة و أكثر ... و بارك الله فيكم



يرجى الإستفسار على الرقم:
00 الجزائـ213 ــــــــــــر
​

 

[روز]

الجزائر ترابها غالي ولييخرج منها فقط يعرف قيمتها ...
كان الله في عونك في غربتك وأرجومن الله أن يهونها عليكي وتستفيدي وتفيدي منها
أسئلتي لك
ما هوأهم شيءيميز الشعب الإماراتي عن الشعب الجزائري ...؟
وهل شعرتي بغربة أم أن الأجواء في الجزائر وفي الشارقة تشبه بعضها البعض..
وكيف هي أحوال الدراسة هناك .. هل البرنامج الدراسي في الشارقة يختلف عن المنهج الدراسي المعتمد في الجزائر ..؟

كل الود عزيزتي ^_^
​

 

[وردة رمال الصحرا]

الجزائر ترابها غالي ولييخرج منها فقط يعرف قيمتها ...

كان الله في عونك في غربتك وأرجومن الله أن يهونها عليكي وتستفيدي وتفيدي منها
أسئلتي لك
ما هوأهم شيءيميز الشعب الإماراتي عن الشعب الجزائري ...؟
وهل شعرتي بغربة أم أن الأجواء في الجزائر وفي الشارقة تشبه بعضها البعض..
وكيف هي أحوال الدراسة هناك .. هل البرنامج الدراسي في الشارقة يختلف عن المنهج الدراسي المعتمد في الجزائر ..؟​

كل الود عزيزتي ^_^​

قاعدة نسمع في الشعر لي راكي حاطة اللينك تاعو في توقيعك أختي روز ....اختيارك هايل ما شاء الله
اوكي حبيبتي .فيه أشياء بزاف مختلفة بين الشعب الإماراتي و الجزائري، و طبعا أه شيء هو اللهجة مختلفة بزاااااااف ..و عانيت بزاف باش يفهموني و نفهمهم
رح نحكيلك موقف صرا معايا ...هذا أول ما جيت هنا للجامعة ..رحت للسيد لي يخدم الإقامات ...أيا قالي عندك أيميل قتلو ايه و كان حاب يبعثلي واحد الحاجة على ايميلي ..أيا قالي خلاص ما تنطري هون رح أطرشلك إياه ع إيمايلك _الترجمة( ما تسنايش هنا رح نبعثولك على إيميلك) و أنا قاعدة واقفة ..لأني ا فهمت والووووو هههه أيا فهم و شرحلي و خليتو شابع ضحك هههه
و كاين اللبسة مختلفة بزاف البنات عندهم يلبسو العباءات كلهم ..و الرجال يلبسو الكنادر
و زيدي الماكلة و التصرفات و بزااااااف حوايج
و الغربة ماكانش لي ما يشعرش بيها..و خاصة هنا لخاطر الأجواء مختلفة تماما ... والله يا اختي راني نشفى كيما جيت اول مرة و كنت في الشمبرة مع وحدة سعودية ... كل يوم نبكي لأني جيت صغيرة 17 سنة :tears:
فات عليا رمضان و العيدين بين زوج .... اييييييييه كان صعيب بزاف سورتو صبحة العيد ...قاعدة وحدي ة كل لي قراب من الإمارات راحو غي حنا الجزائريات ما قدرناش لخاطر العطلة كانت صغيرة :tears:
و درك صافا والفت لخاطر راني 20 سنة يعني 3 سنين في الإمارات ..و زيدي تعرفت على بزاف بنات جزائريات و من جنسيات أخرى
و بالنسبة للمنهج ..ماشسي كيما الدزاير و درك لوكان نعيا نشرحلك فيه ما رايحاش تفهميه لخاطر معقد ... البرنامج بريطاني.. و مانيش عارفة آسكو في الجامعات تع الإمارات كاملين هكذا و لا كاين اختلاف لخاطر جامعتنا هذي خاصة مش حكومية
عام كامل و بالسيف باش فهمت السيستام تع الجامعة و لحد الآن راني كل مرة نكتشف حاجة جديدة
القراية مش بالسنوات بعدد الساعات المخصصة لكل تخصص
مثلا انا شريعة و الحمد لله عدد الساعات لي لازم نخلصهم هوما 132 ساعة ..و وين ما خلصت هذو الساعات نتخرج ...يعني ممكن في 4 ولا 3 و لا 3 ونص كل واحد و شطارتو
و ال132 ساعة هذي ماهومش لي نقراوهم هوما عدد الساعات لي مقيمين بيها كل مادة
إن شاء الله تكون وضحتلك الفكرة
و المعدل يمشي معاك من أول سنة جامعية ... و هو لي على أساسو التقييم ... يعني كاين معدل تراكمي عبارة عن تراكم المعدل الفصلي لكل فصل
إن شاء الله نكون جاوبتك و ما طولتش عليك
و مشكورة بزاف اختي الغالية​

 

[روز]

شكرا عزيزتي على ردك وتشرفت بمعرفتك :re_gards:...

تقريبا فهمت طريقة الدراسة عندكم أنا تاني مغتربة مانيش بعيدةعليك راني في دولة حداك برك :smile: الله غالب ماناش في نفس البلاد ولا مايخص خيتي حتى حاجة صحيح اصعب ايام السنة هي العيد ورمضان ما يشبهوش تماما للجو نتاع الجزائر مي الحمدلله نهايتها صلاح
نحيي فيك الكوراج نتاعك لي راكي قاعدة وحدك (حسبتك مع العائلة)وبارك الله فيكي على قدرتك في تحمل المسؤولية ونتي صغيرة في السن هكدا ربي يقويك والحمدلله انك في دولة عربية يسمع فيها الآذان واللهجة رايحة تتعودي عليها مش حاجة صعبة والأختصاص أيضا مليح وإن شاء الله ترجعي للجزائر ونتي حاملة أعلى الشهادات ...وماتقوليش كثرتي عليافي الهدرة:sly: ههه
الركن هادا كامل راه ليك يعني ديري فيه وش حبيتي:sheer:
شكرا على تواصلك
​

 

[أبو عاتكة]

مرحبا بك من جديد .

هل يمكنك اعطائنا نظرة شاملة عن المستوى الذي يعيش فيه الاخوة في الامارات .

يعني حوصلة اجتماعية عميقة مستوى الغنى الفقر الاحتياج الثقافة البطالة الاهتمامات الكبرى للفرد الاماراتي .

=============

الشق الثاني

معروفة الشارقة بالثقافة ونشر العلم والادب .كيف هي الشارقة ثقافيا وادبيا .
تابعنا كلنا مسابقة منشد الشارقة التي فاز بها جزائري في احدى نسخها هل لاقت اهتمام من طرفكم وطرف الجالية الجزائرية المغتربة هناك وهل حضرتي اي برايم فيها .

 

[azoula]

مرحبا بك اختي وردة رمال الصحراء من جديد

نحبك تحكينا شويا عن الشارقة ونحب تحطينا صور من الشارقة ومن جامعاتها وكيف حوالك مع الغربة
وجزاك الله الف خير

ونشكر خونا فيصل على الجهد الكبير الذي يبذله من اجل اللمة مشكوووووووووووووورة الف شكـــــــر​

 

[وردة رمال الصحرا]

شكرا عزيزتي على ردك وتشرفت بمعرفتك :re_gards:...​

تقريبا فهمت طريقة الدراسة عندكم أنا تاني مغتربة مانيش بعيدةعليك راني في دولة حداك برك :smile: الله غالب ماناش في نفس البلاد ولا مايخص خيتي حتى حاجة صحيح اصعب ايام السنة هي العيد ورمضان ما يشبهوش تماما للجو نتاع الجزائر مي الحمدلله نهايتها صلاح
نحيي فيك الكوراج نتاعك لي راكي قاعدة وحدك (حسبتك مع العائلة)وبارك الله فيكي على قدرتك في تحمل المسؤولية ونتي صغيرة في السن هكدا ربي يقويك والحمدلله انك في دولة عربية يسمع فيها الآذان واللهجة رايحة تتعودي عليها مش حاجة صعبة والأختصاص أيضا مليح وإن شاء الله ترجعي للجزائر ونتي حاملة أعلى الشهادات ...وماتقوليش كثرتي عليافي الهدرة:sly: ههه
الركن هادا كامل راه ليك يعني ديري فيه وش حبيتي:sheer:
شكرا على تواصلك​

ايهييييييه مليح يعني راكي قريبة من الإمارات ...وين قدقد؟؟؟
مشكورة حنونة على كل شي و إنت ثاني كاش ما احتجتي راني موجودة إن شاء الله
شكرا و الله يوفقك

 

[nour1991]

السلام عليكم و رحمة الله و بركاته
نقص تواجدي في لمتنا الغالية بسبب الدراسة لا غير ، لأنني على أبواب إمتحانات الفصل الصيفي الذي سجلت فيه أول مرة و إن شاء الله ستكون آخر مرة
أشكر الأخ الفاضل أبو فيصل على هذا الموضوع، و إنه لشرف عظيم لي أن يكون الموضوع باسمي
تحية لكل المغتربين في كل أقطار هذه الأرض
ثم إني أتوجه بالتحية أيضا لأصحاب الردود القيمة و الإشادات التي أخجلت تواضعي
سأروي لكم كل ما أتذكره من غربتي هنا في الإمارات العربية المتحدة ..سأجيب عن كل الإستفسارات التي تودون معرفتها .. الرقم أسفل الرد
لا لشيء سوى لأأكد انتسابي لجزائرنا مهما بعدت أقدامنا عن ترابها
و أستسمح منك (الأخ أبو فيصل ) التكلم بالدارجة المحلية ، إذا لم يكن هناك مانع ؟؟
شكرا لكم كلكم مرة ثانية و ثالثة و أكثر ... و بارك الله فيكم



يرجى الإستفسار على الرقم:
00 الجزائـ213 ــــــــــــر
​

اختي وردة رمال الصحراء احترم شجاعتك و حبط للعلم احي فيك هادا و الله ... انا طالية جزائرية و ابي اكمل ماستر بجامعة الشارقة فيا ريت نتواصل بالايميل عشان ابي معلومات عن تجربتك و خبرتك بالجامعة الاماراتية.. تقبلي مني تحياتي:regards01:

 

[بيكهام]

سلام عليكم

مرحبا بيك معانا يا غالية

سؤالي لك :؟

من وقتاش مشفتيش الدزاير ..؟؟

وشكون اصعب لقراية هنا ولا اليه ؟

تحياتي لك
​

 

[وردة رمال الصحرا]

السلام عليكم

مر وقت طويل على زيارتي اللمة وذلك بسبب انقطاعي عنها وانقطاعها عنا، وأنا أتجول في مشاركاتي القديمةوجدت هذا الموضوع ، فكان بمثابة شريط ذكرياتي في الغربة.
قد يكون هذا الموضوع قديما، لكن بعض المشاركات أحيته، فأردت أن أكمل أجوبتي للمشاركين.
أردد شكري لأبي فيصل، وجزاه الله كل خير، وكذلك لكل المشاركين.
كتب هذا الموضوع، وكان قد مرت 3 سنوات منذ جئت للإمارات، أما الآن فقد أكملت دراستي في الباكالوريوس (ليسانس)، وعلى وشك أن أكمل المرحلة الثانية (الماجستير)، فأنا في آخر خطوة وهي كتابة الرسالة التي أجهدتني ولازالت كثيرا.
سأرد على الأسئلة في مشاركاتي القادمة إن شاء الله.​