على هاذ الشي أحنا نتحلبو بالعكس

[sahiko hamza]

هاصحيتو كي راكم غاية لاباس أعليكم اني علابالي بيكم ملاح :yahoo:
هاني جيتكم بموضوع خفيف ضريف ولي يحكي على التحلاب بالعكس :music_whistling:



نبداوهــا بالبوغطابل

خلق البورطابل باه يديرو بيه لي زافار لواحد عندو خدمة و و و
مي دخل عدنا تحلبنالو بالعكس .. ويكتاه كي داروه بنات الشوارع ( والفاهم يفهم )

منين كانت لي نيتي تسوى 25 D
نشفى على جماعة يقلك فكرت فيها نيميرو ... :music_whistling:
ويبدا ...... عوض باه يحتاجو وقت الضيق ولا يعيط لبنات الليل ....

أسيدي دخلو فيها لي ريزو لخرين ولاو يفزدو على بعضاهم وخرجت موبيليس لاكاغت وخرجت الملنيوم وزادوها النجمة وأشبع يا مول البونيس حتان وصلت كيما ذرك ... :fish:



اول كلمة تسمعها من نيميرو جديد هي


فليكسيلي نسمعك وش تحب :music_whistling:


التلفون حكايتو حكاية وقيلا خاوتي حكاو فيه في بزاف مواضيع لي شتهم مي لافان تاعها نقول بلي تحلبنالو بالعكس ....


أسيدي نروح لميكغو أونديناتور ...

كي خرج الميكرو في التسعينات كانو يستعملوه الشركات برك
ومن بعد ولا ولد أمو لي عندو ميكرو وأول مايديرو ديركت باه يدير بيه صوالح تفيد لا يشري لي سيدي تاع لي jeux ويجيبها عقابها مع الألعاب ... هنا تحلبنالو بالعكس ....


حتان نشفى في 1998 خرجت كلمة أنترنات :scared:
وشي انترنات قالك فيها بزاف لي فوطو تاع بنات وفيديو و و و كيما راكم تسمعو
يعني من أولها تحلبنالو بالعكس
حكيت على مجتمع الذكور وماحكيتش على لبنات باسكو حكايتهم حكاية ...


مع التطور ذرك لي يخمم باه يدير النات في دارو يعني شات + ألعاب + .....
حوايج فارغة ...

يعني متحلبينها بالناقص ...

هاسيدي نتقلو الى منتدى اللمة



منتدى اللمة منتدى ينعتلك الجزائر كي راه دايرة من تقاليد و عادات وعقليات و و و
مي الهدف تاعها مكانش ... علاه باسكو أحنا نتحلبو بالناقص
عدنا نشرو لبعضانا ولي والا يحسب لخوه ويحاوز خوه ويحكم أختو وتحكم خوها ويبدا المنشار يخدم بيان سير منشار إليكتروني ... وقلك ولا تقلك ماعندو ما يدير راني من ومرا إكرو ....

كل هاذ الشي وقع لأننا نتحلبو بالناقص ...



ندخل ذرك في عقلية لابلاج ...



كلمة الحق تتقال ... لي بلاج تاوعنا مزالو فيهم الخير
مي بيان سير كاين لي يتحلب بالناقص


يلبسو لبسة لبحر وراكم عارفينها
هذوك يا بنات أفهموني مليح
اللبسة هذيك تاع وحدة قاورية تلبسهم باه لي يشوفها يدير سكانير تاعو ولا عجباتو يروح يديها ويوقع .... مي انتوما علاه تلبسو فيها ؟؟ ( نحكي على لي تلبس ... )


ماني قلتلكم نتحلبو بالعكس ..



نزيدكم ......
الأمثلة قودامكم وكل واحد فيكم قادر يلاحضها على أننا احنا عباد نتحلبو لكلشي بالعكس





وهذي هي كون تحكي معاه يقلك روح طبع برك
موهيم تحيا دزاير وهذا هو ....





:closedeyes:




​

 

[DARINE05]

يعطيك الصحة يا حمزة
صح موضوع خفيف ضريف
صح احنا ديما باالعكس الناس الانترنات تستفيد منها احنا التمنشير داير حالة
زيد لي حاب يدير كاش قالب في طفلة يستعملها

 

[DARINE05]

زائد تقيم تستهل يا حمزة

 

[4Akram]

~ .. مســاكـ نور و ورد و زهــور خويا الرائــع حمزة صائد الأسود ..
.. احنــا بخيــر الحمد لله .. و انت كي راكـ ؟ .. يا رب تكون ديما زاهي و باهي ^^ ..

.. و الله يا خويا غير نحيــر في النــاس كي عادت تخمم !! ..
.. البورتابطل داووه باه نخدموا بيه و نستعملوه في الفايدة و احنـا مشينا بيه في الشر ..
.. << الحمد لله استغنيت عليه خلاااص هههههههههههـ ..

.. النت .. النــاس تقرى و تستفاد منه .. و تتعرف بيه على ناس ..
.. تتقــاسم معاهــا المعارف و العلوم .. و احنــا رجعنــاه للزهــو و اللهو ..
.. المنتديات وسيلة إجتمــاعية تخلي الناس من كل الجنسيات تتعرف على بعضهـا و على عاداتهـا ..
.. و تقاليدهــا .. و احنــا كيما قلت نحقدوا فيه على بعضانـا .. و نكونوا فيه علاقات غرامية ..
.. << الحمد لله ما عندي حتى علاقة هههههههههههـ ..

.. أما عن حكاية الشواطئ .. ما عندي تجربة فيه ..
.. << روحت كي كنت صغيــر .. و عندهــا بزااااااف .. ههههههههههههه ..

.. على كل حال يا حمزة .. لازم الواحد فينــا يخمم مليح ..
.. لأنه هــذي الأشياء عندهــا حدين مثل السيف تمـام .. قادة تفيدكـ و قادرة تخسركـ ..
.. و ربي يهدينــا و يغفرلنــا ^^' ..
.. و باركـ الله فيكـ و الله يحفط لكـ والديكـ لأنهم جابوا للدنيـا إنســان من أروع ىمـا يكون ..
.. ربي يحفظكـ و يحميكـ يا أخ لم تلده أمي ..

~ .. دمت في أمــان الله ..
​

 

[soussoubatna]

ههههههههههههههههههههههههههه 44444444444444444 شكرا لك والله المهم1.2.3.viva l'algerie بالمليح بالحاير
​

 

[Houda Chaouienne DZ]

و الله يا خويا غير عندك الحق 100%
من هذا تعرف اسكو الشعب متخلف ولا لا .. مع احتراماتي ..
بصح و الله احنا كلش نستعملوه بالعكس
مارسي بزاف على الموضوع
​

 

[samifa31]

صح خويا حمزة حنا كلشي نستعملوه بالعكس
كيما قلت الانترنات باش نستعملوها في حاجة تنفعنى قليل وين
وgاع ماشي غي النت في كلشي رانا هاكا
مرسي عليك موضوع خفيف وضريف

 

[رقيقة المشاعر]

مرسي على الموضوع خويا

 

[شجـ الروح ـون]

يا حمزة خويا ربي يعطيك متتمنى ههههه
والله جبتها فالصواب
وعجبتني هدي
عدنا نشرو لبعضانا ولي والا يحسب لخوه ويحاوز خوه ويحكم أختو وتحكم خوها ويبدا المنشار يخدم بيان سير منشار إليكتروني ... وقلك ولا تقلك ماعندو ما يدير راني من ومرا إكرو ....
ركزلي عليها مليح مليح
موضوع جميل شكرا حمزة
تقبل مروري

 

[Lonely Girl]

هههههههههه المنشار الالكترني ديما يمشي ياجدك ميحبسش ....والله منستاهلو والو احنا ..غير خسارة فينا هوما حلبونا واحنا معرفناش نتحلبو ...نورمالمون نبقاو عايشين فالعصر الحجري هداك يليقلنا صح التطور مخرجش علينا طول.... ميضوع قمة صحيت حيموز

 

[يسرى 2008]

السلام عليكم
يا حمزة خويا اول حاجة نهنيك على موضوعك مليح بزاف
وكلش عندك الحق فيه
بصح عندي راي رايحة نعبر عليه وبكل صراحة
انت تقول وترسل رسالة الى كل الاعضاء بصح معابالكش انو الناس هادي الي تحكي عليها هي في اللالجيري والمنتدى هدا تاع لالجيري
نحيل انا وبكل صراحة انو الناس تكتب مواضيع تخش تقول الله يبارك مالا شكون الي يعمل في الشي هدا في دزاير تقول عجب هام ناس متربيين ولاباس بيهم انا منقصدش عليك انت بصح نقصد على كترة المواضيع هادي الي تلوم البنات على الاشياء هادي
انا نلومهم اكثر منك بصح هدا الكل راجع من تربية اهلهم ليهم يعني ماليهم سيبوهم وحلاو عينيهم جا ولادهم هكا
وكانك على الانترنيت وعلى البحر وعلى البورطابل احنا عرفناه بالعكس بصح مش الكل كاين ناس والله يستخدموه في الشي السليم وفي النهاية ربي يهدينا وسامحني كان طولت عليك ومتفهمنيش بالعكس خويا
ايا صحا

 

[zlatan ibra]

موضوع مليح خويا راك قست الجرح الله غالب ماعتش نفطنو

 

[mimi.dz]

نبداوهــا بالبوغطابل

خلق البورطابل باه يديرو بيه لي زافار لواحد عندو خدمة و و و
مي دخل عدنا تحلبنالو بالعكس .. ويكتاه كي داروه بنات الشوارع ( والفاهم يفهم )

منين كانت لي نيتي تسوى 25 d
نشفى على جماعة يقلك فكرت فيها نيميرو ... :music_whistling:
ويبدا ...... عوض باه يحتاجو وقت الضيق ولا يعيط لبنات الليل ....

أسيدي دخلو فيها لي ريزو لخرين ولاو يفزدو على بعضاهم وخرجت موبيليس لاكاغت وخرجت الملنيوم وزادوها النجمة وأشبع يا مول البونيس حتان وصلت كيما ذرك ... :fish:



اول كلمة تسمعها من نيميرو جديد هي


فليكسيلي نسمعك وش تحب :music_whistling:


التلفون حكايتو حكاية وقيلا خاوتي حكاو فيه في بزاف مواضيع لي شتهم مي لافان تاعها نقول بلي تحلبنالو بالعكس ....


بكري كي خرج البورطابل
في لبلاد كامل ما يهزو غير مول الشأن
و ويستعملو غير في المفيد
درك اللي معندوش بورطابل يقولولو متخلف
واللي يستعملو غير في الفايدة ناقص فهامة
والله صح تحلاب بالعكس


أسيدي نروح لميكغو أونديناتور ...

حكيت على مجتمع الذكور وماحكيتش على لبنات باسكو حكايتهم حكاية ...

في وقتنا كي الذكور كي الاناث نفس الشيء


عدنا نشرو لبعضانا ولي والا يحسب لخوه ويحاوز خوه ويحكم أختو وتحكم خوها ويبدا المنشار يخدم بيان سير منشار إليكتروني ... وقلك ولا تقلك ماعندو ما يدير راني من ومرا إكرو ....

في خاطر هذي تستاهل تقييم

ندخل ذرك في عقلية لابلاج ...

كلمة الحق تتقال ... لي بلاج تاوعنا مزالو فيهم الخير
مي بيان سير كاين لي يتحلب بالناقص


يلبسو لبسة لبحر وراكم عارفينها
هذوك يا بنات أفهموني مليح
اللبسة هذيك تاع وحدة قاورية تلبسهم باه لي يشوفها يدير سكانير تاعو ولا عجباتو يروح يديها ويوقع .... مي انتوما علاه تلبسو فيها ؟؟ ( نحكي على لي تلبس ... )


ماني قلتلكم نتحلبو بالعكس ..



نزيدكم ......
الأمثلة قودامكم وكل واحد فيكم قادر يلاحضها على أننا احنا عباد نتحلبو لكلشي بالعكس



احنا في دزاير ياك مسلمين
علاش ما يديروش ولو شاطئ واحد ويخصوصه للاناث
مانيش نقول باه يلبسو واش يحبو او .......
على الأقل باه يقل الاختلاط اللي ادانا في دوامة معرفناش نخرجو منها
مي في وقتنا الذنب ميطيحش ع الطفلة كي تدير .......
الذنب يتحملوه اهلها اللي رباوها
مي كاين .... و كاين ......

وهذي هي كون تحكي معاه يقلك روح طبع برك
موهيم تحيا دزاير وهذا هو ....





:closedeyes:




​

ميرسي خويا حمزة
كي العادة موضوع فور وكلامك موزون + تقيم
​

 

[THE GNAWIE]

ههههههههه
فكرتني ف0102​

 

[choukri25]

بارك الله فيك يا أخي

 

[جوانا]

موضوع شباب
مارسي

 

[sahiko hamza]

يعطيك الصحة يا حمزة
صح موضوع خفيف ضريف
صح احنا ديما باالعكس الناس الانترنات تستفيد منها احنا التمنشير داير حالة
زيد لي حاب يدير كاش قالب في طفلة يستعملها

اهلا بالأخت دارين
مرحبى بيك في موضوعي
القوالب كثرو وربي يقدر الخير :music_whistling:
​

 

[sahiko hamza]

~ .. مســاكـ نور و ورد و زهــور خويا الرائــع حمزة صائد الأسود ..
.. احنــا بخيــر الحمد لله .. و انت كي راكـ ؟ .. يا رب تكون ديما زاهي و باهي ^^ ..

.. و الله يا خويا غير نحيــر في النــاس كي عادت تخمم !! ..
.. البورتابطل داووه باه نخدموا بيه و نستعملوه في الفايدة و احنـا مشينا بيه في الشر ..
.. << الحمد لله استغنيت عليه خلاااص هههههههههههـ ..

.. النت .. النــاس تقرى و تستفاد منه .. و تتعرف بيه على ناس ..
.. تتقــاسم معاهــا المعارف و العلوم .. و احنــا رجعنــاه للزهــو و اللهو ..
.. المنتديات وسيلة إجتمــاعية تخلي الناس من كل الجنسيات تتعرف على بعضهـا و على عاداتهـا ..
.. و تقاليدهــا .. و احنــا كيما قلت نحقدوا فيه على بعضانـا .. و نكونوا فيه علاقات غرامية ..
.. << الحمد لله ما عندي حتى علاقة هههههههههههـ ..

.. أما عن حكاية الشواطئ .. ما عندي تجربة فيه ..
.. << روحت كي كنت صغيــر .. و عندهــا بزااااااف .. ههههههههههههه ..

.. على كل حال يا حمزة .. لازم الواحد فينــا يخمم مليح ..
.. لأنه هــذي الأشياء عندهــا حدين مثل السيف تمـام .. قادة تفيدكـ و قادرة تخسركـ ..
.. و ربي يهدينــا و يغفرلنــا ^^' ..
.. و باركـ الله فيكـ و الله يحفط لكـ والديكـ لأنهم جابوا للدنيـا إنســان من أروع ىمـا يكون ..
.. ربي يحفظكـ و يحميكـ يا أخ لم تلده أمي ..

~ .. دمت في أمــان الله ..
​

خويا الهايل اكرم
ياو جيت لهنا أتفضل يا خويا الميضوع ميضوك
وراك قمت بالواجب في ردك
ماعندي مانعقب
ربي يبارك فيك


​

 

[sahiko hamza]

ههههههههههههههههههههههههههه 44444444444444444 شكرا لك والله المهم1.2.3.viva l'algerie بالمليح بالحاير
​

طبع برك ....... :music_whistling::music_whistling:
​

 

[sahiko hamza]

و الله يا خويا غير عندك الحق 100%
من هذا تعرف اسكو الشعب متخلف ولا لا .. مع احتراماتي ..
بصح و الله احنا كلش نستعملوه بالعكس
مارسي بزاف على الموضوع
​

دوريان ...
ربي يبارك فيك ..
​