ربى صديق لا يستحق حتى كلمة صداقة ....

[Zahra Hamra]

السلام عليكم واش راكم لاباس , انا راني لاباس بوجودكم

راح نحكيلكم على قصة من القصص الي يصراوا عندنا بزااااااااااف

و انتشرت في مجتمعنا بكثرة نخليكم مع الموضوع باه منطولش عليكم

صرات قصة حب بين شاب و فتاة حبوا بعضاهم تقدملها وخطبها


و أهلها وافقوا و عارفين ضروفوا ورضاوا بيها و هي كانت راضية تماما

و كان دايما كي يتلاقى بيها يحكيلها على حبو ليها

و مدى علاقتو بيها و هي كيف كيف تحبو بزااااااف و شايفاتو غير هو و هو كل شيء في حياتها


وظل الشاب يخدم و يلم في روحو حتى يتم الزواج في اقرب وقت

وفي يوم من الايام عيطلها وقالها نحب نشوفك كي لعادة راحت للمكان اللي يتلاقوا فيه

لما وصلت لقاتو يسنى فيها مع صديقه عرفهم على بعضاهم و قال لصحبو هذي هي

البنت اللي راح نرتبط بيها راح صديقو وخلاهم مع بعض , و كي حكاوا وخلصوا رجعت لدارهم

و هو راح في حالو , و بعد ايام الشاب لاحظ انو صديقو بدا يجبد روحو عليه سقساه السبب

اللي خلاه يتهرب منه قالو شغلات و مافي اي سبب آخر سكت وخلاه في حالو

الصديق اتصل بخطيبت صاحبو وقالها راني ملي شفتك دخلتي قلبي و قاعد نخمم فيك

وانتي تستاهلي كل خير وتعيشي في سعادة و صاحبي ماراح يوفرلك الشروط

و البنت غرها بليس و بدات تتهرب من خطيبها كل مايتصل بيها يحب يكلمها ولا يشوفها

تلقالو أعذار حتى عاد هو مسكين يشك في روحو و يقول واش درت لها

فجأة عيطتلو وقاتلو نحب نشوفك عندي هدرة نقولهالك فرح مسكين و تلاقوا في نفس المكان

وكي تلاقوا قاتلو لازم نقطعوا العلاقة اللي بيناتنا وكل واحد يروح في حالو ومانيش حابة نخليك

تتعذب أكثر من هك , اهلي جابولي عريس و قبلوا بيه وانا ماعندي مانقول تصدم مسكين

مالقى واش يقول غير ربي يسعدك ويهنيك ومن اليوم خلاص

بعد مرور الايام عرف بلي اللي خطب حبيبته هو اقرب صديق ليه خانو في الصداقة وطعنو

في ظهرو غضاتو روحو و عاد كي المجنون راح لصاحبو قالو علاه رد عليه وقالو هي تستاهل

واحد كيما انا ماشي كيما انت و اصبح الشاب في حالة يرثى لها

علااااااااه فقدنة الصداقة الحقيقية في هذا الزمن ؟؟؟؟

و علاه اصبحنا نتخلوا على الحب الحقيقي على جال اشياء تافها ؟

و على جال المادة عدنا نجروا وراها و نشوفوها هي كل شيء و نترك السعادة و الفرح


و بعنا الحب الحقيقي لمشااااعر زائفة ؟؟؟ لمااذا كل هذا ؟؟؟؟؟؟؟
​

​

 

[عاشقة أسير الحب]

والله غير كاين اللي باع الحب الحقيقي من جالت حب تاااااافه
كيما القصة اللي رويتيها
بصح لو كان الحب نتاع الطفلة هاذي حب حقيقي للأول راهي ربحت الدنيا وهو ربح تاني وفرحووو
بصح حتى هاذ الصحاب مافيهمش لامان
الله غالب هاذي هي الدنيا

 

[عاشقة أسير الحب]

شكرا على الطرح الجميل

 

[touffik]

كل شىء بمكتوب

​

الحمد لله جت هك
شكرا اختى ​

 

[imeneSPRI]

علااااااااه فقدنة الصداقة الحقيقية في هذا الزمن ؟؟؟؟

و علاه اصبحنا نتخلوا على الحب الحقيقي على جال اشياء تافها ؟

و على جال المادة عدنا نجروا وراها و نشوفوها هي كل شيء و نترك السعادة و الفرح


و بعنا الحب الحقيقي لمشااااعر زائفة ؟؟؟ لمااذا كل هذا ؟؟؟؟؟؟؟


تتعدد الأسئلة ويبقى دائما السؤااااااال مطروح علاش الوقت جا هكا

 

[الخيزران]

شوفي نعطيك المفيد على هذا الثلاثي:
الاول :ماهو راجل لوكان جا راجل ما يكشفش خطيبتو على راجل غريب ويجيبو لمكان اللقاء.
الثانية :ماهيش امرأة على خاطر الريح لي جات تديها
الثالث:ماشي رجل على خاطر شاف للقمة خاطياتو وكما تدين تدان
وهذا الثلاثي على بعضاه بناها على الغالط
شكرا الموضوع وتقبلوا مروري

 

[الطفلة البريئة]

لا اله الا الله محمد رسول الله والله العظيم غير لحمي شوك من الحكاية هاذي
ربي يهدي ما خلق يا اختي في وقتنا هذا فقدنا كلش ماشي غير الصداقة الأخوة و قريب نفقدوها
و الطفلة هاذي والله ما تنفعها المادة على خاطر المادة يجي نهار و تروح ما علابالكش كيفاه بصح اللي يحبك و يكمل حياتو معاك جامي راح يكرهك والا ينقص حبو
المهم نقولك اختي وقتنا هذا هو اللي خلانا نفتاقدو اي حاجة مليحة و نجريو غير وراء المصلحة
ربي يهدينا و يكون في عونو ان شاء الله ​

 

[منولة ميمي]

انا براي في وقتنا هدا ما بقاتش صداقة
والطعن في الظهر اصبح موضة العصر
ربي يهدي ما خلق

 

[عاشقة زماموش]

الصداقة في وقتنا هذا ليس لها معنى إطلاقا ...

 

[نقطة حبر]

من اليوم الاول يختار الصديق المناسب
وانا للاسف مانامنش بالصداقة الحقيقية لكن نامن بالصداقة وفقط

 

[nassim3427]

اختي بارك الله فيك
مي حبيت نقول
ادا كانت الفتاة ولا الشاب
طماعة.مخلوعة.رخيسة............وزيييييييد
هنا يصبح كلش عادي
وزيد الغاشي كامل راه يحوس علا التقلاش والواجد والزين........وزيييييييد
الله يحفضنا .....

 

[sam11]

لا كاين لا حب لا صداقة

انا صرالي كيما صرا للسيد

مكانش قداه من يوم على بعدنا على بعضنا قاتلي اني تخطبت

 

[nassim3427]

لا كاين لا حب لا صداقة

انا صرالي كيما صرا للسيد

مكانش قداه من يوم على بعدنا على بعضنا قاتلي اني تخطبت

ربي يسبرك ويعطيك قد نيتك ان شاء الله
مي هيا باينة ما تستاهلش
وماتخافش كاين ربي و راهي تخلص

 

[Zahra Hamra]

والله غير كاين اللي باع الحب الحقيقي من جالت حب تاااااافه
كيما القصة اللي رويتيها
بصح لو كان الحب نتاع الطفلة هاذي حب حقيقي للأول راهي ربحت الدنيا وهو ربح تاني وفرحووو
بصح حتى هاذ الصحاب مافيهمش لامان
الله غالب هاذي هي الدنيا

صح أختي هدا الصاحب مافيهش لامان


في هدا الوقت اصبح الواحد لمى يدير صديق يخاف منه


الله يهدي


شكر على مرورك وحضورك


ربي يحفظك ​

 

[Zahra Hamra]

كل شىء بمكتوب

​

الحمد لله جت هك
شكرا اختى ​

صح كل شيء بالمكتوووووووووب


بصح ياتوفيق خويا طعنة الصديق وخيانته لصديقو


تبقى في القلب تجرح ماداوي

شكرا على مرورك


دمت بخير ​

 

[Zahra Hamra]

علااااااااه فقدنة الصداقة الحقيقية في هذا الزمن ؟؟؟؟

و علاه اصبحنا نتخلوا على الحب الحقيقي على جال اشياء تافها ؟

و على جال المادة عدنا نجروا وراها و نشوفوها هي كل شيء و نترك السعادة و الفرح


و بعنا الحب الحقيقي لمشااااعر زائفة ؟؟؟ لمااذا كل هذا ؟؟؟؟؟؟؟


تتعدد الأسئلة ويبقى دائما السؤااااااال مطروح علاش الوقت جا هكا

الوقت جا هكا بسبب بعض الناس عايشين بالطمع


و الخيانة ضمائرهم باعوها بأرخس الاثمان


و خلطوا كل شيء في بعضاه


شكرا لكي على المرور ​

 

[HAMOUDI2000]

مشكورة على الطرحمي يقول الحمد لله اللي فاق بيها قبل ميتزوجها لانها متستاهلش تكون مرت راجل والجاست اللي دارها يعرف مرتو على صاحبو هههههههههه ممنوع اوك وراه خلص عليها المهم ربي يهدينا ويصلحلنا امورنا ويعطينا قد نيتنا فقط تقبلي مروري

 

[Zahra Hamra]

شوفي نعطيك المفيد على هذا الثلاثي:
الاول :ماهو راجل لوكان جا راجل ما يكشفش خطيبتو على راجل غريب ويجيبو لمكان اللقاء.
الثانية :ماهيش امرأة على خاطر الريح لي جات تديها
الثالث:ماشي رجل على خاطر شاف للقمة خاطياتو وكما تدين تدان
وهذا الثلاثي على بعضاه بناها على الغالط
شكرا الموضوع وتقبلوا مروري

صح الراجل من الأول غلط المرأة اللي يحبها


و حاب يتزوج بيها من المفروض ميورهاش لصديقه


و الطفلة طلعت حسباتها هداك مزال مكونش روحو


والأخر عندو كل شيء واجد غواتها الدنيا



شكرا لكي على المرور


وربي يحفظك ​

 

[Zahra Hamra]

[color="
"]اختي هذه القصة مؤثرة بزاف ربي يصبره ويعطيه على قدر نيته يارب
علااااااااه فقدنة الصداقة الحقيقية في هذا الزمن ؟؟؟؟ والله اختي صرنا نفتقد كل شيء قي هذا الزمن القاسي التي لارحمة ولاشفقة فيه
و علاه اصبحنا نتخلوا على الحب الحقيقي على جال اشياء تافها ؟ واما بالنسبة للحب الحقيقي اصبح في واد الغدر والخيانة لكن الحب التافهة اصبح ينال مرتبة عالية من السعادة

و على جال المادة عدنا نجروا وراها و نشوفوها هي كل شيء و نترك السعادة و الفرح
نعم اصبح المال هو الذي يمثل سعادتهم لكن بالعكس السعادة تأتي بحب القلوب وصدق المشاعر لانهم لايعلموا ان المال يوم موجود ويوم تغيب


و بعنا الحب الحقيقي لمشااااعر زائفة ؟؟؟ لمااذا كل هذا ؟؟؟؟؟؟؟

زاش نقولك هادم اصحاب القلوب التي تسكن في وجدانهم مشاعر مزيفة
ربي يهدي ماخلق والله غير تدير الثقة في شخص ومن بعد يطعنك بخنجر في الظهر صعيبة بزاف [/color]​

صح بزااااااف من الناس يقولك المااال هو كل شيء


هو السعادة هو الفرح هو اللي يديرلك إعتبار


بزاف عندهم المال و يفتاقدوا كل شيء


لكن السعادة وراحة البال هي أثمن شيء


وربي يتم علينا راحة البال



شكر لكي على المرور ​

 

[Zahra Hamra]

لا اله الا الله محمد رسول الله والله العظيم غير لحمي شوك من الحكاية هاذي
ربي يهدي ما خلق يا اختي في وقتنا هذا فقدنا كلش ماشي غير الصداقة الأخوة و قريب نفقدوها
و الطفلة هاذي والله ما تنفعها المادة على خاطر المادة يجي نهار و تروح ما علابالكش كيفاه بصح اللي يحبك و يكمل حياتو معاك جامي راح يكرهك والا ينقص حبو
المهم نقولك اختي وقتنا هذا هو اللي خلانا نفتاقدو اي حاجة مليحة و نجريو غير وراء المصلحة
ربي يهدينا و يكون في عونو ان شاء الله ​

صح اختي هي راح يجي النهار وتندم على الشيء اللي دراتو


لأنو هو الاول مراحش يزيد يدير فيها الثقة



و المادة مادومش ختي تجي وتروح


ربي يهدي ماخلق


شكرا على المرور


و دمتي في حمى الرحمن ​