عام كامل ما يقراوش وبعد ربي يعيشكم عاونونا ......

[mimi-ba]

السلام عليكم

انا اليوم حابة نهدر شوي على التلاميذ ههه

علابالي كارهين من القراية وأنا جاية نفكركم

فيها ,المهم أنا نحير في التلاميذ لي عام كامل ما

يقراوش وبعد في الاخير يوليو يسحللو(يحاولو-

يترجو) للناس باه يعاونوهم و طبعا يرخسو

بوالديهم على آخر عمرهم يروحو للناس

يحاولوهم باه ينجحولهم ولدهم يعني يطيحولهم

من قيمتهم,...... و ماما وحدة من الناس لي

تعاني كل يوم لازم يطبطب الباب و نلقاوأشكال

الناس المختلفة :الي تبكي على ولدها راح

يسحت(يطرد) والي يضرب في ولدو قدامنا و الي

يدعي المرض وووو ......واش رايكم انتم هل

ترضاو ان والديكم يذلو نفسهم ويروحو للناس

يحاولو و يبكيو باه تنجحوا؟؟؟؟؟؟؟؟

و لكن المشكل تاعي أنا ماهوش هنا بصح

السؤال تاعي وعلاه عمرهم ما يخيرو الوقت

المناسب لي يجيو فيه كاينين لي يجينا على 7

تاع الصباح و الي يجي على 1و2 في القايلة

والي يجي على 9تاع الليل زعم باه ما

يشوفوهمش الناس و الا واش؟؟؟؟؟؟؟؟؟؟؟.​

 

[هــــيلدا]

للي يجي علا 7 باش يفطر وتاع الوحدة يتغدا وتاع التسعة يتعشا:glare:
كون جيت من امك واحد منزيدلو نقطة:closedeyes: شوفي الوالدين للي يتبعو في ولادهم ويروحو يطيحو بوجوههم، كون قراه عام كامل وكان لاتي بيه، ماوش حاصل ضرك
​

 

[BARCA232]

السلالم عليكم ورحمة اللهتعالى وبركاته
كاين حاجة الانسان اللي يثابر
والله عمره ربي مايخيبه
واش نقولك ربي يهدي أولادنا وياخذو العبرة
ويقولك الليقرى يقرى في اكتوبر
شكرا لك
​

 

[imadyahia1]

عندك الحق
لوكان جا كل واحد يقرى على روحو مايسراش فيهم هاك

 

[سمية92]

يبخصو بوالديهم ... يا لطيف
الي يقرا يجيب و الي ما جابش يعاود
وين راه المشكل؟؟
علاش يحبو يطلعوهم مادام ما عندهمش نيفو!!!
عليها بلادنا راحت فيها

 

[mimi.dz]

للي يجي علا 7 باش يفطر وتاع الوحدة يتغدا وتاع التسعة يتعشا

سرقتيهالي من فمي هههههه

------------

المهم

يقولو ناس بكري
اللي يتبع لولاد يديه الواد
و التلميــذ اللي يرضا لوالديــه شيء كيما هكذا
بالنسبة ليه عادي جدا انو يرودوبلي
ولكن في الأخير الأهل هوما اللي ينضرو وهو يطلع بعد ما بهدلهم
ربي يهديــــنا
ويعطيك الصحة


​

 

[THE GNAWIE]

لوكان جا صح ولد ما يرضاش
لوالديه يروحو يحلو الشيوخة
و هو العام كامل و هو يتمسخر
الله يستر برك​

 

[ماكانش]

هكدا ولفوهم​

 

[DARINE05]

للي يجي علا 7 باش يفطر وتاع الوحدة يتغدا وتاع التسعة يتعشا:glare:
كون جيت من امك واحد منزيدلو نقطة:closedeyes: شوفي الوالدين للي يتبعو في ولادهم ويروحو يطيحو بوجوههم، كون قراه عام كامل وكان لاتي بيه، ماوش حاصل ضرك
​

نفس الفكرة لي راهي دور

 

[nassim007]

امك لي راخفة روحها بزاااااااااااف صح ممكن تزيد تنجحهم ماتكونش قاسية بصح ماش ل درجة هكدا
انا يما و الله قد قد

مانرضاهاش انا لوالديا يرخسو رواحهم


شكرااااااا على الطرح
​

 

[mimi-ba]

للي يجي علا 7 باش يفطر وتاع الوحدة يتغدا وتاع التسعة يتعشا:glare:

كون جيت من امك واحد منزيدلو نقطة:closedeyes: شوفي الوالدين للي يتبعو في ولادهم ويروحو يطيحو بوجوههم، كون قراه عام كامل وكان لاتي بيه، ماوش حاصل ضرك​

و الله صح يا اختي و المشكل أنهم كامل يشوفو بلي راه النجاح مرتبط غير بماما بالرغم من انها مجرد أستاذة في الثاناوية و يزيدو يفهمو والديهم بلي غير ماما لي تقدر تعاونهم ؟؟؟؟؟؟؟و الله غير كرهولنا حياتنا والديهم عقلية ما تفهمش والو .......و الله لو كان تشوفيهم تندبي وجهك صباح وعشية..........شكرا على مرورك اختي .

 

[mimi-ba]

السلالم عليكم ورحمة اللهتعالى وبركاته

كاين حاجة الانسان اللي يثابر
والله عمره ربي مايخيبه
واش نقولك ربي يهدي أولادنا وياخذو العبرة
ويقولك الليقرى يقرى في اكتوبر
شكرا لك​

و عليكم السلام صحيح خوي كامل واش قلت ربي يهديهم هدا ما كان .شكرا على مرورك اخي.​

 

[mimi-ba]

عندك الحق
لوكان جا كل واحد يقرى على روحو مايسراش فيهم هاك

هوم عام كامل ما يقراوش و بعد راني يتيم و راني مريض وراني معرف واش ..................شكرا على المرور أخي.​

 

[mimi-ba]

يبخصو بوالديهم ... يا لطيف
الي يقرا يجيب و الي ما جابش يعاود
وين راه المشكل؟؟
علاش يحبو يطلعوهم مادام ما عندهمش نيفو!!!
عليها بلادنا راحت فيها

و الله صح يا أختي ماما دايما تقولهالهم مي هم يقولولك ولادنا قرايين وبيهم عين و وووو....................شكرا على المرور أختي.​

 

[mimi-ba]

سرقتيهالي من فمي هههههه​

------------​

المهم​

يقولو ناس بكري
اللي يتبع لولاد يديه الواد
و التلميــذ اللي يرضا لوالديــه شيء كيما هكذا
بالنسبة ليه عادي جدا انو يرودوبلي
ولكن في الأخير الأهل هوما اللي ينضرو وهو يطلع بعد ما بهدلهم
ربي يهديــــنا
ويعطيك الصحة​

و صدقيني ختي ساعات مع كامل هذاك التبهديل و ما يطلعوش :scared:و يولي مسلسل انت هي السبب و خلي الباقي ماكالله نحكيه................شكرا على المرور.​

 

[mimi-ba]

لوكان جا صح ولد ما يرضاش

لوالديه يروحو يحلو الشيوخة
و هو العام كامل و هو يتمسخر

الله يستر برك​

آمين يا ختي و مشكورة على مرورك معي.​

 

[mimi-ba]

هكدا ولفوهم​

و الله صح مشكور خوي على المرور.​

 

[mimi-ba]

نفس الفكرة لي راهي دور

هه صح ............شكرا على المرور.​

 

[mimi-ba]

امك لي راخفة روحها بزاااااااااااف صح ممكن تزيد تنجحهم ماتكونش قاسية بصح ماش ل درجة هكدا

انا يما و الله قد قد ​

مانرضاهاش انا لوالديا يرخسو رواحهم​

شكرااااااا على الطرح​

لالا يا خوي ماما تاني ماشية قدقد و تعاون غير لي يستاهل مي هوم ماراهمش حابين يفهمو هذي الحاجة ........شكرا لك على مرورك.​

 

[iméne09]

لولاد ديما يحبو يطيحو من قيمة والديهم عام كامل وهو مع تمصخير وداير روحو كلون للكلاسة وناس كي تطلع هو يبعت باباه لمسكين يبدا يحلل كي لكلب حاشاك بارسكو يحبلو الخير مي هوما لولاد مايستاهلو شي غير يحبو يلعبو الله غالب يرخس باباه
صحيتي خيتو ع الطرح ​