روح عس عس لورديناتور حبس لعجوزة ضرتها الشمس و الشايب gـرس و يبس

[Jagwar]

السلام عليكم
بون سوار عليكم

معاكم لانسبكتور بومب مستكلف بليزافيرات تاع لقتيلات السريقات و التقرعيجات تاع المنتديات

آو ما تلومونيش يا خاوتى انا تانى ضربتنى الشمس ، و لوكان نحفف بولازيرو تشوفو راسى كامل معمر ضربات .


كاينة حاجة متاكد 3000 % بلى صرات معاكم شحال من مرة

تروحو للبوسطة ( La Post )
تعملو لاشان مع الناس و تستناو ساعة و ساعتين و مبعد أسكت أسكت هاو لورديناتور حبس :busted_red:
ايه تروح تخلص يقولولك لورديناتور حبس :scared:
يا عجابة يا ربى الواحد يقعد يتشرشم فى الـGـوايل هاذيك و كيف تقرب دالتو يقولولو لورديناتور حبس و الضو ما كانش و الكونيكسيون ما كانش و الصوارد ما جاوش و لعجوزة طاحت داخت و الشايب راح يشنق روحو باسكو خلاصلو مصروف الدار
و تاع الجامعة المورال يهبطلو فى التقشيرة و مول 10 ولاد يبدى يسب و حالة لاهى حالة

و الله لا عيب كبير يا جماعة
الناس طلعت للقمر و حنا ما زلنا نخممو كيفاش نمشو لورديناتور و نسلكو الشعب مسكين لى توجور حاصلة فى راسو.
لوقتاه التهميش و الامبالاة بالشعب

انا و الله يغيضونى غير العجايز و الشياب لكبار مساكن تلقاهم حتى الوقفة واقفين بومحتم عليهم و فى لافين بكل بساطة يقولولهم روحو تروحو ما كانش دراهم .

الله يلطف بينا و يسقم أحوال لبلاد

آيا نشوفكم على خير شباب و صبايا






​

 

[هــــيلدا]

:glare: مالفة تصرالي، جامي رحت لاpوست وملقيتش الميكرو حابس:glare:
مرة وحدة صاحبتها عيطتلها قالتلها ارواحي تشوفي، ووصلت دالتي، ملقاتش كيفاش تدير جبدت لاpريz برجلها طفا الميكرو، قاتلي :heh: يوووه طفا ضرك شوية ويتسقم، وناضت تحكي مع صاحبتها:sneaky2::sneaky2::sneaky2: وكي رجعت قاتلي منعرف وشبيهم يطفاو هكذا،:sneaky2: قلتلها كعاد للي يخدم بيهم حابس:sneaky2: عطاتني الدراهم كامل جماعة عشرين الف مقطعين:sneaky2::sneaky2::sneaky2:
​

 

[TOUTA32]

يا خويا يا خويا علاه تفكر فينا انا كي نروح نقعد كي الجرادة توصل دالتي يقولي لورديناتور حبس نصوتي ل بلاصة ونعاود لاشان توصل يقولي حبس اقسم بالله عندي عام مادخلتهاش لابورس والله ماجبدتها وراهي تحرق في قلبي
كي ماجبدتهاش واش رايك تروح تجبدها ونعطيك بونيس

 

[mimi.dz]

هذي هي بلاد ميــــكي
والميـكرو ما يلقى وقتاه يحبس غير كي يعود الغاشي
ربي يهديــنا ويسقم لبلاد
ميرسي ليــك
​

 

[fahima m]

ربي يهدي ما خلق ويسقمنا البلاد انشاء الله​

 

[sallyqueen]

انا عمري مامشيت نخلص بصح موالفة نمشي مع ماما و شفت الحالة كيفاش دايرة
وكيما قالت وحد الاخت لورديناتور يحبس غير مين يكونوا الناس بزااااااااااااااااااف
انا في رأيي هاديك غير سبة يديروها العمال باش مايخدموش و بيان سير كي الناس يشوفوا بلي لورديناتور حبس يمشوا لديارهم ويقولو نوليو غدا
ايييييه يا خويا واش نقولوا؟؟ الله يهدي ماخلق ويصلح حال بلادنا وولادها
شكرا على الطرح الجميل​

 

[الجريئة]

جامي صراتلي

 

[برنســ اللمة ـيسة]

ايه يا خويا اسامة واش يجيك من بلاد البيروقراطية
وين تروح تلقاها واحد ما يخدم خدمة تصلح كي العباد حتى يجيو الناس تاع الخارج يخدمولنا كلشئ
لا طريق تصلح و لا هياكل عامة تاني تصلح
ربي وكيلهم
​

 

[DARINE05]

ايييييييييييييييييه يا اسامة اسكن برك رانا
كرهين من العباد هذو بلادنا ديما للوراء
الناس طلعت للقمر واحنا مزلنا نرجعو خطوتين لورا

 

[nina bonoise]

ههههههههه
انا بابا لي ديما يخلص
بصح مرة رحت مع ماما في القوايل كي وصلت دالتنا قالي الطفل لورديناتور حبس و انوضلوا " تالمون لي راني خرجت في السخانة ما وصلت للابوست وليت نشرشر بالعرق " قتلوا بالصوت : وش لي حبس ادا ؟
قالي بالعقل برك عليا دوك نرجعوا يمشي هههههه 10 د باه عاود شعل بالسيف و خلصت و رحت​

 

[سمية92]

كي نتفكر لاpوست يهبطلي المورال
الغاشي و الضيق و الهم و يزيد يقلك لورديناتور حبس
هادي بلاد هادي؟؟
واحد ما يخدم خدمتو
الناس محتاجين دراهم من حقهم يخلصو
وهوما يقولولهم حبس غير باش ما يخدموش
و الله ما يخافو ربي

 

[samifa31]

ايه حتى انا مرة رحت مع بنت خالتي راحت تخلص تاع لجاميعة قريب 2 سوايع وحنا نقارعو
وكيبقاو قدامنا 3 ولا 4 قالونا لميكرو حبس قريب تغاشيت
واش نديرو هادي هي بلادنا كلشي متاخرين فيه
مرسي اسامة (لاسبيكتور بومب) هههههههه

 

[معاك يا الخضراء]

شوف انا نروح لل بوست غير فالعيد ميلادات :yahoo:
و منين نروح و الميكرو يمشي :yahoo::yahoo::yahoo:
​

 

[iméne09]

عداب في لابوست يلزم لي يحب يخلص يروح بكري هو لي يفتحها معاهم يصبح عليهم شحال يغظوني لي روتريتي مساكن يصبحو لتماك حافظين تقوليب تاع لي يخدمو لتماك خطرة مزال مافيراوش وخطرة ماشينا ماتمشيش وخطرة دراهم مزال مالحقوش وخطرة ميكرو راه مبلو كي يا بلادنا كلشي فيها حابس بيها بالشعب لي حاكمينها ماشي مسقمين كفاش نحبو حوال تتسقم كلشي عوج وين تروح تلقاها مخلية
يعطيك الصحة خو ع الطرح لهايل ​

 

[dana1993]

آآآآآآآآآآآآآآآآآآآمين ياربي زعما دارو ليكارت مانتيك مي جابلي ربي هوما تاني بالتريسيتي ههه لوكان فاقو داروها بالطاقة الشمسية متحبسش هاذي فالصيف وفالشتا يركبو التريسيتي ههههه
و الله مالا انقولك حنا هنا لابونك منين تروح تقولك ماكاش دراهم؟؟؟؟؟؟لابونك وماكانش دراهم ؟؟؟؟؟ لعباد كي ميحبوش يخدمو
ربي يهديهم ويصلحنا اجمعين مشكووووور خويا لكبير

 

[Jagwar]

:glare: مالفة تصرالي، جامي رحت لاpوست وملقيتش الميكرو حابس:glare:

مرة وحدة صاحبتها عيطتلها قالتلها ارواحي تشوفي، ووصلت دالتي، ملقاتش كيفاش تدير جبدت لاpريz برجلها طفا الميكرو، قاتلي :heh: يوووه طفا ضرك شوية ويتسقم، وناضت تحكي مع صاحبتها:sneaky2::sneaky2::sneaky2: وكي رجعت قاتلي منعرف وشبيهم يطفاو هكذا،:sneaky2: قلتلها كعاد للي يخدم بيهم حابس:sneaky2: عطاتني الدراهم كامل جماعة عشرين الف مقطعين:sneaky2::sneaky2::sneaky2:​

ايه حتى لى يخدمو تقول بمزيتهم الله لا يردهم حاشا لى ما يستاهلش
تلقاهم نيفو طايحو و يلعبو فيها و ما نعرف واش يشوفو فى رواحهم و يشرطو على الناس و الله حالة لاهى حالة .
ربى يسقم لحوال .






​

 

[Jagwar]

يا خويا يا خويا علاه تفكر فينا انا كي نروح نقعد كي الجرادة توصل دالتي يقولي لورديناتور حبس نصوتي ل بلاصة ونعاود لاشان توصل يقولي حبس اقسم بالله عندي عام مادخلتهاش لابورس والله ماجبدتها وراهي تحرق في قلبي
كي ماجبدتهاش واش رايك تروح تجبدها ونعطيك بونيس

هههه عندك الحق
ماعليش المرة الجاية قوليلى انا نجبدلك و تعطينى البونيس
انا نموت على خشانة الراس و لا لى يلعبوها توجور نتعارك معاهم فى البلدية فى لابوسط فى الدايرة فى كل بلاصة






​

 

[EL General]

أنا سع عدت نحرق في الكارطا باش مايبعثونيش الناس

كرهت من شان هاذي البلاد ، ماهايش لالجيري

بصح كرهت من الناس اللي في لالجيري ،

بالتوفيق ...
​

 

[Jagwar]

هذي هي بلاد ميــــكي

والميـكرو ما يلقى وقتاه يحبس غير كي يعود الغاشي
ربي يهديــنا ويسقم لبلاد
ميرسي ليــك​

آمين أختى ربى يسمع منك ميمى
الله لا يوفق الناس لى تمرض فى الشعب





​

 

[Jagwar]

ربي يهدي ما خلق ويسقمنا البلاد انشاء الله​

آمين أختى ربى يسمع منك










​