تكملة--- ليجان في انقراض---

[llooll]

حطينا موضوع هدرنا فيه على انقراض الشباب اغلب الردود كيما كنت متوقع من البنات
واغلب البنات يقولو حيطيست وتفنيين وهنا نجاوبهم على رايهم الي اعتبره مجرد راي عابر
مارانيش نقول البنات ماراهم فاهمين والو
نقول البنات يخمو بالعاطفة وليس بالعقل

يا ليجان قولولي علاش البنات خدامات في كل القطاعات وفي شتى الميادين انا نقولكم خاطر علابالي بالسر
المراة تخدم على حاجة وحدة الماكياج
تخدم من الساعة 8 صباحا الى الساعة 5 مساء بمرتب شهري 5000 دينار يعني 500 الف برك
واش يهمها يخي الراجل هو الي يجي ويجيب المهر والطبق وووووووو
وهي بلاطائ والزينة وعشرة كيلو ماكياج
حتى تولي ما تفرق بين الوجه الحقيقي والماسك
وما تقدرش تعرف ويلا هاذ الطفلة بيضاء ولا سوداء ولا عينيها طبيعيين ولا مخدوعين
اما الراجل المسكين ما يساعدوش الحال يخدم بهاذ الشهرية ويفضل يقعد شومار وشاد الحيوط ولا شاد الشجر ولا الحجر ما يهمش المهم 5000 دينار مش راح ديرلو تاويل
ولا راح يقدر يتزوج بيها اما بالك يشري دار
علا هاذي نلقاو الشباب حيطيست
صدقوني مرة نهر رحت نخرج كواغط في البلدية طفلة الله يبارك شابة وما خصها والو
شافت دفتر العائلي مكتوب بالفرنسية لقبي...... المهم سقساتني واش لقبي قلتلها يا اختي راه مكتوب عندك قالتلي مشي باين مليح قلتلها لقبي معليش مع انه الاعور يقراه مش معقول يعني دفتر العائلي يكتب بخط غير واضح لانه يعتبر تزوير
المهم ما فهمتش كيفاش ينكتب سواء بالالف او بالعين مع اني نطقته بالعربية
قلتلها هاتي ورقة وستيلو ضرك نكتبهولك زعفت عليا قالتلي ارواح وريلي خدمتي
عجب
ضرك ليجان يقراو 14 سنة باش يخرج يشد الحيط والطفلة مستوى 9 اساسي تحطط وتتزين تروح للوزارة يخدموها نورمال وبنصف الشهرية وهي قابلة
نزيدو نروحو للجامعات
علاش البنات يدو معدلات مليحة خير من الاولاد انا نقولكم وعلاش
صح كاين عدة اسباب مي نختصرها في جالكم
معروف في جامعاتنا الواسطة التشيبة المعريفة او......اذا كانت طفلة راكم فاهمين
طفلة نهار كامل وهي هاملة من بعد في اخر السنة تجيب معدل مليح علاش
اذا كانت عندها المعريفة سور تنجح عندها الدراهم سور تربح مع شوية رشوة زاوالية تربح مع شوية...... راكم فاهمين
علا هاذي الشباب اتحطم تدمر ما لقاش مستقبل
المراة قولولي واش جابها لمحطة البنزين؟
لافاج؟
واش جابها سائق تاكسي سائقة حافلة؟؟
خاطر تخدم بنص سومة
وعلاش المراة تلقاها في المحلات التجارية كشك للتبغ والجرائد....
نجدها ايضا في محلات بيع الالبسة الرجالية
يعني وين تروح تلقاها
راكم عرفتو السبة وعلاش الخدمة مكاش
لوكان كل واحد يشد اختو في الدار ولا بنتو
ولا يخليها تخدم خدمة انثوية مشي خدمة رجالية والله يرجعو الشباب كيما كانو وما يتسماوش فنيانين ولا حيطيست
وترجع الرجولية وحياء المراة وينقص العري والتبرج
ويكثر الزواج كيما في سنوات الثمانينات

للحديث بقية​

 

[هــــيلدا]

هدرتك صحيحة،،

 

[الجريئة]

والله غير عندك الحق
شكرا

 

[هشام مادي]

يعطيك الصحة خويا هدا هو الحل راهم هلكونا اني خايف نخلص قراية منلقاش بلاصة فالجيش على خاطر قالولي راهم يدخلو فالنساء.
يارب وقتاش تولي طفلة للكوزينة وتخلينا شغالاتنا لينا.

 

[Houda Chaouienne DZ]

نتفق معاك في شوي
و ما نتفقش في شوي
على العموم نحترم رأيك
شكرا على الموضوع
​

 

[llooll]

نتفق معاك في شوي

و ما نتفقش في شوي
على العموم نحترم رأيك
شكرا على الموضوع​

الحاجة الي ما تتافقيش فيها ناقشينا فيها ويلا عندك فيها راي هاتيه ما تهربيش لهيه​

 

[sisou023]

منتفقش معاك على يخدمو على الماكياج نعرف شي بنات هوما يخدمو على دارهم و سامحين في رواحهم كل واحدة و كيفاه ظروفها و شكرا على الموضوع

 

[الميزان]

الله الغالب ربي حاب نسبة لبنات تطلع واش راح ندير نروحو نقتلو رواحنا
نتايا راك تحكي وكي شغل تحملنا المسؤولية
وزيد الانسان كي يكون يحكي مايعممش هاد الدنيا كل احد وافكاره وعقليته
وزيد انا كي نخرج برة نلق بزاف لولاد ومور المغرب وبعد العشة غير لولاد وحت ادا خرجو بنات يخرجو مع خوتهم الا دايم الواحد يدير الاستثناء
والمرءة ناجحة لحقاش لوكان تجي تشوف الجنس اللطيف يعاني من عقدة النقص
يعني ماراضيينش نقتانعو بلي الرجال قوامون على النساء
وبلي المرءة من زمان ماعندهاش راي ول قرار فهمت معنتها المرءة دايم تحاول توصل للرجل لحقاش هو فوقها
والرجال ماحبوش يقتانعو بلي في اتحاد الجنسين قوة مصرين على اهانة الانتة بالضعف والماكياج وماعلاباليش
المهم يل كتب ربي نعاود نجي نكمل هدرتي راني نتسن ردك
وماحبيتش نرد فالوضوع الاول مام ادخلت لحقاش قريت العنوان وفهمت روحي

 

[imotag]

شكرا لك اخي ع الطرح القيم للموضوع والله عندك الحق في اللي قلتوا مي هات من يفهم

كيما يقول المثل هاتهولي فاهم والله لا قرا
​

 

[DARINE05]

واش تحب يا خويا العرب تعنا هكا معوجين يخدم وحدة دايرة كيلو مكياج وميخدمش طفل با الديبلوم

 

[sallyqueen]

انا عجبني الموضوع تاعك بصح شفت فيه هجوووووووم كبير على النساء
وحبيت نقولك بلي اصابع اليدين ماشي كيفكيف
وانا ملي راني شايفاته في المجتمع اللي حوالي
النساء ماشي كامل يخدمو على الماكياج كاين الارامل وكاين المطلقات اللي لازم يخدمو باش يعيشو اسرهم ولوكان هذا بنصف الاجر كيما قلت
كاين اللي زوجها زاوالي ولا الاجر تاعه مايكفيش فلازم عليها تخدم باش تساعده وتوفر احتياجات الاسرة
وكاين اللي ماشي متزوجات بصح ماعندهمش اللي يخدم عليهم فيكونوا مضطرين باش يخدموا اي حاجة باش يعيشوا هاداك علاش يقبلوا بالخدمة في محطات البنزين عند لي ميكانيسان ولا في المحلات وهادو لازمعليهم يبلو بنصف الاجر على خاطر لوكان تطلب نفس الاجر كيما الرجل صاحب العمل يقولها باي باي حنونة je prefere نجيب راجل خير هادا علاش تكون ملزومة باش تقبل هاداك الاجر
ومن ناحية الدراسة انا نقولك هادي من الخبرة تاعي بكل اقاربي الولاد واخي اولهم
الولاد مايحبوش يقراو ويحسبوا باللي كي يراجعوا في la nuit اللي قبل الامتحان يقدروا يعرفوا كل شيء ويبلعو العام بصح كي يشوفوا النتيجة مايعجبهمش الحال ويقولوا الاساتذة راهم يغشونا وانا نقوللهم لوكان رهم يراجعوا دروسهم ويجتهدوا من النهار الاول يقدروا ينجحوا عوض ما يفوتوا النهار كامل مع البنيتات وما يدخلوش ل لي كور تاعهم ونقولهم درتوها بيديكم ...حلوها بسنانكم
وماننكرش بللي كاين منها تاع البنات لي مايخدموش وينجحوا بصح كاين حتى الولاد كيفهم العام الكل وهوما يلعبو ويدوروا وفي التالي كاين عمو ولا صاحب بابا اللي يبلعلو العام تسمى ماشي غير البنات ولوكان هاد ليجان يحطو راسهم في رايتهم ويديروا البوسيبل تاعم حتى واحد ما يديلهم حقهم بصح هوما يبغوها واجدة يطلعوا بلا خدمة وبلا تعب
وللأخ اللي تكلم على الجيش نقولو باللي حتى واحدة ماتحب تعيش هاداك التبهديل تاع الجيش والتعب تاعه لوكان ماشي ظروف قهرية هي اللي تدفعها ليه وهادي سووووووور مالقات حتى خدما أخرى على بيها راحت للجيش
على بالي بللي طولت عليك بزااااف بصح حبيت نقولك حاجة اخرى
شكون البنت اللي ماتحبش تقعد في دارهم كالية شاربة ومهنية وكل شيء يوصلها حتى لعندها بدون اي جهد ولا تعب وبلا ماتخمم تلقى كل شيء عندها؟؟؟
اذا لقيت كاش واحد مستعد يوفر كل هاد الاشياء وريهولي وانا نعقدلك صفقة معة كل بنات الجزائر باش يخليولكم الخدمة غير ليكم
بصح مالازمش تتشرطوا على الخدمة كل واحد على حساب النيفو تاعه اوكي؟؟ هههه
شكرا على الموضوع
وامل ان تكون قد فهمت وجهة نظري واقتنعت بالاسباب اللي تدفع النساء للعمل بأجور قليلة
راني نستنى ردك
شكرا​

 

[امينة لبرايجية]

عندك الحق في كل حاجة قلتها بصح تطور العصر لااااااااااااازم

 

[w@l!d]

..ايه ها خويا واش حبت ادير..
..السيستام ولا فوووووو.....
..يعطيك الصحة على الموضوع..
​

 

[حسان2010]

صحااااا ع الموضوع

 

[عاشقة رجاص]

السلام عليكم ورحمة الله وبركاته:
أتفق معك في الكثير من النقاط التي طرحتها في موضوعك
ولكني اختلف معك في بعضها
فقولك أن المرأة تعمل من أجل "الماكياج" هي نقطة من النقاط التي أختلف معك فيها
لعلك تتكلم عن شرذمة من فتياتنا والقارىء لموضوعك يفهم منه التعميم
وكما تعلم التعميم تعتيم
فيا اخي منا من لم تعرف مايسمى بالماكياج طيلة حياتها ليس جهلا منها بل رفضا منها للتبرج والفسق
كما أن مشكلة إداراتنا لاتقتصر على المرأة فقط فيوم الثلاثاء الماضي ذهب أخي لاستخراج شهادة ميلاد لكنه صدم باسم ولقب آخر له والكاتب رجل ولما طلب منه إعادة كتابتها رفض وتحجج بكثرة العمل ثم بدأ يصرخ ويهدد فمشكلة الإدارات والبيروقراطية متأصلة في بلادنا وللأسف لاتقتصر على المرأة وحسب
ثم من قال أننا نرضى بنصف الشهرية؟
إن المرأة تعمل للحاجتها للعمل وإن أردت سأرد عليك امثلة كثيرة معاشة ومن الواقع تؤكد ضرورة عمل المرأة اليوم لأن الوضضع الحالي يتطلب منها ذلك
لكني أعود وأكرر أن في كلامك الكثير والكثير من الحقيقة
وأن نصيحتك أن تشغل المرأة مناصب أنثوية تليق بطبيعتها هي نصيحة في محلها ورأي سديد وصحيح وأنا من أكثر المؤيدات له
فمهما حصل تبقى المرأة مرأة والرجل رجل
ليس تقليلا لشأن أحدهما بل لان الله سبحانه وتعالى أوجد لكل منها قدرات وطاقات مختلفة
وأمنياتنا أن تتكاثف جهودهما معا
فنحن ومهما حصل نحتاج إلى طبيبات ومحاميات وأستاذات وغيرهن
وكما يوجد شباب لهم هادات عليا وبطالون فالفتيات كذلك لهن شهادات وبتفوق لكنهن بطالات ومن تتكلم عنهن صاحبات المستوى 9 هن قليلات جدا ومعروفات"وجه لخروف معروف" لان صاحبات المستويات العلياوالمبادىء السامية يلاقين الويل من أجل الحصول على ربع وظيفة
كما أن ماتعانيه الفتيات في الجامعات يفوق مايعانيه الشباب
وأنا أتكلم على صاحبات المبادىء والأخلاق أما الأخريات فصدقني لن ألوث قلمي بذكرهن
ولانستطيع الحكم على الجماعة عن طريق فرد واحد
------
شكرا جزيلا على موضوعك السابق والحالي
وأتمنى أن تتقبل رأيي المتواضع بصدر رحب
شكرا​

 

[إشراقات]

السلام عليكم ورحمة الله وبركاته:

يجب ان لا نعمم ..فليس كل الناس سواء

وبخصوص ما ذكرته عن اقحام المرأة نفسها في جميع المجالات

فمعك حق في ذلك ...

اذ على المراة الوقور في البيت

وان ارادت ان تعمل فلتكن :

اما معلمة في مدرسة الفتيات

او طبيبة لمعالجة النساء

 

[llooll]

انا عجبني الموضوع تاعك بصح شفت فيه هجوووووووم كبير على النساء

.....................................

راني نستنى ردك

شكرا​

ردك على الموضوع مقنع نوعا ما واختلافي معك اكبر نت ردك ما تفهميهاش بلي راني نقص من قيمة كلامك بالعكس والله كلامك باين خارج من العاطفة اكثر من العقل وهذه هي الانثى الحقيقية التي عاطفتها تتفوق على عقلها
اسمحيلي على هاذ الراي نتاعي
المهم
لوكان الاعمال الرجالية ما تروحش المراة ليها وتخدم بنص سومة راح يخدمها راجل والراجل راح يدي حقو وكي يدي حقو يقدر يدير حاجة لعمرو
انا في العاصمة ولاحظت بلي البنات الي يخدمو اعمال رجالية ما يتزوجوش بالعكس ما يجيهم من هاذ الخدمة غير التحرشات....وسبحان الله تقول يعجبها الحال كي تسقسيها وعلاش تقولك الله غالب الخبزة واعرة....وهي كون شافتها واعرة والله ما تخدم هاذ الخدمة
وقلتي بلي لوكان المراة تلقى تقعد في الدار بشرط يتوفرلها كلش
انا نعرض عليك اتفاق اخر ويعجبك ويعجب كل بنات حواء الي عندهم الانوثة الحقيقية
في العوض باش تخدم هي خدمة رجالية تقول لمول الخدمة نخدم خويا في بلاصتي واعطيلو حقو
وتتفاهم مع خوها يعطيها نسبة من اجره يخي مشي عيب الاخ يمد لاختو ولا اضن ان الرجل الحقيقي يرضى لاخته ان تشتغل منصب رجالي
انا خدام ولله الحمد وعندي 2 اخوات بنات والله كل شهر نعطيهم 3000 دج
مع العلم ان اخواتي قاريات وحدة كملت قرايتها محاماة وحدة كملت قرايتها في الصيدلة
نعطيهم مصروف وخويا لوخر يعطيهم مصروف وراهم قاعدين كي الاميرات ولوكان تقولها تخدمي تقولك مستحيل ما خلقنيش ربي باش نخدم عند الرجال ولا خلقني ربي باش نصرف على الرجال
يعني المشكل باختصار مشي مشكل رجالي ولا نسائي المشكل في الذهنيات والعقليات الي راحت من زمان كي خلاصو الرجال الحقيقييين ما تنسايش بلي الي ماتو في 1988-1989 في ما يعرف في احداث اكتوبر الاسود
وما تنسايش الارهاب واش حصد والان الي مزال فيه النيف راه يحرق
شكرا لردك العظيم وبارك الله فيك وفي الي جابوك والي رباوك​

 

[khalil hip hop]

كلامك مافيه ولا غبار
​

 

[llooll]

السلام عليكم ورحمة الله وبركاته:

أتفق معك في الكثير من النقاط التي طرحتها في موضوعك
................................

وأتمنى أن تتقبل رأيي المتواضع بصدر رحب

شكرا​

يا اختي الكريمة واقيل انتي من البنات الي ما يخرجوش من البيت علابيها ماراكيش تشوفي في الزنقة واش راه صاري
ولوكان تسقسي الراجل الي غلط مع اخوك يقول سبب نرفزته امراة راني قريب نحلف بلي هو الرجل الوحيد في البلدية والباقي نساء او سبب نرفزته ان رئيسة المصلحة امراة
الفتيات الاتي يعانين في الجامعات قلة قليلة جدا تعد على الاصابع وتقدري تحطيهم في خانة الشباب لانهن يعانين نفس مشكل الشباب.... ما تقدرش تطلع حوايجها شوية تحب تبقى مستورة وان شاء الله تكوني فهمتي قصدي
المهم لو نحل المشكل منطقيا على المراة اما ان تشتغل مناصب انثوية او تبقى في دارها اكرم لها
وتقدري تشوفي ردي على الاخت الي سبقاتك بلاما نطول بزاف في الحديث
بارك الله فيك وبارك في الي جابوك ورباوك​

 

[llooll]

السلام عليكم ورحمة الله وبركاته:

يجب ان لا نعمم ..فليس كل الناس سواء

وبخصوص ما ذكرته عن اقحام المرأة نفسها في جميع المجالات

فمعك حق في ذلك ...

اذ على المراة الوقور في البيت

وان ارادت ان تعمل فلتكن :

اما معلمة في مدرسة الفتيات

او طبيبة لمعالجة النساء

كلامك خير ما قيل هنا كاملا بما فيهم موضوعي
كلامك قل ودل وحطيتي صباعك على المشكل بالضبط
شكرا لك على هذا الاختصار الشديد ربي يعطيك ما تتمناي
بارك الله فيك وربي يزيدك من نعمه بغير حساب​