ا۞ وائل والميgريين قصة لاتنتهي ......بقلمي الخاص..أهدر واش تحب تهدر۞

[BeSt GlAdiAtOr]

مساء الخير يا وجوه الخير
والسلام ليكم يالمخيرين
يا الحبابا والصحاب و لا للتحلاب وتطوال اللسان
:scared::scared:
راني نخرف برك





أسيدي معا هد الصيف والغبار والشمس الحارقة والميزيرية والتمرميد
ومن شومبرتي الوحيدة وليس فيها سوى
رياشة هوائية فقط
أتكلم:.....


جات عندنا خالتي من فرنسا وبالظبط من مدينة بوردو
أسيدي خالتي عندها زوج ولادها: أمين21 سنة و صدوق 25 سنة
وجابو معاهم زوج صحاب مغتربين من العاصمة .......جاو عندنا لبلدية الغبار
وش جاو يديرو....:tears:؟


جاو يجوزو الفاكونس : يعني العطلة بالعربية
وهدو الزوج ولاد خالتي يموتو على الدوران والتحواس في لالجيري ويموتو على الماكلة تاعنا
وسيرتو القازوز والكسرة
:music_whistling::music_whistling::music_whistling:
ومبعد هكدا وحد النهار دارت يما الشخشوخة
ويا عيني على الخشخوخة الحارة تاع يما الشاوية
قعدنا معا ليزيمقري هدوك ناكلو وناكلو ونزيدو ناكلو
وهوما: يكاكلو مغرفة ويمسح بالسرفيطة ويزيد ياكل مغرفة ويزيد يمسح بالسرفيطة:scared::scared:
حرت فيهم:closedeyes:
ومبعد جا وقت الديسير الفاكهة
جابتنا يما فاكهة: عين البقرة ـ أكيد تعرفوها
ومبعد هداك الميgري مافهم والو فيها وقالي : سيكوا سا وائل؟
أنا::no_1::scared: مافهمت والو ......


وش نسيميهالو بالفرونسي ومبعد....



قلت خلي نرجعها ترجمة :music_whistling:


قلتلو أنا : سيسا لي زيو دو لافاش
هههههههههههه








ومبعد يطربقو بالظحك عليا والماكلة خارجة على فامهم من الظحك وهوما يخاليو بالفرونسي معا بعضاهم




ومرة أخرى: زعما راح نديهم يصليو ولاد خلتي للزوج
وندخلهم للجامع تاعنا....
أسيدي رحنا للجامع والإمام أقام الصلاة و .....:scared::scared:يكبر


ومبعد نلقا ولد خالتي أمين يعيط يعيط ويعيط ويعيط ويعيط ويعيط
ويعيط



اــــــــــــــــــــــــــلــــــــــــه أكـــــــــــــــــــــــــــبر




الجماعة برا وسمعوه ومبعد قالي أنا تعلمت الصلاة هكدا بالعياط






ومبعد يوم ورايوم :tears::tears: جوزت معاهم يامات LUXشبعة رحنا للبلايص كامل للعاصمة جيجل قسنطينة باتنة
وهوم لي يصرفو والأورو والقدام
ومبعد كي كي راح يروحو ودعوني بالدموع على خاطر يحبوني وأنا شبعتهم تحواس وقازوز
وفي الأخير داو معاهم لبوردو */فرنسا*/

10 Gرصات كسرة
وباليطة قازوز تاع بونة























هههه
والله غلبة بزف من الميضوع
نتمنى تقيموه وتشاطروني أرائكم حول المغتربين تاعنا

​

 

[هــــيلدا]

ايا مليح كي دخلت الشاوية في الموضوع،،
​

 

[BeSt GlAdiAtOr]

ايا مليح كي دخلت الشاوية في الموضوع،،​

يعني :santa_1:كون ماتكلمتش على الشاوية ماتوافقيش؟:scared:




ههههههههههههههههههه
مشكورة خيتو الباتنية على موافقة
مي ؟ وين هو الكاشي تا اللمة؟​

 

[chemssou007]

شوفـ خويـا ما نجمعشــ
Mais ما يخلعوكشـ المغتربينـ
رانا رحنـا وشفناهمـ كيفاه عايشينـ
يقعد متمرمد عامـ كاملـ يلمـ في صوارد الطيارة باه يجيـ للجزائر يفوخـ على الغاشيـ
يلبسـ بنتو ميني و مرتو يخليها تسوقـ،،،
و الذراريـ تاعهمـ Pro-fiti و زيد بروفيتيـ،،
أنا رانيـ قلتـ ما نجمعشـ كاين ناس ما شاء الله ،،،
Mais رحنا و شفنا و بالاك راحـ رحت وشفت يا صديقيــ
ما يخلعوكشـ بـ 1000 أورو يعني 10 ملاينـ عندي راهي بصوارد فرنسـا ميات ألفـ يعني هاذو لي يجيبوهم يوكلوهم في شهر الgــاوري يصرفهم في سمانا،،،
المهمـ راهمـ خاوتنا و نعتزو بيهمـ بصحـ كيما قلتـ مش كيما يجو هنا راهمـ لهيه حاجا أخرى،،،​

 

[jiji 94]

مشكوووووووور يا ولد
واصل لنا تميزك ....
10/10​

 

[chemssou007]

زيد نقولك حاجا يا صديقيـ كاينـ فئة مشـ كلهمـ
تقولو انتـ جزائري في فرنسا يحشم و يهبط راسو
و هنا يجي يهز علام و يقولك تحيا الجزائر ،،
المهمـــ حبيت نرد على الموضوعـ برك،،،​

 

[BeSt GlAdiAtOr]

شوفـ خويـا ما نجمعشــ

mais ما يخلعوكشـ المغتربينـ
رانا رحنـا وشفناهمـ كيفاه عايشينـ
يقعد متمرمد عامـ كاملـ يلمـ في صوارد الطيارة باه يجيـ للجزائر يفوخـ على الغاشيـ
يلبسـ بنتو ميني و مرتو يخليها تسوقـ،،،
و الذراريـ تاعهمـ pro-fiti و زيد بروفيتيـ،،
أنا رانيـ قلتـ ما نجمعشـ كاين ناس ما شاء الله ،،،
mais رحنا و شفنا و بالاك راحـ رحت وشفت يا صديقيــ
ما يخلعوكشـ بـ 1000 أورو يعني 10 ملاينـ عندي راهي بصوارد فرنسـا ميات ألفـ يعني هاذو لي يجيبوهم يوكلوهم في شهر الgــاوري يصرفهم في سمانا،،،

المهمـ راهمـ خاوتنا و نعتزو بيهمـ بصحـ كيما قلتـ مش كيما يجو هنا راهمـ لهيه حاجا أخرى،،،​

تسلم خويا الغالي شميسو على مرورك الممييز و تليقك وردك ونقدك الحلو
لكن أنا تطرقت للمغتربين من حهة أخرى من جهة الطرافة
حيث أنو تلقا الميقري عقليتو ذراري صغار يتخلع من حويج ويبكي على حوايج كي الكفل الصغير
وهدي خالتي على القرص معيشة كاملة ماكاش وش يخص
جنسية ليها ولوالدها
زوج سيارات
خدمة بالكونترا ودائمة
والحمد لله
ولأكثر ولاقل





مرورك أسعدني خويا شميسو
تهلا في طفراوي العام الجاي نجي....

​

 

[Sârsoùra L'mkàlChà]

استنا نحطلك التقييم و نرجع نرد

​

 

[BeSt GlAdiAtOr]

مشكوووووووور يا ولد

واصل لنا تميزك ....​

10/10

تسلم يا الغالي الجيلالي
مرورك يسعدني
لكن آه لو كنت ردوك عبارة عن مناقشة في الموضوع
سلمتآ...

زيد نقولك حاجا يا صديقيـ كاينـ فئة مشـ كلهمـ

تقولو انتـ جزائري في فرنسا يحشم و يهبط راسو
و هنا يجي يهز علام و يقولك تحيا الجزائر ،،

المهمـــ حبيت نرد على الموضوعـ برك،،،
​

مشكور على إضافتك شمس الدين
لكن كتابتي للموضوع كنت من جانب الطرافة
لا جانب حسابات ....


​

 

[BeSt GlAdiAtOr]

استنا نحطلك التقييم و نرجع نرد​

سارة
ح
أوكي
قيمي وسلكي في لاكاس
ومبعد قرعجي حتى للصباح


وماتنسايش تشارجي البورطابل تاعك
لاشارج طايحة​

 

[Sârsoùra L'mkàlChà]

والله يا نتا وائل مهبوول وحدك تع الصح
يـآو عجبني المقطع تع ليزيو دو لافااش ههههههههه

استنا انا نتفكر حكاياتي تع الصيف لي فات مع بنت عمتي و خاوتها
و نجي نفرفش هنا


​

 

[Sârsoùra L'mkàlChà]

الصيف لي فات عقب علبنا هبــــــــــآل صح
والله لمساكن هوما يجيحو صح و يتبهلو بالصح ينحونا الغمة
كي يجو تلقاني كارهة .. الكاينة كامل ياكلوها .. ونا كرشي تقعد فارغة
بالصح كي يروحو تلقاني نندب وحدي

هذا الرد برعااية
موبيليس و الكل يتــألم



​

 

[AnGeL*dZ]

عجبتني تاع عين بقرة لي زيو دو لافاش هههههههههههههههههه
حنا كي يجيو لافامي تاعنا من فرونسا يشبعو بطونهم مساكن شخشوخة البربوشة لمطلوع الكســــــــــرة تقول جامي كلاو في حياتهم :closedeyes:
***********************************

​

 

[BeSt GlAdiAtOr]

والله يا نتا وائل مهبوول وحدك تع الصح

يـآو عجبني المقطع تع ليزيو دو لافااش ههههههههه​

استنا انا نتفكر حكاياتي تع الصيف لي فات مع بنت عمتي و خاوتها
و نجي نفرفش هنا​

هههههههههه
أو يا سارة مزالك مشفتيش التمهبيل تاعي أون فاص




خليها لربي برك



راجعي الميموار تعك مليح
وأرواحي أحكيلنا على بنت عمك



نتمنى يكونو عينيها زرق برك:tears:
​

 

[BeSt GlAdiAtOr]

والله يا نتا وائل مهبوول وحدك تع الصح

يـآو عجبني المقطع تع ليزيو دو لافااش ههههههههه​

استنا انا نتفكر حكاياتي تع الصيف لي فات مع بنت عمتي و خاوتها
و نجي نفرفش هنا​

الصيف لي فات عقب علبنا هبــــــــــآل صح

والله لمساكن هوما يجيحو صح و يتبهلو بالصح ينحونا الغمة
كي يجو تلقاني كارهة .. الكاينة كامل ياكلوها .. ونا كرشي تقعد فارغة
بالصح كي يروحو تلقاني نندب وحدي​

هذا الرد برعااية
موبيليس و الكل يتــألم ​

:scared::scared:شفتش شفتي
كي يبلونجيو على الكسرة يخلصوها في ثانية
ويفنو على المكلة تقول عليهم زايدين في عام الشر





وزيدي أفليكسيلي 1100000مليون برك
من موبيليس ديالك
حاب نتألم شوية
​

 

[BeSt GlAdiAtOr]

عجبتني تاع عين بقرة لي زيو دو لافاش هههههههههههههههههه

حنا كي يجيو لافامي تاعنا من فرونسا يشبعو بطونهم مساكن شخشوخة البربوشة لمطلوع الكســــــــــرة تقول جامي كلاو في حياتهم :closedeyes:
***********************************​

أه يا حكاية الكسرة يفناو عليها
ويموتو عليها وكي يبغيو يروحو يديو معاهم كونتيتي لفرانسا


أيا بون مرور يا خيتو الغالية
​

 

[amouna.dz]

سيسا لي زيو دو لافاش
ههههههههههه هاذي فور يعطيك الصحة خويا
راني سقسيت خالتي راهي عندنا عندها 15 جور جات من فرنسا قاتلي عين البقرة يقولولها les prunes وقيلة ههههههه
مش لي زيو دو لا فاش هههههه
ليزيمي9ري مهابل فور مخلطين انا ثاني عندي خالتي في فرنسا تهدر العربية واولادها يفهمو العربية مي ما يهدروهاش و كي يجيو هنا للبلاد نعقبو ايامات فور
شكرا على الموضوع يعطيك الصحة خويا
​

 

[Sârsoùra L'mkàlChà]

:scared::scared:شفتش شفتي
كي يبلونجيو على الكسرة يخلصوها في ثانية
ويفنو على المكلة تقول عليهم زايدين في عام الشر





وزيدي أفليكسيلي 1100000مليون برك
من موبيليس ديالك
حاب نتألم شوية
​

رااك تشووف .. تقول عمرهم ما كلاااو
و هوما تما بعيد الشر عندهم غير الماكلة :yahoo::yahoo::yahoo:

و من الموبيليس والله ما تشوفها
هههههه
فليكسيلي في فريزي نفليكسيلك موبيليس
آآفاار هاااايلة ..
:wink:


​

هههههههههه
أو يا سارة مزالك مشفتيش التمهبيل تاعي أون فاص




خليها لربي برك



راجعي الميموار تعك مليح
وأرواحي أحكيلنا على بنت عمك



نتمنى يكونو عينيها زرق برك:tears:
​

هههههههههه
هاذا وين كنت نهدر معاها فالفايس
لا لا عينيها ماش زروقا :tears::tears:
سمرة كيفي ... :closedeyes::closedeyes:


​

 

[عاشقة رجاص]

السلام عليكم ورحمة الله وبركاته:
مســــــــــــــآء الخير وائل خويا
والله ضحكتنا بحكاية عين بقرة و ......وحكاية الله أكبر
المغتربين انواع
كاين منهم اللي يتوحشو لبلاد والعائلة ويجيو يعـgبو يامات مع أهلهم وناسهم وبلادهم
يحبو ماكلة لبلاد خاصة التقليدية منها وتلقاهم يسقسيو بزاف لأنهم يحبو يعرفو كلشي على بلادهم
وكاينين اللي يجيو من اجل الفوخ والزوخ وهنا رانا علابالنا بالبير وغطاه
على كل حال ربي يرجع كل غريب لدارو ويرزق كل واحد بالحلال إن شاء الله
ومرحبا بيهم الدار دارهم في كل وقت
شكرا وائل خويا والله موضوع هايل ربي يخليك​

 

[برنســ اللمة ـيسة]

و علاه يا وائل هادو الضياف اللي جاو عندكم راهم يحبوكم؟؟؟
هههههه
و الله راهم جاو غير باش ينحيو العيا نتاع عام كامل و يروبوزيو شويا عندكم و ينحيو السخفة نتاع الماكلة
و ينقصو شويا من الروتين
و زيد على ليزيو دو لافلاش
ههههههههههههههه
باش تدير القلب و تولي تعرف الفرونسي ملييييييييييييييييييح باش كي يجيك موقف كيما هدا تلقا روحك
ايا باي
باي
باي
باي
و الباقي كملهم وحدك راني عيانة باش نزيد نكملهم
​