واحد يقتل في الأخر على جال ..........

[programmeur]

السلام عليكم يا جماعة الخير

نتمنى تكونو بخير وعلى الف خير

اليوم كنت مع أصدقائي مريحين ونتكلمو حتى مرت علينا جنازة
صاحبي شاف مليح وقال .... أوياااااا تااااع من ؟؟؟؟؟
قلتله واش كاين
قالي تاع اللي قتلوه ..... الله يرحمو


عاودت قتله بصوت مرتفع واش كاين ؟؟؟؟؟

قالي واحد قتل هدا الانسان لخاطرش القاتل جاوه جماعة وقالوله بلي هداك راه يخرج مع اختك

هو راح حمل سكينة و عطاه أسقطه جثة

راسي حبس
وعلاش هكدا يا جماعة ؟؟؟؟


كاين الف طريقة وألف حل لحل هدا المشكل

واش جابنا للقتل

أمالي اللي راحو عند القاتل وقالوله فلان راه يخرج مع اختك هوما تانيك يتحملو ذنب قتل نفس

ناس جهلة وراهي تحوس غيل على خلاها و تحب غيل المشاكل

حبيت نقوللكم ونوصيكم
ماتكونو مثل القاتل و ماتكونو مثل المقتول وماتكونو مثل هادوك الناس اللي يرفدو ويحطو في الهدرة كل واحد يحكم فمه ويسكت وكل واحد يعرف قدره وبالاك هداك ماكانش خارج مع اخته ؟؟؟؟

وبالنسبة للبنات لا تكونو مثل اخت القاتل وعشيقة المقتول


انا نحبس الكتبة ونروح ندور شوية
والله يرحم الميت

سلام عليكم
​

 

[RIDHA REAL]

لاحول ولا قوة الا بالله
العلي العظيم
​

 

[shahrazad]

و عليكم السلام
اوو والله حكاية تحبس الراس !
واشبيهم الناس هادو؟؟
واش نقولك يا خويا انا يبانلي الجهل هو الي يدير هاك
صح ماكاش راجل يقبل يسمع على ختو الي هيا عرضو كلام ماشي مليح
مي ماشي توصل حتى للقتل لالا
كيما قلت كاين الف طريقة وطريقة
ياسيدي يعطيلو طريحة
مي يقتلو؟؟؟:no_1:
*****
حكاية بدات بحرام وخلاصت بحرام
ربي يعافينا ويسترنا
بارك الله فيــك ​

 

[M!ss D!or]

:scared: :scared: :scared: :scared: :scared: :scared:

ياااااالطيف وصلت بالعباد لهده الدرجة :surrender:
القتيل ولا نورمال :busted_red:
الله يهدي :closedeyes:​

 

[406_nassim]

عيش توشف وعيش تسمع خويا والله العضيم بلي حنا معدناش العقلية نكدب عليك والله
​

 

[sahiko hamza]

الله أكبر ... .
​

 

[AnGeL*dZ]

هو ماخممش ديراكت راح يقتل
زعمة يتمرجل
من المفروض كان بتأكد من صحـــة الخبر انو اختو تخرج مع هذاك الراجل
ومبعد يحاول يحل المشـــــــكل
لكن في لحظة غضــــب الشيطآن كان اشطر منو وخلاه يقتل النفس التي حرم الله قتلها
وعندك الحق هاذو تاني اللي داو لخو الطفلة الهدرة راهم مشاركين في ذنب هاذيك النفس
والله تسمع حكايات تحبس الرآس
الله يرحم الميت ويهدينا
​

 

[N@riM@N]

مالا صدقو ناس بكري قصدي جماعة نوووواس كي كانو يحسبو لمرا شيطان

هههه ,,,,,,يخي زمان رانا فيه​

 

[نسيم الربيع]

ياو كي تشوف حالات اخرى تقول الرحمه فهاذي واحد يقتل صاحبو على جال 50 دج الناس ولات متخافش ربي الله يسترنا مارسي عليك ... سلالام

 

[programmeur]

شكرا لمروركم العطر وبارك الله فيكم والله يهدينا اجمعين

 

[سماح4]

يالطيف ربي يسترنا ، الله يرحمو مسكين والله غاضني بزاف ...هذا سبب التسرع والطيش ، ربي يهدينا ويسترنا ...

 

[TOUTA32]

ولد خالتي حتى هو صراتلو هك ضرب واحد بلاgا على اختو كسرلو فمو ذرك راهو يطايش فالحبس حكمولو 3 سنين جماعة الشيطان راهو صعيب الرزين يحل مشاكلو بالعقل ماشي بالدبزة

 

[سهيلة83]

ربي يرحم الجميع.. الاحياء والاموات ..الامور هاذي سمعناها وشفناها تحصل مرات مرات والامر وين رايح رايح يزيد ..انا نقول هذا كله يصرا من قلة الايمان والابتعاد عن الدين ..اصبح كل واحد يمشي على هواه ولا يهمه لا اخلاق ولا دين و لا نظرة المجتمع ..والادهى والامر ان هذا القاتل لا يشعر باي ندم فيما بعد ويعتبر ان ما فعله هو امر جائز ومبرر لأن الناس للأسف يكونو متعاطفين معاه لأنهم على حساب ظنهم انه كان يدافع على شرفه وينسو الحساب الي يستنى فيه عند ربي .

 

[sirine-w]

alah w akbar lah yerhmo

 

[mimi.dz]

لا حول ولا قوّة الاّ بالله ........

ربي يرحمو ويوسع عليــه
ويهدينا أجمعيــن

​

 

[THE GNAWIE]

ربي يستر من هاذ الوقت
ربي يرحمو​

 

[DARINE05]

ربي يثبتنا العقل والدين يا رب
مرسيييييييييييييي

 

[chamse121919]

هادا واحد مش في عقلو​

 

[احلى جزائرية]

ايه عشنا وشفنا قصة بسيطة ضخموها
وصلت بيهم لللقتل
والله غير جهلاء
ماهم فاهمين واالو في هاد الحياة

 

[nina bonoise]

:scared: :scared: :scared: :scared: :scared: :scared:

ياااااالطيف وصلت بالعباد لهده الدرجة :surrender:
القتيل ولا نورمال :busted_red:
الله يهدي :closedeyes:​