مساعدة...........انا محتاجتكم كثير .......ساعدوني من فضلكم

[سحر سورية]

ارجوكم ساعدوني.........انا محتاجة اليكم

السلام عليكم
انا محتاجتكم كثيرا يا اخوتي و يا اخواتي
و الله ما عرفت وين نحط الموضوع
المهم ندخل مباشرة في الموضوع بدون اطالة
انا عندي اختي راهي رايحة تسافر لبلجيكا من المفروض يوم الجمعة بعد غد ان شاء الله و لكن اليوم كي خرجت راحت ماعلاباليش واش تواسي بالكوارط تبحرتلها بطاقة التعريف الوطنية و قالتلها وحدة حبيبتها بلي لازم تكون معاها لاخاطرش فالمطار لازم توريهالهم
فسؤالي هو: اذا تقدر توريلهم حاجة أخرى مثلا بطاقة السياقة و لا لازم بطاقة التعريف الوطنية و لا كيفاه تدير؟؟؟؟؟؟؟؟؟؟؟؟؟
اللي عندوا أي معلومة يقدر يساعدني بيها و الله راني محتاجتكم بززاف
و بارك الله فيكم مسبقا
السلام عليكم​

 

[روز]

لازم اديكلاري بلي راحتلها لا كارت...

ونظن ممكن يقبلولها بطاقة السياقة ...مازالت ماصراتليش هادي ..

ماتقلقش روحها انشالله خير
​

 

[°/°مبدعة اللمة°/°]

ممكن لازم اديكلاري و توري جواز السفر و لا اي بطاقة اثبات الهوية

 

[سحر سورية]

بارك الله فيكم
هي راهي راحت دوك باش تديكلاري مي مازال ما ولاتش
ان شاء الله ما يكون غير الخير
ربي يجازيكم راكم ريحتوني ما نكذبش نقول 100 بالمئة و لكن صافا
بارك الله فيكما​

 

[°/°مبدعة اللمة°/°]

نورمال حبيبتي نلقوك فنهارنا الاسود هههه متقلقيش مي اختك رايحة من اجل الدراسة و لا واش؟

 

[روز]

مانظنش يعرقلوهالها لانهم يحتاجوا الباسبور اكثر انا جامي سقساوني على بطاقة التعريف...المهم الباسبور يكون مريgل وخلاص ... قولينا واش صرالها امبعد
​

 

[سحر سورية]

نورمال حبيبتي نلقوك فنهارنا الاسود هههه متقلقيش مي اختك رايحة من اجل الدراسة و لا واش؟

مرسي حنونة
مي هي راهي رايحة عند راجلها غير كيما تزوجت

 

[سحر سورية]

مانظنش يعرقلوهالها لانهم يحتاجوا الباسبور اكثر انا جامي سقساوني على بطاقة التعريف...المهم الباسبور يكون مريgل وخلاص ... قولينا واش صرالها امبعد
​

راهي ولات من الكوميسارية مي قالولها ما نقدرو نديرو والوا لاخاطرش لازم يجوز عليها 48 ساعة
و ان شاء الله ما يكونغير الخير بما أنك انتي موالفة تسافري ان شاء الله ما يسقسوهاش عالبطاقة
الباسبور الحمد لله راهو مريgل
مرسي حنونة على الوقفة

 

[°/°مبدعة اللمة°/°]

اه نشاله وفقها يا ربي و وصلها سالمة لراجلها يا رببي

 

[سحر سورية]

اه نشاله وفقها يا ربي و وصلها سالمة لراجلها يا رببي

ان شاء الله
بارك الله فيكي على وقوفكي معي يا غالية