و الله خسرولي التعزمة

[aidouch]

سلاام الصيف:yahoo:
صااح الرقااد:sadwalk:
مسااء البحر:sheer:
واش راكم انشاء الله تكونو
لاااباااس:thumb_up2:
انا يمات çava
و يمات مانسواااش:no_no::thumb_down:
مام كيتوني مليح يخسرها عليك لعباد
المهم نحكيلكم واش صرا لبارح
ايا لبارح رحت البحر
كان فوووور:thumb_up2:
طابلة..زيت
دخلت عمت واحد النص ساعة وخرجت نريح
ايا كيكنت قاعدة
جي واحدة الطفلة من ناس الباراسول ليكانه قاعدين قدامنا
تقول لخوها اجريي:crying_1: زكاري(فاميلتهم)
راهو يتفاتن مع واحد الجماعة
وهاد الشي داخل الماااء
انا نرفد راسي و نصيبهم
خوضو كامل البحر
و يهجمو عليهم الناس باش يسلكوهم
لاvيريتي انا قاعدة و حالة فمي
ايا كيخرجو من البحر انا حسابلي نعلو الشيطان و هداهم ربي
ملحقتش باش نوض
حتى وين نشوف دوك الجماعة الليتفاتنو مع زكاري يجو و واحد فيهم رافد حطبة في يدو
ناوي يضرب ويدير حالة:santa_1:
يا خاوتي واش نقولكم:du_nno:
دخل عليه قدام العايلة
ما حشم ما قال عيب:sneaky2:
ايا و ينوضو كامل الليقاعدين قدامنا
براوية ميعرفوهمش ميمبا
ينوضو باش يسلكو بصح واش متسلااك
يزيدو يهجمو على الجماعة الليجاو يضربو:busted_red:
يا خوتي و لابيست راهي غير تكبر تكبر تكبر
الحماية..ليجان..التفاتين.. السب
ماتفهمو فيها وااالو:heh:
ايا انا زعما قاعدة نطوي في السرابت من كثرت خوفي ما صبتش واش نديرما نكملش نطوي حتى وين نحس رجلي راهم يعفسو عليها
انا نطلع راسي ونصيب روحي في وصطهم:tears:
هههههههه
و الله هم يضحك و هم يبكي
حتا جا بابا و نوضني من تم
ايا ممبعد قدرو يفرقوهم و كل واحد
راح في حدو
و قاعدة انا الضحية رجلي حشاكم راهي قتلاتني
خترش علا حساب هاد الوجعة ماشي واحد برك الليعفس عليها
يااو راهم جمااعة
و الله خسرولي التعزمة
....
ايه هادا واش قتلكم ماام نكونو ملاح يجو
ناسس و يفسدووها عليك
انا ديقوتييت نقلكم الصح و انتما واش
رايكم:heh:
ايااااااا راني نسنا فيكم خاوتي
Baaaaay
AiiiiiiDooOocheeeE





​

 

[DARINE05]

شفت يا خويا والله كاين عباد معندهمش ثقافة التحواس
ثاني جاين با العنف تع ضرب برك

 

[mimi.dz]

و الله خسرولي التعزمة

اذا مفيهاش ازعاج واش معناها التعزمة ؟؟

المهم
وبخصوص موضوعك هذا شيء بسيط لأنو في وقتنا عادو
كي يتهاوشو زوج الموس حاضر
ربي يهدينا
​

 

[أمين حاجي]

sobhan allah
???????
​

 

[sisou023]

مزيا غير رجلك و مضربوكش قاع هههههههههه

 

[نسيم الربيع]

ربي يهدي ماخلق مارسي ختي ... سلالام

 

[جزائرية حتى الموت]

الله يهدينا اختي

 

[aidouch]

شفت يا خويا والله كاين عباد معندهمش ثقافة التحواس
ثاني جاين با العنف تع ضرب برك

مشكورة اختي
لكن انا اتك و لست باخوك اسمي عايدة ههههه
معليش مقبولة
نورتيي
​

 

[aidouch]

اذا مفيهاش ازعاج واش معناها التعزمة ؟؟

المهم
وبخصوص موضوعك هذا شيء بسيط لأنو في وقتنا عادو
كي يتهاوشو زوج الموس حاضر
ربي يهدينا
​

التعزمة كيما نقولو راني ناوية ندير هادك الحاجة عندي الشهية باش نديرها
ايه و الله عدندك الحق
نورتي الموضوع
​

 

[aidouch]

مزيا غير رجلك و مضربوكش قاع هههههههههه

و الله ربي سترني
اسعدني مرورك العطر
​

 

[nassim007]

الله يهدينا
​

 

[aidouch]

الله يهدينا اختي

اللهم امين اختي
تشرفت بمروركي الكريم
​

 

[aidouch]

الله يهدينا
​

من فمك لربي اخي و الله نورت الموضوع
​

 

[iméne09]

ياختي انا مافهمتش واش معناها التعزمة
بون نرجعو للسيجي شفتي وحدة تكون حابة ديفولي وتفاجي على روحها يجيو يخسرو عليها يعني وين تروحي تلقاي حاجة تخسرلك القعدة وديجا ليجون غير تصرا كاش باgار تلقايهم جابو جماعتهم وينوضوها كبيرة بلمواس ربي يهديهم ​

 

[أماني2]

نتمناو الهداية للجميع

شكرا ليك

 

[02asma02]

الله يهدينا يا رب
​

 

[aidouch]

ياختي انا مافهمتش واش معناها التعزمة
بون نرجعو للسيجي شفتي وحدة تكون حابة ديفولي وتفاجي على روحها يجيو يخسرو عليها يعني وين تروحي تلقاي حاجة تخسرلك القعدة وديجا ليجون غير تصرا كاش باgار تلقايهم جابو جماعتهم وينوضوها كبيرة بلمواس ربي يهديهم ​

التعزمة في موضوعي هو اني عزمت ندير حاجة نروح البحر و نديفولي و نعوم و هاد العباد
خسروها عليا
و ربي يخليك اختي على ردك المقنع و المساند لا تحريمينا من ردودك
​

 

[shahrazad]

هههههه ملييح باه تحرمي تروحي لبحر
:yahoo:
:tongue_1:​

 

[aidouch]

[qu]نتمناو الهداية للجميع

شكرا ليك[/quote]

لا شكر على واجب
نورتي الموضوع
​

 

[aidouch]

الله يهدينا يا رب
اللهم امين
و ربي يهدي جميع المومنين
​