اليكم شرح مهام الوزير المنتدب والمندوب

[zagane]

السلام عليكم
اليكم اخواني شرح مهام الوزير المنتدب
ومهام المندوب حسب مفهوم الشارع الجزائري المسكين

يقال بعث الوزير الفلاني مندوبا عنه لتنشيط مؤتمر ما
هدا المندوب مهمته هي تلقي الندب باضافر الشعب المنكوب بالنيابة على الوزير
ولهادا تجد دائما وجهه فيه خطوط وتجاعيد تنزل من الاعلى الى الاسفل

وبعد هده التضحيات الجسام يكافؤ على دالك ويرقى الى وزير منتدب
اي قد انتدب وندب من قبل بعدة طعنات تفوق المائة وهو ما زال صابرا ويقول للشعب انا احبك رعم الندبات والنكبات
وبعدما يواصل في انتدابه وحبه للشوعب والشباب 75في المائة والسيدات والسادة والمعوقين حركيا وعمليا
يكافؤ المكافءة الثمينة الى وزير في حكومة رئيس الحكومة
ثم يرقى الى رئيس الحكومة - اى حك امة - يحك كل الامة باش يربح
وهكدا الى ان يصل الى الامم المتحد
ما رايكم في الواقع
ادا لم يعجبكم اندبولى وجهي بالردود لكى ارقى الى مدير اللمة

 

[احمدالجزائري]

رد: اليكم شرح مهام الوزير المنتدب والمندوب

بارك الله فيك اخى شكراا​

 

[تيمةٍٍ]

رد: اليكم شرح مهام الوزير المنتدب والمندوب

و الله فكرتك تحكي عن جد قلت أهو درس مفيد
يا سيدي الله يوفقك و تصير مدير اللمة و نشوف تجاعيد وجهك انت كمان
تحياتي
​

 

[أبو هيثم]

رد: اليكم شرح مهام الوزير المنتدب والمندوب

خبر عاجل لقد أرسل مدير اللمة وزيره المنتدب المدعوا محمد Zagane لنيابته في مؤتمر اللمه و مشاكلها و دراسة أبعادها و آفاقها و ما يمكن أن تقدمه للشباب الجزائري المندوب خارج إطار اللمه و ها هو الوزير المنتدب يقصدر وجهه لتلقي الندب باضافر الشعب المنكوب بالنيابة على المدير
فيا أعضاء لا تترددوا في طلب حقوقكم ليلبيها لكم Zagane حتى يتمكن من الإنقلاب على المدير ويرقى إلى منصبه فمرحبا بالمدير الجديد بصح احنا الجزائريون نقولوا ديما المدير لي كان خير من اللي جاي و الله أعلم إن كان هذا صحيح.
أعذرني ايها المدير إن كنت أزعجتك أنت و أخي محمد الذي أعلم أنه متفهم مع الأعضاء إنه مجرد مزاح
فتقبلوا مني هذا المرور الكريم.​

 

[أبو هيثم]

رد: اليكم شرح مهام الوزير المنتدب والمندوب

و الله فكرتك تحكي عن جد قلت أهو درس مفيد

يا سيدي الله يوفقك و تصير مدير اللمة و نشوف تجاعيد وجهك انت كمان
تحياتي​

مجرد توضيح يا أختي إنه لا يجوز للمسلم أن ينادي مسلما بكلمة سيدي أيا كان و مهما كانت صفته إن السيادة لله جل وعلا تقبلوا مني هذه النصيحة و هذا المرور الكربم.
بارك الله فيك و جزاك الله خير​

 

[zagane]

رد: اليكم شرح مهام الوزير المنتدب والمندوب

السلام عليكم
مشكورين جميعكم على الردود الجميلة وخاصة الصديق MIMID
اعملو بنصيحته فانه يحب الخير للمة ولى شخصيا
ومن يدعمني اعده بمنصب بان اضعه مستشار -اي مستر شر -خاص بالمدير-امزح-
هده يدي امدها اليكم فديرولو الحنا للمازوزي ديالنا
وهدا وجهى امده اليكم فاندبوه ندبا شديدا استحق به منصب المدير
اندب او لا اندب تلك هي المشكلة

 

[HITLER]

رد: اليكم شرح مهام الوزير المنتدب والمندوب

ههههههههههههه

يخي النداب للنساء ميش الرجال على ما أعتقد

​

 

[zagane]

رد: اليكم شرح مهام الوزير المنتدب والمندوب

ههههههههههههه

يخي النداب للنساء ميش الرجال على ما أعتقد

​

السلام عليكم
يخي رانا في عصر الساوات بين الرجل والمراة انت وين راك عايش اندب وخطيك ولا راك باغيني نندبك بموضوع خطير يهز مكانتك في اللمة
ياك الوجه وجهي وانا مولاه
انت لا تصلح مستشار-- اي مستر شر-
امزح معك فوزي هههههههههههههه
خخخخخخخخخخخخخخ هدي تاعك وما نفهمهاش وقيلا عندك لي زونجين الناس كامل تضحك ههههههه وانت خخخخخ
امزح

 

[أبو هيثم]

رد: اليكم شرح مهام الوزير المنتدب والمندوب

ما تقلقش يا Diablo اهوا معانا النساء و راني متأكد بلي رايح يندم كي يندبولوا وجهوا يعرف باللي باه تصبح مدير لازم تكون مجعد الوجه باش ما يبانش واش فعلولك فيه يا Zagane ما راهيش ساهلة سقسي المدير إيقولك و يعطيك la recette كيفاه دار باه ولا مدير بالشويا أطلع مشرف و شوف لكان ساهلة الندبة فالوجه درك تشوف كي تجيك ميشا دلوعة و الفقيرة إلى الله و Kahina_skikdia و فرح و كل الأخوات و الله القائمة طويلة و ما حايبش نخلعك يا محمد صبرك لله يا أخي أنا خاطيني ما قلت والوا واش اداك تحل فمك و تقول اندبولي وجي علبالي درك أتقولي أنت trètre ورتي عليا بصح ما عليهش أو تندم كي يندبولك وجهك و تقولي معاك حق أيا ربي إيعينك منا للخمسة تاع لعشية نشوفوا واش صرالك.
السلام عليكم.​

 

[zagane]

رد: اليكم شرح مهام الوزير المنتدب والمندوب

السلام عليكم

تغيير العنوان

اعلان

يمنع دخول اصحاب الاضافر اكبر من 1 ملمتر ارجوكم فوجهي لا يحتمل

 

[أبو هيثم]

رد: اليكم شرح مهام الوزير المنتدب والمندوب

واش بديت ترندي و لا بديت تخاف

 

[zagane]

رد: اليكم شرح مهام الوزير المنتدب والمندوب

السلام عليكم
ما رنديتش
وانما جاءني امر من المندوبية الجهوية للمة بان اتوجه لمواجهة الندب في قسم اخر عمت فيه الفوضى لامتص غضب الشارع باضافرهم وامري الى الله شحال يقدني نصبر الكرسي ماش ساهل

 

[أبو هيثم]

رد: اليكم شرح مهام الوزير المنتدب والمندوب

ياو مازال تزيد تصبر على خاطر أو كاين واحد حايب يندب لللمة ااو يدخل سكيمي للملفات الشخصية و يأخد الإيمايل تاع الغاشي و يبعث لهم رسالة يطلب منهم الإنضمام لمنتداه الفقير و يعرض عل الأعضاء المتميزين ان يثرون منتداه بمواضيع لأجل المساعدة في بادئ الأمر حسبت روحي وحدي و عاونتوا بصح مبعد لقيت أخي بشير 39 و من بعد كلمني على الميسنجر و عرض علي أن يعطيني مشرف على قسم معين و طلب مني باش نديرلوا أوسمة لمنتداه الفقير مسكين عز بيا محبيتش نديرلوا اوسمة خاطر كي قلتلوا نعونك لوجه الله بصح غير اللمة لي ما نقدرش نفرط فيها قالي أنت ممل ايا من بعد قلتلوا أنت ما تستاهلش اما بعد قالي أنت مرأة خير منك بصح ما نلوموش خاطر راهوا بسكري حابس مالقاش داب أيشاغلوا فارجوا منك أخي الوزير المنتدب التدخل السريع و التعامل مع هذا المدعوا Khaled chagra كي قلتلوا أنت ما تسواش كون تكمل معيا و تقلقني بزاف نبوثيلك الميكروا بيه بالمنتدى خاف كي الطفل الصغير و ديكوناكثا من الميسنجر و قبلها قالي درك أندوروا عليك بيك بصحابك لي فاللمة
و الله ربي يهديه مازال يرضع في صوابعوا ما يعرفش يهدرو ما مربيش بهدل بناس بسكرة المعروفين بالجود و الكرم راه عندوا الإيمايلات تاع الأعضاء الدين يسمحون برئية ذلك.
و الله ربي يهديه مسكين و الله يعز شويا رجاءا ما تحدفوهش خاطر أو ينوض يبكي علينا.​