جانا ضيف عزيز في الدار واسمو الفاااااااار تعرفوه ولالا

[يسرى 2008]

ايا السلام عليكم يا اعضاء اللمة وشراكم لاباس يخي
ايا بيا
انا والله ماني لاباس من بعد ما جانا الضيف في الدار
دخللنا بلا ما شاورنا دخل في دارنا ولقا راحتو اونديري اوطيل
ايا نبدالكم بالحكاية
مالا الصيف جا وراكم تعرفو صيف تاع عنابة من البحر متخرجش
يخي رحنا لافامي الكل للبحر وخلينا البالكو محلول وياريتنا مخليناه نجيو نخشو للدار ملقينا والو وما عابالنا بوالو اصلا
رقدنا لافامي الكل ومكاين والو ومعابالناش وش يخفيلنا الوقت ههه
المهم مالا بابا راقد في فراشو ويجي ينوض يحل عينيه يشوف قدامو فار راقد في فراشو ووش نقولكم على الخلعة تاع صحاب مزية مرميتش روحي من البالكو ههه
ونسمعو صوت عالي فاااااااااااااااااااااااااااااااااااااااااااااااااااار
ووش نقلكم الغاشي الكل ناض من النوم خايف وينو الفار
ومش فار عادي هدا او فار طولو قد اليد
واكحل اععععععع انا ديجا نخاف من القطط ومن الكلب ومن الحمام
احنا فامي اوتي ليزانيمو في الدار نكرهوهم ومنحملوهمش
ياو انا حوت ونخاف منها كي نمسها خلي غير فااااار
ووش نقولكم كوشمار او عندو سمانة وهو في الدار وملقيناهوش
انا مشنا قاعدين نرقدو حتى الدار فرغنا كلش
نرقدو بالمزية وبالدالة الي يخطف ساعة نوم او مليح
رانا متنا بالضيف الجديد هدا
او لقا راحتو في الدار جبنا قطط زعما باش يحكموه ياو القطط هربت
مخلا والو الماكلات نغبهم كلش فسدو
يخي سمعنا او في البالكو درك
انا ملقيناهوش لا ليل ولا نهار ههههه
انا رايحة ندبر بيتة اليوم في كاش دار باش نهرب من الخوف تيعي ياو نحلم بيه في الليل ههه
زعما دينا فاكونس باش نصيفو

 

[mimi.dz]

ارقديـ فيـ البالكونـ هكذا يوالفوكـ الفيرانـ وميزيدوشـ يقلقوكـ ههههه
:music_whistling:
​

 

[يسرى 2008]

ههههههه اسكتي برك متفكرينيش يا اختي اني في دمار

 

[**سارة**]

ههههههههههههه خلاص ختي راكي معروضة عندي ابقاي ايامات حتى يحكمو الفار وولي
ههههههههههه​

 

[بنت الجسور المعلقة]

موضوع حلو يا يسرى


كي يدخلكوم فار في دار ومتلقوهش راهو يبشركوم بلي رايحين ترحلو من البيت لي راكوم عايشين فيها درك كيما نسمع أجدادي يهدرو ههههههههه
وتاني يقلك لي يدخلو فار في دار يعني دخل طفل (ة) صغير لداركوم وممديتلوش حاجة يجيكوم فار على حسب واش راني نسمع من لعجايز هههههههههه
تلقاوه تلقاوه ما عليكوم غير بلفرماج وصنارة نتاع صيد الجذران ههههههههههه
تسلم ايديك يا قمر على الطرح ننتظر مواضيعك الرائعة

 

[يسرى 2008]

بنت الجسور ميرسي حبيبتي على كلامك الحلو وانا غير نجبدو في الفرماج هههه
نشكرك مرة تانية على ردك حبيبتي
سارة اني جاية اليوم اوك رحبي بيا

 

[محاربة صحراء]

كاين لصقة تع فارهههههههه

 

[M!ss D!or]

أنا نقولك الهربة تسلك يالخوافة ـهههههههــ
كون غير يجي يقعدلك في بلاصت la souris تجي تشوفي تلقاي روحك صح حاكمة souris هههههه​

شوفي ماشباب ياعمري​

آعـــــق :no_1: :no_1: :no_1: :no_1: ههه​

 

[دعاء19]

يحسن عوانكم اختي حتى انا منحملش الفار بصراحة واحد المرة دخل عندنا الدار واهلي كيعرفوني الى شفتو منبقاش ليهم في الدار ومشكيل في الليل والمهم دخلت كوزينة وانا نلقاه كيستقبلني فيها هههههههههه ناري كسرت الدار بالغوات ومبفيتش جلست في الدار مشيت عند جدودي هاديك الساعة ونعست عندهم ومرجعت الدار حتى قتلوه هههههههه بصراحة انا منحملش الحيونات والحشرات نخوي ليهم الدار ونخليهم ههههههههههه

 

[amoulita@mosta]

ايييييه يا ختي العزيزة كيما يقولو ناس زمان مايحس بالجمرة غير الي كواتو احنا وحد المرة سمعناه في الكوزينة يخرخش في الكوشة ماما قالت هدا مايكون غير الفار اغلقو الكوزينة و جيبو حاجة باه نقتلوه لاخليناه هرب من الكوزينة يخسر الحوايج يقطع و ياكل يفسد كل شيء المهم قمنا بالعملية كما ينبغي جريمة قتل على الثامنة صباحا كملنا معاه والله غير راني حاسة بيك ماعليكم غير تلقاوه هو مخرب ومفسد و لا حبيتي تجي تفوتي الفاكونس مرحبا بيك عندنا في مستغانم في اي وقت و ربي يكون معاكم.

 

[sisou023]

هههههههههههههه يا يما شعال نخاف منو

 

[يسرى 2008]

يحسن عوانكم اختي حتى انا منحملش الفار بصراحة واحد المرة دخل عندنا الدار واهلي كيعرفوني الى شفتو منبقاش ليهم في الدار ومشكيل في الليل والمهم دخلت كوزينة وانا نلقاه كيستقبلني فيها هههههههههه ناري كسرت الدار بالغوات ومبفيتش جلست في الدار مشيت عند جدودي هاديك الساعة ونعست عندهم ومرجعت الدار حتى قتلوه هههههههه بصراحة انا منحملش الحيونات والحشرات نخوي ليهم الدار ونخليهم ههههههههههه

اييييي اكي كيفي اختي ههههه ربي يبعد علينا الحشرات والحيوانات

 

[يسرى 2008]

safinaz
لاااااااااااااااا
اععععععععععععععع او يهبل متعيفينش قد ما انا رايحة نمووت هههه
مشكورة على الرد ادا خطفتو ولا لقيتو نجيبهولك هدية

 

[يسرى 2008]

ايييييه يا ختي العزيزة كيما يقولو ناس زمان مايحس بالجمرة غير الي كواتو احنا وحد المرة سمعناه في الكوزينة يخرخش في الكوشة ماما قالت هدا مايكون غير الفار اغلقو الكوزينة و جيبو حاجة باه نقتلوه لاخليناه هرب من الكوزينة يخسر الحوايج يقطع و ياكل يفسد كل شيء المهم قمنا بالعملية كما ينبغي جريمة قتل على الثامنة صباحا كملنا معاه والله غير راني حاسة بيك ماعليكم غير تلقاوه هو مخرب ومفسد و لا حبيتي تجي تفوتي الفاكونس مرحبا بيك عندنا في مستغانم في اي وقت و ربي يكون معاكم.

حنا لصق في الدار محبش يروح ههه

 

[samifa31]

هههههه هاد لفار راه عند روحه راقد فلفراش ني خوف ني حشمة ني والو ههههه
ونقولك صح مكانش لينخاف منه قد لفار
ربي معاك خيتو

 

[M!ss D!or]

safinaz
لاااااااااااااااا
اععععععععععععععع او يهبل متعيفينش قد ما انا رايحة نمووت هههه
مشكورة على الرد ادا خطفتو ولا لقيتو نجيبهولك هدية

صح والله يعيف :no_1: :no_1: :no_1:

تهديلي فااااار :scared: حرام عليك
على الأقل أهديلي القط لي راح يصيدهولكم :music_whistling:
مي مش فااار :closedeyes: ـهههههـ​

 

[Voyage dans un rêve]

على بالك علاش يجي الفار ؟؟؟؟؟ يقولو يقولو كي يجي عندكم ضيف جديد اول مرة يدخل داركم بيبي و لا عروسة جديدة فلا فامي و ماتمدولو والو يجي الفار للدار اموان رشة بارفان هههههه يقولو انا مانعرف ههههههه

الفار الخلعة تاعو واحدها:tears:

 

[DARINE05]

ههههههههههههههههد
يا يسرى ربي يكون في عونك سجليه في اللمة معنا

 

[لؤلؤة القرآن]

هههههههههههه
تشفي اراحي عندنا كملي الايامات ههههههه
انا يوم لقيتو برا جاز عليا هه رجلي مقدرتش نحركها من الخوف و الله نخاف منو بزاااف
سرتو كيف شفتو راحلي كلش هههههههه
​

 

[barca.moha]

فار زار الدار
عادي
هداك صحيبي عيطيلو تيتو يجي عندك

​