اليوم عشت فيلم جزائري على المباشر ...

[ماكانش]

اليوم عشت فيلم جزائري على المباشر ...​

اليوم رحت انا وصاحبي نبحرو، وكي رجعنا راكم تعرفو رجعنا في البيس ماعندناش طونوبيل زاوالية ههههه​

ياخي كي وصلنا وين يحبسو الكيران لقينا غاشي كبير يسنا قلت لصاحبي اليوم بلاك نباتو هنا ؟؟؟​

المهم جا البيس والحمد لله سهلنا ربي حبس قدامنا يا بعد ياخي قفزنا ودزينا شويا وركبنا، بصح مالحقناش بقينا واقفين ...​

ياخي بدا يتعمر يتعمر حتى ركبو كامل وولينا فوق بعضانا من لحشر ...والروسوفور يزيد يعمر ويعيط على لغاشي ...​

ويقول راهم خاوتكم البرا لازم يركبو كامل ...​

زعما غاضوه الغاشي وهوا يبهدل فيهم .... وراكم علابالك بيه ألفين فرنك مابيهش الغاشي​

المهم بسيف لا ديمارا هاد الكار ...​

واش نقلكم جا الروسوفور باه يسلك، طويل ولابس كاسكيطة مقلبة وحاطها أبان على راسو وموشم في يديه حرفt ...​

راكم عرفتو العقلية كيفاه دايرة ههههه​

ياخي بدا يخلص على الغاشي وماكانش واحد ماتقابضش معاه، واحد هات الصرف، وواحد رانا زدنا فيها، وواحد ارجع للورا، وووو...​

المهم وصل لواحد لمرا قدامنا ياخي عيط عليها ومافهمتش علاه ؟؟؟​

وصل عندي أنا عافية فاتت سلامات ههههه خلصتو وكمل طريقو ... وقاعدين نسمعو في لعياط اللورا ماعرفناش علاه ههههههه ​

مشينا شويا المهم حنا في الطريق وقدامنا واحد لمرا بدات تعيط على واحد " بعد عليا أحشم على روحك"، وما سمعناهش واش قاللها هو وزادت قاتلو " راني علابالي واش راك ادير" كي زاد هدر خزرت فيه وقاتلو بلع فمك ... حنا هكاك نسمعو ونقرعجو تزيد تنطق مرا من بعيد تعيط قاتلو " بلال شكون هادي ألي قاتلك بلع فمك" ، زادت ردت عليها لمرا الأولى وبدا لعياط ... حنا قلنا خلات ...​

وزاد دخل في نصها حبيبنا الروسوفور لموشم ... المهم مانعرف كيفاه حبست ...​

من بعد وحد لمرا طلبت الماء تبالي داخت وتغاشات ....​

وأنا ياخي مع الغاشي هاداك حتى انا وليت كيفهم هههه دخل فيا واحد بكرسي دزيتو ههههه​

وواحد الشايب عفس عليا قتلو ماتعفسنيش يا بابا ، والمشكل لكبير واحد الحابسة قدامي مكسلة رجليها باه تخليه يقعد اها ماخلاتوش وزادت حشرتني برجليها اففففففففففف​

هادا كامل ومازال راهو يرفد ويهز في الناس ويحشر فينا ...​

والكارثة لكبيرة الشيفور، تبالي مهبول، لعياط فوق راسو وهوا ماعلابالو بوالو مداير لغنا ومقوي فيه ...​

والله ماعلابالو بينا ههههه ولي قالتلهم اسكتو كل مانفوتو على تينال يكلاكسوني ويموت بالضحك ههههههه والله لدرك عييت نفهمها وحشمت نسقسيه برك ههههههههه​

ياخي قالي صاحبي عليها السياحة مانجحتش في بلادنا ، اتخيل لوكان كان تونسي هنا ههه​

قتلو لمزيا يا حبيبي مايفهمش طياحت الهدرة ههههههههههه​

ونزلنا .......​

 

[هــــيلدا]

وعلاه الخط هكذا صغيــــر:tears::tears:

:sneaky2: راهم يشوفو فيك الف فرنك ولا الفين هدا مكان:glare:
ارواح تشوف تاع بوعقال:scared: يحبس راسك:sneaky2:
لمزية للي متقاطشوش هدوك النساء،
مرة نزلت وفي يدي كبة تاع شعر وحدة منهم:scared::surrender:

واش داك تروح، كون حكمت السخانة نتاع باتنة وهنيت روحك:surrender:
​

 

[ماكانش]

وعلاه الخط هكذا صغيــــر:tears::tears:​

:sneaky2: راهم يشوفو فيك الف فرنك ولا الفين هدا مكان:glare:
ارواح تشوف تاع بوعقال:scared: يحبس راسك:sneaky2:
لمزية للي متقاطشوش هدوك النساء،
مرة نزلت وفي يدي كبة تاع شعر وحدة منهم:scared::surrender:​

واش داك تروح، كون حكمت السخانة نتاع باتنة وهنيت روحك:surrender:​

راني غيرتو اسراء
ربي يحفظك ههههههه
لالا والله تعبت من جد باتنة هاديك كرهت منها
الحمد لله مانستعملهمش ليبيس لتم بزاااااااااااف
نكره غير تاع ال1200 ههههه غاشي كبير وتاع بوعقال لاري اش ههههه
ومانحملش تاني تاع بوزوران السانتيفي يركبو فيه الجبور بزاف تاع الجامعة هههههههههه​

 

[يسرى 2008]

ههههههه والله فيلم مليح هدا كان حتى جيت معاكم نشتي نتفرج ههه راحلي فيلم كوميدي متير شكرا على الموضوع

 

[سماح4]

ربي يعينكم السخانة والناس حكمها لهبال ...هذا فيلم الطاكسي أنتاع وردية الله يرحمها هههههههه ، الجزائر ديما هاك وماتتبدلش ...

 

[sisou023]

يا خويا قاع دايرين هكا نهار لي نركب فالبيس نعرف بلي حانجوز مغامرات طويلة وعريضة هاذي هي حالة الزوالي و بلاد ميكي ماعلينا غير نصبرو و إيلا هدرت متسلكش

 

[josefcom]

هذا يصلح الجزء الثاني تاع الطاكسي المخفي واسمو البيس المخفي ههههههه
تقبل مروري ....
​

 

[نسيم الربيع]

يانا مره زعما النهار اللول تاع رمضان ركبت فالبيس وركبت معانا طلابه ومنعرف كيفاه وتقوم الحرب بينها وبين واحد الجون راح مسكين هبط تم مابغاش يودر نهارو ايا كي هبط هو هي ماحملتش قاتلك لازم نتقابض راحت زادت لمرا اخرى قومت معاها القيامه الناس صايمين وهي ....... واش تحب خويا هذي هي بلادنا مارسي عليك ... سلالام

 

[حسان2010]

ربي يعاونك ياشريكي
وكان جيت في كرويله خيرلك من لعذاب​

 

[fufa22]

؟؟قتلى وجرحى ما كانش ’’

 

[mizora]

انا ركبت خطرة وحدة فالبيس بصح سلامات حنا عندنا واحد ما يقيس واحد و كتكون الحالة مخلطة بنات و دراري تكون احسن قاع يسكتو باسكو يقلك الطفلة اللي راكبة ممكن يكون معاها خوها و لا باباها و واحد من فاميليا تاعها و يكسرلي راسي
حنا ما نشكوش بزاف من البيس بويسك كاين المواصلات بزاف واحدة تروح و وحدة تجي بصح هادو كامل نتاع الشعب البلدية ماهي مدايرة والو كاينة وحدة تدي الاولاد للسي و وحدة تدي البنات
تاع الاولاد من بكري حابسة المساكن و زادت تاع البنات حبست
و ككانو يمشو حنا اللي نخلصو فالمازوت صباح و عشية نخلصو 10 دج و تع الشعب نخلصو 5 دج
كثر خير الشعب
vive الشعبي

 

[programmeur]

كي يكتبها ربي ويقول تولي كحلة تولي كحلة
الطرونسبور راه كارثة في بلادنا
انا نكره الكار يالوكان نروح لدار مشي على الأقدام

 

[سيرتا]

هاذي المزيرية ولا خلي انا شفت هاد الشئ في العاصمة وراني نتحلف لوكان يضلمني شي راجل والله غي نبهدلو هاو ديجا الدمار طلعلي على وش صرا فهاديك لمرا

 

[said prince of p]

انتوما شفتوا جحيم لتما سنركم ربي

 

[معاك يا الخضراء]

ومانحملش تاني تاع بوزوران السانتيفي ​

رايحة نرحل غير في خاطر البيس هادا
يابابااااااااااااا بكيتني مع صباح ربي :tears:
البيس القديم هاداك الي يدير ساعة باه يوصل للحاج:tears: عندو 526 arret
و الجديد يطير فرفارة و يمخضني فالطريق:tears:
و مانهدروش على الروسوفور الي يقلك دزي ا ختي او كاين ليتساع خلي ختك تطلع:surrender::surrender:
ملي خلصت لقراية ماحطيت رجلي في حتى بيس
الله يعافينا و يعافيكم
vive الي يدي ل تامشيط :yahoo::yahoo:​

 

[الخيزران]

ربي يجيب الخير

 

[نجـStarــمة]

اييييييييه المهم كي سلكتو على خير برك
كون جيت انا تم رام عصروني و رحاوني ههههه
والله ميزرية ودوماج الركبة فالكيران
راني نهرب منها على قد ما نقدر..
حتى نولي نقلب على بابا باه يوصلني هو بالطوموبيل اييييه
والله الرحمة فيها ....موضوع فوووووور
ومسلسل جزايري تاع الصح ههه
مرسي عليك
دمت بود
لك مني ارق وأعذب التحيات ....







​

 

[ملكة الدلع]

سلام
هدا هو الترونسبور نتاع بلادنا
انا الحمد لله ماانستعملش لي بيس بزاف نركب فيهم مرة في الفال
خاطر ماعنديش الزهر كي نحب نركب نسنى ساعة باه يجي ايا نمشي على رجليا خير
مي راكم عشتو فيلم نتاع الصح الحمد لله على سلامتكم

 

[NICHA03]

وواحد الشايب عفس عليا قتلو ماتعفسنيش يا بابا ، والمشكل لكبير واحد الحابسة قدامي مكسلة رجليها باه تخليه يقعد اها ماخلاتوش وزادت حشرتني برجليها اففففففففففف​

هههههههههههه هذي راهي مجمعةعمبالها راهم يقصولها و هيا قاعدة تسمع هههههههه ربي يهديهم تاه دزاير على جال الف رنك و لا الفين يندبو لبعضاهم و مرسي على الفيلم

 

[NICHA03]

هكا داروالكم مالا ههههههههههههههههههههههههههههه