ادخل اضرب طلة واخرج ...........

[Mr mino]

بسم الله الرحمن الرحيم


sـــلام عليــcom

التريسيتي مكاشو ايا تبردوا بالبرادة تع جداتي

اتبرد وفوت لخوك يتبرد

( الموضوع اللي فات جبتلكم كليماتيزار غلقوه

ايا تبردوا بهذي باش يبقى مفتوح )





هااااااااااااااااااااو كي راكم ؟؟؟

واش حوالكم وواش حوال خاوتكم وخياتكم وجيرانكم

وجراتكم ( جارتكم فطيمة بيانسير )


راهي حاكمتني وحد لافاشلاز من السخانة بالسيف

اللي راني نكتب لويكتا لويكتا هذي السخانة ها

رانا ذبنا بن عميييييييييي .


المهم ديما كيما العادة والعوايد والمواضيع

اللي بلا فوائد

علبالي العنوان تع الموضوع لا علاقة بمحتوى الموضوع

ليوم بغيت نسقسيكم وحد

المسقسيات صغار برك بغيت نعرف رايكم هذا مكان

وكيما تقول جريدة الكذب

" راينا صواب يحتمل الخطا ورايكم خطا يحتمل الصواب "



انا راح نسقسي الاعضاء الذكور سؤال وبغيت نشوف

رايهم فيه

ايماجيني يا خويا العضو لفحل الزين الطويل

لعريض انو كتبلك ربي وتزوجت ودارت دار وتاويل

والحمد لله ايا وزيد الوالدة تاعك ساكنة عندك

وهذا بيانسير واجب عليك ماشي واجب فرض عليك

ايا مالا وحد النهار جيت داخل لقيت امك تبكي

( مسكينة مانرف شا صرالها )

سقسيتها شا كاين مابغاتش تقول المهم انت لصقت

فيها كيما يلصق الاعمى في الصحيح ( بن عمييييييييييي شحال يلصق تقول كولا )

بالسيف قاتلك شا بكاها ونفرضوا قاتلك

" مرتك فلانة قاتلي كرهنا وانت ساكنة عدنا كون

غير نتهناوا منك كاش نهار يخي حالة يخي "


ايا في هذا الوقت واش راح تدير ؟؟؟

نفرضوا راك خرجت ديراكت رايح لمرتك وفي طريقك

لقيت مونش تع بالي

واش راح تدير بيه ؟ ( اوكازيو هذا المونش جات خدمتو ليوم )


انا شخصيا كلش كلش غير دموع اما

انا مراحش نقلكم واش راح ندير للمرا لانو لوكان

نقول خايف يقراوه بنات العالم ووحدا ماتقبل

تزوج بياممبعد تقلك مينو يجي النهار ويقتلني


معليش

التزموا اقصى اليمين

ضروك نروحوا للعضوات الباهيات الزينات الشابات

بلا ماكياج الله يحفظهم

ايماجيني يا لالة العضوة بلي تزوجتي ولات عندك

دار ودوار وراجل ولاد ايا وحد النهار جات ليك

ماماك ايا وانت قاعدة معاها جا داخل الراجل

تاعك ايا وكي دخل عقب ديراكت للكوزينة بويسكو

كان رافد رطل بطاطة ( بن عمييييييي ياكلو غير لفريت )

ايا كي دخلتي عنده للكوزينة قالك شكون جا عندنا

ايا قلتيلو انت جات عدنا اما

ايا كي قلتيلو هو قال

" افففففففففففففف هذي امك كل يوم عدنا تقعد في

دارها شويا يخي حالة يخي "

وخرج منارفي مارجعش حتى لعشية وكي رجع اول كلمة

قالهالك

" واش روحت امك ؟؟ "


ايا خيتي العضوة واش راح يكون الموقف تاعك في

الامم المتحدة ؟؟؟ ( انتم مراح نمدولكم ني مونش ني والو عيب لمرا تضرب الراجل )


هذو الامور اللي قلتهملكم توقعوا رواحكم تطيحوا

فيهم لانو منا وغادي اتوقع كلش

المهم انا عن نفسي ومن اعماق اعماق قلبي ومن

اعماق البحر الميت نتمنالكم ماتطيحوش في هذوا

المواقف وان شاء الله الراجل تعيش عنده امه معززة

مكرمة وان شاء الله ماتدورش بيه نسيبتو خلاص ماتجي

لدارو ما والو وان شاء الله نتمنى لخياتي العضوات

حياةسعيدة وراجل يحققلكم امانيكم ان شاء الله

( هذي صعيبة مانعرف الا تتحقق )




صاي نورمالمو خلاص الموضوع


مالا انا نقلكم

تربحوا

المواضيع و المشاركات المنشورة من طرف العضو Mr Mino تعبر عن رأيه هو وهو فقط
​

​

​

​

 

[هــــيلدا]

وعليكم السلام،
استفسارك دوك نجاوب عليه كيما سقسيتني، :wink:


اييي يا مينو وشي هاد الموصيبة تاني،،
والله عييت نخمم وحرت صح،
علا خاطر مشني راجل نضرب مرتي ونقولها اما فوقك،
راني في دار راجلي ومتصلحش طول،

اخااه اما مش من هاذ النوع، قالتلنا نهار نزوجكم ندير كاميرا منين يبدا الرود، نشوفكم نطفي كلش:sneaky2:
بصح كون طحت في هاذ الموقف، معندي مندير، غير نصالح راجلي ونحاول نفهمو بالسبب للي يخلي امي كل يوم عندي:no_1::no_1: ونقولو اذا عندي معزة عندك اتحمل ونشالله الوضع ميطولش،
وشوية دلال ونا فريتها:yahoo::yahoo:

بصح راح نكرهو اذا قال هكذا علا امي:sneaky2::sneaky2:
​

 

[shosho.21]

السلام عليكم اخي

مدام معندناش حنا مونش تاع بالي واش نديرووو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ههههههههههههههههه

اول حاجة ان شاء الله الزوج ميكونش من هدا النوع يعني ميحبش ماما تجي عندي و طبعا ادا زاد الشيء عن حده انقلب اى ضده

فبالتاكيد ماما مرايحاش تجي كل يوم عندي ساعة تجي هي و ساعة نروح عندها انا


تسلم اخي على الموضوووووووووع

 

[fahima m]

امينو كنا متكلين اليوم عليك تديرلنا كليماتيزور كيما تشوف رانا ذبنا من السخانة ماجيت نقرى موضوعك بسيف هويه شوي ههههههههه النفس تقطعت
بصح راك صعبتها بزاف راك تقول بلي امك كل يوم عندنا
مانضنش بلي كاينة ام تضال طول عندك بيت راجل بنتها
انا مانرضاهاش انو امي يتمزى عليها راجل اخر
الصراحة كون نطيح في دا الموقف ويقلي هكدا على ماما نزعف بزاف
اموا ما يقولهاليش في وجهي معناتها ما دارليش قيمة واحترام
ويطيح من عيني الراجل الي يدير هكدا لانو الرزين عمرو ما يخرج للعيب هكدا
مش راح نطلق لكن ممكن انا ثاني نعود نقلو كيما يقلي كي يجو عائلتو باه نستفزو شوي كيما دارلي ويحس بلي نحسو:yahoo:
شكرا مينو موضوع فور اما على الموضوع الي طرحتو على الرجال
نقلك عمري لا تربيتي ولا اخلاقي ولا مبادئي تخليني نقول لأم زوجي مانقبلكش وكرهتك ابدا
حتى ولو اني مانحبهاش مستحيل نقلها هكدا
وكون نقولها هكدا نستاهل يعمل في وش يحب
اخاه الهربة تسلك ديك السخانة الي عندك​

 

[TOUTA32]

موضوعك من لكبار
تعرف واش ندير نخليها تعيش معايا ماعجبوش وحدة نزيد نجيب امو تقعد عندي ونولو حنا في 3 حباب هو نسمطو باه يعرف غلطتو ونخليه يغلي يغلي ومبعد تشوف كيفاه يرجع
ماتخافش خويا لعزيز يقولو المراة دخلت الشيطان في قرعة
كلش كلش ولا الام سواء نتاعي ولا نتاعو والله مانسمح فيهم

 

[المتفائلة_91]

ماتدورش بيه نسيبتو خلاص ماتجي

لدارو


واش هاذا مينو هههههههههه

انا اذا صرالي الموقف هذا مالا نديرلو مكرة نقولو جاية تعيش عندي كيما راهي ماماك عايشة عندنا
اشششششششششح فيك يا وحد النكار

 

[الجزائري05]

مينو خويا السخانة تقتل اليوم في موضوعك مي معليش حنا على وجك ندخو ماش على وجه الكليماتيزور(معرفة الرجال كنوز)
المهم لو صادفني في يوم من الايام موقف كيما اللي حكيت عليه ردة الفعل نتاعي ستكون طبيعية حيث انني سأطبق القاعدة الذهبية لحل مثل هذه المشاكل وهي الاستماع لكلا الطرفين وممبعد نحكم بعقلي باه مانظلم حتى واحد فيهم
ايا مينو +تقييم باه كشما يهديك ربي وتجيبلنا الكليماتيزرو المرة الجاية

حقى توقيعك قمة في الروعة
ديما فور ي وليد05
​

 

[imotag]

والله موضوعك هايل اخي ومنظم ومرتب ومضحك وكل شئ

عجبتني هذيك deviation اللي درتها في الموضوع هايله

ايا والله غير تستاهل التقيم

وبالنسبه لجوابي انا العضو الكريم الطويل ال.... راك حافظهم sur

مزال منيش راح نتحط في هذا الموقف على الاقل الان

وكي جيت وقته ان شاء الله ميكونش الجبابه يصنعوا في المونش انتاع البالي

وقيله فهت جوابي
​

 

[الطفلة البريئة]

ههههههههههههههههه مليحة هادي يعطيك الصحة
واش نقولك انا ماما نشرطها فالشرط يعني نديها معايا انا غير نروح للجامعة نقرا نتوحشها موت والله يا كي نتزوج و ما نشوفهاش
و لوكان يقولي اففففففففففففففففففف على ماما نهز قشي و ندي ماما و نروح :music_whistling: و الا نقولو روح جيب ماماك تتونس مع ماما ههههههههههههههههههههههههه با يهبل مليح
و bi1 sur كيما انا نحب ماما تجي عندي حتى هو يحب امو تجي عندو و على العين و الراس كيما نعامل ماما نعامل عجوزتي
و بلا مزيتي
موضوع هايل شكرااااااااااااااا ​

 

[Mr mino]

وعليكم السلام،
استفسارك دوك نجاوب عليه كيما سقسيتني، :wink:

ودي عايزة كلام

لازم تجاوبي


اييي يا مينو وشي هاد الموصيبة تاني،،
والله عييت نخمم وحرت صح،
علا خاطر مشني راجل نضرب مرتي ونقولها اما فوقك،
راني في دار راجلي ومتصلحش طول،

هههههههههه

علبالي بلي مراحش تضربيه مي راح يغيضك الحال على امك وهذي اكيد


اخااه اما مش من هاذ النوع، قالتلنا نهار نزوجكم ندير كاميرا منين يبدا الرود، نشوفكم نطفي كلش:sneaky2:

هههههههه

ربي يحفظ الحاجة امكم ويخاليهالكم

هي هيا الامهات ولا خلي

بصح كون طحت في هاذ الموقف، معندي مندير، غير نصالح راجلي ونحاول نفهمو بالسبب للي يخلي امي كل يوم عندي:no_1::no_1: ونقولو اذا عندي معزة عندك اتحمل ونشالله الوضع ميطولش،
وشوية دلال ونا فريتها:yahoo::yahoo:

اوووووووووو نندب على الدلال

نـgـــارونتيك بلي الدلال هو السلاح الايفيكاس

راكي عملتي مليح

بصح راح نكرهو اذا قال هكذا علا امي:sneaky2::sneaky2:

ههههههههه

لا لا هذي ماشي مليحة

​

​

يارب ماتطيحيش في هذا الموقف يا الشاوية

يعطيك الصحة وربي يخليك
​

 

[منايا الجنة]

معليش مينو كي نحيتلنا المونشا بالي ندوروها مقلة هههههه ماعندك .
والله يا خويا مانقدرش نوصفلك واش راح ندير على خاطرش مانيش متمنية تصرا وان شاء الله ولا كتب المكتوب وتزوجت ماتصراش
وربي ان شاء الله يرزقكم الزوجة الصالحة و يرزق للبنات الزوج الصالح
وبارك الله فيك على طرح الموضوع
في انتظار المزيد ان شاء الله

 

[Mr mino]

السلام عليكم اخي

مدام معندناش حنا مونش تاع بالي واش نديرووو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ههههههههههههههههه

اول حاجة ان شاء الله الزوج ميكونش من هدا النوع يعني ميحبش ماما تجي عندي و طبعا ادا زاد الشيء عن حده انقلب اى ضده

فبالتاكيد ماما مرايحاش تجي كل يوم عندي ساعة تجي هي و ساعة نروح عندها انا


تسلم اخي على الموضوووووووووع

هههههههههههههه

الا عندكم السبتة هيا تاني تفي بالغرض المهم حاجة تع لا شفقة لا رحمة

آآآآآآآآآآآآآ يسما انت لقيتي الحل

هههههههه

ان شاء الله يكون راجلك كيما تبغي ويارب يارب ويخليك تروحي انت لامك

بويسكو الرجال تع ضروك غير كلمة نروح لدارنا ماتقوليهاش قدامهم

هههههههههه

ربي يعيشك خيتوووووو نورتي الموضوع
​

 

[Mr mino]

امينو كنا متكلين اليوم عليك تديرلنا كليماتيزور كيما تشوف رانا ذبنا من السخانة ماجيت نقرى موضوعك بسيف هويه شوي ههههههههه النفس تقطعت
بصح راك صعبتها بزاف راك تقول بلي امك كل يوم عندنا
مانضنش بلي كاينة ام تضال طول عندك بيت راجل بنتها
انا مانرضاهاش انو امي يتمزى عليها راجل اخر
الصراحة كون نطيح في دا الموقف ويقلي هكدا على ماما نزعف بزاف
اموا ما يقولهاليش في وجهي معناتها ما دارليش قيمة واحترام
ويطيح من عيني الراجل الي يدير هكدا لانو الرزين عمرو ما يخرج للعيب هكدا
مش راح نطلق لكن ممكن انا ثاني نعود نقلو كيما يقلي كي يجو عائلتو باه نستفزو شوي كيما دارلي ويحس بلي نحسو:yahoo:
شكرا مينو موضوع فور اما على الموضوع الي طرحتو على الرجال
نقلك عمري لا تربيتي ولا اخلاقي ولا مبادئي تخليني نقول لأم زوجي مانقبلكش وكرهتك ابدا
حتى ولو اني مانحبهاش مستحيل نقلها هكدا
وكون نقولها هكدا نستاهل يعمل في وش يحب
اخاه الهربة تسلك ديك السخانة الي عندك​

هههههههههههههههههههه

جات فاهووو هاجدكم مانجملهاش

ها فاهووو انا ماشي كي قلت هاك يعني امك تضال عندك يسما كبابل تجيك مرة على مرة وتالمو راجلك مرنك تبالو راهي كل يوم تجي عندك

ههههههههههه

والله كلامك صواب مكاش قد بنت الاصل اللي تدير كيما

قلت وهذي قليل وين نلقاوها في بنات ضروك

يسما الا قلها راجلها هاك تقلب الدنيا عليه

وماشي تتعامل مع اللي صرا بالعقل وبزاف لبنات

لخفيفات في عقولهم كاينات ضروك

انت راكي قنعتيني بزاف فاهووو وقتلك مانجملكش

ههههههههههه

ربي يحفظك ويطيحك ربي في وليد لحلال اللي ان شاء

الله جامي تعرفي معاه المشاكل هذو

هاجدكم طامعين ديما كليماتيزور ول ها مرة

كليماتيزار ومرة رياشة ومرة نشاشة ها

التريسيتي راني نخلص فيه انا الا ماعلبالكش

ههههههههههه

ربي ينورك فاهووو خيتي وميرسي بزاف

​

 

[Mr mino]

موضوعك من لكبار

وليزالجيريا اون جنرال
​

تعرف واش ندير نخليها تعيش معايا ماعجبوش وحدة نزيد نجيب امو تقعد عندي ونولو حنا في 3 حباب هو نسمطو باه يعرف غلطتو ونخليه يغلي يغلي ومبعد تشوف كيفاه يرجع
ماتخافش خويا لعزيز يقولو المراة دخلت الشيطان في قرعة
كلش كلش ولا الام سواء نتاعي ولا نتاعو والله مانسمح فيهم

ايييييييييييييييييييييييااااااااااااااااا

هاحي نندب الغلطة بحقها معاك انت

بصح عجبتني تع نجيب امو وامك وتسكنيهم معاك والله

نستعرف بيك وقليل البنات اللي يقبلو هذي

معليش الا هاك راح تديري سمطيه على روحك وخليه

يغلي المهم تهلي في امك وامو وهو مدام راهي

امو عندك مراحش يعترض على كي تكون امك عندك

يعطيك الصحة خيتوووو على كلامك الزين

انت باينة خاطيك الماكياج

ربي يبارك فيك

ها ميرسييييي بزاف


​

 

[Mr mino]

ماتدورش بيه نسيبتو خلاص ماتجي

لدارو


واش هاذا مينو هههههههههه

انا اذا صرالي الموقف هذا مالا نديرلو مكرة نقولو جاية تعيش عندي كيما راهي ماماك عايشة عندنا
اشششششششششح فيك يا وحد النكار

ههههههههههههههههههههههه

هذي مليحة والله

يسما انت تمشي بعقلية كما تدين تدان

او انت وحدك

ههههههههههههه

ربي يخليك والله ردك نور الموضوع وسيرتو هذيك تع الشح الشح

ههههههههههههه

ميرسي بزاف بزاف
​

 

[lolitta]

pour ma mère , ya3ni je pense pas beli hiya man naw3 li ydhal 3and nass , donc meme pas mankhamamch wech rah raya7 yassra



ps: un sujet top , merci

 

[Mr mino]

مينو خويا السخانة تقتل اليوم في موضوعك مي معليش حنا على وجك ندخو ماش على وجه الكليماتيزور(معرفة الرجال كنوز)
المهم لو صادفني في يوم من الايام موقف كيما اللي حكيت عليه ردة الفعل نتاعي ستكون طبيعية حيث انني سأطبق القاعدة الذهبية لحل مثل هذه المشاكل وهي الاستماع لكلا الطرفين وممبعد نحكم بعقلي باه مانظلم حتى واحد فيهم
ايا مينو +تقييم باه كشما يهديك ربي وتجيبلنا الكليماتيزرو المرة الجاية

حقى توقيعك قمة في الروعة
ديما فور ي وليد05
​

اوووووووووووووووووووووووو معتز حبيبي الصحبة واش حوالك

ان شاء الله راك مليح

هاو اني في الموضوع برك حاط البرادة هذيك

مي انا وين راني قاعد راني بالكليماتيزار

ارواحلي على الباب اللوراني ندخل حبيبي نقصروا

شويا في البرود

هههههههههه

هاودي هاو لعقل الزين اللي يخمم في غرضو راه

قلكم نسمع للطرفين مع معتز واحد مايروحلو حقو

ربي يبارك فيك خويا معتز هذا هو العمل لمليح

وميرسي بزاف على التقييم وراك نورت الموضوع

ديما كيما عوايدك وليد بلادي

ها ارواح منهيه نتبردوا ارواح


ربي يجازيك معتز حبيبي
​

 

[AnGeL*dZ]

بسم الله الرحمن الرحيم

بسم الله
sـــلام عليــcom

وعليـــــــcom السلام ورحمة الله وبركاته

التريسيتي مكاشو ايا تبردوا بالبرادة تع جداتي

اتبرد وفوت لخوك يتبرد
والله غير غضتوني بحكاية التريسيتي احنا راح عندنا لبارح 1 ثانية ورجع :yahoo:
( الموضوع اللي فات جبتلكم كليماتيزار غلقوه

ايا تبردوا بهذي باش يبقى مفتوح )

ان شاء الله تبقى الابواب مفتوحــــة :glare:



هااااااااااااااااااااو كي راكم ؟؟؟
لاباس السوال عليــــــــcom
واش حوالكم وواش حوال خاوتكم وخياتكم وجيرانكم

وجراتكم ( جارتكم فطيمة بيانسير )
تسلم عليك بزاف جارتنا طيوشة :music_whistling:

راهي حاكمتني وحد لافاشلاز من السخانة بالسيف

اللي راني نكتب لويكتا لويكتا هذي السخانة ها

رانا ذبنا بن عميييييييييي .
بذراع باش فهمت لافاشلاز
احم السخانة ورمضان على الابوآب :yahoo:

المهم ديما كيما العادة والعوايد والمواضيع

اللي بلا فوائد
:heh:
علبالي العنوان تع الموضوع لا علاقة بمحتوى الموضوع
:u_pc:
ليوم بغيت نسقسيكم وحد

المسقسيات صغار برك بغيت نعرف رايكم هذا مكان

وكيما تقول جريدة الكذب
ماشي هي اخترعت هاذي المقـــــولة :glare:
" راينا صواب يحتمل الخطا ورايكم خطا يحتمل الصواب "



انا راح نسقسي الاعضاء الذكور سؤال وبغيت نشوف

رايهم فيه

ايماجيني يا خويا العضو لفحل الزين الطويل

لعريض انو كتبلك ربي وتزوجت ودارت دار وتاويل

والحمد لله ايا وزيد الوالدة تاعك ساكنة عندك

وهذا بيانسير واجب عليك ماشي واجب فرض عليك

ايا مالا وحد النهار جيت داخل لقيت امك تبكي

( مسكينة مانرف شا صرالها )

سقسيتها شا كاين مابغاتش تقول المهم انت لصقت

فيها كيما يلصق الاعمى في الصحيح ( بن عمييييييييييي شحال يلصق تقول كولا )

بالسيف قاتلك شا بكاها ونفرضوا قاتلك

" مرتك فلانة قاتلي كرهنا وانت ساكنة عدنا كون

غير نتهناوا منك كاش نهار يخي حالة يخي "


ايا في هذا الوقت واش راح تدير ؟؟؟

نفرضوا راك خرجت ديراكت رايح لمرتك وفي طريقك

لقيت مونش تع بالي

واش راح تدير بيه ؟ ( اوكازيو هذا المونش جات خدمتو ليوم )


انا شخصيا كلش كلش غير دموع اما

انا مراحش نقلكم واش راح ندير للمرا لانو لوكان

نقول خايف يقراوه بنات العالم ووحدا ماتقبل

تزوج بياممبعد تقلك مينو يجي النهار ويقتلني


معليش
هذا السؤال للذكورا خاطيني
عرفتي تتهرب من الاجابة امينو هذا كامل باش مايقولوش عليك بائر :surrender:

التزموا اقصى اليمين




ضروك نروحوا للعضوات الباهيات الزينات الشابات

بلا ماكياج:scared:
الله يحفظهم
ويحفظك
ايماجيني يا لالة العضوة بلي تزوجتي ولات عندك

دار ودوار وراجل ولاد ايا وحد النهار جات ليك

ماماك ايا وانت قاعدة معاها جا داخل الراجل

تاعك ايا وكي دخل عقب ديراكت للكوزينة بويسكو

كان رافد رطل بطاطة ( بن عمييييييي ياكلو غير لفريت )
لفريت بزاف على جدو ههههههههههههه
ايا كي دخلتي عنده للكوزينة قالك شكون جا عندنا

ايا قلتيلو انت جات عدنا اما

ايا كي قلتيلو هو قال

" افففففففففففففف هذي امك كل يوم عدنا تقعد في

دارها شويا يخي حالة يخي "

وخرج منارفي مارجعش حتى لعشية وكي رجع اول كلمة

قالهالك

" واش روحت امك ؟؟ "


ايا خيتي العضوة واش راح يكون الموقف تاعك في

الامم المتحدة ؟؟؟ ( انتم مراح نمدولكم ني مونش ني والو عيب لمرا تضرب الراجل )
صح عيب لمرا تضرب الراجل ولازم تحتارمو وتسمع كلمتو ........الخ
واش نرد عليــــــــه ؟؟؟؟؟؟؟؟؟؟؟؟
والله لا اريد ان أولي عانس هههههههههه
نقولو كيما عمتي ........(اسم ام الراجل ههه)
تيجي عندنا كل يوم ونستقبلها ونقادرها ونديرها كيما ميمتي لازم عليك تقبل فكرة الزيارة الدائمـــة تاع ماما (نشك بللي ماما تعود تزورني بزاف الطفلة هي اللي تزور امها )
نفهمو بالعقل خاطر لهواش عمرو مايجيب نتيجة
:like_1:رآني عاقلـــــــــــة

هذو الامور اللي قلتهملكم توقعوا رواحكم تطيحوا

فيهم لانو منا وغادي اتوقع كلش

المهم انا عن نفسي ومن اعماق اعماق قلبي ومن

اعماق البحر الميت نتمنالكم ماتطيحوش في هذوا

المواقف وان شاء الله الراجل تعيش عنده امه معززة

مكرمة وان شاء الله ماتدورش بيه نسيبتو خلاص ماتجي

لدارو ما والو وان شاء الله نتمنى لخياتي العضوات

حياةسعيدة وراجل يحققلكم امانيكم ان شاء الله
ان شاء الله

( هذي صعيبة مانعرف الا تتحقق )




صاي نورمالمو خلاص الموضوع


مالا انا نقلكم

تربحوا

المواضيع و المشاركات المنشورة من طرف العضو Mr Mino تعبر عن رأيه هو وهو فقط
عبالي بيك بللي من مواصفات فتاة احلامك ان لاتزروك امها في داركم ههههههههههههههههههههه
ايا سلام
​

 

[أماني2]

السلام عليكم

واش راك Mr.mino ؟ إن شاء الله بخير


بغيت نفهم برك واش معناها مونش تاع بالي؟؟ أنا بانتلي تصرفيق ومانعرف؟؟؟
وكي نفهم معناها ممكن نجاوب
بصح بشرط كي تجاوب انت على سؤالك

هاني دخلت ضربت طلة وراني خارجة..... بيديا فارغين كيفك

المهم جوابي اني نروح لدار والديا....... كيما العادة .... هههه
ومازال ماكملش الجواب

كي تجاوب
​

 

[Mr mino]

والله موضوعك هايل اخي ومنظم ومرتب ومضحك وكل شئ

عجبتني هذيك deviation اللي درتها في الموضوع هايله

ايا والله غير تستاهل التقيم

وبالنسبه لجوابي انا العضو الكريم الطويل ال.... راك حافظهم sur

مزال منيش راح نتحط في هذا الموقف على الاقل الان

وكي جيت وقته ان شاء الله ميكونش الجبابه يصنعوا في المونش انتاع البالي

وقيله فهت جوابي
​

هههههههههههههههههه

ربي يخليك يا الغالي

والديفياسيو درناها بويسكو الطريق راهي مقطوعة

من الجيهة هذيك وراك تعرف طرقان تع بلادنا

ههههههههههه

ها راني فهمتك ابيبري شا راك تقصد وان شاء الله ربي يطيحك في بنت لحلال اللي غير كلمتك تمشي عليها

راجل ونص و25 ربي يبارك فيك

الله يعيشك وربي ينورك ردك بزاف فوووووووووور

ميرسي ليك بزاف بزاف

تحياتي ليك

​