واش رايكم في هاذ العقلية وهاذ الصحاب ...

[ماكانش]

السلام عليكم ورحمة الله وبركاته
واش راكم خاوتي لاباس بخير
نحكيلكم يا خاوتي على واحد العقلية واعطيوني رايكم
عقلية تهبلي وتقلقني صح ...
اليوم عيطلي واحد بالتيليفون وقالي راني في جيجل ونتا راك تعرف صاحبك الجيجلي شوفهولي كاشما يلقالي دار ولا يعرف واحد يكري في الديار، يكريلي ... قتلو ماعلهش ...
عيط لصاحبي الجيجلي هادا قتلو كاين واحد نعرفو حاب دار في جيجل شوفلي كاشما كاين
نتا جيجلي وولد بلاد وتعرف
قالي إيه كاين بصح ماندلوش ومانتحملش المسؤولية ومانلوحش روحي في هاد لحوايج ...
قتلو بالسلامة كثر خيرك
من بعد تفكرت قصة كيما هادي تاع 3 صحابي نعرفهم مليح، واحد صاحبهم خطب وحدة
كي جا باباها يسقسي صحابو الزوج ماقالو والو وسكتنو وماحبوش يهدرو عليه قالولو حنا نتوقفو :busted_red:...
كي سمعم صاحبهم الي خطب قالهم مارانيش حابكم تحكيو وتكذبو وتشكروني مي هاد العقلية ماشي مليحة
قالولو حنا مانلوحوش رواحنا في هاد الأمور والمسؤولية :surrender:
قاللهم ياربي تروحو تخطبو وتسقسيو على دار الطفلة وواحد مايجاوبكم
ياربي تلقاو ناس كيفكم مايلوحوش رواحهم في المسؤولية ...
قولولي هاد العقلية نورمال
وهاد الصحاب نورمال خاوتي ...
راني طولت عليكم بزاف
ملاحظة:
لا يسمح بالدردشة الخارجية داخل موضوعي
لا يسمح للأطفال الصغار بالعبث داخل الموضوع​

 

[المتفائلة_91]

ماشيين بعقلية اخطى راسي واضرب
انا ما نأيدهاش،، علاه كي تشوف المنكر قدام عينيك وانت ساكت...
الساكت عن الحق شيطان اخرص
انا هذا رايي

ميرسي بوكو

 

[NICHA03]

و الله خويا انا راي تاعي كيما تاع لقبلي هاذي ميش عقلية خلاص كي توقف مع واحد و تساعدو يخي مراح ينقص فيه والوا يعطيك الصحة على الطرح

 

[ماكانش]

ماشيين بعقلية اخطى راسي واضرب
انا ما نأيدهاش،، علاه كي تشوف المنكر قدام عينيك وانت ساكت...
الساكت عن الحق شيطان اخرص
انا هذا رايي

ميرسي بوكو

يعطيك الصحة ختي
ربي يحفظك
عندك الحق​

 

[ماكانش]

و الله خويا انا راي تاعي كيما تاع لقبلي هاذي ميش عقلية خلاص كي توقف مع واحد و تساعدو يخي مراح ينقص فيه والوا يعطيك الصحة على الطرح

عندك الحق ختي يعطيك الصحة
إيه واش فيها لوكان تعاون واحد ولا تجري مع واحد ولا ادل واحد
هوما مايساعدوش الناس ويسناو الناس تساعدهم​

 

[azedinm]

لا يسمح للأطفال الصغار بالعبث داخل الموضوع​

ههههههههههههههههههههههه انت كبير بزاف انت راك شيخ علابيها راك تقول هاك والله ما فهمت واش راك تقول اكتب مليح

 

[دعاء الحق]

وش هدي العقلية
منصآحبش ناس كيمآ هدوو قع

 

[mimi.dz]

أول حاجة
راك غلطت كي سميتهم صحاب
انا نعرف الصاحب يعاون صاحبو
ماشي يقولو منتحملش المسؤولية
وهاذ العقلية منتشرة بزاف في 48 ولاية
يعني وين تروح تلقا ناس جابدين رواحهم
ميحبوش يهدرو و يلوحو رواحهم يخافو من العواقب
والمثل يقول
ما نخالط ما نبالط ما نسمى غالط
ربي يهدينا
ثاني حاجة
الملاحظة اللي حاطها على قد ما عجبتني ضحكتني :yahoo:
شكرا خويا
​

 

[SaRa MosTa]

عقلية000000000000000

 

[سمكة البحر]

هذي العقلية تاع
الحسادين
الله يجيب الخير

 

[محاربة صحراء]

خويا واش هذي العقلية00000000000

 

[بلد المليون]

شكرا على الموضوع وشكرا على الملاحظة
أكيد مع كثر المشاكل وتدخلات العائلية أو غيرها أصبح مجمع الناس يخافون من التورط
بصح هدي عقلية فرررررررررررررشة ماشي حاجة كامل
تعرف مجايش سيرتوا هدي نتاع بابات الطفلة ويروح يصقصي وميرودولوش والله غير عيب يا جدك
مرسي خو

 

[DARINE05]

والله يخويا سفيان اكره حاجة عندي
مرسي

 

[جوانا]

أنا صغيرة عمو ما نجاوبش على الموضوع
هههههه

هيا دورك في هاد الوقت كاين ناس لي ما تقدرش تدير فيهم ثقة و سورتو يلا كان ما تعرفهمش
يعني ديفوا تجي تدير الخير تولي في المشاكل و ديفوا تساعد و تخرج نورمال عندك أجر كبير عند ربي و ديفوا كي ما يقولو صحابك لي هدرت عليهم هنا خاطينا
في هادو صوالح تجي مكتوبة من عند ربي حنا نساعفو بصح ما نعرفوش قدرها قاع وين يدينا
تحياتي

 

[ab hadjer]

هادي ماشي عقلية المهم اذا هوما باحبوش يقولوا الحق فيك الا ما يجي ناس اخرين ما يقولوش الحق فيهم

 

[randa.97]

العقلية نتاع اخطى راسي واضرب عقلية000000000
​

 

[ماكانش]

ههههههههههههههههههههههه انت كبير بزاف انت راك شيخ علابيها راك تقول هاك والله ما فهمت واش راك تقول اكتب مليح

ههههههههه
عاود بلعقل برك درك تفهم حبيبي لعزيز ههههههه

 

[ماكانش]

وش هدي العقلية
منصآحبش ناس كيمآ هدوو قع

واش راح اديري ختي
نساعفو وخلاص
هادو ماشي صحاب ولكن ...​

 

[ماكانش]

أول حاجة

راك غلطت كي سميتهم صحاب
انا نعرف الصاحب يعاون صاحبو
ماشي يقولو منتحملش المسؤولية
وهاذ العقلية منتشرة بزاف في 48 ولاية
يعني وين تروح تلقا ناس جابدين رواحهم
ميحبوش يهدرو و يلوحو رواحهم يخافو من العواقب
والمثل يقول
ما نخالط ما نبالط ما نسمى غالط
ربي يهدينا
ثاني حاجة
الملاحظة اللي حاطها على قد ما عجبتني ضحكتني :yahoo:
شكرا خويا​

ربي عيشك ويحفظك ختي
صاحبهم هادا ماقاللهمش عاونوني غاضاتو كيفاه صاحبهم من بعد في الصح
سكتو وماهدروش عليه وتوقفو فيه ؟؟؟
ربي يهدينا ختي
عن الملاحظة راك تعرفي ماشي للناس كامل والي راهو معني بيها راهو فهم روحو​

 

[youyousra20]

الله يحفظ
الناس راها تخلع