كيف يتمردن النساء في الخارج ....

[روز]

دائما من الواقع ...ودائما سأطرح قضايا أشاهدها وأراها يوميا فأتمنى أن لا يدخل لموضوعي النعام ..اللذين يحبون إدخال الرؤوس في التراب بدل رؤية الحقيقة وايجاد الحلول لها

هذه المرة عن بناتنا في الخارج وكيف يرون من(الزوج الإيميقري) فرصة لا تعوض ولا يحب أن يفلت من يدها ومن ستضحي من أجله بكل شيء في سبيل فقط أن تذهب للخارج ويقولوا
فلانة جات من الخارج
فلانةراحت للخارج ..
فلانة صارت ((إميقرية))
وتحمل شعار إميقرية أفتخر...:surrender:

وكاين بنات تعطي شروطهاللراجل
اذاكنت باش تبقى طول حياتك في الخارج نقبل ماكاش نبطل :schmoll:وهادي دارتها صحبتي..

​

والآن سأطرح جانب فقط رأيته وآلمني...
العام الماضي سافرت لكندا ..تجولت رفقة زوجة خالي وبدأت تصف لي ورايحة نتكلم باللجهة نتاعانا الآن

قاتلي هاذي جزائرية جابت لابوليس لراجلها عطاوه طريحة قدامها وخرجوه من الدار لي قعد يخدم فيها نص عمرو...دات الدار والقش مع الشهرية لي تمدتلها بحكم انها أخذت الجنسية الكندية ولا ماعلى بالها بحتى واحد ..الدار صارت ليها والولاد تديهم بالقانون والراجل في خبر كان..:glare:

وفاتت علينااخرى...هادي دارت مشكلة مع راجلها وجابتلو لابوليس وكبرت القصة وخرجوه من كندا وادات الداروالولاد وراهي عايشة وحدها مع اللبنانيات..على بالنا اللبنانيات منين يدورو بوحدة يفسدولها عقليتها ..بفكرة التحرر والحرية ...

و البعض أقول بعض حتى لا أتهم بالتعميم بعض الجزائريات للأسف منين تلقا القانون في صفها تدير رايها..وتبهدل راجلها بسكو هاديك المعيشة هبلتها..وهاداك
لي سباس نتاع الحرية والحقوق خلعها
وقصص شحال عرفتها وتعرفت بأصحابها شحال من جزائرية تروح قطة مغمضة لكندا وأقول كندا بالذات لانها عرفت المدة الاخيرة زيادة كبيرة في مثل هذه المشاكل وبعد ما تتحلب وتعرف القوانين وتدي الجنسية تولي تطلب بالحرية وغير كلمة نعيطلك للابوليس..
وش حكيتلكم ووش شفت قلت هادا وحدة ولا زوج دارو هاد الشي والامر ماهمنيش بعدها
لكن ...لكن من ايام تكلمت مع جزائريات هنا معايا حكيتلهم على هاذ القصة لقيت القصة متفشية.._o:
وش قالولي يرحم باباكم..
في زوج قالولي ..ايه واذا سمط وعياني في هاديك البلاد وانا وحدي ,,نجيبلو لابوليس.. نورمال ؟؟؟!!!:blink:

صدقوني مافهمت والو قلتلهم كفاش ترضي بن بلادك وراجلك يضرب قدامك ويدخل للحبس إذا استحالت المعيشة ارجعي للبلاد ووكلي عليه ربي فقط ..قالولي لا كفاش هادي لازم نوقفوا عند حدو :closedeyes:

..ماننساش نقول كاين جزائريات فحلات واقفين مع رجالتهم متحدين واقفين معاهم في الشدة قبل الرخا وبداو معاهم من الصفر ونساونص وافتخر لما نشوفهم متمسكين بحجابهم وبحرمتهم مع رجالتهم..

على بالي دركةنص الردود يقولو لالا وكفاش وعلاش..وماحقهمش
مي حابة نعالج المشكلة من جذورها وكل وحدة تفوت لازملها تتكلم بصراحة

اذا تمرد عليك زوجك في الخارج كفاش تكون ردة فعلك..؟

اذا ضربك ولا خطا الطريق معاك وش رايحة
اديري..؟؟
________

وانتا أخي اذا تغربت وديت بنت الناس معاك هل رايح تظلمها..؟

وش يكون موقفك من الزوجةاذا عملت معاك هكذاهل تحاول تحل المشكلة وديا أم تبهدلها في الغربةولا ترجعها لأهلها ..؟

وسؤال للطرفين:

هل توافقوا باش الجزائر تخرج قانون الحرية قانون يعطي للمرأة الحق في الشكوة بزوجها.. الحق باش تدخل عليه لابوليس في أي دقيقة..؟
يعني قانون الحريات في كندا وأوروبا والذي طبق مؤخرا في تونس هل توافقون وتوافقن أنه يصلح للتطبيق في الجزائر..؟


واخطونا من الردود المثالية

سلام
:re_gards:

*روز*
​

 

[فسحة]

بارك الله فيك أختي على الموضوع إذا تمرد الرجل و ظلم المرأة في الغربة راهي حاجة صعيبة و المرأة وحدها هناك لا قريب و لا أهل تحاول تتناقش معاه و إذا مفادش النقاش و ما لقاتش حل لازملها تتخذ هاد الإجراءات و نزيد تاني بلي ملازملهاش تقعد وحدها في بلاد الغربة هذا لي يقول عليه ديننا المرأة معرضة للظلم و الفتن رانا نشوفو حتى كي تجي تزور بيت الله و دير عمرة لازملها محرم وين في بلاد ماراهيش مسلمة و كل واحد كيفاش يشوف لي تخرجو و دون تعميم العديد من النساء تقولك هذي حرية المرأة و من حقها لكن الإسلام كرم المرأة و كي فرض هاد الشيء عليها السفر بمحرم من أجل الحفاظ عليها و على كرامتها
ربي يقدر الخير مشكورة يا غالية على الطرح الجميل
وفق الله الجميع لما يحبه ويرضاه

 

[روز]

بارك الله فيك أختي على الموضوع إذا تمرد الرجل و ظلم المرأة في الغربة راهي حاجة صعيبة و المرأة وحدها هناك لا قريب و لا أهل تحاول تتناقش معاه و إذا مفادش النقاش و ما لقاتش حل لازملها تتخذ هاد الإجراءات و نزيد تاني بلي ملازملهاش تقعد وحدها في بلاد الغربة هذا لي يقول عليه ديننا المرأة معرضة للظلم و الفتن رانا نشوفو حتى كي تجي تزور بيت الله و دير عمرة لازملها محرم وين في بلاد ماراهيش مسلمة و كل واحد كيفاش يشوف لي تخرجو و دون تعميم العديد من النساء تقولك هذي حرية المرأة و من حقها لكن الإسلام كرم المرأة و كي فرض هاد الشيء عليها السفر بمحرم من أجل الحفاظ عليها و على كرامتها
ربي يقدر الخير مشكورة يا غالية على الطرح الجميل
وفق الله الجميع لما يحبه ويرضاه

شكرا على الرد وعلى صراحتك

لكن اختي كاين مثل في البلاد يقول بن بلادك يمضغك بصح ما يبلعكش يعني مهما كانت المشاكل مستحيل الراجل يديباسي وحد الحدود لانو عارف عندو غير مرتو في الغربة والمشاكل كاينة وتكون لكن الحلول ايضا كاينة ومادام رضات انها تخرج معاه للغربة راهي عارفة راجلها وعارفة عقليتو
وتظني انو لما تجيبلو لابوليس ويضربوه قدامها ويحبسوه المشاكل تحل..؟؟
أبداالأمور رايحة تتعقد اكثر لانو مش الجزائري لي يخوفو بوليسي قادر يدفنها تم ويدخل عليها للحبس...
الوحدة تحاول تصبر وفور رجوعها للبلاد تقلو نبقى هنا ومانرجعش معاك وباباها تم ولا اخوها رايحين يوقفوا معاها لكن انها تحل مشكل بمشكل أكبر ..ماهوش حل بالنسبة لي
يعطيك الصحة على الرد الصريح أكررها
​

 

[فؤاد الورقلي]

السلام عليكم
موضوع مميز
واش نقولك اختي
كما تدين تدان
اذا كان الزوج مظلوم راه يرجع حقوا
اما هذا النساء ربي وكيلهم ويجي نهار وتخلف فيهم
ربي يهدي ويصلح

شكرا اختي
ربي يجازيك ​

 

[alnosratv]

مع أن هذا الموضوع ليس لنا نحن الرجال لكن لم أستطع المرور على هذا الموضوع الذي أحسست أنك ي دونتيه بأخلاقك وإعقادك وبعد نظرك وشخصيتك القوية والخاصة

لي هذا الكلام

الزواج داخل الجزائر أو خارج الجزائر هو في الاخير عشرة زوجية بين طرفين رجل ومرأة
يعني بعبارة أخرى علاقة مودة وحب كونة هذه العلاقة

وهذه طبيعة علاقات الزواج الحقيقية حب + مودة = زواج في نظري - بعيدا عن اجمال والمال لانها أمور فرعية -

لكن إذا سبق الفرعي عن الاساسي يعني الجمال + المال = حب مزيف وزواج مصالح يعني طول العلاقة وقوتها بطول المصلحة وكبر حجمها

بمفهوم أخر كل واحد نيته في الطرف الأخر وعلى حساب نيته يخلص

اما عن زواج الخارج فهو ليس السبب الحقيقي في ماكنتي تتكلمين عليه
وهذه الاسباب على حد إعتقادي :
أولا الزواج كان زواج مصالح ولم يكن عن علاقة حب حقيقية
ثانيا : المرأة من هذا النوع التي تبحث عن المال والجاه والشنا تصوري منها أي شيء لانها تبحث عن مصلحتها وأين وجدها هي لها وراهي متعرف الراجل خلاص إلا أنه في الخارج وصاحب مال وووووووو

حتى هذا الامر يوقع في داخل البلاد
فقط في شيء مختلف معدناش الشرطة مثل كندا
ولو كانت الشرطة مثل كندى هنا في الجزائر لشفتي العجب العجاب


ربي يرزقنا بنات الحلال ويرزقكم ولاد الحلال

لانه الامر إستفحل بزاف بزاف في مجتمعتنا ومجتمعات أخرى سابقتنا
ربي يهدي من خلق

عذرا أن تدخلت فيما لا يعنني

لكن لم أرد المرور على هذا الأمر بدون ما أكتب بقلمي هذه الكلمات
فقط نصيحة مني لا تسمعي لأراء الاخرين وكوني قوية برأيك فهناك تكمن شخصيتك
دافعي بأخلاقك عن القيم التي تجدنها من القيم الخلقية السامية

دمتم


معذرة مجددا

 

[روز]

السلام عليكم
موضوع مميز
واش نقولك اختي
كما تدين تدان
اذا كان الزوج مظلوم راه يرجع حقوا
اما هذا النساء ربي وكيلهم ويجي نهار وتخلف فيهم
ربي يهدي ويصلح

شكرا اختي
ربي يجازيك ​

شكرا على المرور الطيب لكن لي فات راح شقا عمرو والسبب مرا جايبها باش تكونلو عون ولاتلو عدو...؟اي شيء مش رايح يعوضوا على الأضرارالمعنوية على الأقل
صحيت على المرور
​

 

[روز]

مع أن هذا الموضوع ليس لنا نحن الرجال لكن لم أستطع المرور على هذا الموضوع الذي أحسست أنك ي دونتيه بأخلاقك وإعقادك وبعد نظرك وشخصيتك القوية والخاصة

لي هذا الكلام

الزواج داخل الجزائر أو خارج الجزائر هو في الاخير عشرة زوجية بين طرفين رجل ومرأة
يعني بعبارة أخرى علاقة مودة وحب كونة هذه العلاقة

وهذه طبيعة علاقات الزواج الحقيقية حب + مودة = زواج في نظري - بعيدا عن اجمال والمال لانها أمور فرعية -

لكن إذا سبق الفرعي عن الاساسي يعني الجمال + المال = حب مزيف وزواج مصالح يعني طول العلاقة وقوتها بطول المصلحة وكبر حجمها

بمفهوم أخر كل واحد نيته في الطرف الأخر وعلى حساب نيته يخلص

اما عن زواج الخارج فهو ليس السبب الحقيقي في ماكنتي تتكلمين عليه
وهذه الاسباب على حد إعتقادي :
أولا الزواج كان زواج مصالح ولم يكن عن علاقة حب حقيقية
ثانيا : المرأة من هذا النوع التي تبحث عن المال والجاه والشنا تصوري منها أي شيء لانها تبحث عن مصلحتها وأين وجدها هي لها وراهي متعرف الراجل خلاص إلا أنه في الخارج وصاحب مال وووووووو

حتى هذا الامر يوقع في داخل البلاد
فقط في شيء مختلف معدناش الشرطة مثل كندا
ولو كانت الشرطة مثل كندى هنا في الجزائر لشفتي العجب العجاب


ربي يرزقنا بنات الحلال ويرزقكم ولاد الحلال

لانه الامر إستفحل بزاف بزاف في مجتمعتنا ومجتمعات أخرى سابقتنا
ربي يهدي من خلق

عذرا أن تدخلت فيما لا يعنني

لكن لم أرد المرور على هذا الأمر بدون ما أكتب بقلمي هذه الكلمات
فقط نصيحة مني لا تسمعي لأراء الاخرين وكوني قوية برأيك فهناك تكمن شخصيتك
دافعي بأخلاقك عن القيم التي تجدنها من القيم الخلقية السامية

دمتم


معذرة مجددا

لا تعتذر أخي بالعكس فقد لفت نظري لنقطة مهمة وقد عدلت الموضوع وجعلته يتماشى مع الطرفين
أشكر مداخلتك التي زادت الموضوع إثراء
و كل الشكر لتدخلك

بخصوص ماقلت فعلا زواج البنات من هذا ((الإميقري)) زواج مصلحة خصوصا اذا كانت البنت همها المظهر المادي فقط وقد لفت نظري لقصة طرحتها فتاة في المنتدى في أحد الأقسام فتاة صبرت 6سنوات على شخص مغترب في الاخير تزوجها 5أشهر وطلقها ... وتحجج لها بحجج واهية السؤال هنا لماذا برأيك صبرت من أجله 6سنوات...أليس لكونه إميقري.. فهي ستصبر حتى 10 سنوات إن أحب...وإن كان هو مخطأ بدرجة أكبر
يجب أن تعدل المفاهيم
-ونخلو النية بابنا-
ولا تكن النقود هي أكبر همنا...ومهما كان.. بن بلادك أرحم ولا تغركي المظاهر لأنها زائلة...
شكرا لمرورك
كل الود
​

 

[lyna]

مادابيا يديروه والله تولي البلاد ملاحة فيها حرية و مساواة بين الرجل و المراة
اه هي كاين بصح ماشي كي الخارج
كاين نساء ضعاف مساكن رجالتهم يقتاوهم ولامن طال عليهم و يخا قريت ف الشروق اداكا الراجل لي قتل مرتو و حبس ولادة 5 ايام بلاماكلة
اه كاين رجالة لازمتلهم يتربو من اللول و خلي كشما الزحميتات تع لابوليس يربوهم
و باه تتنحى الحقرة

اه بنات دزاير تلقيهم اكل في الخرج فام دميناج و كي يجيو هنا الله غالب الدينار رخيس و الاورو غالي يحطو رواحهم لامن قدهم و هما يهزو الخماج تع القور
و وحدة بنت ساس و مفصل و بنت فاميلا جامي تديرها يعني تتمرد على الغاشي سيرتو راجلها الا ادا ظلمها و هي وحدانيا في الغربة
موضوع مليح شكرا

 

[alnosratv]

لا تعتذر أخي بالعكس فقد لفت نظري لنقطة مهمة وقد عدلت الموضوع وجعلته يتماشى مع الطرفين
أشكر مداخلتك التي زادت الموضوع إثراء
و كل الشكر لتدخلك

بخصوص ماقلت فعلا زواج البنات من هذا ((الإميقري)) زواج مصلحة خصوصا اذا كانت البنت همها المظهر المادي فقط وقد لفت نظري لقصة طرحتها فتاة في المنتدى في أحد الأقسام فتاة صبرت 6سنوات على شخص مغترب في الاخير تزوجها 5أشهر وطلقها ... وتحجج لها بحجج واهية السؤال هنا لماذا برأيك صبرت من أجله 6سنوات...أليس لكونه إميقري.. فهي ستصبر حتى 10 سنوات إن أحب...وإن كان هو مخطأ بدرجة أكبر
يجب أن تعدل المفاهيم
-ونخلو النية بابنا-
ولا تكن النقود هي أكبر همنا...ومهما كان.. بن بلادك أرحم ولا تغركي المظاهر لأنها زائلة...
شكرا لمرورك
كل الود
​

بارك الله فيكم
لن لي تعقيب على مسألة إميقري
ليس الاميقري فقط من هو معني بهذا الخطاب وهو المتهم الوحيد
أعرف قصة لبنت لما حكتهالي تمنيت ماعشت في هذه الدنيا أبدا

كان خاطبها شاب لما كان طالب في الجامعة وبقات تنتضر فيه عريس لمدة ست سنوات أو أكثر
ومن خلال تلك ست سنوات قدمت كل ما لديها وهو عز شبابها في إعتقاد أن هذا الشاب هو الوحيد الذي
يستاهل كل هذه التضحيت
سهرت معاه ليالي ليس في السهرات والامور الغير مشروعة بل رجعها ألة نسح لكل الدروس وألة غسيل للملابس ووووو
وهذا كله في سنين الدراسة
لكن لما تخرج ورجع طبيب الله يبارك
رجعت المسكينة قليلة مستوى وعليه يشوف وحدة طبيبة مثله باش يراجع معاها الدروس ومينساش دروس الطب وتعاونه في العمل
وفعلا تمكن يتخلص من ذيك البنت بطرقة غريبة
البنت خطبها وعمرها 18 سنة + ست سنوات صبحت في 24 سنة + هدرت الناس لي مترحمش
وهي الان في سن 29 سنة
هل هاذي البنت تستاهل كل هاذا الشي
والله لما حكاتهالي هزت بيا الارض مقدرتش نسمع القصة كلها لكن في نفس الوقت مقدرتش نقولها توقفي لانها كانت تحكي بطريقة غريبة جدا جدا
الله يهدنا برك قصة كلما نتفكرها يهبل صح
لما حكيتها لأمي بكات أمامي بدون متعرفها
لكن وإن تصبرو فهو خير لكم
تعرفت على شخص بصدفة هي ليست صدفة هي قضاء الله وقدره
جا لعدنا وأعجب بقريتنا وناسها
قالي شوفلي بنت تكون نتاع دار حبيت نبقى معاكم في هذه القرية
والشخص الله يبارك أهل أخلاق وإنسان تتمناه كل من تريد الاستقرار في حياتها
الاخت للأسف معنديش إلا كتكوتا صغيرة
أول ما أشرت له هذي البنت و بعد العشا طلب مني معلومات عن البنت قتله نغلقو الحاسب المحمول ونحكيلك لما حكيتهاله صمت صمت صعيب وبقيت نحكي ونحكي سكت بعد ما كملت كلامي وقالي
منخفيش عليك نشوف حضي معاها
دهشت لسرعة الاستجابة لكن في البداية متصورتش الامر يكون بهذه السرعة
غادر البيت إلى بيت أهله بعد أسبوع لما خبر الوالدة نتعه جا لعندنا لدار هو وأهله باش يخطبو البنت
وهو ميعرفهاش غلي سمع مني
قالي قولها بلي شخص جايب أهله باش يخطبوها
محبيتش نقولها مخافت العدول عن الفكرة
لكن ذهبت الام عند تلك البيت هي والوالدة نتاعي
بدون حتى إبلاغهم ودخلو لدارهم وكانت هي من إستقبلتهم وأعجبت بها أم العريس من أول نظرة
مع أن البنت كانت تعتقد أنها أخت أمي ومشي افار نتاع خطبة
تم الإتفاق حاولت البنت تتهرب شوي لأن الشخص متعرفهش إتصلت بي عبر الهاتف وطلبت مني معلومات حكيتلها القصة بقات تبكي وتبكي وتبكي سالتها علاش البكى
قالت لي شفت منام عمره أسبوع على الاقل
كنت في المستشفى لراه فيه الخطيب السابق لها معرفت علاش كنت هناك
حتى دخل شحص وبحث عن الطبيب لما وصل إليه قاله عبارة - أنت مرض كيفاش تداوي المرضى -
إذا كنت متذكر العبارة جيدا ومر عليها وقالها متخفيش طبيب القلب راه جاي


وصح طبيب قلبها كان جاي هي مفهمتش المنام ومعناه لكن من بعد فهمت المنام
والله لو تتخلي العلاقة لي راهي بينهم نغير منها لبزاف بزاف
لها طفل صغير سماته على إسمي :smile:

اما الطبيب لو نحكيلك قصته راهي الموضوع يخرج عن نطاقه ربي يهديه برك
سمحلي أنا ثرثار بزاف بصح حال مجتمعنا خلنا نتكلموا بزاف ومنكملوش
لكي هذا الموضوع في مدونتي الجديدة
http://algerie.cc/?p=88


لكم أطيب تحية وربي يهدنا جميعا

 

[EL General]

يا لها من ظاهرة خطيرة ، و الله مثل هذه الأشياء تصرا كثيرا

بنت خالي دارت هكا لولد خالي اللي تزوج بيها و هو ميقري و اداها لفرنسا ، و صرا اللي صرا ...

حبيت نقولك بلي الأعمال الصبيانية هذه لن تدوم

و السماح في الجنسية الجزائرية ، ماهيش مليحة ....
​

 

[kami dz]

شكرا ليك اختي موضوع جد رائع و في منتهى الاهمية صح راني معاك في واش قلتي كامل النسا نتاع ذرك كون يلقاوها في يديهم من الجنة و الناس mais لازم هاد القانون يخرج خاطر كاين الرجال اللي يستغلو حنانة المراة و يبهدلوها هوما يعني ادا ماكانش قانون كيما هكدا يحمي المراة راح ينوضوا الرجال كل يضربوا نساهم ......................................علابالي بلي ماكيش معايا مي هدي هي الحقيقة و درك المشكل خاطي في القانون المشكل راهخو في المراة اللي عقليتها فسدت و راحت فيها و علاه........................ماعرف .........................شكرا ليك لانك فتحتي موضوع كيما هكدا

 

[neostar]

حبين يعيشو مثل لقور ويموتو مثل المسلمين ^^

 

[mizora]

بلا منقرا ردود الاخوة و الاخوات اذا كان ظالمها ترجع لبلادها و تسلك حقها و كان ظلماتو نفس الشيء
بالنسبة لقانون حرية المرأة انا ضده تماما لأن الاسلام كرم المرأة بالحجاب و اشياء عديدة
حرية المرأة هي وسيلة ليردو بناتنا و اخواتنا عن الاسلام
هل حرية المرأة ان تخرج شبه عارية من المنزل
تحدث الجانب و تتسامر و ضحكاتها تصل الى اعان السماء و تخرؤج متبرجة لا محرم ولا شيء و تترك صلاتها فو دينها في سبيل ما يسمى بحرية المرأة
ابدا لا يوجد قانون اسمه حرية المرأة لأن الاسلام وفر لها كل ما يلمها من راحة و سكينة
هذا رأي من لديه رأي مخالف يكلمني على الخاص

 

[امير الجزائر]

بارك الله فيك

 

[miriama]

يا اختي العزيزة
كل وحدة تشوف الامور بمنظار خاص
أنا أكيد ضد باش نجيب لزوجي لابوليس
في الغربة ولا في بلادي لانو
كاين عدة طرق لحل المشاكل
مي هاذو الزوجات الي جابو لابوليس لازواجهن
ممكن يكون آخر حل ليهم راحو ليه
مانقدروش نحكمو عليهم بالسوء
صديقتي الانتيم تزوجت في فرنسا
زواج مصلحة ماتعرفو ما حباتو
قالو ايمقري قالت داكور
تم الزواج بسرعة بعد ما جابتلو اربع اطفال
بدا يتهم فيها في شرفها راكي كنت.. راكي فعلت..
تهم في الباطل من الغيرة المفرطة
توصلت بيه يقفل عليها الباب وما يخليش ولادو يروحو يقراو
واحدها في الغربة لا اخ لا اخت
استعملت كل الطرق باش يرجع لصوابو حتى اهلو جاو معاه
في هاذي الحالة واش تدير أكيد جابتلو لابوليس
وانا ايدتها في الرأي بعد لابوليس تحل المشكل
ماضربوهش وما حبسوهش مي اجبروه على عدم اقفال الباب
وترك اولادو يروحو للدراسة
بعد ذلك راح خوها وتفاهم معاه

حبيت نقولك بلي كاين رجال يحقرو نساهم في الغربة
لانو عارفين ما عندها حتى واحد رايح يريكلامي عليها
بسرعة
ربي يسترنا وما نوصلوش للعيب
مع ازواجنا ان شاء الله


معذرة على الاطالة​

 

[alnosratv]

يا اختي العزيزة
كل وحدة تشوف الامور بمنظار خاص
أنا أكيد ضد باش نجيب لزوجي لابوليس
في الغربة ولا في بلادي لانو
كاين عدة طرق لحل المشاكل
مي هاذو الزوجات الي جابو لابوليس لازواجهن
ممكن يكون آخر حل ليهم راحو ليه
مانقدروش نحكمو عليهم بالسوء
صديقتي الانتيم تزوجت في فرنسا
زواج مصلحة ماتعرفو ما حباتو
قالو ايمقري قالت داكور
تم الزواج بسرعة بعد ما جابتلو اربع اطفال
بدا يتهم فيها في شرفها راكي كنت.. راكي فعلت..
تهم في الباطل من الغيرة المفرطة
توصلت بيه يقفل عليها الباب وما يخليش ولادو يروحو يقراو
واحدها في الغربة لا اخ لا اخت
استعملت كل الطرق باش يرجع لصوابو حتى اهلو جاو معاه
في هاذي الحالة واش تدير أكيد جابتلو لابوليس
وانا ايدتها في الرأي بعد لابوليس تحل المشكل
ماضربوهش وما حبسوهش مي اجبروه على عدم اقفال الباب
وترك اولادو يروحو للدراسة
بعد ذلك راح خوها وتفاهم معاه

حبيت نقولك بلي كاين رجال يحقرو نساهم في الغربة
لانو عارفين ما عندها حتى واحد رايح يريكلامي عليها
بسرعة
ربي يسترنا وما نوصلوش للعيب
مع ازواجنا ان شاء الله


معذرة على الاطالة​

هو مادام زواج مصلحة كما قلتي راهي تتحمل العواقب بنفسها

 

[alnosratv]

بلا منقرا ردود الاخوة و الاخوات اذا كان ظالمها ترجع لبلادها و تسلك حقها و كان ظلماتو نفس الشيء
بالنسبة لقانون حرية المرأة انا ضده تماما لأن الاسلام كرم المرأة بالحجاب و اشياء عديدة
حرية المرأة هي وسيلة ليردو بناتنا و اخواتنا عن الاسلام
هل حرية المرأة ان تخرج شبه عارية من المنزل
تحدث الجانب و تتسامر و ضحكاتها تصل الى اعان السماء و تخرؤج متبرجة لا محرم ولا شيء و تترك صلاتها فو دينها في سبيل ما يسمى بحرية المرأة
ابدا لا يوجد قانون اسمه حرية المرأة لأن الاسلام وفر لها كل ما يلمها من راحة و سكينة
هذا رأي من لديه رأي مخالف يكلمني على الخاص

حقا هذا القنون تفرحله الفاسقة ويعجبها
وتحزنله الصالحة وميعجبهاش

لكن حتى الرجل لابد له من قوة ردع لحفض حقوق المرأة خصوصا مسألة الظلم
ربي يفرحك بولد الحلال

 

[روز]

مادابيا يديروه والله تولي البلاد ملاحة فيها حرية و مساواة بين الرجل و المراة
اه هي كاين بصح ماشي كي الخارج
كاين نساء ضعاف مساكن رجالتهم يقتاوهم ولامن طال عليهم و يخا قريت ف الشروق اداكا الراجل لي قتل مرتو و حبس ولادة 5 ايام بلاماكلة
اه كاين رجالة لازمتلهم يتربو من اللول و خلي كشما الزحميتات تع لابوليس يربوهم
و باه تتنحى الحقرة

اه بنات دزاير تلقيهم اكل في الخرج فام دميناج و كي يجيو هنا الله غالب الدينار رخيس و الاورو غالي يحطو رواحهم لامن قدهم و هما يهزو الخماج تع القور
و وحدة بنت ساس و مفصل و بنت فاميلا جامي تديرها يعني تتمرد على الغاشي سيرتو راجلها الا ادا ظلمها و هي وحدانيا في الغربة
موضوع مليح شكرا

الشكر ليك أختي شكرا على الرد
صحيح وش قلتي بخصوص بعض الرجالة حقارين ويضلموا بصح مانيش نشوف فيها حاجة مليحة مرا تجيب لابوليس لراجلها....هنا راني نتكلم على الناس لي عايشين في الخارج ...
بخصوص القانون هذا راه مطبق في تونس روحي شوفي البدع لي راهي صايرة تمة حنا العرب مالازمناش قانون كما هادا بسكو مانعرفولوش..ومانستعملوهش بالطرق الصحيحة..
شكرا على المرور و على صراحتك وردك الواقعي

 

[روز]

بارك الله فيكم
لن لي تعقيب على مسألة إميقري
ليس الاميقري فقط من هو معني بهذا الخطاب وهو المتهم الوحيد
أعرف قصة لبنت لما حكتهالي تمنيت ماعشت في هذه الدنيا أبدا

لكم أطيب تحية وربي يهدنا جميعا

شكرا اخي على القصة صحيح وش قلت القصة ماهيش تخص الاميقري فقط تخص تاني المرأة لي تجري ورا المادة وماتميزش وماتعيرش الراجل مليح المهم تزوخ قدام صحباتها
ربي يهدي ماخلق الزواج ليلة ...وتدبارو عام لازم الكل يتأنى في اختيار الزوجة ولا الزوج وماتخلعش في المظاهر
شكرا لتدخلك الذي يثري الموضوع في كل مرة

 

[neostar]

علي دكر التمرد ....

تمرد النسوان ليس مقتصر في بلاد الكفر فقط ..

تراهم في مدنهم الحشمة والتربية وعيناها متهزهومش من الارض وكي يلحق الصيف روح جهة جيجل وبجاية وشوف ... جاو من مختلف مدن الوطن ووخلاو الحشمة في دارهم ...وخلي البئر بغطاه

ولا اقصد بدالك كله مازال الخير في بعضهم


احتراامي
​