كيفاش تكسب قلب المرأة :ax_flw:
بون ما يخفالكمش بلى خوكم خبير فى مجال ... :ax_flw:
بصح لى يشوف مواضيعى يقول البشر هذا يكره البنات و لا معقد منهم :blink:
مالا ليوم حبيت نحط بين يديكم معلومات البنات يحكمو عليها أسكو صحيحة و لا لا و الذكور يستفادو منها و تشوفو اسكو ميسى بومب عاطفي و لا لا ههههههه
كلمة عاطفي ما تخرجش على واحد أسمو بومبة هههه :lol:
أفتحو وذنيكم و اسمعو ميح و سيرتو انت صديقى العاشق :re_gards::
باش تكسب قلب المرأة و تدرك أحاسيسها و مشاعرها تجاهك يلزم عليك :
* ما تحطش فى بالك بلى هي تانى تصرفاتها كيما تصرفاتك انت على خاطر هي تختلف عليك .
* ما تهملهاش و تهلا فيها و اعطيها الحب و الامان على خاطر هذا واش تحتاج ليه .
* ما تبخلش عليها بلى كادو مرة على مرة على خاطر هي ما تحبش الراجل البخيل .
* ما تخبيش عليها الغيرة تاعك على خاطر الحاجة هاذى ترضى الانوثة تاعها .
* ما تنساش تغازلها و تشعر ليها باش تشبع غرورها .
* ما تبينلهاش و تصارحها بعيوبها بطريقة مباشرة على خاطر هي معروف عليها تكره النقد .
* ما تخليهاش وحدها باسكو هي تحب اللى يصنت ليها و يسمعلها .
* ما تخونهاش و هاذى نوصي و نعاود عليها على خاطر أصعب حاجة و اكثر حاجة ما تتقبلهاش المرأة هي خيانة الحبيب.
* ما تستهزاش بيها و لا بمشاعرها و لا تحب تلعب معاها لعب ثقيل على خاطر هى رقيقة و ما تستحملش .
* ما تخذلهاش باسكو هي توجور تحتاج لواحد تعول عليه باش تصيب راحتها .
* اذا وعدتها بحاجة لازم عليك توفى بيها على خاطر اذا حققتيها الوعد لى وعدتى بيه تزيد تشعربيك و تحس بيك بجنبها أكثر .
* ما تستخفش باقتراحاتها نهار لى تواجهكم مشكلة على خاطر الشيء هذا يحسسها بعدم أهميتها بالنسبة ليك.
* ما تشوفش لوحدة غيرها على خاطر هذا لى يسببلها اكثر ضرر و تجيها تطييحة لكرامتها .
* ما تكونش مجرد حبيب برك فى حياتها و لازم عليك تكون انت كلش فى حياتها .
* ما تهتمش لمشاعرها كيف تكون بحداك خليها برك تشعر بلى هي المرأة الوحيدة فى حياتك .
آوووووف عييت نروح نروى روحى بشربة ماء و نخليلكم انتوما الدالة تهدرو شوية
و اللى يعجبو الموضوع ما يقولش هاو مليح و خلاص ، لازم يحط تقييم و لا نزيد نرجع نحط موضوع آخر و ندورها مورا لبنات :cursing: هههه
ملاحضة فقط الموضوع هذا نهديه لواحد صديق معانا هنا فى المنتدى راه عاشق جديد و نقول بون شونس شريكى
آيا دمتم بود نشوفكم على خير
i-o:
