مرحبا بيكم مع خربشات ميسى بومب كى العادة التمنشير و التقطاع و التقرعيج و التمشميش :shiny:.
اليوم راح نمنشرو على :
الفرق بين السنما الأمريكية و المصرية و الجزائرية:lol:
نبداو بالأفلام الأمريكية
قالك الفلم الأمريكى لحكاية تاعو فيها
الرصاص و المتفجرات و هاذى طوموبيل تقلبت و هاذا يجرى مورا هذا و لاخر يبع فى الماريجوانا و الحوكومة تعمل لامبيسكاد و لاكتور ينقز و يضرب و و يغطس فى البحر و جامى لا يموت و مبعد تسسسسسسس حبس كاينة لقطة ماشى مليحة بدل علينا المحطة و المهم المخرج عمل فيها سيناريو مهبول .
درك نروحو للفلم المصرى :ax_flw:
هيييي الجماعة كل تستنى فى الفلم المصرى
الفلم المصرى
بحبك يا زيزى / و انا كمان بحبك يا حنفى ، بس لازم نشوف شقة و لو صغيرة يا حنفى عشان بابا يوافق على الGوازة دى يا حنفى .
كفاية يا زيزى أرGـوكى ما تضغطيش عليا أكثر يا زيزى .
ايه رأيك يا زيزى لو تيـGـى معايا حأكلك أحسن طبأ فول و كشرى أكلتيه فحياتك .
لا يحنفى أنا خيفا لا يشوفونا مع بعض و بعد كد مش حسلم من كلام الناس.
ما يهمكش منهم يا زيزى طول م انا معاك يا حببتى .
و بعد كده يطل علينا سعد الصغير و يقول
أركب الحنتور تررن تررن ...
خلاصة القول مسخرة فى مسخرة
و أخيرا وصلنا للمهزلة عفوا للفلم الجزائرى :lol:
هيا جماعة يزونا بلا ضحك خلونا نخدمو على رواحنا
آوووه وشنو هذا راك راقد للعشرة آيا نوض تخدم ازرب هيا
أسمعى انتى يا وحد الزرزومية تزيدى تسيقى و ترمى عليا الما من البالكون نوريلك يا وحد الشاطرة .
و مبعد لحظة رومانسية فى الفلم
يا سعاد غير أصبرى معايا برك بابا يوافق و نجيب لعجوز و نجى نخطبك يا سعاد غير ما تتقلقيش برك
لالا يسين رانى صبرت عليك بزاف و انا الخطابة راهم فوق بعضهم و ما نقدرش كل مرة نرفض ، ياك علابالك يزعف منى ياسين و مبعد ... تشششششت فسسسسسست هاي راحت الصورة
خلاص خلاص هاي رجعت ( حان الآن موعد آدان المغرب ) و بعد ترن ترن تيريرن ( مواعيد ) و معد اشهار تاع الدانون و خلاص الفيلم و ما فهمنا والو و مافهمناش السيناريو علاش يحكى أصلا .
فى رايكم يا جماعة
علاش عندنا دولة عظيمة كيما دزاير و البلاد غارقة فى الدراهم و مجرد قناة وطنية ما نقدروش نعملوها و ما زلنا متخلفينا فى الاعلام بمراحل
علاش ما يخلوش رجال الاعمال يفتحو قنوات pـريـvـى مادام ماشى قادرين على شقاهم
علاش البريكولاج عامل حالة فى بلادنا
"و حنا الحمد لله كيما قال وحد الداب" .
آيا دمتم فى رعاية الله و حفضه و السلام عليكم و رحمة الله.
و ما تكثروش من الدشديش يعنى التببيش قصدى ما تكثروش من التدرديديش :tongue_2:
_o: