طوايش الصغر - لا يدخله من سنه اكثر من سنة -

[zagane]

السلام عليكم
طوايش الصغر
ليت الصغر يعود يوما لاخبره بما فعله الصغير
الاطفال وهم صغار يمتازون بالبراءة ولكن مباشرة بعدما يستطيعون الجري يقومون باعمال تخريبية طائشة
وهدا يسمى في لهجتنا ب طوايش الصغر
كل واحد منا عنده طوايش الصغر في الشارع او في المدرسة او في اي مكان قبل ان يصل الى هدا المكان
قولوا لنا على طوايشكم لكي ناخد حدرنا من طوايش الجيل القادم

وابدؤ بنفسي
--كنا لانصوم في رمضان بحكم صغرنا ولكن عند الادان و الافطار يدخل الجميع لبيوتهم ونحمل نحن الحجارة ونهاجم الابواب بعشوائية ثم نختفي من الوجود لنظهر بعدها ونمر من المكان وكاننا ابرياء
-- كنا نكسر مصابيح الانارة العمومية بالحجارو ونعيش تحت الظلام الدامس وعندما ياتي الكهربائي ليصلحهم هو نازل من العمود الكهربائي و الحجارة تصعد الى المصباح الجديد قبل ان تطاء قدميه ارض الوطن
--- كنا نرمي -بنو- اي عجلم مطاطية في الطريق الوطني ونتركه يتدحرج ليصتدم بالسيارات ونهرب لنحضر من شارع اخر عند نهاية المنحدر في الطريق لنلاحظ حجم الخسائر ونندد ونشجب ونستنكر مع المنددين
-- كنا نعلق سلك في الطريق لاصحاب الدراجات النارية المزعجين ونختفي ونلاحظ
-- حتى المساجد كنا ندهب ونحن صغار لنصلى ولكننا كنا نظحك مما يجعل المصلين يطردوننا ونحن نهرب
-- كنا عندما نتفرج فيلم الرسالة نقوم في اليوم الموالي باخراج سيوفنا لمهاجمة الحي المجاور باعتبارهم قريش وهم يعتبرون كدلك وكنا دائما نربحهم
مزيا ما حكيتلكمش طوايش المدرسة
الحمد لله رفع عنا القلم في كل هده الطوائش
والحمد لله كبرنا وعرفنا وسلكنا من هادوك الطوايش

هده ظوايشنا فارونا طوايشكم

 

[رانية الجزائرية]

رد: طوايش الصغر - لا يدخله من سنه اكثر من سنة -

انا احد الصغار لانا عمري 11 ولا اقوم باي طوايش كون ندير طوايش يضربني بابا

 

[zagane]

رد: طوايش الصغر - لا يدخله من سنه اكثر من سنة -

السلام عليكم
مشكورة على الرد
تلميدة مجتهدة واصلي
الله يبعد عليك الطوايش
والله يحفظك من كل شر وسوء

 

[islamsamir]

رد: طوايش الصغر - لا يدخله من سنه اكثر من سنة -

هاهاهاها ، موضوع مميز أخي الكريم ، ربما لا أتذكر طوايش الشارع مثلما أتذكر طوايش المدرسة ، كنت بليس تع الصح و رغم اني مازلت متمدرس لاكني إستعقلت قليلا بحكم كبرنا عليهم و شهادة bac وووو ... ، و من أكبر الأشياء التي أستحي منها هي :

1... هو قبل عيد الأضحى لما بابا شرى الكبش أديت معايا ( القرط تاعو ، الحشيش تاعو ) و حطيتوا في المسطبة و لات الفوحة ( حاشاكم ) تع المعيز تصرع في الكلاسة و كي دخلت الشيخة و وقفت فوقو بدينا نقولولها بعععععع بععععععع ، هي تقلقت و رفدت قشها و راحت و من هداك النهار مازادتش قراتنا ، بقينا 15 يوم بلا شيخ بسبب هذه المهزلة و بذلك ضيعت نفسي و زميلات من الدرس القيم و خاصة أنها كانت أستاذة شريعة

2.... و مع وحد الشيخة تع longli كول ما دور ، أنقلع موراها كي لاسيران ( موووووووووراد ، مووووووووووراد ، موووووووراد ) حتى هي تنيرفات و أمبعد خرجتني انا و مع 10 وحدوخرين راحو ضحية معايا بإستدعاء ( لخطرش ماعرفتش شكون ) ، بصح رجال و ما بيعونيش

3.... و مع الشيخ تع informatique مسكين جابوه من سوريا ، سميتوا زحل و هو يتقلق مسكين ، نظل متالبوا واش يهدر موراه و سيرتوا كي يخلط في darja تعانا ، نبدا نعجب عليه و الشعب يضحك ، مسكين كي نتفكر إغيظني ، المعلم و مكانته واش ولات ، بلاك صح نورمال خرجني من الكلاسة وحد 30 مرة بصح نستهل لاخطرش كنت موراه

4....و من أروع إبدعاتي المشاغبة أيضا مرة جبت كورسي مكسر و حطيتو في bureau تع الشيخة تع science أنتقمت منها حق ما دارتلي إستدعاء ، مسكين هي قعدت و تاطيها بطيحة تغبرت في القاعة ، الضحك اللي قلع بلاك jamais ضحكت بدموع كيما هاديك المرة ، هي حشمت حشمة ma hasalitch

5... و خلي و خلي و خلي ، parc que صوالح grave بزاف بزاف و إنسان كيشغول يحشم إقولهم مانكترت ألي صح capable بليس ما يديرهومش surtou في الكذب و الغش و التبلعيط و التعياب و و و و و و و....

مشششششششكور أخي الكريم مرة ثانية

 

[تيمةٍٍ]

رد: طوايش الصغر - لا يدخله من سنه اكثر من سنة -

و الله الصغر احلى عمر
بس تعرفو و الله راح نحنو لهم
وراح بعد مدة لي عملناه فالناس يعملوه فينا ولادنا
و ربي يستر
لي كان طايش من درك يوجد روحه
تحياتي
تيمة
​

 

[zagane]

رد: طوايش الصغر - لا يدخله من سنه اكثر من سنة -

السلام عليكم
والله يا islamsamir لا عيت نشوف في الطوايش وانت حطمت الرقم القياسي ما نيش عارف كيفاش اديت الباك وقريت وما راكش باندي كبير
الله يحفظك من كل سوء

وانت يا تيمة
تخوفينا بكما تدين تدان
هدا الموضوع نتعلم منه كل الخطط ونحمي نفسنا لاننا استغفرنا الله على طوايشنا

مشكورين على الملرور الجميل

 

[rrymm]

رد: طوايش الصغر - لا يدخله من سنه اكثر من سنة -

انا عكسكم كامل صغري كان :no:
ومعنديش طوايش كنت (angel)
ودرك راني :no::no::no:

 

[zagane]

رد: طوايش الصغر - لا يدخله من سنه اكثر من سنة -

انا عكسكم كامل صغري كان :no:
ومعنديش طوايش كنت (angel)
ودرك راني :no::no::no:

السلام عليكم

غير خبرو وكتبو طوايشكم ما نقولش لالى واحد
حقوق الطيش محفوطة

 

[4LI_4LGERI4]

رد: طوايش الصغر - لا يدخله من سنه اكثر من سنة -

يا حصرااا كي كنت صغير .... كنت نحب باش نولي كبير ...... ومن بعد كي كبرت وليت نتمنى نولي صغييير ..
فهموني واش هذا

 

[zagane]

رد: طوايش الصغر - لا يدخله من سنه اكثر من سنة -

السلام عليكم
يا حصرااا كي كنت صغير .... كنت نبيع زروديا ...... شافوني البوليسيا .....اعطاوني الشامية ..
فهمنا واش هذا

 

[الفقيرة الى الله]

رد: طوايش الصغر - لا يدخله من سنه اكثر من سنة -

العنوان عجبني بزاف
ربي يخليك أخي
.........

ياااااحصراه......
يا ريت يرجع الزمان

بصح أنا مكنتش نحط السلوكه فالطريق و نكسر الزداج و كلش
كنت عاقله

و المعروف لولاد هوما لي طايرين...جنون

 

[HITLER]

رد: طوايش الصغر - لا يدخله من سنه اكثر من سنة -

يا حصراه يا محمد على ايام الصغر واش درت أنا ، ههههه درت الباطل غير مانحكيش خير
عندك حاجة وحدة برك منهم هي أني كنت نتعنقش (نلصق) في الباشيات و الشاحنات بزاف ، كنت مضروب على هاذي الخدمة العوجة ، طالع لاصق في باشي ، هابط لاصق في كاميو خخخخخخخخخخخ طرونسبور نتاع القالو
مزية لي ماطحتش هذاك الوقت ولا دهمني كاميو ، سترني ربي
شكرا محمد على موضوعك الجميل ، ما تضحكوش عليا :sun::sun:
​

 

[joe10]

رد: طوايش الصغر - لا يدخله من سنه اكثر من سنة -

و الله كي نتفكر الصغر نتعب

ونقول لوكان نولو صغار بالصح لازم نعيشو الواقع

والصغر فترة نمرو بيها كامل في حياتنا

والحمد لله على كل حال

الله يرحم والديك ع الموضوغ أخي


السلام عليكم​

 

[sanaa_algeria]

رد: طوايش الصغر - لا يدخله من سنه اكثر من سنة -

هههههههههههههههه واش نحكيلك خويا انا كنت طوايشيا ولي يدور بيا من الشاشرا تع الحومة نوريلو الزنباع وين يتباع تعرف كانو كامل يخافو مني هدا في صغر
ولا في ليسي غير العام لي فات كنت باغيا نطير بوختو انا شيرة كنت نعيب على الاساتدة وكنت نقاوس الي يقعدو القدام بالورق نكرفسها ونقيسها عليهم وندير روحي معلاباليش كنت دايرا حانوت تحت الطابلا
كنت ناكل شوينغوم والشيكولا والحلو قع مايخطونيش وكنت دورا على دورا نزرطي ههههههههه طوايش مي السنة رانا نقولو ستعقلنا ومنعرف راك دكرتني بالعام لي فات الله يجعل خير هههههههههههههه
شكرا اخي على الموضوع الرائع

 

[zagane]

رد: طوايش الصغر - لا يدخله من سنه اكثر من سنة -

السلام عليكم
انزيدكم هادي تاع المدرسة الثانوية
كان يدرسنا مصري الرياضيات
اصنع واحد طائرة من الورق وطلقها من واحد لاخر والاستاد يكتب في السبورة
حتى رماها اخر وراحت ضربت الاستاد في الراس
وكان وحد الزميل نائم بجانبى
واخض الاستاد يغضب ويسال مين كان السبب والكل صامت
مين عمل كيدا وحنا ساكتين
فطن النائم على صراخ الاستاد وما فهم والو
سالني واش صرى
قتله ضربوه بطائرة في الراس
اضحك وقال
اهه اههه لوكان ضرباته طائرة للراس ما يبقى فيه والو كون راه غبار
كل القسم اضحك والاستاد واصل الدرس

كاين اللي راهم يحشمو باش يحكو لينا طوايشهم
ياك فات زمانها ورفع عنكم القلم ايامها

 

[david love1989]

رد: طوايش الصغر - لا يدخله من سنه اكثر من سنة -

الطوايش غير متافكرنيش ياخو العزيز

 

[راجية النجاح]

رد: طوايش الصغر - لا يدخله من سنه اكثر من سنة -

اهنا طوايشنا وحدهم خطرة في البريمار ليكول مقابلنا ما كناش ندخلو من الباب كنا نتعلطو من الحيط
والفور كامل البارح الشيخ يشرح وانا نكتب وكي يكمل نقلو عاودلي مام فاهمة ونقولو يعودلي

 

[zagane]

رد: طوايش الصغر - لا يدخله من سنه اكثر من سنة -

الطوايش غير متافكرنيش ياخو العزيز

السلام عليكم
الطوايش والصغر شيئ لا ينسى لانها اجمل واحلى ايام الانسان رغم مافيها من اخطار
لان الطفل وقتها لم يكن يعرف معنى الهموم

 

[راجية النجاح]

رد: طوايش الصغر - لا يدخله من سنه اكثر من سنة -

تفكرت هذي خطرة الشيخة نتاع لفرونسي هي سبليونت ما تعرفش تكتب قالتلي اقراي بديت نقرا ومبعد قلتلها
je ne compris pas cet teecriture
ومن بعد قالتلي

 

[sanaa_algeria]

رد: طوايش الصغر - لا يدخله من سنه اكثر من سنة -

ههه غير العام لي فات لقاتني بخوف تع الانجليزية ندحك قالتلي نودي ديري بينيسيو
ههه خرجت دربت الباب و جبت بيي خصها البينيسيو
وكنا نهار كي تنفحلي في الخروج نقولهوم علابالكم ليوم ما جاش بخوف تع المات ما نقراوش
ومن بعد نخرجو كامل وكي يجي الاستاد ما يلقاناش تعرفو راهم دايريلي 3 لي تعهد عليجال هادو الصوالح