██۞۞۞۞۩۩۩╗╗╗╗ هام لكل من أصيب بإدمان منتدى اللمة الجزائرية╔╔╔╔۩۩۩ ۞۞۞۞██

[EL General]

السلام عليكم و رحمة الله تعالى و بركاته

راهو لازم نبداو بتحية السلام و الإسلام

علابالكم علاه لميتكم اليوم

مالا استعدوا للحماس الحقيقي و الشطيح و الرديح

لميتكم اليوم كامل ، على استوديو مارادونا.كوم
لكل ما يعجب الشعب
و هو شعار البلدية : من الشعب و للشعب ، ههههه


ندخلوا للموضوع و صلبه :

كاين ياسر من الأعضاء تع المنتدى تع اللمة الجزائرية ، ينوضوا الصباح:lolo:
كاين فيهم اللي يروح يفطر ، باش يبدا نهارو سعيد و نشيط

و كاين اللي ماينوضش حتى لـ : 11 - 10 تع الصباح
هاذاك الله يرحموا مايلقاش الفطور و لا يلقاه باارد

لا علينا .....

متفاهمين

فينا اللي يدير كل أشغاله و يروح ديراكت لمنتدى اللمة الجزائرية
هاذاك راه حبو ربي ، حاب يتلاقى مع صحابوا
و خاصة الأعضاء تع منتدى واش راك تهدر
يحب يقرعج معاهم ، هههه ، يفرغ قلبوا و يفوت يتغدا

في الحقيقة
كاين ناس بزاف ، أدمنت منتدى اللمة الجزائرية _o:
ولينا نحبوه المنتدى هذا

و ماكانش نهار مانزوروهش

أنا واحد من الناس ، و الله نقولكم الحق أدمنت اللمة الجزائرية حقيقة
شاركت في الكثير من المنتديات ، و الكثير و الكثير
من كثرة ما شاركت بالمنتديات العربية و حتى الأجنبية
ولين ننسى اسم الدخول و كلمة السر

و جامي حبيت منتدى كيف هذا المنتدى الرائع
و جامي لقيت قسم مليح كيف منتدى واش راك تهدر
مارغري كاين المنتديات الجزائرية بزاف
بصح هذا وحدو
و بون مباااااااااااااااااااااااااااااااااااااااااااااااااااااااالغة

و بما أنني أصبحت مشرفا ، هاذاك وين زاد حبي للمنتدى أكثر
لابوات تع الرسائل الخاصة ماهيش حابسة خلاص
هذا النهار كي حبسوها راه نبهل

بصح راني تعقلت و قلت درك يرجعوها
و صح رجعت و الحمد لله ، و السلام عليكم ..



الآن وصلنا للمهم :

و نحب الصراحة من فضلكم و الله يخليكم
الصراحة راحة

كل واحد فيكم يقولنا الصح
هل أدمن منتدى اللمة الجزائرية أو لا ؟؟
و كي يدخل ، عندو مقصد ما ؟ أم اللهو برك
من جيهتي كل الأعضاء يبادروا لكي يحسنوا المنتدى ...

و بارك الله فيكم ..............

هذا الموضوع إنجز بمساعدة : شوقي16
ماعاونيش بالكتيبة
بصح عاوني بالأيفونات
بارك الله فيك خويا ....

إليكم الخط ....


​

 

[** غزال الصحراء **]

هذا ما يسمى بالإدمان الإيجابي =) .

 

[M!ss D!or]

أنا وحدة من الناس مدمنة بأتم معنى الكلمة كل يوم لازم ندخل لللمة ولاتلي traitment​

(راهي 4 تاع لعشية ومازال ماتغديتش بسبابها :crying_1​

ندخل نتقرعج على حال لبلاد وين راهي واصلة ونفيد
و نستفيد

مشكوووور و ربي يكون في عونا​

 

[NICHA03]

و الله يا خويا صح اللمة ولينا مدمنين عليها بزاف و انا ندخللها ماشي للهو ولا باش نسلي روحي ندخل نقرا و نشوف واش راهي صاري في بلادنا نعطي وجهة نظري واقيل قادرة تكون تساعد واحد لا المهم المساهمة و انشاء الله اللمة تبقى بيتنا الثاني

 

[دعاء19]

واش تقولوا عليا انا نصبح فيها ونتمسا عليها ههههههه راني وليت اكثر من مدمنة بصراحة تعديت الادمان ههههههه وفتوا
والمقصد ديالي بالتاكيد هو نفيد ونستفيد ونعرف اخبار جيراني
وشكرا اخي الفاضل على الموضوع القيم بارك الله فيك

 

[aidouch]

...صح و الله في هادي عندك الحق
انا في الاول قبل من سجل فيه كنت
ما عندي حاجة في النت
مام ويدا استعملته
ماشي حاجة كبيرة
بصح راهي في عام و شوية ملي
سجلت فيه
و الله توالفته
ووليت كلما
نكمل شغلي نجي ديراكت للمة
و الكثرة ركن واش راك تهدر
نحس روحي مرتاحة:smile: فيه و بين خاوتي
خاصة كينهدرو بلهجتنا:thumb_up2: و الله هادا الكثرة اللي واش
عجبني فيه بزااف
وليت يلزم كل يوم ندير موضوع مام ولا مدرتش مواضيع يلزملي نشوف كامل المواضيع
اللي راهم هنا و اللي يعجبني نرد عليه
.....
المهم علابالي نهدر بزاااف ههههه:tongue_2:
بصح جابلي ربي هاد الادمان لمصلحتنا
مشكووور اخي
تقبل مروري اختك عايدة:re_gards:
​

 

[جوانا]

عندك الحق خويا ولينا مدمنين فعلا
لازم كل يوم ندخلو للمنتدى و رانا كل يوم نتلاقاو في منتدى تقول معناش في حياتنا غيل هاد منتدى
تحياتي

 

[نجـStarــمة]

أيا يعطيك الصحة خيو والله عندك الحق
أنا وليت مهبولة باللمة خلاص
مي خسارة ما عنديش وقت بزااااف كيفكم
أيا المهم درك نجاوبك
ايييي ويييي انا من مدمني اللمة و والله نقلق كون ما ندخلش ليها
ما نعرف علاه والله ربي دارلها بلاصة في قلبي الله يبارك
أيا نخليك على خير خيو
دمت بكل الود...
لك مني ارق واعذب سلام












​

 

[khalil hip hop]

صدقت ماقلت وحان الوقت لي انا

انا كي نثور الصباح نثور 9.00 هكذاك نروح نشرب قهوتي ومن بعد نروح الى اللمة نظرب عليها طلة اذا كان فيها

الجديد راني شاركت واذا مافيها والوا ندير موضوع ونروح نقضي قضيات البيت نتاعنا ومن بعد نعاود نرجع نلق

موضوعي ردوا عليه نبدأ اقتبساتي والسلام عليكم
​

 

[khalil hip hop]

نسيت كلمة مشكور خويا على الموضوع المميز واللذي يستحق التقدير

والتقييم والسلام عليكم
​

 

[assoma]

وعليكم السلام خويا
مانكذبش عليك
انا اللمة ساكنتلي في الدم
ونموت على هذا القسم
نلقى فيه راحت البال
والله نهار الي قطعنا النت
ماوليتش ناكل
وليت نوم غير باللمة
ربي يخليهالنا
شكرا على الموضوع خويا​

 

[missa_1]

يا حصراه عليك انا يما قالتلي ضروك نجيب الامام ونزوجك بيه
خطرات وين تلحق تبغي تضربني بصح نهربلها

 

[EL General]

شكرا لكم جميعا على المرور الرائع

و وجهة نظركم صااائبة

بالتوووفيق ....
​

 

[the_end]

عندك الحق خويا في كامل واش قلت
مام انا لازم كل يوم ندخل لمنتدى اللمة
عجبني قبل ما نسجل فيه
تحياتي

 

[DARINE05]

والله صح يا خويا انا ثاني ملفة نشارك في منتديات مي جامي جبدني منتدى كيما هذا
علكيف يدخل العبد يثقف من قداه ولاية
مرسييييييي

 

[EL General]

صحيح تماما

حتى أنا قبل ما نسجل في منتدى اللمة عجبني و خاصة الستيل تاعه


​

 

[العاطفي]

والله صراحة
وليت مدمن نتاع الصح
ولابد أنه كاين سبب وراءه
............
؟؟
​

 

[حلمي النسيان]

حتى انا درت بزاف منتديات مي كنت نحس روحي فيها بلي غريبة مانحسش روحي بيان​

و صعيب باش نتواصل مع الاعضاء لتم​

بصح من نهار اللي جيت اللمة و الله الواحد يحس روحه في داره​

و تعرفت على ناس هنا ماكانش كيفهم​

سيفري انا مانيش مدمنة على النت بصح اذا دخلت و مالقيتش اللمة و الله غير تحكمني الغمة

و مين ندخللها ديفوا هبال و تقرجيع و شوية تمنشير في واش راك تهدر
و ديـــــــــفوا نستفيد من المواضيع القيمة طبعا​

مالقري ديفوا تسماط بصح هكذا و مانقدش عليها​

مرسي خويا ميسي بومب على الموضوع الفور​

و ربي يخلينا لمتنا ان شاء الله​

بيـــــــــــــس​

 

[السلطانة]

وعليكم السلام
اكيد انا من اشد المدمنات على اللمة
ومن لايعرف شرطية اللمة اللاصقة بالباتاكس هههه
حاولت اني نقص شوي من السهرة بصح ماقدرتش
كون منضربهاش ل02 تاع الصباح ولا للفجر متحلاليش
رشيت في اللمة
العفسة تاع الصباح نحيتها علاخاطر الوالدة واقفتلي بالعصا عند راسي
بصح راني نغفلها ونضرب طلة وفي لعشية نقعد على راحتي
شكرا على الموضوع اخ مارادونا

 

[SaRa MosTa]

والله غير عندك الصح خويا
انا واحدة من الناس كل يووم ندخل للمة ولاتلي عااادة كون مندخلش مرانيش عارفة واش يصرالي
المهم ربي يدوم محبتنا ونكونو ديما متلمين
وشكرااا ليك على الطرح القيم​