:sheer: سلاام شبيبة اللمة:sheer:
واش راكم..:heh:
ان شاء الله تكونو لابـــــــــااااس:thumb_up2:
و الله توحشتكم
عندي يومين مادرتش مواضيع
مانعرف تكونو توحشتوني..ولا تهنيتو مني..
هههههه علابالي هادي ماشي هدرة نقولها
بصح ما عليش ماديروش علياا:shay:
ايا ندخلو في المفيد ...والسيريوو
خلينا من التمسخير:mellow:
ايا و الله سمعت بواحد الحاجة صرات
وين نسكن و حبيت نحكيهالكم
و نقولكم لاVيريتي راني
مشوكية
hmy:
ايا عندنا طفلة عندها22 سنة ملي تزوجت الطفلة شابة و عاقلة ماخصها والو الله يبارك عليها
قالك نهار عرسها كيلبست حوايجها تاع التصديرة
باش تخرج تتصدر (كيما لعرايس كامل)
خرجتها يماها و داتها
و العروسة كانت تهبل ما شاء الله
كامل بداو يزغرتو عليها و يصفقولها حتى وصلت لبلاصتها
ايا الطفلة قعدت و يماها قاعدة تتصور معاها
حتى الطفلة ولات تشوف فلو(كيشغل الضباب داخل الصالة)
و قاعدة تقول ليماها:يما راني نشوف فلو
هي ماكملتش هدرتها حتى ماولات تشوف والو الحالة كامل مضلامة ولات تقول ليماها: علاه الصالة فيها الضلمة هكا...
اشعلو الضوء
اياا يماها مامنتش بنتها و قاعدة تشد في يد بنتها و تسكت فيها و تقرالها في القراان
هي عمبالها التوتر و التقلاق و الحشمة
و الكومبلاكس تع العرس هو اللي راه يديرلها هكاا
امبعد اواااه الحالة طولت و العروسة ما هيش تشووف والووو
...ايـــــــــــــــــــويي...
العروسة مسكينة تنعمات نهار عرسها
ايا الغاشي كامل سمع و فاق بها بلي عامية
حبسو العرس
وطلعوها لبيتها و كلمو العريس(زوجها)
الطفلة مسكينة شبعت بكااء قاعدة تندب و تعيط على واش صرا فيها
ايا كي جا راجلها شافها هاكا قاعد مسكين يصبر فيها و قالها متخمميش اللي فيه الخير يجيبو ربي
و قالهم انا هادي هي الي خيرتها تكون مرتي و نكمل معاها بقية حياتي
و نديها كيما راهي
انا واش يضمنلي كي نروح للدار نوصل بخير و مايصرالي والو في الطريق
انا مومن و نامن بالقضاء و القدر
(هادو هما الرجال ولا خليني:re_gards
و ما سمحش فيها و تزوجها على سنة الله و رسوله
*****
غدوة من داك داوها لطبيب
و قعدت عام كامل تشوف في الطبايب
ما خلات حتى واحد ما زرتوش
ميي الله غالب ما صابولهاش الحل
كامل قالولها كلمة واحدة
ما عندنا منديرولك تقعدي عامية:sadwalk:
ممبعد كيشافت هكا راحت رقات و قالها هداك الراقي
يا بنتي هادي عين اللي صابتك نهار عرسك و راهي واعرة بزززاف
ما تقدريش تشوفي حتى كاش ما يصرا لهادي اللي عيناتك و لا حتى تموت
...روح يا زمان و يا الايام
جابت 3 دراري و كبرتهم
و عاشت هكا عامية
حتى واحد نهار ناضت و لقات روحها تشووف
فرحت بززااف و راحت كلمت دارهم في التيليفون
رفد خوها و علماتو بلي راهي تشوف هي ما كملتش هدرتها قالها خوها
يا اختي يماك راهي ماتت اليوم...
ايويييييييي امنو ولا ريحو يماها هي اللي عينتها....
ربي معانا و ان شاء الله يحفضنا و يسترنا من العين و التابعة
......
قادر اي شخص يعينا حتى ولو كان قريب منا
(يمانا...بابانا..احبابنا..خاوتنا.....)
و انتما واش رايكم ما تشوكيتوش:du_nno:
انا و الله راني حايرة:scared:
واش راكم..:heh:
ان شاء الله تكونو لابـــــــــااااس:thumb_up2:
و الله توحشتكم
عندي يومين مادرتش مواضيع
مانعرف تكونو توحشتوني..ولا تهنيتو مني..
هههههه علابالي هادي ماشي هدرة نقولها
بصح ما عليش ماديروش علياا:shay:
ايا ندخلو في المفيد ...والسيريوو
خلينا من التمسخير:mellow:
ايا و الله سمعت بواحد الحاجة صرات
وين نسكن و حبيت نحكيهالكم
و نقولكم لاVيريتي راني
مشوكية
hmy:ايا عندنا طفلة عندها22 سنة ملي تزوجت الطفلة شابة و عاقلة ماخصها والو الله يبارك عليها
قالك نهار عرسها كيلبست حوايجها تاع التصديرة
باش تخرج تتصدر (كيما لعرايس كامل)
خرجتها يماها و داتها
و العروسة كانت تهبل ما شاء الله
كامل بداو يزغرتو عليها و يصفقولها حتى وصلت لبلاصتها
ايا الطفلة قعدت و يماها قاعدة تتصور معاها
حتى الطفلة ولات تشوف فلو(كيشغل الضباب داخل الصالة)
و قاعدة تقول ليماها:يما راني نشوف فلو
هي ماكملتش هدرتها حتى ماولات تشوف والو الحالة كامل مضلامة ولات تقول ليماها: علاه الصالة فيها الضلمة هكا...
اشعلو الضوء
اياا يماها مامنتش بنتها و قاعدة تشد في يد بنتها و تسكت فيها و تقرالها في القراان
هي عمبالها التوتر و التقلاق و الحشمة
و الكومبلاكس تع العرس هو اللي راه يديرلها هكاا
امبعد اواااه الحالة طولت و العروسة ما هيش تشووف والووو
...ايـــــــــــــــــــويي...
العروسة مسكينة تنعمات نهار عرسها
ايا الغاشي كامل سمع و فاق بها بلي عامية
حبسو العرس
وطلعوها لبيتها و كلمو العريس(زوجها)
الطفلة مسكينة شبعت بكااء قاعدة تندب و تعيط على واش صرا فيها
ايا كي جا راجلها شافها هاكا قاعد مسكين يصبر فيها و قالها متخمميش اللي فيه الخير يجيبو ربي
و قالهم انا هادي هي الي خيرتها تكون مرتي و نكمل معاها بقية حياتي
و نديها كيما راهي
انا واش يضمنلي كي نروح للدار نوصل بخير و مايصرالي والو في الطريق
انا مومن و نامن بالقضاء و القدر
(هادو هما الرجال ولا خليني:re_gards
و ما سمحش فيها و تزوجها على سنة الله و رسوله
*****
غدوة من داك داوها لطبيب
و قعدت عام كامل تشوف في الطبايب
ما خلات حتى واحد ما زرتوش
ميي الله غالب ما صابولهاش الحل
كامل قالولها كلمة واحدة
ما عندنا منديرولك تقعدي عامية:sadwalk:
ممبعد كيشافت هكا راحت رقات و قالها هداك الراقي
يا بنتي هادي عين اللي صابتك نهار عرسك و راهي واعرة بزززاف
ما تقدريش تشوفي حتى كاش ما يصرا لهادي اللي عيناتك و لا حتى تموت
...روح يا زمان و يا الايام
جابت 3 دراري و كبرتهم
و عاشت هكا عامية
حتى واحد نهار ناضت و لقات روحها تشووف
فرحت بززااف و راحت كلمت دارهم في التيليفون
رفد خوها و علماتو بلي راهي تشوف هي ما كملتش هدرتها قالها خوها
يا اختي يماك راهي ماتت اليوم...
ايويييييييي امنو ولا ريحو يماها هي اللي عينتها....
ربي معانا و ان شاء الله يحفضنا و يسترنا من العين و التابعة
......
قادر اي شخص يعينا حتى ولو كان قريب منا
(يمانا...بابانا..احبابنا..خاوتنا.....)
و انتما واش رايكم ما تشوكيتوش:du_nno:
انا و الله راني حايرة:scared:
آخر تعديل:
