- إنضم
- 26 ديسمبر 2009
- المشاركات
- 1,608
- نقاط التفاعل
- 1
- نقاط الجوائز
- 157
السلام عليكم
تنويه : انا تاني نكره المواضيع الطويلة مي الله غالب اختصرت على قد ما نقدر
الو
اهلا حسان كي راك خويا ؟؟؟
الحمد لله ربي يخليك
شوف علبالي درك تبدى تلوم فيا مي سامحني نتع الصح و الله ما قدرت نحضر عرسك كانت عندي شوية ضروف و .....
واش من عرس يرحم باباك ؟؟؟
علاه يا حسان غير الخير راك خلعتني ؟؟؟ واش بيها المرى ياك غير الخير ؟؟؟
غير كون ماتت تهنيت منها
احكيلي واش صرا راك راسي حبستو
كيما علبالك راني تزوجت من 21 يوم . من بعد العرس بيومين قلت للمرى نحي الموبيل درك ما عندك ما ديري بيه . في الأول قالت لالا و من بعد اقنعتها و نحاتوا . فاتت ايامات كنت خدام يعيطلي راجل يقول لي انت هو حسان ؟؟ انعم ايه .. شوف انا راني كنت نمشي مع مرتك قبل ما تتزوجها و بقيت نحكي معاها بعد ما تزوجت . روح للدار درك نعيطلها و تقاها تحكي معايا
روحت للدار دخلت بالعقل حبة حبة . كانت في الشمبرا غير انا دخلت و هي رمات حاجة تحت المخدة
رفدتها و نلقى الموبيل ...
عبد السلام : شاب جزائري من الطبقة ما تحت الفقيرة . سنين و اعوام و هو يضرب في ذراعو باش يتزوج و يدير الدار و فعلا تزوج و جاب المرى
في السمانة الثانية من الزواج نتاعو يعيطلو شخص و يقولو فلانة مرتك راني كنت معاها و راهم عندي ليفوطو نتاوعها
اليوم راح نحكي على واحد السوجي هادا شحال و انا نخمم فيه
تخيل معي عزيزي القارئ حفظنا الله و اياكم تتزوج بفتاة يعني ما عندكش بزاف منين عرفتها
و بعد مرور ايام قلائل من الزواج تكتشف بلي تعشق في واحد اخر
يعني هنا راح يكون الوحد في مثل بقرة اللي ما جيباش خبر للي صاري حولها
و اكيد لو اكتشف الأمر قادر يقوم بأي فعل
تخيل معايا كيفاش راح يكون موقفو قدام ناسو و احبابو
ابسط كلمة قادر يسمعها هي :
شوفوا واش جاب مرى لدارو
عمار و كريمة : 6 سنوات و هوما مع بعض عرفها عامين قبل ما تطلع للجامعة
طلعت للجامعة .. يخدم و يصرف على اللالة 4 سنين حتى قريب ينسيها في باباها
و في الأخير نهار اللي تخرجت قالتلو انت ما تلزمنيش انت زوالي و sans niveau
و impossible الا نقدروا نعيشوا مع بعض
ما نعرف وين كانت هادي نتع sans niveau في 6 سنين اللي فاتو ؟؟
تتزوج من واحد اخر ... عندو ليفوطو نتاوعها و عندو les preuves عليها
مي كي ولى ولد حلال قالها : روحي راكي مسامحة يا بنت الناس
و هنا صاحبنا راه يمثل في دور : انا نربي و الناس تدي
و قادر يستعمل النظرية القائلة : نديها ولا نحرم
دركا نحكيوا على الموضوع
كامل سمعتوا بمشاكل كيما هادو صراوا
كل واحد فينا على الأقل عندو واحد من اصحابو او اقاربو صرات معاه كيما هاد القصص
* تربي : يجي غيرك يدي
تعرف طفلة تمشي معاها بالصفى و النية ما نعرف الا 5 ولا 6 سنين و انت ما تشوفش من غيرها
تنحي من روحك و تزيد فيها . و من بعد في اخر القصة تبدلك براس بصلة
* تديه بلا ما تعرفها : تصيب عندها mauvais passé
و هادي اصعب من الأولى باسكو ما جاتش من زميلتو . جات من مرتو حلالو و اللي هازة اسمو
سيرتو عقلية : معاك و نتخيل فيك هو . و هنا صاحبنا يولي
ما فهمت فيها والو مسكينة
ربي يعافينا و يعفو عنا
