ساعدوني بليز تخصصي علوم وتكنواوجيا

[سارة30]

السلام عليكم جميعا رجاء انا من ولاية قسنطينة تم توجيهي علوم وتكنولوجيا اريد بعض المعلومات عن هدا التخصص وهل تتوفر فيه الاعمال وماهي المواد التي تدرس في هدا التخصص

 

[Dr.CrAzY]

وعليكم السلام
مليحة علوم وتكنولوجيا
عندك عامين جذع مشترك
رايحة تقراي ياسر الرياضيات والفيزياء
مبعد في السنة الثالثة تخيري لاسبيسياليتي
كاين حوايج ياسر
سوا ميكانيك ولا هندسة كهربائية
فيهم فروع ياسر
عندك ماتخيري وتختاري

​

 

[سارة30]

شكرااااااااااااااا

شكرااااااااااااكتير على المعلووووووووووووووووووووومات

 

[chou_big]

سلام عليكم
وشراح نقولك اختي الكريمة
راني نقرى فيها
فيليار تشمل جميع تخصصات الهندسة
الواد الاساسية فيها هي فيزيك والمات
و فيها عامين جذع مشترك وعام تخصص وعندك اذا حبيتي تزيدي تكملي ماستر 1 وماستر 2 و الدكتورا ان شاء الله

 

[يمينة42]

تخصص مليح ... ممكن حتى تدرسي بيه ... بالتوفيق​

 

[سارة30]

شكرااااااااااااااااااااااااااااااااااااااااااااااااا

 

[anissa 13]

لي عودة للموضوع
حقيقة ماعنديش معلومات بزاف على المواد المدروسة فيه
لكن نعرف تخصصاتو
دوك نرجع​

 

[louna91]

السلام عليكم.انا راني نقرا هاد التخصص.هي شعبة مليحة بزاف و تان فيها تخصصات بزاف ملاح.كيما نسمع بلي فيها الخدمة. ان شاء الله موفقة يا رب.......

 

[hadjer dz]

انا تاني ديت هاد العام الباك 13.38 وبعتوني علوم وتكنولوجيا جامعة باب الزوار بصح قالولي تخصص واعر بزاف اومافيهش مستقبل اوزيدlmd يعني نكملوا3سنين ديالنا او نقعدوا فاالدار انا راني خايفة بزاف باسكوا ماشي قاع هادا واش كنت حابة اسمحيلي علابالي بلي طولت عليك

سلام ​

 

[meghni-zizou]

السلام عليكم و رحمة الله تعالى و بركاته
​

انا تاني عطوني علوم و تكنولوجيا في جامعة ورقلة

هيا مليحة على حسب ما يقولوا بصح العام الاول فيه التعب و لقرايا ياسر

و العام هذا داروها تقرا عام جذع مشترك و في العام الثاني تتخصص

مش كيما قبل عامين و مباعد تتخصص
​

 

[meryouma1992]

خــــــــــــــــــــــــوتي بغيت نسقسيكم هاد شعبة مليحة للبـــــــنت يعني اذا دارت هندسة كهربائية ولا ميكانيكية
واش تخرج في المستقبل

 

[NOURREDINE ZGHARI]

هدي التخصص راني نقرى فيه
هيا ساهلة مش واعرة بزاف بصح لي يقرا
المواد الاساسية فيها : math .chemie.physique
هيا شعبة يعيطولها : tst تراطي سيك تراطي
هيا شعبة نتاع LMd : يعيطولها عندانا : ليكيدي ماكسيمو لي زيتيديو
العام الاول تقراي عادي تخدمو بالكريدي لازملك 60 كريدي........ الفترة الاولى 30 والثانية 30
فيها المواد لي ذكرتهملك الساع يسموها لينيتي فوندامونتال
ومواد اخرى : INFORMATIQUE.SIENCE DE
LATTER.FRANCAIS
وكاش استفسار راني هنا
​

 

[saw23]

انا ايضا وجهوني لنفس التخصص واضن انو تخصص مليح